| Library / Tipiṭaka / តិបិដក • Tipiṭaka / សំយុត្តនិកាយ (ដីកា) • Saṃyuttanikāya (ṭīkā) |
២. សក្កនាមសុត្តវណ្ណនា
2. Sakkanāmasuttavaṇṇanā
២៣៦. សក្កនាមកោតិ ពលិបុត្តោ វិយ សក្កស្ស វសេន គហិតនាមោ។ ‘‘ឯសោ កិរា’’តិ បាឋោ។ ‘‘ឯកោ កិរា’’តិបិ លិខន្តិ។ មារស្ស បក្ខេ គតោ មារបក្ខិកោ។ យទញ្ញន្តិ ឯត្ថ យន្តិ កិរិយាបរាមសនំ, តស្មា យំ អញ្ញស្ស អនុសាសនំ, តំ សមណស្ស ន សាធូតិ យោជនា។ ការណេនាតិ ការណមត្តេន សំវាសោ ជាយតិ។ យេន កេនចិ គហដ្ឋេន វា បព្ពជិតេន វា។ តំ ការណន្តរំ សមាគតំ បុរិសំ សប្បញ្ញោ សម្ពុទ្ធោ អនុកម្បិតុំ នារហតិ វិសេសាធិគមាភាវា, សតិ បន តស្មិំ សវិសេសំ បសាទោ ហោតីតិ។ មនសា ចេ…បេ.… ន តេន ហោតិ សំយុត្តោ សិនេហវសេន អនុកម្បា អនុទ្ទយា តស្សា អសំកិលិដ្ឋសភាវត្តា។
236.Sakkanāmakoti baliputto viya sakkassa vasena gahitanāmo. ‘‘Eso kirā’’ti pāṭho. ‘‘Eko kirā’’tipi likhanti. Mārassa pakkhe gato mārapakkhiko. Yadaññanti ettha yanti kiriyāparāmasanaṃ, tasmā yaṃ aññassa anusāsanaṃ, taṃ samaṇassa na sādhūti yojanā. Kāraṇenāti kāraṇamattena saṃvāso jāyati. Yena kenaci gahaṭṭhena vā pabbajitena vā. Taṃ kāraṇantaraṃ samāgataṃ purisaṃ sappañño sambuddho anukampituṃ nārahati visesādhigamābhāvā, sati pana tasmiṃ savisesaṃ pasādo hotīti. Manasā ce…pe… na tena hoti saṃyutto sinehavasena anukampā anuddayā tassā asaṃkiliṭṭhasabhāvattā.
សក្កនាមសុត្តវណ្ណនា និដ្ឋិតា។
Sakkanāmasuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ២. សក្កនាមសុត្តំ • 2. Sakkanāmasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ២. សក្កនាមសុត្តវណ្ណនា • 2. Sakkanāmasuttavaṇṇanā
