| Library / Tipiṭaka / ತಿಪಿಟಕ • Tipiṭaka / ವಜಿರಬುದ್ಧಿ-ಟೀಕಾ • Vajirabuddhi-ṭīkā |
೪. ಸಕ್ಕಚ್ಚವಗ್ಗವಣ್ಣನಾ
4. Sakkaccavaggavaṇṇanā
೬೦೯. ಸೂಪೋದನವಿಞ್ಞತ್ತಿಸಿಕ್ಖಾಪದೇ ‘‘ಸೂಪೋ ನಾಮ ದ್ವೇ ಸೂಪಾ’’ತಿ ನ ವುತ್ತಂ ಸೂಪಗ್ಗಹಣೇನ ಪಣೀತಭೋಜನೇಹಿ ಅವಸೇಸಾನಂ ಸಬ್ಬಭೋಜನಾನಂ ಸಙ್ಗಣ್ಹನತ್ಥಂ। ಅನಾಪತ್ತಿವಾರೇ ಚಸ್ಸ ‘‘ಞಾತಕಾನಂ ಪವಾರಿತಾನಂ ಅಞ್ಞಸ್ಸತ್ಥಾಯ ಅತ್ತನೋ ಧನೇನಾ’’ತಿ ಇದಂ ಅಧಿಕಂ। ಕತ್ಥಚಿ ಪೋತ್ಥಕೇ ‘‘ಅನಾಪತ್ತಿ ಅಸಞ್ಚಿಚ್ಚ ಅಸತಿಯಾ ಅಜಾನನ್ತಸ್ಸ ಗಿಲಾನಸ್ಸ ಆಪದಾಸೂ’’ತಿ ಏತ್ತಕಮೇವ ವುತ್ತಂ, ತಂ ನ, ‘‘ಸಮಸೂಪಕಂ ಪಿಣ್ಡಪಾತಂ ಭುಞ್ಜಿಸ್ಸಾಮೀ’’ತಿ ಇಮಸ್ಸ ಅನಾಪತ್ತಿವಾರೇ ‘‘ಅಞ್ಞಸ್ಸತ್ಥಾಯಾ’’ತಿ ಕತ್ಥಚಿ ಲಿಖಿತಂ, ತಞ್ಚ ಪಮಾದವಸೇನ ಲಿಖಿತಂ। ‘‘ಮುಖೇ ಪಕ್ಖಿಪಿತ್ವಾ ಪುನ ವಿಪ್ಪಟಿಸಾರೀ ಹುತ್ವಾ ಓಗಿಲಿತುಕಾಮಸ್ಸಪಿ ಸಹಸಾ ಚೇ ಪವಿಸತಿ, ಏತ್ಥ ‘ಅಸಞ್ಚಿಚ್ಚಾ’ತಿ ವುಚ್ಚತಿ। ವಿಞ್ಞತ್ತಮ್ಪಿ ಅವಿಞ್ಞತ್ತಮ್ಪಿ ಏಕಸ್ಮಿಂ ಠಾನೇ ಠಿತಂ ಸಹಸಾ ಅನುಪಧಾರೇತ್ವಾ ಗಹೇತ್ವಾ ಭುಞ್ಜನ್ತೋ ‘ಅಸತಿಯಾ’ತಿ ವುಚ್ಚತೀ’’ತಿ ಲಿಖಿತಂ, ಅನಾಪತ್ತಿವಾರೇ ಏಕಚ್ಚೇಸು ಪೋತ್ಥಕೇಸು ‘‘ರಸರಸೇತಿ ಲಿಖಿತಂ, ತಂ ಗಹೇತಬ್ಬ’’ನ್ತಿ ವುತ್ತಂ।
609.Sūpodanaviññattisikkhāpade ‘‘sūpo nāma dve sūpā’’ti na vuttaṃ sūpaggahaṇena paṇītabhojanehi avasesānaṃ sabbabhojanānaṃ saṅgaṇhanatthaṃ. Anāpattivāre cassa ‘‘ñātakānaṃ pavāritānaṃ aññassatthāya attano dhanenā’’ti idaṃ adhikaṃ. Katthaci potthake ‘‘anāpatti asañcicca asatiyā ajānantassa gilānassa āpadāsū’’ti ettakameva vuttaṃ, taṃ na, ‘‘samasūpakaṃ piṇḍapātaṃ bhuñjissāmī’’ti imassa anāpattivāre ‘‘aññassatthāyā’’ti katthaci likhitaṃ, tañca pamādavasena likhitaṃ. ‘‘Mukhe pakkhipitvā puna vippaṭisārī hutvā ogilitukāmassapi sahasā ce pavisati, ettha ‘asañciccā’ti vuccati. Viññattampi aviññattampi ekasmiṃ ṭhāne ṭhitaṃ sahasā anupadhāretvā gahetvā bhuñjanto ‘asatiyā’ti vuccatī’’ti likhitaṃ, anāpattivāre ekaccesu potthakesu ‘‘rasaraseti likhitaṃ, taṃ gahetabba’’nti vuttaṃ.
ಸಕ್ಕಚ್ಚವಗ್ಗವಣ್ಣನಾ ನಿಟ್ಠಿತಾ।
Sakkaccavaggavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಮಹಾವಿಭಙ್ಗ • Mahāvibhaṅga / ೪. ಸಕ್ಕಚ್ಚವಗ್ಗೋ • 4. Sakkaccavaggo
