Library / Tipiṭaka / तिपिटक • Tipiṭaka / संयुत्तनिकाय • Saṃyuttanikāya

    २. सक्‍कनामसुत्तं

    2. Sakkanāmasuttaṃ

    २३६. एकं समयं भगवा राजगहे विहरति गिज्झकूटे पब्बते। अथ खो सक्‍कनामको यक्खो येन भगवा तेनुपसङ्कमि; उपसङ्कमित्वा भगवन्तं गाथाय अज्झभासि –

    236. Ekaṃ samayaṃ bhagavā rājagahe viharati gijjhakūṭe pabbate. Atha kho sakkanāmako yakkho yena bhagavā tenupasaṅkami; upasaṅkamitvā bhagavantaṃ gāthāya ajjhabhāsi –

    ‘‘सब्बगन्थप्पहीनस्स , विप्पमुत्तस्स ते सतो।

    ‘‘Sabbaganthappahīnassa , vippamuttassa te sato;

    समणस्स न तं साधु, यदञ्‍ञमनुसाससी’’ति 1॥

    Samaṇassa na taṃ sādhu, yadaññamanusāsasī’’ti 2.

    ‘‘येन केनचि वण्णेन, संवासो सक्‍क जायति।

    ‘‘Yena kenaci vaṇṇena, saṃvāso sakka jāyati;

    न तं अरहति सप्पञ्‍ञो, मनसा अनुकम्पितुं॥

    Na taṃ arahati sappañño, manasā anukampituṃ.

    ‘‘मनसा चे पसन्‍नेन, यदञ्‍ञमनुसासति।

    ‘‘Manasā ce pasannena, yadaññamanusāsati;

    न तेन होति संयुत्तो, यानुकम्पा 3 अनुद्दया’’ति॥

    Na tena hoti saṃyutto, yānukampā 4 anuddayā’’ti.




    Next: ३. सूचिलोमसुत्तं • 3. Sūcilomasuttaṃ




    Footnotes:
    1. यदञ्‍ञमनुसासतीति (सी॰ स्या॰ कं॰ पी॰)
    2. yadaññamanusāsatīti (sī. syā. kaṃ. pī.)
    3. सानुकम्पा (सी॰ पी॰)
    4. sānukampā (sī. pī.)



    Related texts:



    अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / २. सक्‍कनामसुत्तवण्णना • 2. Sakkanāmasuttavaṇṇanā

    टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā) / २. सक्‍कनामसुत्तवण्णना • 2. Sakkanāmasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact