| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၅-၆. သက္ကပဉ္ဟသုတ္တာဒိဝဏ္ဏနာ
5-6. Sakkapañhasuttādivaṇṇanā
၁၁၈-၁၁၉. ဒိဋ္ဌေတိ ပစ္စက္ခဘူတေ။ ဓမ္မေတိ ဥပာဒာနက္ခန္ဓဓမ္မေ။ တတ္ထ ဟိ အတ္တာတိ ဘဝတိ သညာ ဒိဋ္ဌိ စာတိ အတ္တဘာဝသညာ။ တေနာဟ – ‘‘ဒိဋ္ဌေဝ ဓမ္မေတိ ဣမသ္မိံယေဝ အတ္တဘာဝေ’’တိ။ ‘‘တန္နိသ္သိတ’’န္တိ ဧတ္ထ တံ-သဒ္ဒေန ဟေဋ္ဌာ အဘိနန္ဒနာဒိပရိယာယေန ဝုတ္တာ တဏ္ဟာ ပစ္စာမဋ္ဌာတိ အာဟ – ‘‘တဏ္ဟာနိသ္သိတ’’န္တိ။ တံ ဥပာဒာနံ ဧတသ္သာတိ တဒုပာဒာနံ။ တေနာဟ – ‘‘တံဂဟဏ’’န္တိအာဒိ။ တဏ္ဟုပာဒာနသင္ခာတံ ဂဟဏံ ဧတသ္သာတိ တံဂဟဏံ။ ဆဋ္ဌံ ဥတ္တာနမေဝ ပဉ္စမေ ဝုတ္တနယတ္တာ။
118-119.Diṭṭheti paccakkhabhūte. Dhammeti upādānakkhandhadhamme. Tattha hi attāti bhavati saññā diṭṭhi cāti attabhāvasaññā. Tenāha – ‘‘diṭṭhevadhammeti imasmiṃyeva attabhāve’’ti. ‘‘Tannissita’’nti ettha taṃ-saddena heṭṭhā abhinandanādipariyāyena vuttā taṇhā paccāmaṭṭhāti āha – ‘‘taṇhānissita’’nti. Taṃ upādānaṃ etassāti tadupādānaṃ. Tenāha – ‘‘taṃgahaṇa’’ntiādi. Taṇhupādānasaṅkhātaṃ gahaṇaṃ etassāti taṃgahaṇaṃ. Chaṭṭhaṃ uttānameva pañcame vuttanayattā.
သက္ကပဉ္ဟသုတ္တာဒိဝဏ္ဏနာ နိဋ္ဌိတာ။
Sakkapañhasuttādivaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya
၅. သက္ကပဉ္ဟသုတ္တံ • 5. Sakkapañhasuttaṃ
၆. ပဉ္စသိခသုတ္တံ • 6. Pañcasikhasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၅-၆. သက္ကပဉ္ဟသုတ္တာဒိဝဏ္ဏနာ • 5-6. Sakkapañhasuttādivaṇṇanā
