Library / Tipiṭaka / តិបិដក • Tipiṭaka / សំយុត្តនិកាយ • Saṃyuttanikāya

    ២. សក្កនាមសុត្តំ

    2. Sakkanāmasuttaṃ

    ២៣៦. ឯកំ សមយំ ភគវា រាជគហេ វិហរតិ គិជ្ឈកូដេ បព្ពតេ។ អថ ខោ សក្កនាមកោ យក្ខោ យេន ភគវា តេនុបសង្កមិ; ឧបសង្កមិត្វា ភគវន្តំ គាថាយ អជ្ឈភាសិ –

    236. Ekaṃ samayaṃ bhagavā rājagahe viharati gijjhakūṭe pabbate. Atha kho sakkanāmako yakkho yena bhagavā tenupasaṅkami; upasaṅkamitvā bhagavantaṃ gāthāya ajjhabhāsi –

    ‘‘សព្ពគន្ថប្បហីនស្ស , វិប្បមុត្តស្ស តេ សតោ;

    ‘‘Sabbaganthappahīnassa , vippamuttassa te sato;

    សមណស្ស ន តំ សាធុ, យទញ្ញមនុសាសសី’’តិ 1។

    Samaṇassa na taṃ sādhu, yadaññamanusāsasī’’ti 2.

    ‘‘យេន កេនចិ វណ្ណេន, សំវាសោ សក្ក ជាយតិ;

    ‘‘Yena kenaci vaṇṇena, saṃvāso sakka jāyati;

    ន តំ អរហតិ សប្បញ្ញោ, មនសា អនុកម្បិតុំ។

    Na taṃ arahati sappañño, manasā anukampituṃ.

    ‘‘មនសា ចេ បសន្នេន, យទញ្ញមនុសាសតិ;

    ‘‘Manasā ce pasannena, yadaññamanusāsati;

    ន តេន ហោតិ សំយុត្តោ, យានុកម្បា 3 អនុទ្ទយា’’តិ។

    Na tena hoti saṃyutto, yānukampā 4 anuddayā’’ti.




    Next: ៣. សូចិលោមសុត្តំ • 3. Sūcilomasuttaṃ




    Footnotes:
    1. យទញ្ញមនុសាសតីតិ (សី. ស្យា. កំ. បី.)
    2. yadaññamanusāsatīti (sī. syā. kaṃ. pī.)
    3. សានុកម្បា (សី. បី.)
    4. sānukampā (sī. pī.)



    Related texts:



    អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ២. សក្កនាមសុត្តវណ្ណនា • 2. Sakkanāmasuttavaṇṇanā

    ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ២. សក្កនាមសុត្តវណ្ណនា • 2. Sakkanāmasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact