| Library / Tipiṭaka / ਤਿਪਿਟਕ • Tipiṭaka / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā |
੪. ਸਕ੍ਕਚ੍ਚવਗ੍ਗવਣ੍ਣਨਾ
4. Sakkaccavaggavaṇṇanā
੬੦੮. ਚਤੁਤ੍ਥવਗ੍ਗੇ ਸਪਦਾਨਨ੍ਤਿ ਏਤ੍ਥ ਦਾਨਂ વੁਚ੍ਚਤਿ ਅવਖਣ੍ਡਨਂ, ਅਪੇਤਂ ਦਾਨਤੋ ਅਪਦਾਨਂ, ਅਨવਖਣ੍ਡਨਨ੍ਤਿ ਅਤ੍ਥੋ। ਸਹ ਅਪਦਾਨੇਨ ਸਪਦਾਨਂ, ਅવਖਣ੍ਡਨવਿਰਹਿਤਂ , ਅਨੁਪਟਿਪਾਟਿਯਾਤਿ વੁਤ੍ਤਂ ਹੋਤਿ। ਤੇਨਾਹ ‘‘ਤਤ੍ਥ ਤਤ੍ਥ ਓਧਿਂ ਅਕਤ੍વਾ ਅਨੁਪਟਿਪਾਟਿਯਾ’’ਤਿ।
608. Catutthavagge sapadānanti ettha dānaṃ vuccati avakhaṇḍanaṃ, apetaṃ dānato apadānaṃ, anavakhaṇḍananti attho. Saha apadānena sapadānaṃ, avakhaṇḍanavirahitaṃ , anupaṭipāṭiyāti vuttaṃ hoti. Tenāha ‘‘tattha tattha odhiṃ akatvā anupaṭipāṭiyā’’ti.
੬੧੧. ਯਸ੍ਮਿਂ ਸਮਯੇ ‘‘ਪਾਣੋ ਨ ਹਨ੍ਤਬ੍ਬੋ’’ਤਿ ਰਾਜਾਨੋ ਭੇਰਿਂ ਚਰਾਪੇਨ੍ਤਿ, ਅਯਂ ਮਾਘਾਤਸਮਯੋ ਨਾਮ। ਇਧ ਅਨਾਪਤ੍ਤਿਯਂ ਗਿਲਾਨੋ ਨ ਆਗਤੋ, ਤਸ੍ਮਾ ਗਿਲਾਨਸ੍ਸਪਿ ਆਪਤ੍ਤਿ। ਸੂਪੋਦਨવਿਞ੍ਞਤ੍ਤਿਸਿਕ੍ਖਾਪਦੇ ਅਸਞ੍ਚਿਚ੍ਚ ਅਸ੍ਸਤਿਯਾਤਿ ਏਤ੍ਥ ‘‘ਮੁਖੇ ਪਕ੍ਖਿਪਿਤ੍વਾ ਪੁਨ વਿਪ੍ਪਟਿਸਾਰੀ ਹੁਤ੍વਾ ਛਡ੍ਡੇਨ੍ਤਸ੍ਸ ਅਰੁਚਿਯਾ ਪવਿਸਨ੍ਤੇ ‘ਅਸਞ੍ਚਿਚ੍ਚਾ’ਤਿ વੁਚ੍ਚਤਿ, વਿਞ੍ਞਤ੍ਤਿਮ੍ਪਿ ਅવਿਞ੍ਞਤ੍ਤਿਮ੍ਪਿ ਏਤਸ੍ਮਿਂ ਠਾਨੇ ਠਿਤਂ ਸਹਸਾ ਗਹੇਤ੍વਾ ਭੁਞ੍ਜਨ੍ਤੇ ‘ਅਸ੍ਸਤਿਯਾ’ਤਿ વੁਚ੍ਚਤੀ’’ਤਿ ਤੀਸੁਪਿ ਗਣ੍ਠਿਪਦੇਸੁ વੁਤ੍ਤਂ।
611. Yasmiṃ samaye ‘‘pāṇo na hantabbo’’ti rājāno bheriṃ carāpenti, ayaṃ māghātasamayo nāma. Idha anāpattiyaṃ gilāno na āgato, tasmā gilānassapi āpatti. Sūpodanaviññattisikkhāpade asañcicca assatiyāti ettha ‘‘mukhe pakkhipitvā puna vippaṭisārī hutvā chaḍḍentassa aruciyā pavisante ‘asañciccā’ti vuccati, viññattimpi aviññattimpi etasmiṃ ṭhāne ṭhitaṃ sahasā gahetvā bhuñjante ‘assatiyā’ti vuccatī’’ti tīsupi gaṇṭhipadesu vuttaṃ.
੬੧੪-੬੧੫. ਉਜ੍ਝਾਨੇ ਸਞ੍ਞਾ ਉਜ੍ਝਾਨਸਞ੍ਞਾ, ਸਾ ਅਸ੍ਸ ਅਤ੍ਥੀਤਿ ਉਜ੍ਝਾਨਸਞ੍ਞੀ। ‘‘ਮਯੂਰਣ੍ਡਂ ਅਤਿਮਹਨ੍ਤ’’ਨ੍ਤਿ વਚਨਤੋ ਮਯੂਰਣ੍ਡਪ੍ਪਮਾਣੋ ਕਬਲ਼ੋ ਨ વਟ੍ਟਤਿ। ਕੇਚਿ ਪਨ ‘‘ਮਯੂਰਣ੍ਡਤੋ ਮਹਨ੍ਤੋ ਨ વਟ੍ਟਤੀ’’ਤਿ વਦਨ੍ਤਿ, ਤਂ ਨ ਗਹੇਤਬ੍ਬਂ, ‘‘ਨਾਤਿਮਹਨ੍ਤ’’ਨ੍ਤਿ ਚ ਅਤਿਮਹਨ੍ਤਸ੍ਸੇવ ਪਟਿਕ੍ਖਿਤ੍ਤਤ੍ਤਾ ਖੁਦ੍ਦਕੇ ਆਪਤ੍ਤਿ ਨ ਦਿਸ੍ਸਤਿ। ‘‘ਮਯੂਰਣ੍ਡਂ ਅਤਿਮਹਨ੍ਤਂ, ਕੁਕ੍ਕੁਟਣ੍ਡਂ ਅਤਿਖੁਦ੍ਦਕਂ, ਤੇਸਂ વੇਮਜ੍ਝਪ੍ਪਮਾਣੋ’’ਤਿ ਇਮਿਨਾ ਪਨ ਸਾਰੁਪ੍ਪવਸੇਨ ਖੁਦ੍ਦਕਮ੍ਪਿ ਪਟਿਕ੍ਖਿਪਿਤ੍વਾ ਪਰਿਚ੍ਛੇਦੋ ਨ ਦਸ੍ਸਿਤੋਤਿ વੇਦਿਤਬ੍ਬਂ।
614-615. Ujjhāne saññā ujjhānasaññā, sā assa atthīti ujjhānasaññī. ‘‘Mayūraṇḍaṃ atimahanta’’nti vacanato mayūraṇḍappamāṇo kabaḷo na vaṭṭati. Keci pana ‘‘mayūraṇḍato mahanto na vaṭṭatī’’ti vadanti, taṃ na gahetabbaṃ, ‘‘nātimahanta’’nti ca atimahantasseva paṭikkhittattā khuddake āpatti na dissati. ‘‘Mayūraṇḍaṃ atimahantaṃ, kukkuṭaṇḍaṃ atikhuddakaṃ, tesaṃ vemajjhappamāṇo’’ti iminā pana sāruppavasena khuddakampi paṭikkhipitvā paricchedo na dassitoti veditabbaṃ.
ਸਕ੍ਕਚ੍ਚવਗ੍ਗવਣ੍ਣਨਾ ਨਿਟ੍ਠਿਤਾ।
Sakkaccavaggavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੪. ਸਕ੍ਕਚ੍ਚવਗ੍ਗੋ • 4. Sakkaccavaggo
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੪. ਸਕ੍ਕਚ੍ਚવਗ੍ਗવਣ੍ਣਨਾ • 4. Sakkaccavaggavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੪. ਸਕ੍ਕਚ੍ਚવਗ੍ਗવਣ੍ਣਨਾ • 4. Sakkaccavaggavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੪. ਸਕ੍ਕਚ੍ਚવਗ੍ਗ-ਅਤ੍ਥਯੋਜਨਾ • 4. Sakkaccavagga-atthayojanā
