| Library / Tipiṭaka / ತಿಪಿಟಕ • Tipiṭaka / ವಿಮತಿವಿನೋದನೀ-ಟೀಕಾ • Vimativinodanī-ṭīkā |
೪. ಸಕ್ಕಚ್ಚವಗ್ಗವಣ್ಣನಾ
4. Sakkaccavaggavaṇṇanā
೬೦೮. ಚತುತ್ಥವಗ್ಗಾದೀಸು ಸಪದಾನನ್ತಿ ಏತ್ಥ ದಾನಂ ವುಚ್ಚತಿ ಅವಖಣ್ಡನಂ, ಅಪೇತಂ ದಾನತೋ ಅಪದಾನಂ, ಸಹ ಅಪದಾನೇನ ಸಪದಾನಂ, ಅವಖಣ್ಡನವಿರಹಿತಂ ಅನುಪಟಿಪಾಟಿಯಾತಿ ವುತ್ತಂ ಹೋತಿ। ತೇನಾಹ ‘‘ತತ್ಥ ತತ್ಥ ಓಧಿಂ ಅಕತ್ವಾ’’ತಿಆದಿ।
608. Catutthavaggādīsu sapadānanti ettha dānaṃ vuccati avakhaṇḍanaṃ, apetaṃ dānato apadānaṃ, saha apadānena sapadānaṃ, avakhaṇḍanavirahitaṃ anupaṭipāṭiyāti vuttaṃ hoti. Tenāha ‘‘tattha tattha odhiṃ akatvā’’tiādi.
೬೧೧. ವಿಞ್ಞತ್ತಿಯನ್ತಿ ಸೂಪೋದನವಿಞ್ಞತ್ತಿಸಿಕ್ಖಾಪದಂ ಸನ್ಧಾಯ ವದತಿ। ‘‘ವತ್ತಬ್ಬಂ ನತ್ಥೀ’’ತಿ ಇಮಿನಾ ಪಾಳಿಯಾವ ಸಬ್ಬಂ ವಿಞ್ಞಾಯತೀತಿ ದಸ್ಸೇತಿ। ತತ್ಥ ಪಾಳಿಯಂ ಅಸಞ್ಚಿಚ್ಚಾತಿಆದೀಸು ವತ್ಥುಮತ್ತಂ ಞತ್ವಾ ಭುಞ್ಜನೇನ ಆಪತ್ತಿಂ ಆಪಜ್ಜನ್ತಸ್ಸೇವ ಪುನ ಪಣ್ಣತ್ತಿಂ ಞತ್ವಾ ಮುಖಗತಂ ಛಡ್ಡೇತುಕಾಮಸ್ಸ ಯಂ ಅರುಚಿಯಾ ಪವಿಟ್ಠಂ, ತಂ ಅಸಞ್ಚಿಚ್ಚ ಪವಿಟ್ಠಂ ನಾಮ, ತತ್ಥ ಅನಾಪತ್ತಿ। ತದೇವ ಪುನ ಅಞ್ಞವಿಹಿತತಾಯ ವಾ ಅವಿಞ್ಞತ್ತಮಿದನ್ತಿಸಞ್ಞಾಯ ವಾ ಭುಞ್ಜನೇ ‘‘ಅಸತಿಯಾ’’ತಿ ವುಚ್ಚತಿ।
611.Viññattiyanti sūpodanaviññattisikkhāpadaṃ sandhāya vadati. ‘‘Vattabbaṃ natthī’’ti iminā pāḷiyāva sabbaṃ viññāyatīti dasseti. Tattha pāḷiyaṃ asañciccātiādīsu vatthumattaṃ ñatvā bhuñjanena āpattiṃ āpajjantasseva puna paṇṇattiṃ ñatvā mukhagataṃ chaḍḍetukāmassa yaṃ aruciyā paviṭṭhaṃ, taṃ asañcicca paviṭṭhaṃ nāma, tattha anāpatti. Tadeva puna aññavihitatāya vā aviññattamidantisaññāya vā bhuñjane ‘‘asatiyā’’ti vuccati.
೬೧೩. ‘‘ಅಞ್ಞಸ್ಸತ್ಥಾಯಾ’’ತಿ ಇದಮಸ್ಸ ಸಿಕ್ಖಾಪದಸ್ಸ ಅತ್ತನೋ ಅತ್ಥಾಯ ವಿಞ್ಞಾಪೇತ್ವಾ ಸಯಂ ಭುಞ್ಜನೇ ಏವ ಪಞ್ಞತ್ತತ್ತಾ ಇಮಿನಾ ಸಿಕ್ಖಾಪದೇನ ಅನಾಪತ್ತಿಂ ಸನ್ಧಾಯ ವುತ್ತಂ। ಪಞ್ಚಸಹಧಮ್ಮಿಕಾನಂ ಪನ ಅತ್ಥಾಯ ಅಞ್ಞಾತಕಅಪ್ಪವಾರಿತಟ್ಠಾನೇ ವಿಞ್ಞಾಪೇನ್ತೋ ವಿಞ್ಞತ್ತಿಕ್ಖಣೇ ಅಟ್ಠಕಥಾಸು ಸುತ್ತಾನುಲೋಮತೋ ವುತ್ತಅಕತವಿಞ್ಞತ್ತಿದುಕ್ಕಟತೋ ನ ಮುಚ್ಚತಿ। ಸಞ್ಚಿಚ್ಚ ಭುಞ್ಜನಕ್ಖಣೇ ಸಯಞ್ಚ ಅಞ್ಞೇ ಚ ಮಿಚ್ಛಾಜೀವತೋ ನ ಮುಚ್ಚನ್ತೀತಿ ಗಹೇತಬ್ಬಂ।
613.‘‘Aññassatthāyā’’ti idamassa sikkhāpadassa attano atthāya viññāpetvā sayaṃ bhuñjane eva paññattattā iminā sikkhāpadena anāpattiṃ sandhāya vuttaṃ. Pañcasahadhammikānaṃ pana atthāya aññātakaappavāritaṭṭhāne viññāpento viññattikkhaṇe aṭṭhakathāsu suttānulomato vuttaakataviññattidukkaṭato na muccati. Sañcicca bhuñjanakkhaṇe sayañca aññe ca micchājīvato na muccantīti gahetabbaṃ.
೬೧೫. ‘‘ಕುಕ್ಕುಟಣ್ಡಂ ಅತಿಖುದ್ದಕ’’ನ್ತಿ ಇದಂ ಅಸಾರುಪ್ಪವಸೇನ ವುತ್ತಂ, ಅತಿಮಹನ್ತೇ ಏವ ಆಪತ್ತೀತಿ ದಟ್ಠಬ್ಬಂ। ಭುಞ್ಜನ್ತೇನ ಪನ ಚೋರಾದಿಭಯಂ ಪಟಿಚ್ಚ ಮಹನ್ತಮ್ಪಿ ಅಪರಿಮಣ್ಡಲಮ್ಪಿ ಕತ್ವಾ ಸೀಘಂ ಭುಞ್ಜನವಸೇನೇತ್ಥ ಆಪದಾ। ಏವಮಞ್ಞೇಸುಪಿ ಯಥಾನುರೂಪಂ ದಟ್ಠಬ್ಬಂ।
615.‘‘Kukkuṭaṇḍaṃ atikhuddaka’’nti idaṃ asāruppavasena vuttaṃ, atimahante eva āpattīti daṭṭhabbaṃ. Bhuñjantena pana corādibhayaṃ paṭicca mahantampi aparimaṇḍalampi katvā sīghaṃ bhuñjanavasenettha āpadā. Evamaññesupi yathānurūpaṃ daṭṭhabbaṃ.
ಸಕ್ಕಚ್ಚವಗ್ಗವಣ್ಣನಾ ನಿಟ್ಠಿತಾ।
Sakkaccavaggavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಮಹಾವಿಭಙ್ಗ • Mahāvibhaṅga / ೪. ಸಕ್ಕಚ್ಚವಗ್ಗೋ • 4. Sakkaccavaggo
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಮಹಾವಿಭಙ್ಗ-ಅಟ್ಠಕಥಾ • Mahāvibhaṅga-aṭṭhakathā / ೪. ಸಕ್ಕಚ್ಚವಗ್ಗವಣ್ಣನಾ • 4. Sakkaccavaggavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā / ೪. ಸಕ್ಕಚ್ಚವಗ್ಗವಣ್ಣನಾ • 4. Sakkaccavaggavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi / ೪. ಸಕ್ಕಚ್ಚವಗ್ಗ-ಅತ್ಥಯೋಜನಾ • 4. Sakkaccavagga-atthayojanā
