Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya

    ၂. သက္ကနာမသုတ္တံ

    2. Sakkanāmasuttaṃ

    ၂၃၆. ဧကံ သမယံ ဘဂဝာ ရာဇဂဟေ ဝိဟရတိ ဂိဇ္ဈကူဋေ ပဗ္ဗတေ။ အထ ခော သက္ကနာမကော ယက္ခော ယေန ဘဂဝာ တေနုပသင္ကမိ; ဥပသင္ကမိတ္ဝာ ဘဂဝန္တံ ဂာထာယ အဇ္ဈဘာသိ –

    236. Ekaṃ samayaṃ bhagavā rājagahe viharati gijjhakūṭe pabbate. Atha kho sakkanāmako yakkho yena bhagavā tenupasaṅkami; upasaṅkamitvā bhagavantaṃ gāthāya ajjhabhāsi –

    ‘‘သဗ္ဗဂန္ထပ္ပဟီနသ္သ ၊ ဝိပ္ပမုတ္တသ္သ တေ သတော။

    ‘‘Sabbaganthappahīnassa , vippamuttassa te sato;

    သမဏသ္သ န တံ သာဓု၊ ယဒညမနုသာသသီ’’တိ 1။

    Samaṇassa na taṃ sādhu, yadaññamanusāsasī’’ti 2.

    ‘‘ယေန ကေနစိ ဝဏ္ဏေန၊ သံဝာသော သက္က ဇာယတိ။

    ‘‘Yena kenaci vaṇṇena, saṃvāso sakka jāyati;

    န တံ အရဟတိ သပ္ပညော၊ မနသာ အနုကမ္ပိတုံ။

    Na taṃ arahati sappañño, manasā anukampituṃ.

    ‘‘မနသာ စေ ပသန္နေန၊ ယဒညမနုသာသတိ။

    ‘‘Manasā ce pasannena, yadaññamanusāsati;

    န တေန ဟောတိ သံယုတ္တော၊ ယာနုကမ္ပာ 3 အနုဒ္ဒယာ’’တိ။

    Na tena hoti saṃyutto, yānukampā 4 anuddayā’’ti.




    Next: ၃. သူစိလောမသုတ္တံ • 3. Sūcilomasuttaṃ




    Footnotes:
    1. ယဒညမနုသာသတီတိ (သီ. သ္ယာ. ကံ. ပီ.)
    2. yadaññamanusāsatīti (sī. syā. kaṃ. pī.)
    3. သာနုကမ္ပာ (သီ. ပီ.)
    4. sānukampā (sī. pī.)



    Related texts:



    အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၂. သက္ကနာမသုတ္တဝဏ္ဏနာ • 2. Sakkanāmasuttavaṇṇanā

    ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၂. သက္ကနာမသုတ္တဝဏ္ဏနာ • 2. Sakkanāmasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact