| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੯. ਸਕ੍ਕਙ੍ਗਪਞ੍ਹੋ
9. Sakkaṅgapañho
੯. ‘‘ਭਨ੍ਤੇ ਨਾਗਸੇਨ, ‘ਸਕ੍ਕਸ੍ਸ ਤੀਣਿ ਅਙ੍ਗਾਨਿ ਗਹੇਤਬ੍ਬਾਨੀ’ਤਿ ਯਂ વਦੇਸਿ, ਕਤਮਾਨਿ ਤਾਨਿ ਤੀਣਿ ਅਙ੍ਗਾਨਿ ਗਹੇਤਬ੍ਬਾਨੀ’’ਤਿ? ‘‘ਯਥਾ, ਮਹਾਰਾਜ, ਸਕ੍ਕੋ ਏਕਨ੍ਤਸੁਖਸਮਪ੍ਪਿਤੋ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਏਕਨ੍ਤਪવਿવੇਕਸੁਖਾਭਿਰਤੇਨ ਭવਿਤਬ੍ਬਂ। ਇਦਂ, ਮਹਾਰਾਜ, ਸਕ੍ਕਸ੍ਸ ਪਠਮਂ ਅਙ੍ਗਂ ਗਹੇਤਬ੍ਬਂ।
9. ‘‘Bhante nāgasena, ‘sakkassa tīṇi aṅgāni gahetabbānī’ti yaṃ vadesi, katamāni tāni tīṇi aṅgāni gahetabbānī’’ti? ‘‘Yathā, mahārāja, sakko ekantasukhasamappito, evameva kho, mahārāja, yoginā yogāvacarena ekantapavivekasukhābhiratena bhavitabbaṃ. Idaṃ, mahārāja, sakkassa paṭhamaṃ aṅgaṃ gahetabbaṃ.
‘‘ਪੁਨ ਚਪਰਂ, ਮਹਾਰਾਜ, ਸਕ੍ਕੋ ਦੇવੇ ਦਿਸ੍વਾ ਪਗ੍ਗਣ੍ਹਾਤਿ, ਹਾਸਮਭਿਜਨੇਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਕੁਸਲੇਸੁ ਧਮ੍ਮੇਸੁ ਅਲੀਨਮਤਨ੍ਦਿਤਂ ਸਨ੍ਤਂ ਮਾਨਸਂ ਪਗ੍ਗਹੇਤਬ੍ਬਂ, ਹਾਸਮਭਿਜਨੇਤਬ੍ਬਂ, ਉਟ੍ਠਹਿਤਬ੍ਬਂ ਘਟਿਤਬ੍ਬਂ વਾਯਮਿਤਬ੍ਬਂ । ਇਦਂ, ਮਹਾਰਾਜ, ਸਕ੍ਕਸ੍ਸ ਦੁਤਿਯਂ ਅਙ੍ਗਂ ਗਹੇਤਬ੍ਬਂ।
‘‘Puna caparaṃ, mahārāja, sakko deve disvā paggaṇhāti, hāsamabhijaneti, evameva kho, mahārāja, yoginā yogāvacarena kusalesu dhammesu alīnamatanditaṃ santaṃ mānasaṃ paggahetabbaṃ, hāsamabhijanetabbaṃ, uṭṭhahitabbaṃ ghaṭitabbaṃ vāyamitabbaṃ . Idaṃ, mahārāja, sakkassa dutiyaṃ aṅgaṃ gahetabbaṃ.
‘‘ਪੁਨ ਚਪਰਂ, ਮਹਾਰਾਜ, ਸਕ੍ਕਸ੍ਸ ਅਨਭਿਰਤਿ ਨੁਪ੍ਪਜ੍ਜਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਸੁਞ੍ਞਾਗਾਰੇ ਅਨਭਿਰਤਿ ਨ ਉਪ੍ਪਾਦੇਤਬ੍ਬਾ। ਇਦਂ, ਮਹਾਰਾਜ, ਸਕ੍ਕਸ੍ਸ ਤਤਿਯਂ ਅਙ੍ਗਂ ਗਹੇਤਬ੍ਬਂ। ਭਾਸਿਤਮ੍ਪੇਤਂ, ਮਹਾਰਾਜ, ਥੇਰੇਨ ਸੁਭੂਤਿਨਾ –
‘‘Puna caparaṃ, mahārāja, sakkassa anabhirati nuppajjati, evameva kho, mahārāja, yoginā yogāvacarena suññāgāre anabhirati na uppādetabbā. Idaṃ, mahārāja, sakkassa tatiyaṃ aṅgaṃ gahetabbaṃ. Bhāsitampetaṃ, mahārāja, therena subhūtinā –
‘‘‘ਸਾਸਨੇ ਤੇ ਮਹਾવੀਰ, ਯਤੋ ਪਬ੍ਬਜਿਤੋ ਅਹਂ।
‘‘‘Sāsane te mahāvīra, yato pabbajito ahaṃ;
ਨਾਭਿਜਾਨਾਮਿ ਉਪ੍ਪਨ੍ਨਂ, ਮਾਨਸਂ ਕਾਮਸਂਹਿਤ’’’ਨ੍ਤਿ॥
Nābhijānāmi uppannaṃ, mānasaṃ kāmasaṃhita’’’nti.
ਸਕ੍ਕਙ੍ਗਪਞ੍ਹੋ ਨવਮੋ।
Sakkaṅgapañho navamo.
