| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
2. сагганаамасуд̇д̇ам̣
2. Sakkanāmasuttaṃ
258. саавад̇т̇ияам̣ ж̇зд̇аванз. д̇ад̇ра ко бхаг̇аваа бхигкуу зд̇ад̣̇авожа – ‘‘сагго, бхигкавз, д̣̇зваанаминд̣̇о буб̣б̣з мануссабхууд̇о самаано магхо наама маан̣аво ахоси, д̇асмаа магхаваад̇и вужжад̇и.
258. Sāvatthiyaṃ jetavane. Tatra kho bhagavā bhikkhū etadavoca – ‘‘sakko, bhikkhave, devānamindo pubbe manussabhūto samāno magho nāma māṇavo ahosi, tasmā maghavāti vuccati.
‘‘сагго, бхигкавз, д̣̇зваанаминд̣̇о буб̣б̣з мануссабхууд̇о самаано бурз 1 д̣̇аанам̣ ад̣̇ааси, д̇асмаа буринд̣̇ад̣̇од̇и вужжад̇и.
‘‘Sakko, bhikkhave, devānamindo pubbe manussabhūto samāno pure 2 dānaṃ adāsi, tasmā purindadoti vuccati.
‘‘сагго, бхигкавз, д̣̇зваанаминд̣̇о буб̣б̣з мануссабхууд̇о самаано саггажжам̣ д̣̇аанам̣ ад̣̇ааси, д̇асмаа саггод̇и вужжад̇и.
‘‘Sakko, bhikkhave, devānamindo pubbe manussabhūto samāno sakkaccaṃ dānaṃ adāsi, tasmā sakkoti vuccati.
‘‘сагго , бхигкавз, д̣̇зваанаминд̣̇о буб̣б̣з мануссабхууд̇о самаано аавасат̇ам̣ ад̣̇ааси, д̇асмаа ваасавод̇и вужжад̇и.
‘‘Sakko , bhikkhave, devānamindo pubbe manussabhūto samāno āvasathaṃ adāsi, tasmā vāsavoti vuccati.
‘‘сагго, бхигкавз, д̣̇зваанаминд̣̇о сахассамби ад̇т̇аанам̣ мухуд̇д̇зна жинд̇зд̇и, д̇асмаа сахассагкод̇и вужжад̇и.
‘‘Sakko, bhikkhave, devānamindo sahassampi atthānaṃ muhuttena cinteti, tasmā sahassakkhoti vuccati.
‘‘саггасса, бхигкавз, д̣̇зваанаминд̣̇асса суж̇аа наама асураган̃н̃аа баж̇аабад̇и, д̇асмаа суж̇амбад̇ийд̇и вужжад̇и.
‘‘Sakkassa, bhikkhave, devānamindassa sujā nāma asurakaññā pajāpati, tasmā sujampatīti vuccati.
‘‘сагго, бхигкавз, д̣̇зваанаминд̣̇о д̣̇зваанам̣ д̇аавад̇им̣саанам̣ иссарияаад̇хибажжам̣ раж̇ж̇ам̣ гаарзд̇и, д̇асмаа д̣̇зваанаминд̣̇од̇и вужжад̇и.
‘‘Sakko, bhikkhave, devānamindo devānaṃ tāvatiṃsānaṃ issariyādhipaccaṃ rajjaṃ kāreti, tasmā devānamindoti vuccati.
‘‘саггасса , бхигкавз д̣̇зваанаминд̣̇асса буб̣б̣з мануссабхууд̇асса сад̇д̇а вад̇абад̣̇аани самад̇д̇аани самаад̣̇иннаани ахзсум̣, язсам̣ самаад̣̇иннад̇д̇аа сагго саггад̇д̇ам̣ аж̇жхаг̇аа. гад̇амаани сад̇д̇а вад̇абад̣̇аани? яааваж̇ийвам̣ маад̇аабзд̇д̇ибхаро ассам̣, яааваж̇ийвам̣ гулз ж̇здтаабажааяий ассам̣, яааваж̇ийвам̣ сан̣хаваажо ассам̣, яааваж̇ийвам̣ абисун̣аваажо ассам̣, яааваж̇ийвам̣ виг̇ад̇амаламажчзрзна жзд̇асаа аг̇аарам̣ аж̇жхаавасзяяам̣ муд̇д̇ажааг̇о баяад̇абаан̣и воссаг̇г̇арад̇о яаажаяог̇о д̣̇аанасам̣вибхааг̇арад̇о, яааваж̇ийвам̣ сажжаваажо ассам̣, яааваж̇ийвам̣ аггод̇хано ассам̣ – сажзби мз год̇хо уббаж̇ж̇зяяа, киббамзва нам̣ бадивинзяяа’’нд̇и. ‘‘саггасса, бхигкавз, д̣̇зваанаминд̣̇асса буб̣б̣з мануссабхууд̇асса имаани сад̇д̇а вад̇абад̣̇аани самад̇д̇аани самаад̣̇иннаани ахзсум̣, язсам̣ самаад̣̇иннад̇д̇аа сагго саггад̇д̇ам̣ аж̇жхаг̇аа’’д̇и.
‘‘Sakkassa , bhikkhave devānamindassa pubbe manussabhūtassa satta vatapadāni samattāni samādinnāni ahesuṃ, yesaṃ samādinnattā sakko sakkattaṃ ajjhagā. Katamāni satta vatapadāni? Yāvajīvaṃ mātāpettibharo assaṃ, yāvajīvaṃ kule jeṭṭhāpacāyī assaṃ, yāvajīvaṃ saṇhavāco assaṃ, yāvajīvaṃ apisuṇavāco assaṃ, yāvajīvaṃ vigatamalamaccherena cetasā agāraṃ ajjhāvaseyyaṃ muttacāgo payatapāṇi vossaggarato yācayogo dānasaṃvibhāgarato, yāvajīvaṃ saccavāco assaṃ, yāvajīvaṃ akkodhano assaṃ – sacepi me kodho uppajjeyya, khippameva naṃ paṭivineyya’’nti. ‘‘Sakkassa, bhikkhave, devānamindassa pubbe manussabhūtassa imāni satta vatapadāni samattāni samādinnāni ahesuṃ, yesaṃ samādinnattā sakko sakkattaṃ ajjhagā’’ti.
‘‘маад̇аабзд̇д̇ибхарам̣ ж̇анд̇ум̣, гулз ж̇здтаабажааяинам̣;
‘‘Mātāpettibharaṃ jantuṃ, kule jeṭṭhāpacāyinaṃ;
сан̣хам̣ сакиласамбхаасам̣, бзсун̣зяяаббахааяинам̣.
Saṇhaṃ sakhilasambhāsaṃ, pesuṇeyyappahāyinaṃ.
‘‘мажчзравинаяз яуд̇д̇ам̣, сажжам̣ год̇хаабхибхум̣ нарам̣;
‘‘Maccheravinaye yuttaṃ, saccaṃ kodhābhibhuṃ naraṃ;
д̇ам̣ вз д̣̇зваа д̇аавад̇им̣саа, ааху саббурисо ид̇ий’’д̇и.
Taṃ ve devā tāvatiṃsā, āhu sappuriso itī’’ti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2. сагганаамасуд̇д̇аван̣н̣анаа • 2. Sakkanāmasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2. сагганаамасуд̇д̇аван̣н̣анаа • 2. Sakkanāmasuttavaṇṇanā
