| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
5. саггабан̃хасуд̇д̇ам̣
5. Sakkapañhasuttaṃ
118. згам̣ самаяам̣ бхаг̇аваа рааж̇аг̇ахз вихарад̇и г̇иж̇жхагуудз баб̣б̣ад̇з. ат̇а ко сагго д̣̇зваанаминд̣̇о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ адтааси. згаманд̇ам̣ тид̇о ко сагго д̣̇зваанаминд̣̇о бхаг̇аванд̇ам̣ зд̇ад̣̇авожа – ‘‘го ну ко, бханд̇з , хзд̇у, го бажжаяо язна мид̇хзгажжз сад̇д̇аа д̣̇идтзва д̇хаммз но бариниб̣б̣ааяанд̇и? го бана, бханд̇з, хзд̇у, го бажжаяо язна мид̇хзгажжз сад̇д̇аа д̣̇идтзва д̇хаммз бариниб̣б̣ааяанд̇ий’’д̇и?
118. Ekaṃ samayaṃ bhagavā rājagahe viharati gijjhakūṭe pabbate. Atha kho sakko devānamindo yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ aṭṭhāsi. Ekamantaṃ ṭhito kho sakko devānamindo bhagavantaṃ etadavoca – ‘‘ko nu kho, bhante , hetu, ko paccayo yena midhekacce sattā diṭṭheva dhamme no parinibbāyanti? Ko pana, bhante, hetu, ko paccayo yena midhekacce sattā diṭṭheva dhamme parinibbāyantī’’ti?
‘‘санд̇и ко, д̣̇зваанаминд̣̇а, жагкувин̃н̃зяяаа руубаа, идтаа ганд̇аа манаабаа бияаруубаа гаамуубасам̣хид̇аа раж̇анийяаа. д̇ан̃жз бхигку абхинанд̣̇ад̇и абхивад̣̇ад̇и аж̇жхосааяа д̇идтад̇и. д̇асса д̇ам̣ абхинанд̣̇ад̇о абхивад̣̇ад̇о аж̇жхосааяа д̇идтад̇о д̇анниссид̇ам̣ вин̃н̃аан̣ам̣ ход̇и д̇ад̣̇убаад̣̇аанам̣. саубаад̣̇аано, д̣̇зваанаминд̣̇а, бхигку но бариниб̣б̣ааяад̇и…бз….
‘‘Santi kho, devānaminda, cakkhuviññeyyā rūpā, iṭṭhā kantā manāpā piyarūpā kāmūpasaṃhitā rajanīyā. Tañce bhikkhu abhinandati abhivadati ajjhosāya tiṭṭhati. Tassa taṃ abhinandato abhivadato ajjhosāya tiṭṭhato tannissitaṃ viññāṇaṃ hoti tadupādānaṃ. Saupādāno, devānaminda, bhikkhu no parinibbāyati…pe….
‘‘санд̇и ко, д̣̇зваанаминд̣̇а, ж̇ивхаавин̃н̃зяяаа расаа…бз… санд̇и ко, д̣̇зваанаминд̣̇а, мановин̃н̃зяяаа д̇хаммаа, идтаа ганд̇аа манаабаа бияаруубаа гаамуубасам̣хид̇аа раж̇анийяаа. д̇ан̃жз бхигку абхинанд̣̇ад̇и абхивад̣̇ад̇и аж̇жхосааяа д̇идтад̇и. д̇асса д̇ам̣ абхинанд̣̇ад̇о абхивад̣̇ад̇о аж̇жхосааяа д̇идтад̇о д̇анниссид̇ам̣ вин̃н̃аан̣ам̣ ход̇и д̇ад̣̇убаад̣̇аанам̣. саубаад̣̇аано, д̣̇зваанаминд̣̇а, бхигку но бариниб̣б̣ааяад̇и. аяам̣ ко, д̣̇зваанаминд̣̇а, хзд̇у, аяам̣ бажжаяо язна мид̇хзгажжз сад̇д̇аа д̣̇идтзва д̇хаммз но бариниб̣б̣ааяанд̇и.
‘‘Santi kho, devānaminda, jivhāviññeyyā rasā…pe… santi kho, devānaminda, manoviññeyyā dhammā, iṭṭhā kantā manāpā piyarūpā kāmūpasaṃhitā rajanīyā. Tañce bhikkhu abhinandati abhivadati ajjhosāya tiṭṭhati. Tassa taṃ abhinandato abhivadato ajjhosāya tiṭṭhato tannissitaṃ viññāṇaṃ hoti tadupādānaṃ. Saupādāno, devānaminda, bhikkhu no parinibbāyati. Ayaṃ kho, devānaminda, hetu, ayaṃ paccayo yena midhekacce sattā diṭṭheva dhamme no parinibbāyanti.
‘‘санд̇и жа ко, д̣̇зваанаминд̣̇а, жагкувин̃н̃зяяаа руубаа, идтаа ганд̇аа манаабаа бияаруубаа гаамуубасам̣хид̇аа раж̇анийяаа. д̇ан̃жз бхигку наабхинанд̣̇ад̇и наабхивад̣̇ад̇и нааж̇жхосааяа д̇идтад̇и. д̇асса д̇ам̣ анабхинанд̣̇ад̇о анабхивад̣̇ад̇о анаж̇жхосааяа д̇идтад̇о на д̇анниссид̇ам̣ вин̃н̃аан̣ам̣ ход̇и, на д̇ад̣̇убаад̣̇аанам̣. анубаад̣̇аано, д̣̇зваанаминд̣̇а, бхигку бариниб̣б̣ааяад̇и…бз… .
‘‘Santi ca kho, devānaminda, cakkhuviññeyyā rūpā, iṭṭhā kantā manāpā piyarūpā kāmūpasaṃhitā rajanīyā. Tañce bhikkhu nābhinandati nābhivadati nājjhosāya tiṭṭhati. Tassa taṃ anabhinandato anabhivadato anajjhosāya tiṭṭhato na tannissitaṃ viññāṇaṃ hoti, na tadupādānaṃ. Anupādāno, devānaminda, bhikkhu parinibbāyati…pe… .
‘‘санд̇и ко, д̣̇зваанаминд̣̇а, ж̇ивхаавин̃н̃зяяаа расаа…бз… санд̇и ко, д̣̇зваанаминд̣̇а, мановин̃н̃зяяаа д̇хаммаа идтаа ганд̇аа манаабаа бияаруубаа гаамуубасам̣хид̇аа раж̇анийяаа. д̇ан̃жз бхигку наабхинанд̣̇ад̇и наабхивад̣̇ад̇и нааж̇жхосааяа д̇идтад̇и. д̇асса д̇ам̣ анабхинанд̣̇ад̇о анабхивад̣̇ад̇о анаж̇жхосааяа д̇идтад̇о на д̇анниссид̇ам̣ вин̃н̃аан̣ам̣ ход̇и на д̇ад̣̇убаад̣̇аанам̣. анубаад̣̇аано, д̣̇зваанаминд̣̇а, бхигку бариниб̣б̣ааяад̇и. аяам̣ ко, д̣̇зваанаминд̣̇а, хзд̇у, аяам̣ бажжаяо язна мид̇хзгажжз сад̇д̇аа д̣̇идтзва д̇хаммз бариниб̣б̣ааяанд̇ий’’д̇и. бан̃жамам̣.
‘‘Santi kho, devānaminda, jivhāviññeyyā rasā…pe… santi kho, devānaminda, manoviññeyyā dhammā iṭṭhā kantā manāpā piyarūpā kāmūpasaṃhitā rajanīyā. Tañce bhikkhu nābhinandati nābhivadati nājjhosāya tiṭṭhati. Tassa taṃ anabhinandato anabhivadato anajjhosāya tiṭṭhato na tannissitaṃ viññāṇaṃ hoti na tadupādānaṃ. Anupādāno, devānaminda, bhikkhu parinibbāyati. Ayaṃ kho, devānaminda, hetu, ayaṃ paccayo yena midhekacce sattā diṭṭheva dhamme parinibbāyantī’’ti. Pañcamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 5-6. саггабан̃хасуд̇д̇аад̣̇иван̣н̣анаа • 5-6. Sakkapañhasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5-6. саггабан̃хасуд̇д̇аад̣̇иван̣н̣анаа • 5-6. Sakkapañhasuttādivaṇṇanā
