| Library / Tipiṭaka / ਤਿਪਿਟਕ • Tipiṭaka / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā |
੪. ਸਕ੍ਕਚ੍ਚવਗ੍ਗવਣ੍ਣਨਾ
4. Sakkaccavaggavaṇṇanā
੬੦੮. ਚਤੁਤ੍ਥવਗ੍ਗਾਦੀਸੁ ਸਪਦਾਨਨ੍ਤਿ ਏਤ੍ਥ ਦਾਨਂ વੁਚ੍ਚਤਿ ਅવਖਣ੍ਡਨਂ, ਅਪੇਤਂ ਦਾਨਤੋ ਅਪਦਾਨਂ, ਸਹ ਅਪਦਾਨੇਨ ਸਪਦਾਨਂ, ਅવਖਣ੍ਡਨવਿਰਹਿਤਂ ਅਨੁਪਟਿਪਾਟਿਯਾਤਿ વੁਤ੍ਤਂ ਹੋਤਿ। ਤੇਨਾਹ ‘‘ਤਤ੍ਥ ਤਤ੍ਥ ਓਧਿਂ ਅਕਤ੍વਾ’’ਤਿਆਦਿ।
608. Catutthavaggādīsu sapadānanti ettha dānaṃ vuccati avakhaṇḍanaṃ, apetaṃ dānato apadānaṃ, saha apadānena sapadānaṃ, avakhaṇḍanavirahitaṃ anupaṭipāṭiyāti vuttaṃ hoti. Tenāha ‘‘tattha tattha odhiṃ akatvā’’tiādi.
੬੧੧. વਿਞ੍ਞਤ੍ਤਿਯਨ੍ਤਿ ਸੂਪੋਦਨવਿਞ੍ਞਤ੍ਤਿਸਿਕ੍ਖਾਪਦਂ ਸਨ੍ਧਾਯ વਦਤਿ। ‘‘વਤ੍ਤਬ੍ਬਂ ਨਤ੍ਥੀ’’ਤਿ ਇਮਿਨਾ ਪਾਲ਼ਿਯਾવ ਸਬ੍ਬਂ વਿਞ੍ਞਾਯਤੀਤਿ ਦਸ੍ਸੇਤਿ। ਤਤ੍ਥ ਪਾਲ਼ਿਯਂ ਅਸਞ੍ਚਿਚ੍ਚਾਤਿਆਦੀਸੁ વਤ੍ਥੁਮਤ੍ਤਂ ਞਤ੍વਾ ਭੁਞ੍ਜਨੇਨ ਆਪਤ੍ਤਿਂ ਆਪਜ੍ਜਨ੍ਤਸ੍ਸੇવ ਪੁਨ ਪਣ੍ਣਤ੍ਤਿਂ ਞਤ੍વਾ ਮੁਖਗਤਂ ਛਡ੍ਡੇਤੁਕਾਮਸ੍ਸ ਯਂ ਅਰੁਚਿਯਾ ਪવਿਟ੍ਠਂ, ਤਂ ਅਸਞ੍ਚਿਚ੍ਚ ਪવਿਟ੍ਠਂ ਨਾਮ, ਤਤ੍ਥ ਅਨਾਪਤ੍ਤਿ। ਤਦੇવ ਪੁਨ ਅਞ੍ਞવਿਹਿਤਤਾਯ વਾ ਅવਿਞ੍ਞਤ੍ਤਮਿਦਨ੍ਤਿਸਞ੍ਞਾਯ વਾ ਭੁਞ੍ਜਨੇ ‘‘ਅਸਤਿਯਾ’’ਤਿ વੁਚ੍ਚਤਿ।
611.Viññattiyanti sūpodanaviññattisikkhāpadaṃ sandhāya vadati. ‘‘Vattabbaṃ natthī’’ti iminā pāḷiyāva sabbaṃ viññāyatīti dasseti. Tattha pāḷiyaṃ asañciccātiādīsu vatthumattaṃ ñatvā bhuñjanena āpattiṃ āpajjantasseva puna paṇṇattiṃ ñatvā mukhagataṃ chaḍḍetukāmassa yaṃ aruciyā paviṭṭhaṃ, taṃ asañcicca paviṭṭhaṃ nāma, tattha anāpatti. Tadeva puna aññavihitatāya vā aviññattamidantisaññāya vā bhuñjane ‘‘asatiyā’’ti vuccati.
੬੧੩. ‘‘ਅਞ੍ਞਸ੍ਸਤ੍ਥਾਯਾ’’ਤਿ ਇਦਮਸ੍ਸ ਸਿਕ੍ਖਾਪਦਸ੍ਸ ਅਤ੍ਤਨੋ ਅਤ੍ਥਾਯ વਿਞ੍ਞਾਪੇਤ੍વਾ ਸਯਂ ਭੁਞ੍ਜਨੇ ਏવ ਪਞ੍ਞਤ੍ਤਤ੍ਤਾ ਇਮਿਨਾ ਸਿਕ੍ਖਾਪਦੇਨ ਅਨਾਪਤ੍ਤਿਂ ਸਨ੍ਧਾਯ વੁਤ੍ਤਂ। ਪਞ੍ਚਸਹਧਮ੍ਮਿਕਾਨਂ ਪਨ ਅਤ੍ਥਾਯ ਅਞ੍ਞਾਤਕਅਪ੍ਪવਾਰਿਤਟ੍ਠਾਨੇ વਿਞ੍ਞਾਪੇਨ੍ਤੋ વਿਞ੍ਞਤ੍ਤਿਕ੍ਖਣੇ ਅਟ੍ਠਕਥਾਸੁ ਸੁਤ੍ਤਾਨੁਲੋਮਤੋ વੁਤ੍ਤਅਕਤવਿਞ੍ਞਤ੍ਤਿਦੁਕ੍ਕਟਤੋ ਨ ਮੁਚ੍ਚਤਿ। ਸਞ੍ਚਿਚ੍ਚ ਭੁਞ੍ਜਨਕ੍ਖਣੇ ਸਯਞ੍ਚ ਅਞ੍ਞੇ ਚ ਮਿਚ੍ਛਾਜੀવਤੋ ਨ ਮੁਚ੍ਚਨ੍ਤੀਤਿ ਗਹੇਤਬ੍ਬਂ।
613.‘‘Aññassatthāyā’’ti idamassa sikkhāpadassa attano atthāya viññāpetvā sayaṃ bhuñjane eva paññattattā iminā sikkhāpadena anāpattiṃ sandhāya vuttaṃ. Pañcasahadhammikānaṃ pana atthāya aññātakaappavāritaṭṭhāne viññāpento viññattikkhaṇe aṭṭhakathāsu suttānulomato vuttaakataviññattidukkaṭato na muccati. Sañcicca bhuñjanakkhaṇe sayañca aññe ca micchājīvato na muccantīti gahetabbaṃ.
੬੧੫. ‘‘ਕੁਕ੍ਕੁਟਣ੍ਡਂ ਅਤਿਖੁਦ੍ਦਕ’’ਨ੍ਤਿ ਇਦਂ ਅਸਾਰੁਪ੍ਪવਸੇਨ વੁਤ੍ਤਂ, ਅਤਿਮਹਨ੍ਤੇ ਏવ ਆਪਤ੍ਤੀਤਿ ਦਟ੍ਠਬ੍ਬਂ। ਭੁਞ੍ਜਨ੍ਤੇਨ ਪਨ ਚੋਰਾਦਿਭਯਂ ਪਟਿਚ੍ਚ ਮਹਨ੍ਤਮ੍ਪਿ ਅਪਰਿਮਣ੍ਡਲਮ੍ਪਿ ਕਤ੍વਾ ਸੀਘਂ ਭੁਞ੍ਜਨવਸੇਨੇਤ੍ਥ ਆਪਦਾ। ਏવਮਞ੍ਞੇਸੁਪਿ ਯਥਾਨੁਰੂਪਂ ਦਟ੍ਠਬ੍ਬਂ।
615.‘‘Kukkuṭaṇḍaṃ atikhuddaka’’nti idaṃ asāruppavasena vuttaṃ, atimahante eva āpattīti daṭṭhabbaṃ. Bhuñjantena pana corādibhayaṃ paṭicca mahantampi aparimaṇḍalampi katvā sīghaṃ bhuñjanavasenettha āpadā. Evamaññesupi yathānurūpaṃ daṭṭhabbaṃ.
ਸਕ੍ਕਚ੍ਚવਗ੍ਗવਣ੍ਣਨਾ ਨਿਟ੍ਠਿਤਾ।
Sakkaccavaggavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੪. ਸਕ੍ਕਚ੍ਚવਗ੍ਗੋ • 4. Sakkaccavaggo
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੪. ਸਕ੍ਕਚ੍ਚવਗ੍ਗવਣ੍ਣਨਾ • 4. Sakkaccavaggavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੪. ਸਕ੍ਕਚ੍ਚવਗ੍ਗવਣ੍ਣਨਾ • 4. Sakkaccavaggavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੪. ਸਕ੍ਕਚ੍ਚવਗ੍ਗ-ਅਤ੍ਥਯੋਜਨਾ • 4. Sakkaccavagga-atthayojanā
