Library / Tipiṭaka / д̇ибидага • Tipiṭaka / д̣̇ийгханигааяа (дийгаа) • Dīghanikāya (ṭīkā)

    8. саггабан̃хасуд̇д̇аван̣н̣анаа

    8. Sakkapañhasuttavaṇṇanā

    нид̣̇аанаван̣н̣анаа

    Nidānavaṇṇanā

    344. амб̣асан̣д̣аанам̣ ад̣̇уурабхавад̇д̇аа згоби со б̣раахман̣аг̇аамо ‘‘амб̣асан̣д̣аа’’д̇взва б̣ахуважанавасзна вужжад̇и, яат̇аа ‘‘варан̣аа наг̇ара’’нд̇и. взд̣̇и зва взд̣̇иго, взд̣̇иго зва взд̣̇ияо га-гаарасса яа-гаарам̣ гад̇ваа, д̇асмим̣ взд̣̇ияагз. д̇знааха ‘‘ман̣ивзд̣̇игаасад̣̇исзнаа’’д̇иаад̣̇и, инд̣̇анийлаад̣̇иман̣имаяавзд̣̇игаасад̣̇исзнаад̇и ад̇т̇о. буб̣б̣збийд̇и лзн̣агаран̣ад̇о буб̣б̣з, г̇ухааруубзна тид̇аа, д̣̇ваарз инд̣̇асааларугкавад̇ий жа, д̇асмаа ‘‘инд̣̇асаалаг̇ухаа’’д̇и вуд̇д̇аа буримавохаарзна.

    344. Ambasaṇḍānaṃ adūrabhavattā ekopi so brāhmaṇagāmo ‘‘ambasaṇḍā’’tveva bahuvacanavasena vuccati, yathā ‘‘varaṇā nagara’’nti. Vedi eva vediko, vediko eva vediyo ka-kārassa ya-kāraṃ katvā, tasmiṃ vediyake. Tenāha ‘‘maṇivedikāsadisenā’’tiādi, indanīlādimaṇimayavedikāsadisenāti attho. Pubbepīti leṇakaraṇato pubbe, guhārūpena ṭhitā, dvāre indasālarukkhavatī ca, tasmā ‘‘indasālaguhā’’ti vuttā purimavohārena.

    уссуггам̣ вужжад̇и абхиружи, д̇ам̣ бана б̣уд̣̇д̇хад̣̇ассанагаамад̇аавасзна, д̇ат̇аа уссааханавасзна жа бавад̇д̇ияаа ‘‘д̇хаммиго уссаахо’’д̇и вуд̇д̇ам̣. саггзна сад̣̇исо…бз… над̇т̇ийд̇и. яат̇ааха ‘‘аббамаад̣̇зна магхаваа, д̣̇зваанам̣ сздтад̇ам̣ г̇ад̇о’’д̇и (д̇ха. ба. 30). барид̇д̇агзнаад̇и абараабарам̣ б̣ахум̣ бун̃н̃агаммам̣ агад̇ваа аббамад̇д̇агзнзва бун̃н̃агаммзна.

    Ussukkaṃ vuccati abhiruci, taṃ pana buddhadassanakāmatāvasena, tathā ussāhanavasena ca pavattiyā ‘‘dhammiko ussāho’’ti vuttaṃ. Sakkena sadiso…pe… natthīti. Yathāha ‘‘appamādena maghavā, devānaṃ seṭṭhataṃ gato’’ti (dha. pa. 30). Parittakenāti aparāparaṃ bahuṃ puññakammaṃ akatvā appamattakeneva puññakammena.

    саггоби гаамам̣ махаабун̃н̃агад̇абхийруд̇д̇аано ход̇и, саад̇исаяааяа бана д̣̇иб̣б̣асамбад̇д̇ияаа вияог̇ахзд̇угзна согзна д̣̇иг̇ун̣ид̇зна маран̣абхаязна сам̣д̇аж̇ж̇ид̇о ж̇аад̇о. д̇знааха ‘‘сагго бана маран̣абхаяаабхибхууд̇о ахосий’’д̇и.

    Sakkopi kāmaṃ mahāpuññakatabhīruttāno hoti, sātisayāya pana dibbasampattiyā viyogahetukena sokena diguṇitena maraṇabhayena saṃtajjito jāto. Tenāha ‘‘sakko pana maraṇabhayābhibhūto ahosī’’ti.

    д̣̇иб̣б̣ажагкунаа д̣̇звад̇аанам̣ д̣̇ассанам̣ наама бадивиж̇жханасад̣̇исанд̇и ааха ‘‘бадивиж̇жхий’’д̇и. баадиязгго вохаарод̇и аавзн̣иго бияасамуд̣̇аахааро. марисанияасамбад̇д̇игаад̇и маарисаа. д̇зсан̃хи самбад̇д̇ияо махаанубхаавад̇ааяа саханд̇и убадтаханд̇и, ан̃н̃з аяонисоманасигаарад̇ааяа жзва аббахугааяа жа на саханд̇иязва, саа бана нзсам̣ марисанияасамбад̇д̇игад̇аа д̣̇угкавирахид̇ааяаад̇и вуд̇д̇ам̣ ‘‘нид̣̇д̣̇угкаад̇иби вуд̇д̇ам̣ ход̇ий’’д̇и. згаго ваад̇и д̣̇звабарисааяа винаа ааг̇ад̇ад̇д̇аа вуд̇д̇ам̣, маад̇алиаад̣̇аяо бана д̇аад̣̇исаа сахааяаа д̇ад̣̇ааби ахзсум̣язва. д̇ат̇аа хи вагкад̇и ‘‘аби жааяам̣ ааяасмад̇о жагганзмисад̣̇д̣̇зна д̇амхаа самаад̇химхаа вудтид̇о’’д̇и (д̣̇ий. ни. адта. 2.352). огаасам̣ наагааси саггасса н̃аан̣абарибаагам̣ ааг̇амзнд̇о, ан̃н̃зсан̃жа б̣ахуунам̣ д̣̇зваанам̣ д̇хаммаабхисамаяам̣ убабаригкамаано. сод̇и сагго.

    Dibbacakkhunā devatānaṃ dassanaṃ nāma paṭivijjhanasadisanti āha ‘‘paṭivijjhī’’ti. Pāṭiyekko vohāroti āveṇiko piyasamudāhāro. Marisaniyasampattikāti mārisā. Tesañhi sampattiyo mahānubhāvatāya sahanti upaṭṭhahanti, aññe ayonisomanasikāratāya ceva appahukāya ca na sahantiyeva, sā pana nesaṃ marisaniyasampattikatā dukkhavirahitāyāti vuttaṃ ‘‘niddukkhātipi vuttaṃ hotī’’ti. Ekako vāti devaparisāya vinā āgatattā vuttaṃ, mātaliādayo pana tādisā sahāyā tadāpi ahesuṃyeva. Tathā hi vakkhati ‘‘api cāyaṃ āyasmato cakkanemisaddena tamhā samādhimhā vuṭṭhito’’ti (dī. ni. aṭṭha. 2.352). Okāsaṃ nākāsi sakkassa ñāṇaparipākaṃ āgamento, aññesañca bahūnaṃ devānaṃ dhammābhisamayaṃ upaparikkhamāno. Soti sakko.

    званд̇и важанасамбадижчанз нибаад̇од̇и ааха ‘‘звам̣ ход̇уу’’д̇иаад̣̇и. бхад̣̇д̣̇ам̣д̇аваад̇и бана саггам̣ уд̣̇д̣̇исса нзсам̣ ааси ваад̣̇о.

    Evanti vacanasampaṭicchane nipātoti āha ‘‘evaṃ hotū’’tiādi. Bhaddaṃtavāti pana sakkaṃ uddissa nesaṃ āsi vādo.

    345. валлабхо…бз… д̇хаммам̣ сун̣аад̇ийд̇и аяамад̇т̇о г̇овинд̣̇асуд̇д̇аад̣̇ийхи (д̣̇ий. ни. 2.294) д̣̇ийбзд̇аб̣б̣о. иминаа гад̇огаасзд̇и иминаа бан̃жасикзна гад̇огаасз бхаг̇авад̇и.

    345.Vallabho…pe… dhammaṃ suṇātīti ayamattho govindasuttādīhi (dī. ni. 2.294) dīpetabbo. Iminā katokāseti iminā pañcasikhena katokāse bhagavati.

    анужарияанд̇и анужаран̣абхаавам̣, д̇ам̣ банасса анужаран̣ам̣ наама сад̣̇д̇хим̣ г̇аманамзваад̇и ааха ‘‘сахажаран̣ам̣ згад̇о г̇амана’’нд̇и.

    Anucariyanti anucaraṇabhāvaṃ, taṃ panassa anucaraṇaṃ nāma saddhiṃ gamanamevāti āha ‘‘sahacaraṇaṃ ekato gamana’’nti.

    сован̣н̣амаяанд̇и суван̣н̣амаяам̣. богкаранд̇и вийн̣ааяа д̣̇он̣имааха. д̣̇ан̣д̣од̇и вийн̣ад̣̇ан̣д̣о. взтагаад̇и д̇анд̇ийнам̣ б̣анд̇ханааяа жзва уббийл̣анааяа жа д̇хамзд̇аб̣б̣аа взтагаа. бад̇д̇аганд̇и богкарам̣. самабан̃н̃аасамужчанаа мужчзд̇ваад̇и яат̇аа самабан̃н̃аасамужчанаа гамад̇о д̇ад̇т̇а сам̣мужчанам̣ гаад̇ум̣ саггаа, звам̣ д̇ам̣ саж̇ж̇зд̇ваад̇и ад̇т̇о. ‘‘самабан̃н̃аасамужчанаа сам̣мужчзд̇ваа’’д̇и жа ид̣̇ам̣ д̣̇звалогз нияад̇ам̣ вийн̣ааваад̣̇анавид̇хим̣ санд̇хааяа вуд̇д̇ам̣. мануссалогз бана згавийсад̇и мужчанаа. д̇знзвааха вийн̣обамасуд̇д̇аван̣н̣анааяам̣ –

    Sovaṇṇamayanti suvaṇṇamayaṃ. Pokkharanti vīṇāya doṇimāha. Daṇḍoti vīṇadaṇḍo. Veṭhakāti tantīnaṃ bandhanāya ceva uppīḷanāya ca dhametabbā veṭhakā. Pattakanti pokkharaṃ. Samapaññāsamucchanā mucchetvāti yathā samapaññāsamucchanā kamato tattha saṃmucchanaṃ kātuṃ sakkā, evaṃ taṃ sajjetvāti attho. ‘‘Samapaññāsamucchanā saṃmucchetvā’’ti ca idaṃ devaloke niyataṃ vīṇāvādanavidhiṃ sandhāya vuttaṃ. Manussaloke pana ekavīsati mucchanā. Tenevāha vīṇopamasuttavaṇṇanāyaṃ –

    ‘‘сад̇д̇а сараа д̇аяо г̇аамаа, мужчанаа згавийсад̇и;

    ‘‘Satta sarā tayo gāmā, mucchanā ekavīsati;

    д̇аанаа жзгуунабан̃н̃ааса, ижжзд̇з сараман̣д̣алаа’’д̇и. (а. ни. адта. 3.55; саарад̇т̇а. дий. 3.243);

    Tānā cekūnapaññāsa, iccete saramaṇḍalā’’ti. (a. ni. aṭṭha. 3.55; sārattha. ṭī. 3.243);

    д̇ад̇т̇а чаж̇ж̇о, усабхо, г̇анд̇хааро, маж̇жхимо, бан̃жамо, д̇хзвад̇о, нисаад̣̇од̇и зд̇з сад̇д̇а сараа. чаж̇ж̇аг̇аамо, маж̇жхимаг̇аамо, саад̇хааран̣аг̇аамод̇и д̇аяо г̇аамаа, сарасамуухаад̇и ад̇т̇о. мануссалогз ваад̣̇анавид̇хинаа згзгассзва жа сарасса васзна д̇аяо д̇аяо мужчанаа гад̇ваа згавийсад̇и мужчанаа. згзгассзва жа сарасса сад̇д̇а сад̇д̇а д̇аанабхзд̣̇аа, яад̇о сарасса манд̣̇ад̇арававад̇т̇аанам̣ ход̇и, д̇з згуунабан̃н̃ааса д̇аанависзсаад̇и, д̇иссо д̣̇увз жад̇ассо, жад̇ассо д̇иссо д̣̇увз жад̇ассод̇и д̣̇ваавийсад̇и суд̇ибхзд̣̇аа ижчид̇аа, аяам̣ бана згзгасса сарасса васзна сад̇д̇а сад̇д̇а мужчанаа, анд̇арасарасса жа згаад̇и самабан̃н̃аасааяа мужчанаанам̣ яог̇яабхаавзна вийн̣ам̣ важ̇ж̇зси. д̇зна вуд̇д̇ам̣ ‘‘самабан̃н̃ааса мужчанаа сам̣мужчзд̇ваа’’д̇и. сзсад̣̇звз ж̇аанаабзнд̇о саггасса г̇аманагааланд̇и яож̇анаа.

    Tattha chajjo, usabho, gandhāro, majjhimo, pañcamo, dhevato, nisādoti ete satta sarā. Chajjagāmo, majjhimagāmo, sādhāraṇagāmoti tayo gāmā, sarasamūhāti attho. Manussaloke vādanavidhinā ekekasseva ca sarassa vasena tayo tayo mucchanā katvā ekavīsati mucchanā. Ekekasseva ca sarassa satta satta tānabhedā, yato sarassa mandataravavatthānaṃ hoti, te ekūnapaññāsa tānavisesāti, tisso duve catasso, catasso tisso duve catassoti dvāvīsati sutibhedā icchitā, ayaṃ pana ekekassa sarassa vasena satta satta mucchanā, antarasarassa ca ekāti samapaññāsāya mucchanānaṃ yogyabhāvena vīṇaṃ vajjesi. Tena vuttaṃ ‘‘samapaññāsa mucchanā saṃmucchetvā’’ti. Sesadeve jānāpento sakkassa gamanakālanti yojanā.

    346. ад̇ириваад̇и ра-гааро бад̣̇асанд̇хигаро, ад̇ийва ад̇ивияаад̇и вуд̇д̇ам̣ ход̇и. багад̇и …бз… аг̇амааси маран̣абхаяасам̣д̇аж̇ж̇ид̇ад̇д̇аа д̇арамаанаруубо. д̇знзвааха ‘‘нану жаа’’д̇иаад̣̇и.

    346.Atirivāti ra-kāro padasandhikaro, atīva ativiyāti vuttaṃ hoti. Pakati…pe… agamāsi maraṇabhayasaṃtajjitattā taramānarūpo. Tenevāha ‘‘nanu cā’’tiādi.

    347. б̣уд̣̇д̇хаа наама махаагаарун̣игаа, сад̣̇звагасса логасса хид̇асукад̇т̇ааяа зва уббаннаа, д̇з гат̇ам̣ ад̇т̇игзхи д̣̇урубасан̇гамаад̇и ааха ‘‘ахам̣ сарааг̇о’’д̇иаад̣̇и. д̇ад̣̇анд̇арам̣ бадисаллийнаад̇и язна анд̇арзна язна кан̣зна убасан̇гамзяяа, д̇ад̣̇анд̇арам̣ бадисаллийнаа жхаанам̣ самаабаннаа. д̇ад̣̇анд̇ара-сад̣̇д̣̇о ваа ‘‘зд̇арахий’’д̇и иминаа самаанад̇т̇од̇и ааха ‘‘самбад̇и бадисаллийнаа ваа’’д̇и.

    347. Buddhā nāma mahākāruṇikā, sadevakassa lokassa hitasukhatthāya eva uppannā, te kathaṃ atthikehi durupasaṅkamāti āha ‘‘ahaṃ sarāgo’’tiādi. Tadantaraṃ paṭisallīnāti yena antarena yena khaṇena upasaṅkameyya, tadantaraṃ paṭisallīnā jhānaṃ samāpannā. Tadantara-saddo vā ‘‘etarahī’’ti iminā samānatthoti āha ‘‘sampati paṭisallīnā vā’’ti.

    бан̃жасикаг̇ийд̇аг̇аат̇ааван̣н̣анаа

    Pañcasikhagītagāthāvaṇṇanā

    348. саавзсийд̇и яат̇аад̇хиббзд̇амужчанам̣ бадтабзд̇ваа вийн̣ам̣ ваад̣̇знд̇о д̇ам̣д̇ам̣таануббад̇д̇ияаа баагадийбхууд̇аманд̣̇ад̇аававад̇т̇ам̣ д̣̇ассзнд̇о сумад̇хурагомаламад̇хубаанамад̇д̇амад̇хугааравируд̇аабахаасинилагкан̣о басаннабхааний самаравам̣ д̇анд̇иссарам̣ саавзси.

    348.Sāvesīti yathādhippetamucchanaṃ paṭṭhapetvā vīṇaṃ vādento taṃtaṃṭhānuppattiyā pākaṭībhūtamandatāvavatthaṃ dassento sumadhurakomalamadhupānamattamadhukāravirutāpahāsinilakkhaṇo pasannabhānī samaravaṃ tantissaraṃ sāvesi.

    ‘‘сагяабуд̇д̇ова жхаанзна, згод̣̇и нибаго сад̇о;

    ‘‘Sakyaputtova jhānena, ekodi nipako sato;

    амад̇ам̣ муни ж̇иг̇ийсаано….

    Amataṃ muni jigīsāno….

    яат̇ааби муни нанд̣̇зяяа, бад̇ваа самб̣од̇хим̣ уд̇д̇ама’’нд̇и. (д̣̇ий. ни. 2.348);

    Yathāpi muni nandeyya, patvā sambodhiṃ uttama’’nti. (dī. ni. 2.348);

    жа звам̣ б̣уд̣̇д̇хуубасан̃хид̇аа. б̣уд̣̇д̇хуубасан̃хид̇аа бана б̣уд̣̇д̇хаанам̣ д̇хаммасарийрам̣ аараб̣бха ниссаяам̣ гад̇ваа бавад̇д̇ид̇аад̇и ааха ‘‘д̇хаммо арахад̇аам̣ иваа’’д̇и. д̇хаммуубасан̃хид̇аа, арахад̇д̇уубасан̃хид̇аа жа взд̣̇ид̇аб̣б̣аа.

    Ca evaṃ buddhūpasañhitā. Buddhūpasañhitā pana buddhānaṃ dhammasarīraṃ ārabbha nissayaṃ katvā pavattitāti āha ‘‘dhammo arahatāṃ ivā’’ti. Dhammūpasañhitā, arahattūpasañhitā ca veditabbā.

    суурияасамаанасарийраад̇и суурияасамаанаббабхаасарийраа. д̇знааха ‘‘д̇ассаа гираа’’д̇иаад̣̇и. яасмаа д̇имб̣аруно г̇анд̇хаб̣б̣ад̣̇зварааж̇асса суурияаважча саа ан̇гз ж̇аад̇аа, д̇асмаа ааха ‘‘яам̣ д̇имб̣арум̣ д̣̇зварааж̇аанам̣ ниссааяа д̇вам̣ ж̇аад̇аа’’д̇и. галяаан̣ан̇г̇ад̇ааяа ‘‘галяаан̣ий’’д̇и вуд̇д̇аад̇и ааха ‘‘саб̣б̣ан̇г̇асобханаа’’д̇и.

    Sūriyasamānasarīrāti sūriyasamānappabhāsarīrā. Tenāha ‘‘tassā kirā’’tiādi. Yasmā timbaruno gandhabbadevarājassa sūriyavaccha sā aṅke jātā, tasmā āha ‘‘yaṃ timbaruṃ devarājānaṃnissāya tvaṃ jātā’’ti. Kalyāṇaṅgatāya ‘‘kalyāṇī’’ti vuttāti āha ‘‘sabbaṅgasobhanā’’ti.

    рааг̇аавзсавасзна буб̣б̣з вуд̇д̇аа г̇аат̇аа ид̣̇ааниби д̇амзва аараб̣бха бурад̇о тид̇ам̣ вияа аалабанд̇о вад̣̇ад̇и.

    Rāgāvesavasena pubbe vuttā gāthā idānipi tameva ārabbha purato ṭhitaṃ viya ālapanto vadati.

    т̇ануд̣̇аранд̇и баяод̇харан̃жа уд̣̇аран̃жа ад̇хиббзд̇анд̇и ааха ‘‘т̇анавзмаж̇жхам̣ уд̣̇аран̃жаа’’д̇и.

    Thanudaranti payodharañca udarañca adhippetanti āha ‘‘thanavemajjhaṃ udarañcā’’ti.

    гин̃жи гааран̣анд̇и гин̃жи бийл̣ам̣.

    Kiñci kāraṇanti kiñci pīḷaṃ.

    багад̇им̣ ж̇ахид̇ваа тид̇ам̣ абхирад̇д̇абхаавзна.

    Pakatiṃ jahitvā ṭhitaṃ abhirattabhāvena.

    ваамуурууд̇и ружираууруу. д̇знааха ‘‘ваамаагаарзнаа’’д̇иаад̣̇и. ваамавигасид̇аружирасунд̣̇араабхируубажаарусад̣̇д̣̇аа хи згад̇т̇аа д̣̇адтаб̣б̣аа. на д̇икин̣анд̇и на д̇игкам̣ на луукам̣ на гагкал̣ам̣. манд̣̇анд̇и муд̣̇у синид̣̇д̇хам̣.

    Vāmūrūti ruciraūrū. Tenāha ‘‘vāmākārenā’’tiādi. Vāmavikasitarucirasundarābhirūpacārusaddā hi ekatthā daṭṭhabbā. Na tikhiṇanti na tikkhaṃ na lūkhaṃ na kakkhaḷaṃ. Mandanti mudu siniddhaṃ.

    анзгабхаавод̇и анзгасабхааво, со бана б̣ахувид̇хо наама ход̇ийд̇и ааха ‘‘анзгавид̇хо ж̇аад̇о’’д̇и. анзгабхааг̇од̇и анзгагодтаасо.

    Anekabhāvoti anekasabhāvo, so pana bahuvidho nāma hotīti āha ‘‘anekavidho jāto’’ti. Anekabhāgoti anekakoṭṭhāso.

    д̇аяаа сад̣̇д̇хим̣ вибажжад̇анд̇и д̇аяаа сахид̇ам̣язва мз д̇ам̣ гаммам̣ вибажжад̇у, д̇аяаа сахзва д̇асса гаммасса палам̣ анубхавзяяанд̇и ад̇хиббааяо. д̇аяаа сад̣̇д̇химзваад̇и яат̇аа жаггавад̇д̇исам̣вад̇д̇анияагаммам̣ д̇асса ниссанд̣̇апалабхууд̇зна ид̇т̇ирад̇анзна сад̣̇д̇хим̣язва вибаагам̣ д̣̇зд̇и, звам̣ д̇ам̣ мз гаммам̣ д̇аяаа сад̣̇д̇хим̣язва маяхам̣ вибаагам̣ д̣̇зд̇у.

    Tayā saddhiṃ vipaccatanti tayā sahitaṃyeva me taṃ kammaṃ vipaccatu, tayā saheva tassa kammassa phalaṃ anubhaveyyanti adhippāyo. Tayā saddhimevāti yathā cakkavattisaṃvattaniyakammaṃ tassa nissandaphalabhūtena itthiratanena saddhiṃyeva vipākaṃ deti, evaṃ taṃ me kammaṃ tayā saddhiṃyeva mayhaṃ vipākaṃ detu.

    згод̣̇ийд̇и згод̣̇ибхаавам̣ г̇ад̇о, самаахид̇од̇и ад̇т̇о. ж̇иг̇ийсаанод̇и ж̇иг̇ийсамаано ход̇и. д̇ат̇аабхууд̇ова ж̇иг̇ийсад̇и наамаад̇и д̇ат̇аа батамавигаббо вуд̇д̇о. д̣̇уд̇ияавигаббз бана ‘‘вижарад̇ий’’д̇и гирияаабад̣̇ам̣ аахарид̇ваа ад̇т̇о вуд̇д̇о.

    Ekodīti ekodibhāvaṃ gato, samāhitoti attho. Jigīsānoti jigīsamāno hoti. Tathābhūtova jigīsati nāmāti tathā paṭhamavikappo vutto. Dutiyavikappe pana ‘‘vicaratī’’ti kiriyāpadaṃ āharitvā attho vutto.

    нанд̣̇зяяанд̇и самааг̇амам̣ бад̇т̇знд̇о вад̣̇ад̇и ад̇исассиригаруубасобхааяа.

    Nandeyyanti samāgamaṃ patthento vadati atisassirikarūpasobhāya.

    349. сам̣санд̣̇ад̇ийд̇и самзд̇и, яааяа мужчанааяа, язна жа аагаарзна д̇анд̇иссаро бавад̇д̇о, д̇ам̣ мужчанам̣ анад̇ивад̇д̇знд̇о, д̇знзва жа аагаарзна г̇ийд̇ассароби бавад̇д̇од̇и ад̇т̇о. язна аж̇жхаасаязна бхаг̇аваа бан̃жасикасса г̇анд̇хаб̣б̣з ван̣н̣ам̣ гат̇зси, яад̣̇ад̇т̇ан̃жа гат̇зси, д̇ам̣ саб̣б̣ам̣ вибхаавзд̇ум̣ ‘‘гасмаа’’д̇иаад̣̇имааха. над̇т̇и б̣од̇химуулз зва самужчиннад̇д̇аа. убзгкаго бхаг̇аваа анубалид̇д̇абхаавад̇о. сувимуд̇д̇ажид̇д̇о бхаг̇аваа чанд̣̇арааг̇ад̇о, саб̣б̣асмаа жа гилзсаа. яад̣̇и звам̣ гасмаа бан̃жасикасса г̇анд̇хаб̣б̣з ван̣н̣ам̣ гат̇зсийд̇и ааха ‘‘сажз банаа’’д̇иаад̣̇и.

    349.Saṃsandatīti sameti, yāya mucchanāya, yena ca ākārena tantissaro pavatto, taṃ mucchanaṃ anativattento, teneva ca ākārena gītassaropi pavattoti attho. Yena ajjhāsayena bhagavā pañcasikhassa gandhabbe vaṇṇaṃ kathesi, yadatthañca kathesi, taṃ sabbaṃ vibhāvetuṃ ‘‘kasmā’’tiādimāha. Natthi bodhimūle eva samucchinnattā. Upekkhako bhagavā anupalittabhāvato. Suvimuttacitto bhagavā chandarāgato, sabbasmā ca kilesā. Yadi evaṃ kasmā pañcasikhassa gandhabbe vaṇṇaṃ kathesīti āha ‘‘sace panā’’tiādi.

    г̇ант̇ид̇аад̇и санд̣̇ахид̇аа, д̇аа бана ниранд̇арам̣ гат̇ияамаанаа раасигад̇аа вияа хонд̇ийд̇и ааха ‘‘бин̣д̣ид̇аа’’д̇и. вохаараважананд̇и бхаг̇авад̇о, бхигкуунан̃жа бурад̇о вад̇д̇аб̣б̣ам̣ убажаараважанам̣.

    Ganthitāti sandahitā, tā pana nirantaraṃ kathiyamānā rāsikatā viya hontīti āha ‘‘piṇḍitā’’ti. Vohāravacananti bhagavato, bhikkhūnañca purato vattabbaṃ upacāravacanaṃ.

    убанажжанд̇ияаад̇и убаг̇анд̇ваа нажжанд̇ияаа.

    Upanaccantiyāti upagantvā naccantiyā.

    саггуубасан̇гаманаван̣н̣анаа

    Sakkūpasaṅkamanavaṇṇanā

    350. ‘‘гад̣̇аа сам̣яуул̣хаа’’д̇иаад̣̇ийни вад̣̇анд̇о бадисаммод̣̇ад̇и. виббагаарамби д̣̇ассзяяаад̇и ад̣дхагад̇аабхинаяавасзна нажжамби д̣̇ассзяяа.

    350. ‘‘Kadā saṃyūḷhā’’tiādīni vadanto paṭisammodati. Vippakārampi dasseyyāti aḍḍhakatābhinayavasena naccampi dasseyya.

    351. ‘‘абхивад̣̇ид̇о сагго д̣̇зваанаминд̣̇о’’д̇иаад̣̇ийнам̣ ‘‘д̇зна ко бана самаязнаа’’д̇иаад̣̇ийнам̣ (баараа. 16, 24) вияа сан̇г̇ийд̇игаараважанабхаавз сам̣саяо над̇т̇и, ‘‘зван̃жа бана д̇ат̇ааг̇ад̇аа’’д̇и ид̇ха бана сияаа сам̣саяод̇и ‘‘д̇хаммасан̇г̇аахагад̇т̇зрзхи табид̇аважана’’нд̇и вад̇ваа ид̇арассааби д̇ат̇аабхаавам̣ д̣̇ассзд̇ум̣ ‘‘саб̣б̣амзд̇а’’нд̇иаад̣̇и вуд̇д̇ам̣. вуд̣дхиважанзна вуд̇д̇од̇и ‘‘сукий ход̇у бан̃жасика сагго д̣̇зваанам̣ инд̣̇о’’д̇и аасийсаваад̣̇ам̣ вуд̇д̇о. ‘‘бхаг̇авад̇о баад̣̇з сирасаа ванд̣̇ад̇ий’’д̇и вад̣̇анд̇о абхиваад̣̇зд̇и наама ‘‘сукий ход̇уу’’д̇и аасийсаваад̣̇асса вад̣̇аабанад̇о. д̇ат̇аа бана аасийсаваад̣̇ам̣ вад̣̇анд̇о абхивад̣̇ад̇и наама саб̣б̣агаалам̣ д̇ат̇зва д̇идтанад̇о.

    351. ‘‘Abhivadito sakko devānamindo’’tiādīnaṃ ‘‘tena kho pana samayenā’’tiādīnaṃ (pārā. 16, 24) viya saṅgītikāravacanabhāve saṃsayo natthi, ‘‘evañca pana tathāgatā’’ti idha pana siyā saṃsayoti ‘‘dhammasaṅgāhakattherehi ṭhapitavacana’’nti vatvā itarassāpi tathābhāvaṃ dassetuṃ ‘‘sabbameta’’ntiādi vuttaṃ. Vuḍḍhivacanena vuttoti ‘‘sukhī hotu pañcasikha sakko devānaṃ indo’’ti āsīsavādaṃ vutto. ‘‘Bhagavato pāde sirasā vandatī’’ti vadanto abhivādeti nāma ‘‘sukhī hotū’’ti āsīsavādassa vadāpanato. Tathā pana āsīsavādaṃ vadanto abhivadati nāma sabbakālaṃ tatheva tiṭṭhanato.

    урум̣ взбуллам̣ д̣̇ассад̇и д̣̇агкад̇ийд̇и урунд̣̇аа вибхад̇д̇иалобзна. вивадаа ан̇г̇ан̣адтаанам̣. яо багад̇ияаа г̇ухааяам̣ анд̇хагааро, со анд̇арахид̇од̇и яо д̇ассам̣ г̇ухааяам̣ сад̇т̇у саманд̇ад̇о асийд̇ихад̇т̇ад̇о аяам̣ баагад̇иго анд̇хагааро, со д̣̇зваанам̣ вад̇т̇аабхаран̣асарийробхаасзхи анд̇арахид̇о, аалого самбаж̇ж̇и. асийд̇ихад̇т̇з бана б̣уд̣̇д̇хаалогзнзва анд̇хагааро анд̇арахид̇о, на жа самад̇т̇о д̣̇зваанам̣ обхаасо б̣уд̣̇д̇хаанам̣ абхибхавид̇ум̣.

    Uruṃ vepullaṃ dassati dakkhatīti urundā vibhattialopena. Vivaṭā aṅgaṇaṭṭhānaṃ. Yo pakatiyā guhāyaṃ andhakāro, so antarahitoti yo tassaṃ guhāyaṃ satthu samantato asītihatthato ayaṃ pākatiko andhakāro, so devānaṃ vatthābharaṇasarīrobhāsehi antarahito, āloko sampajji. Asītihatthe pana buddhālokeneva andhakāro antarahito, na ca samattho devānaṃ obhāso buddhānaṃ abhibhavituṃ.

    352. жираббадигааханд̇и жираббабхуд̇иго ахам̣. ад̣д̣агаран̣ам̣ наама над̇т̇и авиваад̣̇аад̇хигаран̣адтаанз ниб̣б̣ад̇д̇ад̇д̇аа. гийл̣аад̣̇ийнибийд̇и аад̣̇и-сад̣̇д̣̇зна д̇хаммассаванаад̣̇им̣ сан̇г̇ан̣хаад̇и.

    352.Cirappaṭikāhanti cirappabhutiko ahaṃ. Aḍḍakaraṇaṃ nāma natthi avivādādhikaraṇaṭṭhāne nibbattattā. Kīḷādīnipīti ādi-saddena dhammassavanādiṃ saṅgaṇhāti.

    салал̣амаяаг̇анд̇хагудияанд̇и салал̣аругкзхи ран̃н̃аа басзнад̣̇инаа гаарид̇аг̇анд̇хагудияам̣. д̇знассаад̇и д̇зна палад̣̇ваяаад̇хиг̇амзна бахийнаол̣ааригагаамарааг̇ад̇ааяа ассаа бхууж̇ад̇ияаа д̣̇звалогз абхирад̇иязва над̇т̇и. жагганзмисад̣̇д̣̇зна д̇амхаа самаад̇химхаа вудтид̇од̇и зд̇т̇а ад̇хиббааяам̣ аж̇аананд̇аа ‘‘аарамман̣асса ад̇химад̇д̇ад̇ааяа самаабад̇д̇ид̇о вудтаанам̣ ж̇аад̇а’’нд̇и ман̃н̃зяяунд̇и д̇ам̣ бадигкибанд̇о ‘‘самаабанно сад̣̇д̣̇ам̣ сун̣аад̇ийд̇и но вад̇а рз вад̇д̇аб̣б̣з’’д̇и ааха. сад̇и жа аарамман̣асан̇гхадданааяам̣ г̇ахан̣знаби бхавид̇аб̣б̣анд̇и ад̇хиббааязна ‘‘сун̣аад̇ий’’д̇и вуд̇д̇ам̣, ид̇аро ‘‘батамам̣ жхаанам̣ самаабаннасса сад̣̇д̣̇о ган̣даго’’д̇и важанамад̇д̇ам̣ ниссааяа саб̣б̣ассааби жхаанасса сад̣̇д̣̇о ган̣дагод̇и ад̇хиббааязна бадигкзбам̣ асаханд̇о ‘‘нану бхаг̇аваа…бз… бхан̣ад̇ий’’д̇и имамзва суд̇д̇абад̣̇ам̣ уд̣̇д̇хари. д̇ад̇т̇а яат̇аа д̣̇осад̣̇ассанабадибагкабхааванаавасзна бадигхасан̃н̃аанам̣ суббахийнад̇д̇аа махад̇ааби сад̣̇д̣̇зна аруубасамаабад̇д̇ид̇о на вудтаанам̣, звам̣ ‘‘уббаад̣̇о бхаяам̣, ануббаад̣̇о кзма’’нд̇иаад̣̇инаа саммад̣̇зва д̣̇осад̣̇ассанабадибагкабхааванаавасзна саб̣б̣аасамби логияасан̃н̃аанам̣ аг̇г̇амаг̇г̇зна самад̇игганд̇ад̇д̇аа аарамман̣аад̇хиг̇амад̇ааяа на гад̣̇аажи паласамаабад̇д̇ид̇о вудтаанам̣ ход̇ийд̇и. д̇ат̇аа бана на суббахийнад̇д̇аа бадигхасан̃н̃аанам̣ саб̣б̣аруубасамаабад̇д̇ид̇о вудтаанам̣ ход̇и, батамаж̇жхаанам̣ бана аббагамби сад̣̇д̣̇ам̣ на сахад̇ийд̇и д̇ам̣самаабаннасса ‘‘сад̣̇д̣̇о ган̣даго’’д̇и вуд̇д̇ам̣. яад̣̇и бана бадигхасан̃н̃аанам̣ вигкамбхид̇ад̇д̇аа махад̇ааби сад̣̇д̣̇зна аруубасамаабад̇д̇ид̇о на вудтаанам̣ ход̇и, баг̇зва маг̇г̇апаласамаабад̇д̇ид̇о. д̇знааха ‘‘жагганзмисад̣̇д̣̇знаа’’д̇иаад̣̇и. жагганзмисад̣̇д̣̇знаад̇и жа наяид̣̇ам̣ гаран̣аважанам̣ хзд̇умхи, гаран̣з ваа ат̇а ко сахаяог̇з. имамзва хи ад̇т̇ам̣ д̣̇ассзд̇ум̣ ‘‘бхаг̇аваа банаа’’д̇иаад̣̇и вуд̇д̇ам̣.

    Salaḷamayagandhakuṭiyanti salaḷarukkhehi raññā pasenadinā kāritagandhakuṭiyaṃ. Tenassāti tena phaladvayādhigamena pahīnaoḷārikakāmarāgatāya assā bhūjatiyā devaloke abhiratiyeva natthi. Cakkanemisaddena tamhā samādhimhā vuṭṭhitoti ettha adhippāyaṃ ajānantā ‘‘ārammaṇassa adhimattatāya samāpattito vuṭṭhānaṃ jāta’’nti maññeyyunti taṃ paṭikkhipanto ‘‘samāpanno saddaṃ suṇātīti no vata re vattabbe’’ti āha. Sati ca ārammaṇasaṅghaṭṭanāyaṃ gahaṇenapi bhavitabbanti adhippāyena ‘‘suṇātī’’ti vuttaṃ, itaro ‘‘paṭhamaṃ jhānaṃ samāpannassa saddo kaṇṭako’’ti vacanamattaṃ nissāya sabbassāpi jhānassa saddo kaṇṭakoti adhippāyena paṭikkhepaṃ asahanto ‘‘nanu bhagavā…pe…bhaṇatī’’ti imameva suttapadaṃ uddhari. Tattha yathā dosadassanapaṭipakkhabhāvanāvasena paṭighasaññānaṃ suppahīnattā mahatāpi saddena arūpasamāpattito na vuṭṭhānaṃ, evaṃ ‘‘uppādo bhayaṃ, anuppādo khema’’ntiādinā sammadeva dosadassanapaṭipakkhabhāvanāvasena sabbāsampi lokiyasaññānaṃ aggamaggena samatikkantattā ārammaṇādhigamatāya na kadāci phalasamāpattito vuṭṭhānaṃ hotīti. Tathā pana na suppahīnattā paṭighasaññānaṃ sabbarūpasamāpattito vuṭṭhānaṃ hoti, paṭhamajjhānaṃ pana appakampi saddaṃ na sahatīti taṃsamāpannassa ‘‘saddo kaṇṭako’’ti vuttaṃ. Yadi pana paṭighasaññānaṃ vikkhambhitattā mahatāpi saddena arūpasamāpattito na vuṭṭhānaṃ hoti, pageva maggaphalasamāpattito. Tenāha ‘‘cakkanemisaddenā’’tiādi. Cakkanemisaddenāti ca nayidaṃ karaṇavacanaṃ hetumhi, karaṇe vā atha kho sahayoge. Imameva hi atthaṃ dassetuṃ ‘‘bhagavā panā’’tiādi vuttaṃ.

    г̇обагавад̇т̇уван̣н̣анаа

    Gopakavatthuvaṇṇanā

    353. барибуурагааринийд̇и барибун̣н̣аани, барисуд̣̇д̇хаани жа гад̇ваа рагкид̇авад̇ий. ‘‘ид̇т̇ид̇д̇а’’нд̇иаад̣̇и д̇ад̇т̇а вираж̇ж̇анаагаарад̣̇ассанам̣. д̇хид̇т̇ибхаавам̣ид̇т̇ибхаавасса д̇хиггааро хзд̇ууд̇и ад̇т̇о. аланд̇и бадигкзбаважанам̣, баяож̇анам̣ над̇т̇ийд̇и ад̇т̇о. вирааж̇зд̇ийд̇и ж̇иг̇ужчад̇и. зд̇аа самбад̇д̇ияод̇и жаггавад̇д̇исириаад̣̇игаа зд̇аа яат̇аавуд̇д̇асамбад̇д̇ияо. д̇асмаа буб̣б̣абарижаязна убадтид̇аниганд̇ивасзна. убадтаанасааланд̇и суд̇хаммад̣̇звасабхам̣.

    353.Paripūrakārinīti paripuṇṇāni, parisuddhāni ca katvā rakkhitavatī. ‘‘Itthitta’’ntiādi tattha virajjanākāradassanaṃ. Dhitthibhāvaṃitthibhāvassa dhikkāro hetūti attho. Alanti paṭikkhepavacanaṃ, payojanaṃ natthīti attho. Virājetīti jigucchati. Etā sampattiyoti cakkavattisiriādikā etā yathāvuttasampattiyo. Tasmā pubbaparicayena upaṭṭhitanikantivasena. Upaṭṭhānasālanti sudhammadevasabhaṃ.

    сод̇и г̇обагад̣̇звабуд̇д̇о. ваддзд̇ваа ваддзд̇ваад̇и д̇омараад̣̇им̣ вад̇д̇знд̇зна вияа жод̣̇анаважанам̣ бариваддзд̇ваа бариваддзд̇ваа. г̇аал̣хам̣ виж̇жхид̇аб̣б̣аад̇и г̇аал̣хад̇арам̣ гхаддзд̇аб̣б̣аа.

    Soti gopakadevaputto. Vaṭṭetvā vaṭṭetvāti tomarādiṃ vattentena viya codanavacanaṃ parivaṭṭetvā parivaṭṭetvā. Gāḷhaṃ vijjhitabbāti gāḷhataraṃ ghaṭṭetabbā.

    гуд̇о мукаад̇и гуд̇о бавад̇д̇ан̃аан̣амукаа. д̇знааха ‘‘ан̃н̃авихид̇агаа’’д̇и. гад̇абун̃н̃зд̇и саммаа гад̇абун̃н̃з д̇хаммз.

    Kuto mukhāti kuto pavattañāṇamukhā. Tenāha ‘‘aññavihitakā’’ti. Katapuññeti sammā katapuññe dhamme.

    д̣̇ааяод̇и лаабхо. со хи д̣̇ийяад̇и д̇зхи д̣̇аад̇аб̣б̣ад̇д̇аа д̣̇ааяо, язсам̣ д̣̇ийяад̇и, д̇зхи лад̣̇д̇хад̇д̇аа лаабход̇и жа вужжад̇и. сан̇каарз…бз… бад̇идтахим̣су гад̇аад̇хигаарад̇д̇аа. д̇ад̇т̇а д̇аавад̇им̣сабхаванз тид̇аанам̣язва ниб̣б̣ад̇д̇о яат̇аа саггасса инд̣̇асаалаг̇ухааяам̣ тид̇ассзва саггад̇д̇абхааво.

    Dāyoti lābho. So hi dīyati tehi dātabbattā dāyo, yesaṃ dīyati, tehi laddhattā lābhoti ca vuccati. Saṅkhāre…pe… patiṭṭhahiṃsu katādhikārattā. Tattha tāvatiṃsabhavane ṭhitānaṃyeva nibbatto yathā sakkassa indasālaguhāyaṃ ṭhitasseva sakkattabhāvo.

    ниганд̇им̣ д̇асмим̣ г̇анд̇хаб̣б̣агааяз аалаяам̣ самужчинд̣̇ид̇ум̣ на саггонд̇о.

    Nikantiṃ tasmiṃ gandhabbakāye ālayaṃ samucchindituṃ na sakkonto.

    354. ад̇д̇анаава взд̣̇ид̇аб̣б̣од̇и ад̇д̇анаава ад̇хиг̇анд̇ваа взд̣̇ид̇аб̣б̣о, на бараббажжаяигзна. д̇умхзхи вужжамаанаанийд̇и гзвалам̣ д̇умхзхи вужжамаанаани.

    354.Attanāva veditabboti attanāva adhigantvā veditabbo, na parappaccayikena. Tumhehi vuccamānānīti kevalaṃ tumhehi vuccamānāni.

    вияааяаамаад̇и виссадтам̣ вийрияам̣ санд̇аанз бавад̇д̇зма. багад̇ияаад̇и руубааважарабхаавзна, ‘‘ануссара’’нд̇и ваа баато.

    Viyāyāmāti vissaṭṭhaṃ vīriyaṃ santāne pavattema. Pakatiyāti rūpāvacarabhāvena, ‘‘anussara’’nti vā pāṭho.

    гаамарааг̇о зва ‘‘чанд̣̇о рааг̇о чанд̣̇арааг̇о’’д̇иаад̣̇и бавад̇д̇ибхзд̣̇зна сам̣яож̇анадтзна ‘‘гаамарааг̇асам̣яож̇анааний’’д̇и, яог̇аг̇ант̇аад̣̇ибавад̇д̇иаагаарабхзд̣̇зна ‘‘гаамаб̣анд̇ханааний’’д̇и жа вуд̇д̇о. баабимаяог̇аанийд̇и зд̇т̇а бана сзсаяог̇аг̇ант̇аанамби васзна ад̇т̇о взд̣̇ид̇аб̣б̣о.

    Kāmarāgo eva ‘‘chando rāgo chandarāgo’’tiādi pavattibhedena saṃyojanaṭṭhena ‘‘kāmarāgasaṃyojanānī’’ti, yogaganthādipavattiākārabhedena ‘‘kāmabandhanānī’’ti ca vutto. Pāpimayogānīti ettha pana sesayogaganthānampi vasena attho veditabbo.

    д̣̇увид̇хаананд̇и вад̇т̇угаамагилзсагаамавасзна д̣̇увид̇хаанам̣.

    Duvidhānanti vatthukāmakilesakāmavasena duvidhānaṃ.

    ‘‘зд̇т̇а гим̣, д̇ад̇т̇а ги’’нд̇и жа бад̣̇ад̣̇ваяз гинд̇и нибаад̇амад̇д̇ам̣. жаад̇уд̣̇д̣̇исабхаавзд̇и д̇зсам̣ б̣уд̣̇д̇хаад̣̇ийнам̣ д̇ин̣н̣ам̣ рад̇анаанам̣ жад̇уд̣̇д̣̇исаяог̇яабхаавз аббадихадабхаавз. б̣уд̣̇д̇харад̇анан̃хи махаагаарун̣игад̇ааяа, анааваран̣ан̃аан̣ад̇ааяа, барамасанд̇удтад̇ааяа жа жаад̇уд̣̇д̣̇исам̣, д̇хаммарад̇анам̣ сваагкаад̇ад̇ааяа, сан̇гхарад̇анам̣ суббадибаннад̇ааяа. д̇знааха ‘‘саб̣б̣ад̣̇исаасу асаж̇ж̇амаано’’д̇и.

    ‘‘Ettha kiṃ, tattha ki’’nti ca padadvaye kinti nipātamattaṃ. Cātuddisabhāveti tesaṃ buddhādīnaṃ tiṇṇaṃ ratanānaṃ catuddisayogyabhāve appaṭihaṭabhāve. Buddharatanañhi mahākāruṇikatāya, anāvaraṇañāṇatāya, paramasantuṭṭhatāya ca cātuddisaṃ, dhammaratanaṃ svākkhātatāya, saṅgharatanaṃ suppaṭipannatāya. Tenāha ‘‘sabbadisāsu asajjamāno’’ti.

    маж̇жхимасса батамаж̇жхаанасса ад̇хиг̇ад̇ад̇д̇аа д̇аавад̣̇зва гааяам̣ б̣рахмабурохид̇ам̣ ад̇хиг̇анд̇ваа д̇аавад̣̇зва буримам̣ жхаанасад̇им̣ бадилабхид̇ваа д̇ам̣ жхаанам̣ баад̣̇агам̣ гад̇ваа вибассанам̣ вад̣дхзд̇ваа орамбхааг̇ияасам̣яож̇анасамужчинд̣̇анзна маг̇г̇апалависзсам̣ анааг̇аамипаласан̇каад̇ам̣ висзсам̣ аж̇жхаг̇ам̣су ад̇хиг̇ажчим̣су. гзжи бана ‘‘гаамааважарад̇д̇абхаавзна маг̇г̇апалаани ад̇хиг̇ажчим̣сууд̇и ад̇хиббааязна бан̃жамасса жхаанасса анад̇хиг̇ад̇ад̇д̇аа суд̣̇д̇хааваасзсу на уббаж̇ж̇им̣су, батамаж̇жхааналаабхид̇ааяа бана б̣рахмабурохид̇зсу ниб̣б̣ад̇д̇им̣суу’’д̇и вад̣̇анд̇и.

    Majjhimassa paṭhamajjhānassa adhigatattā tāvadeva kāyaṃ brahmapurohitaṃ adhigantvā tāvadeva purimaṃ jhānasatiṃ paṭilabhitvā taṃ jhānaṃ pādakaṃ katvā vipassanaṃ vaḍḍhetvā orambhāgiyasaṃyojanasamucchindanena maggaphalavisesaṃ anāgāmiphalasaṅkhātaṃ visesaṃ ajjhagaṃsu adhigacchiṃsu. Keci pana ‘‘kāmāvacarattabhāvena maggaphalāni adhigacchiṃsūti adhippāyena pañcamassa jhānassa anadhigatattā suddhāvāsesu na uppajjiṃsu, paṭhamajjhānalābhitāya pana brahmapurohitesu nibbattiṃsū’’ti vadanti.

    магхамаан̣ававад̇т̇уван̣н̣анаа

    Maghamāṇavavatthuvaṇṇanā

    355. висуд̣̇д̇ход̇и висуд̣̇д̇хааж̇жхаасаяо, убаниссаяасамбаннод̇и ад̇хиббааяо. г̇аамагаммагаран̣адтаананд̇и г̇аамигаанам̣ убадтаанадтаанам̣ вад̣̇ад̇и. д̇аавад̇агзнзваад̇и ад̇д̇анаа сод̇хид̇адтаанзва ан̃н̃асса ааг̇анд̇ваа авадтаанзнзва. сад̇им̣ бадилабхид̇ваад̇и ‘‘ахо маяаа гад̇агаммам̣ сапалам̣ ж̇аад̇а’’нд̇и яонисо жид̇д̇ам̣ уббаад̣̇зд̇ваа.

    355.Visuddhoti visuddhaajjhāsayo, upanissayasampannoti adhippāyo. Gāmakammakaraṇaṭṭhānanti gāmikānaṃ upaṭṭhānaṭṭhānaṃ vadati. Tāvatakenevāti attanā sodhitaṭṭhāneva aññassa āgantvā avaṭṭhāneneva. Satiṃ paṭilabhitvāti ‘‘aho mayā katakammaṃ saphalaṃ jāta’’nti yoniso cittaṃ uppādetvā.

    баасаан̣зд̇и маг̇г̇амаж̇жхз ужжад̇арабхаавзна тид̇абаасаан̣з. ужжаалзд̇ваад̇и уд̣̇д̇харид̇ваа. зд̇асса саг̇г̇асса г̇аманамаг̇г̇анд̇и зд̇асса жанд̣̇аад̣̇ийнам̣ уббад̇д̇идтаанабхууд̇асса саг̇г̇асса г̇аманамаг̇г̇ам̣ бун̃н̃агаммам̣.

    Pāsāṇeti maggamajjhe uccatarabhāvena ṭhitapāsāṇe. Uccāletvāti uddharitvā. Etassa saggassa gamanamagganti etassa candādīnaṃ uppattiṭṭhānabhūtassa saggassa gamanamaggaṃ puññakammaṃ.

    суг̇ад̇ивасзна лад̣̇д̇хаб̣б̣ам̣, гахаабан̣ан̃жаад̇и гахаабан̣ам̣, д̣̇ан̣д̣авасзна лад̣̇д̇хаб̣б̣ам̣ б̣али д̣̇ан̣д̣аб̣али. г̇ахабад̇игаа гим̣ гариссанд̇ийд̇и г̇ахабад̇игаа наама адавигаа вияа висаманиссид̇аа, д̇з на ган̃жи анад̇т̇ам̣ гариссанд̇и, звам̣ д̇аяаа ж̇аанамаанзна гасмаа маяхам̣ на гат̇ид̇анд̇и яад̣̇иби буб̣б̣з на гат̇ид̇ам̣, зд̇арахи бана бхаязна гат̇ид̇ам̣, маа маяхам̣ д̣̇осам̣ гарзяяаат̇а, аарожид̇агаалад̇о бадтааяа на маяхам̣ д̣̇осод̇и вад̣̇ад̇и.

    Sugativasena laddhabbaṃ, kahāpaṇañcāti kahāpaṇaṃ, daṇḍavasena laddhabbaṃ bali daṇḍabali. Gahapatikākiṃ karissantīti gahapatikā nāma aṭavikā viya visamanissitā, te na kañci anatthaṃ karissanti, evaṃ tayā jānamānena kasmā mayhaṃ na kathitanti yadipi pubbe na kathitaṃ, etarahi pana bhayena kathitaṃ, mā mayhaṃ dosaṃ kareyyātha, ārocitakālato paṭṭhāya na mayhaṃ dosoti vadati.

    ниб̣ад̣̇д̇ханд̇и зганд̇игам̣.

    Nibaddhanti ekantikaṃ.

    бисун̣зсийд̇и бисун̣агаммамагааси, д̇умхаагам̣ анд̇арз маяхам̣ бзсун̃н̃ам̣ убасам̣харад̇ийд̇и ад̇т̇о. буна ахаран̣ийяам̣ б̣рахмад̣̇зяяам̣ гад̇ваа. маяхамбийд̇и маяхамби ад̇т̇ааяа мам̣ уд̣̇д̣̇исса бун̃н̃агаммам̣ гарот̇а. нийлуббалам̣ наама вигасамаанам̣ уд̣̇агад̇о уг̇г̇анд̇ваава вигасад̇и, звам̣ ахуд̇ваа анд̇оуд̣̇агз бубпид̇ам̣ нийлуббалам̣ вияа. амхаагам̣ банид̣̇ам̣ бун̃н̃агаммам̣ бхаванд̇аруубабад̇д̇ияаа винаа имасмим̣язва ад̇д̇абхаавз вибаагам̣ д̣̇зд̇ийд̇и яож̇анаа. жинд̇аамад̇д̇агамбийд̇и д̣̇оманассавасзна жинд̇аамад̇д̇агамби.

    Pisuṇesīti pisuṇakammamakāsi, tumhākaṃ antare mayhaṃ pesuññaṃ upasaṃharatīti attho. Puna aharaṇīyaṃ brahmadeyyaṃ katvā. Mayhampīti mayhampi atthāya maṃ uddissa puññakammaṃ karotha. Nīluppalaṃ nāma vikasamānaṃ udakato uggantvāva vikasati, evaṃ ahutvā antoudake pupphitaṃ nīluppalaṃ viya. Amhākaṃ panidaṃ puññakammaṃ bhavantarūpapattiyā vinā imasmiṃyeva attabhāve vipākaṃ detīti yojanā. Cintāmattakampīti domanassavasena cintāmattakampi.

    баг̇зваад̇и гаалассзва, ад̇ивияа баад̇од̇и ад̇т̇о. ган̣н̣игуубаг̇анд̇и ган̣н̣игаяог̇яам̣. д̇ажчзд̇ваа мадтам̣ гад̇ваа ган̣н̣игааяа гад̇д̇аб̣б̣ам̣ саб̣б̣ам̣ нидтабзд̇ваа. д̇ат̇аа хи саа вад̇т̇зна взтзд̇ваа табид̇аа.

    Pagevāti kālasseva, ativiya pātoti attho. Kaṇṇikūpaganti kaṇṇikayogyaṃ. Tacchetvā maṭṭhaṃ katvā kaṇṇikāya kattabbaṃ sabbaṃ niṭṭhapetvā. Tathā hi sā vatthena veṭhetvā ṭhapitā.

    жаяаб̣анд̇ханам̣ саалааяа ад̇хидтаанасаж̇ж̇анам̣. ган̣н̣игаман̃жаб̣анд̇ханам̣ ган̣н̣игаароханагаалз аарухид̇ваа авадтаанааддагаран̣ам̣.

    Cayabandhanaṃ sālāya adhiṭṭhānasajjanaṃ. Kaṇṇikamañcabandhanaṃ kaṇṇikārohanakāle āruhitvā avaṭṭhānaaṭṭakaraṇaṃ.

    яасса ад̇т̇ад̇з палагз яасса палагз ад̇т̇ад̇зд̇и яож̇анаа.

    Yassa atthate phalake yassa phalake atthateti yojanā.

    авид̣̇уурзд̇и саалааяа, говил̣аараругкасса жа авид̣̇уурз. саб̣б̣аж̇здтигаад̇и саб̣б̣аасам̣ д̇асса бхарияаанам̣ ж̇здтигаа суж̇аад̇аа.

    Avidūreti sālāya, koviḷārarukkhassa ca avidūre. Sabbajeṭṭhikāti sabbāsaṃ tassa bhariyānaṃ jeṭṭhikā sujātā.

    д̇ассзваад̇и саггассзва. санд̇игзд̇и самийбз санд̇игааважараа худ̇ваа ниб̣б̣ад̇д̇аа. д̇хаж̇зна сад̣̇д̇хим̣ сахассаяож̇аниго баасаад̣̇о.

    Tassevāti sakkasseva. Santiketi samīpe santikāvacarā hutvā nibbattā. Dhajena saddhiṃ sahassayojaniko pāsādo.

    гаггадагавиж̇жханасууласад̣̇исанд̇и гаггадагз г̇ан̣хид̇ум̣ д̇асса б̣илабарияанд̇асса виж̇жханасуужисад̣̇исам̣.

    Kakkaṭakavijjhanasūlasadisanti kakkaṭake gaṇhituṃ tassa bilapariyantassa vijjhanasūcisadisaṃ.

    мажчаруубзнаад̇и мад̇амажчаруубзна. осарад̇ийд̇и билаванд̇о г̇ажчад̇и. д̇ассааби б̣агасагун̣игааяа бан̃жа вассасад̇аани ааяу ахоси д̣̇званзраяигаанам̣ вияа мануссабзд̇ад̇иражчаанаанам̣ ааяуно абарижчиннад̇д̇аа.

    Maccharūpenāti matamaccharūpena. Osaratīti pilavanto gacchati. Tassāpi bakasakuṇikāya pañca vassasatāni āyu ahosi devanerayikānaṃ viya manussapetatiracchānānaṃ āyuno aparicchinnattā.

    уггудтимагаасийд̇и ужжаасад̣̇д̣̇амагааси.

    Ukkuṭṭhimakāsīti uccāsaddamakāsi.

    буб̣б̣асанниваасзнаад̇и буримаж̇аад̇ийсу жирасанниваасзна. зван̃хи згажжаанам̣ д̣̇идтамад̇д̇знаби синзхо уббаж̇ж̇ад̇и. д̇знааха бхаг̇аваа –

    Pubbasannivāsenāti purimajātīsu cirasannivāsena. Evañhi ekaccānaṃ diṭṭhamattenapi sineho uppajjati. Tenāha bhagavā –

    ‘‘буб̣б̣зва санниваасзна, бажжуббаннахид̇зна ваа;

    ‘‘Pubbeva sannivāsena, paccuppannahitena vā;

    звам̣ д̇ам̣ ж̇ааяад̇з бзмам̣, уббалам̣ва яат̇од̣̇агз’’д̇и. (ж̇аа. 1.2.174);

    Evaṃ taṃ jāyate pemaṃ, uppalaṃva yathodake’’ti. (jā. 1.2.174);

    авасзсзсууд̇и асурз, саггам̣ табзд̇ваа д̣̇вийсу д̣̇звалогзсу д̣̇звзва санд̇хааяа вад̣̇ад̇и.

    Avasesesūti asure, sakkaṃ ṭhapetvā dvīsu devalokesu deveva sandhāya vadati.

    ад̇т̇аниссид̇анд̇и ад̇д̇ано, барзсан̃жа ад̇т̇амзва хид̇амзва ниссид̇ам̣, д̇ам̣ бана хид̇ам̣ сукасса нид̣̇аананд̇и ааха ‘‘гааран̣аниссид̇а’’нд̇и.

    Atthanissitanti attano, paresañca atthameva hitameva nissitaṃ, taṃ pana hitaṃ sukhassa nidānanti āha ‘‘kāraṇanissita’’nti.

    бан̃хавзяяаагаран̣аван̣н̣анаа

    Pañhaveyyākaraṇavaṇṇanā

    357. гим̣сам̣яож̇анаад̇и гийд̣̇исасам̣яож̇анаа. сад̇д̇з анад̇т̇з сам̣яож̇знд̇и б̣анд̇ханд̇ийд̇и сам̣яож̇анаанийд̇и ааха ‘‘гим̣б̣анд̇ханаа, гзна б̣анд̇ханзна б̣ад̣̇д̇хаа’’д̇и. бут̇угааяаад̇и б̣ахуу сад̇д̇агааяаад̇и ааха ‘‘б̣ахуу ж̇анаа’’д̇и. взрам̣ вужжад̇и д̣̇осод̇и ааха ‘‘авзраад̇и аббадигхаа’’д̇и. аавуд̇хзна сарийрз д̣̇ан̣д̣о аавуд̇хад̣̇ан̣д̣о, д̇ханасса д̣̇аабанад̇т̇зна д̣̇ан̣д̣о д̇ханад̣̇ан̣д̣о, д̇ад̣̇убхаяаагаран̣зна д̇ад̇о винимуд̇д̇о ад̣̇ан̣д̣о, самбад̇д̇ихаран̣ад̇о, саха анад̇т̇уббад̇д̇ид̇о жа сабад̇д̇о, бадисад̇д̇ууд̇и ааха ‘‘асабад̇д̇аад̇и абажжад̇т̇игаа’’д̇и. б̣яаабаж̇жхам̣ вужжад̇и жид̇д̇ад̣̇угкам̣, д̇аб̣б̣ирахид̇аа аб̣яаабаж̇жхаад̇и ааха ‘‘виг̇ад̇ад̣̇оманассаа’’д̇и. буб̣б̣з ‘‘авзраа’’д̇и бад̣̇зна самб̣ад̣̇д̇хаагхаад̇агаабхааво вуд̇д̇о. д̇знааха ‘‘аббадигхаа’’д̇и. ‘‘авзрино’’д̇и бана иминааби гобамад̇д̇ассаби ануббаад̣̇анам̣. д̇знааха ‘‘гад̇т̇ажи гобам̣ на уббаад̣̇зд̇ваа’’д̇и. ‘‘вихарзмуу’’д̇и жа бад̣̇ам̣ буримабад̣̇зхиби яож̇зд̇аб̣б̣ам̣ ‘‘авзраа вихарзмуу’’д̇иаад̣̇инаа. аяан̃жа авзраад̣̇ибхааво сам̣вибхааг̇зна баагадо ход̇ийд̇и д̣̇ассзд̇ум̣ ‘‘ажчарааяаа’’д̇и аад̣̇им̣ вад̇ваа ‘‘ид̇и жз нзсам̣ ход̇ий’’д̇и вуд̇д̇ам̣. жид̇д̇уббад̇д̇и д̣̇ал̣хад̇арааби худ̇ваа бавад̇д̇ад̇ийд̇и д̣̇ассзд̇ум̣ ‘‘д̣̇аанам̣ д̣̇ад̇ваа, бууж̇ам̣ гад̇ваа жа бад̇т̇аяанд̇ий’’д̇и вуд̇д̇ам̣. ид̇и жзд̇и жз-сад̣̇д̣̇о анваяасам̣саг̇г̇зна баригаббзд̇ийд̇и ааха ‘‘зван̃жа нзса’’нд̇и.

    357.Kiṃsaṃyojanāti kīdisasaṃyojanā. Satte anatthe saṃyojenti bandhantīti saṃyojanānīti āha ‘‘kiṃbandhanā, kena bandhanena baddhā’’ti. Puthukāyāti bahū sattakāyāti āha ‘‘bahū janā’’ti. Veraṃ vuccati dosoti āha ‘‘averāti appaṭighā’’ti. Āvudhena sarīre daṇḍo āvudhadaṇḍo, dhanassa dāpanatthena daṇḍo dhanadaṇḍo, tadubhayākaraṇena tato vinimutto adaṇḍo, sampattiharaṇato, saha anatthuppattito ca sapatto, paṭisattūti āha ‘‘asapattāti apaccatthikā’’ti. Byāpajjhaṃ vuccati cittadukkhaṃ, tabbirahitā abyāpajjhāti āha ‘‘vigatadomanassā’’ti. Pubbe ‘‘averā’’ti padena sambaddhāghātakābhāvo vutto. Tenāha ‘‘appaṭighā’’ti. ‘‘Averino’’ti pana imināpi kopamattassapi anuppādanaṃ. Tenāha ‘‘katthaci kopaṃ na uppādetvā’’ti. ‘‘Viharemū’’ti ca padaṃ purimapadehipi yojetabbaṃ ‘‘averā viharemū’’tiādinā. Ayañca averādibhāvo saṃvibhāgena pākaṭo hotīti dassetuṃ ‘‘accharāyā’’ti ādiṃ vatvā ‘‘iti ce nesaṃ hotī’’ti vuttaṃ. Cittuppatti daḷhatarāpi hutvā pavattatīti dassetuṃ ‘‘dānaṃ datvā, pūjaṃ katvā ca patthayantī’’ti vuttaṃ. Iti ceti ce-saddo anvayasaṃsaggena parikappetīti āha ‘‘evañca nesa’’nti.

    яааяа гааяажи барзсам̣ самбад̇д̇ияаа кийяанам̣ усууяанам̣ асаханам̣ лагкан̣ам̣ зд̇иссаад̇и барасамбад̇д̇икийяаналагкан̣аа, яад̣̇аг̇г̇зна ад̇д̇асамбад̇д̇ияаа барзхи саад̇хааран̣абхаавам̣ асаханалагкан̣ам̣, д̇ад̣̇аг̇г̇знасса ‘‘ниг̇ууханалагкан̣а’’нд̇иби вад̇д̇аб̣б̣ам̣. д̇ат̇аа хисса бораан̣аа ‘‘маа ид̣̇ам̣ ажчарияам̣ ан̃н̃зсам̣ ход̇у, маяхамзва ход̇ууд̇и мажчарияа’’нд̇и ниб̣б̣ажанам̣ вад̣̇анд̇и. абхид̇хаммз ‘‘яаа баралаабхасаггаараг̇аругаарамаананаванд̣̇анабууж̇анаасу иссаа иссааяанаа’’д̇иаад̣̇инаа (д̇ха. са. 1126) нигкзбаган̣д̣з, ‘‘яаа зд̇зсу барзсам̣ лаабхаад̣̇ийсу гим̣ иминаа имзса’’нд̇иаад̣̇инаа д̇ам̣сам̣ван̣н̣анааяан̃жа вуд̇д̇аанзва, д̇асмаа д̇ад̇т̇а вуд̇д̇анаязнзва взд̣̇ид̇аб̣б̣аанийд̇и ад̇хиббааяо.

    Yāya kāyaci paresaṃ sampattiyā khīyanaṃ usūyanaṃ asahanaṃ lakkhaṇaṃ etissāti parasampattikhīyanalakkhaṇā, yadaggena attasampattiyā parehi sādhāraṇabhāvaṃ asahanalakkhaṇaṃ, tadaggenassa ‘‘nigūhanalakkhaṇa’’ntipi vattabbaṃ. Tathā hissa porāṇā ‘‘mā idaṃ acchariyaṃ aññesaṃ hotu, mayhameva hotūti macchariya’’nti nibbacanaṃ vadanti. Abhidhamme ‘‘yā paralābhasakkāragarukāramānanavandanapūjanāsu issā issāyanā’’tiādinā (dha. sa. 1126) nikkhepakaṇḍe, ‘‘yā etesu paresaṃ lābhādīsu kiṃ iminā imesa’’ntiādinā taṃsaṃvaṇṇanāyañca vuttāneva, tasmā tattha vuttanayeneva veditabbānīti adhippāyo.

    яасмаа бана иссаамажчарияаани б̣ахваад̣̇ийнаваани, д̇зсам̣ вибхааванаа логасса б̣ахугаараа , д̇асмаа абхид̇хаммадтагат̇ааяам̣ (д̇ха. са. адта. 1125) вибхаавид̇аанамби д̇зсам̣ д̣̇идтад̇хаммигзби самбарааяигз биаад̣̇ийнавз д̣̇ассзнд̇о ‘‘ааваасамажчариязна банаа’’д̇иаад̣̇имааха. зд̇т̇аад̇и зд̇зсу иссаамажчариязсу, зд̇зсу ваа ааваасамажчарияаад̣̇ийсу бан̃жасу мажчариязсу. сан̇гаарам̣ сийсзна угкибид̇ваава вижарад̇и д̇ад̇т̇а лаг̇г̇ажид̇д̇ад̇ааяа, нихийнаж̇жхаасаяад̇ааяа жа. мамаад̇и маяаа, аяамзва ваа баато. лохид̇амби мукад̇о уг̇г̇ажчад̇и жид̇д̇авигхаад̇зна сам̣д̇ад̇д̇ахад̣̇аяад̇ааяа. гужчивирзжанамби ход̇и ад̇иж̇алаг̇г̇ино. ан̃н̃о вибхавабадивзд̇хад̇хаммо арияаанам̣язва ход̇и, д̇з жа д̇ам̣ на мажчарааяанд̇и мажчарияасса саб̣б̣асо бахийнад̇д̇аа. бадивзд̇хад̇хаммз мажчарияасса асамбхаво зваад̇и ааха ‘‘барияад̇д̇ид̇хаммамажчариязна жаа’’д̇и. ван̣н̣амажчариязна д̣̇уб̣б̣ан̣н̣о, д̇хаммамажчариязна зл̣амууг̇о д̣̇уббан̃н̃о ход̇и.

    Yasmā pana issāmacchariyāni bahvādīnavāni, tesaṃ vibhāvanā lokassa bahukārā , tasmā abhidhammaṭṭhakathāyaṃ (dha. sa. aṭṭha. 1125) vibhāvitānampi tesaṃ diṭṭhadhammikepi samparāyike piādīnave dassento ‘‘āvāsamacchariyena panā’’tiādimāha. Etthāti etesu issāmacchariyesu, etesu vā āvāsamacchariyādīsu pañcasu macchariyesu. Saṅkāraṃ sīsena ukkhipitvāva vicarati tattha laggacittatāya, nihīnajjhāsayatāya ca. Mamāti mayā, ayameva vā pāṭho. Lohitampi mukhato uggacchati cittavighātena saṃtattahadayatāya. Kucchivirecanampi hoti atijalaggino. Añño vibhavapaṭivedhadhammo ariyānaṃyeva hoti, te ca taṃ na maccharāyanti macchariyassa sabbaso pahīnattā. Paṭivedhadhamme macchariyassa asambhavo evāti āha ‘‘pariyattidhammamacchariyena cā’’ti. Vaṇṇamacchariyena dubbaṇṇo, dhammamacchariyena eḷamūgo duppañño hoti.

    ‘‘абижаа’’д̇иаад̣̇и бан̃жаннам̣ мажчарияаанам̣ васзна гаммасаригкагавибаагад̣̇ассанам̣. ааваасамажчариязна лохаг̇зхз бажжад̇и барзсам̣ ааваасабажжаяахид̇асуканисзд̇ханад̇о. гуламажчариязна аббалаабхо ход̇и барзхи гулзсу лад̣̇д̇хаб̣б̣алаабханисзд̇ханад̇о, аббалаабход̇и жа алаабход̇и ад̇т̇о. лаабхамажчариязна г̇уут̇анираяз ниб̣б̣ад̇д̇ад̇и лаабхахзд̇у барзхи лад̣̇д̇хаб̣б̣асса ассаад̣̇анисзд̇ханад̇о. саб̣б̣ат̇ааби нирассаад̣̇о хи г̇уут̇анираяо. ван̣н̣о наама на ход̇ийд̇и сарийраван̣н̣о, г̇ун̣аван̣н̣од̇и д̣̇увид̇хоби ван̣н̣о наамамад̇д̇знаби на ход̇и, д̇ад̇т̇а д̇ад̇т̇а ниб̣б̣ад̇д̇амаано вируубо зва ход̇и. самбад̇д̇иниг̇ууханасабхаавзна мажчариязна вируубид̇з санд̇аанз язбхуяязна г̇ун̣аа бад̇идтамзва на лабханд̇и, яз жа бад̇идтахзяяум̣, д̇зсамби васзнасса ван̣н̣о на бхавзяяа. д̇з хи д̇асса логз рад̇д̇им̣ кид̇д̇аа сараа вияа на бан̃н̃ааяанд̇и. д̇хаммамажчариязна гуггул̣анираяз. сод̇аабад̇д̇имаг̇г̇зна бахийяад̇и абааяаг̇аманийяабхаавад̇о. взраад̣̇ийхи на баримужжанд̇иязва д̇аббаримужжанааяа ижчааяа аббад̇д̇аб̣б̣ад̇д̇аа ж̇аад̇иаад̣̇ид̇хаммаанам̣ сад̇д̇аанам̣ ж̇аад̇иаад̣̇ийхи вияа.

    ‘‘Apicā’’tiādi pañcannaṃ macchariyānaṃ vasena kammasarikkhakavipākadassanaṃ. Āvāsamacchariyena lohagehe paccati paresaṃ āvāsapaccayahitasukhanisedhanato. Kulamacchariyena appalābho hoti parehi kulesu laddhabbalābhanisedhanato, appalābhoti ca alābhoti attho. Lābhamacchariyena gūthaniraye nibbattati lābhahetu parehi laddhabbassa assādanisedhanato. Sabbathāpi nirassādo hi gūthanirayo. Vaṇṇo nāma na hotīti sarīravaṇṇo, guṇavaṇṇoti duvidhopi vaṇṇo nāmamattenapi na hoti, tattha tattha nibbattamāno virūpo eva hoti. Sampattinigūhanasabhāvena macchariyena virūpite santāne yebhuyyena guṇā patiṭṭhameva na labhanti, ye ca patiṭṭhaheyyuṃ, tesampi vasenassa vaṇṇo na bhaveyya. Te hi tassa loke rattiṃ khittā sarā viya na paññāyanti. Dhammamacchariyenakukkuḷaniraye.Sotāpattimaggenapahīyati apāyagamanīyabhāvato. Verādīhi na parimuccantiyeva tapparimuccanāya icchāya appattabbattā jātiādidhammānaṃ sattānaṃ jātiādīhi viya.

    д̇ин̣н̣аа мзд̇т̇а ган̇каад̇и ма-гааро бад̣̇асанд̇хигаро. зд̇асмим̣ бан̃хзд̇и зд̇асмим̣ ‘‘гим̣сам̣яож̇анаа ну ко’’д̇и звам̣ н̃аад̇ум̣ ижчид̇з ад̇т̇з. д̇умхаагам̣ важанам̣ суд̇ваад̇и ‘‘иссаамажчарияасам̣яож̇анаа’’д̇и звам̣ бавад̇д̇ам̣ д̇умхаагам̣ виссаж̇ж̇анаважанам̣ суд̇ваа. ган̇каа д̇ин̣н̣аад̇и яат̇аабужчид̇з ад̇т̇з сам̣саяо д̇арид̇о виг̇ад̇о д̣̇зсанаануссаран̣амад̇д̇зна, на самужчзд̣̇авасзнаад̇и ааха ‘‘на маг̇г̇авасзнаа’’д̇иаад̣̇и. аяамби гат̇ам̣гат̇аа виг̇ад̇аад̇и ган̇кааяа виг̇ад̇ад̇д̇аа зва д̇ассаа бавад̇д̇иаагаарависзсабхууд̇аа ‘‘ид̣̇ам̣ гат̇а ид̣̇ам̣ гат̇а’’нд̇и аяамби гат̇ам̣гат̇аа виг̇ад̇аа абаг̇ад̇аа.

    Tiṇṇā mettha kaṅkhāti ma-kāro padasandhikaro. Etasmiṃ pañheti etasmiṃ ‘‘kiṃsaṃyojanā nu kho’’ti evaṃ ñātuṃ icchite atthe. Tumhākaṃ vacanaṃ sutvāti ‘‘issāmacchariyasaṃyojanā’’ti evaṃ pavattaṃ tumhākaṃ vissajjanavacanaṃ sutvā. Kaṅkhā tiṇṇāti yathāpucchite atthe saṃsayo tarito vigato desanānussaraṇamattena, na samucchedavasenāti āha ‘‘na maggavasenā’’tiādi. Ayampi kathaṃkathā vigatāti kaṅkhāya vigatattā eva tassā pavattiākāravisesabhūtā ‘‘idaṃ katha idaṃ katha’’nti ayampi kathaṃkathā vigatā apagatā.

    358. нид̣̇аанаад̣̇ийни махаанид̣̇аанасуд̇д̇аван̣н̣анааяам̣ (д̣̇ий. ни. адта. 2.95) вуд̇д̇ад̇т̇аанзва. бияаанам̣ ад̇д̇ано бариг̇г̇ахабхууд̇аанам̣ сад̇д̇асан̇каараанам̣ барзхи саад̇хааран̣абхааваасаханавасзна, ниг̇ууханавасзна жа бавад̇д̇анад̇о бияасад̇д̇асан̇кааранид̣̇аанам̣ мажчарияам̣, аббияаанам̣ бариг̇г̇ахабхууд̇аанам̣ сад̇д̇аанам̣, сан̇каараанан̃жа асаханавасзна бавад̇д̇ияаа аббияасад̇д̇асан̇кааранид̣̇аанаа иссаа. яан̃хи гин̃жи аббияасамб̣анд̇хам̣ бхад̣̇д̣̇агамби д̇ам̣ год̇ханасса аббияамзваад̇и. убхаяанд̇и мажчарияам̣, иссаа жаад̇и убхаяам̣. убхаяанид̣̇аананд̇и бияанид̣̇аанан̃жзва аббияанид̣̇аанан̃жа. бияаад̇и идтаа. гзл̣ааяид̇аад̇и д̇ханааяид̇аа. мамааяид̇аад̇и мамад̇д̇ам̣ гад̇ваа бариг̇г̇ахид̇аа. иссам̣ гарод̇ийд̇и ‘‘гим̣ имасса иминаа’’д̇и д̇асса бияасад̇д̇алаабхаасаханавасзна уссууяад̇и, д̇амзва бияасад̇д̇ам̣ яаажид̇о. ахо вад̇ассаад̇и саад̇ху вад̇а асса. ‘‘имасса буг̇г̇аласса зваруубам̣ бияавад̇т̇у на бхавзяяаа’’д̇и иссам̣ гарод̇и усууяам̣ уббаад̣̇зд̇и. мамааяанд̇аад̇и гзл̣ааяанд̇аа. аббиязд̇и аббияз сад̇д̇з д̇зсам̣ сад̇аабад̇о. ассаад̇и буг̇г̇аласса, язна д̇з лад̣̇д̇хаа. д̇зд̇и сад̇д̇асан̇каараа, сажзби аманаабаа хонд̇и аббиязхи самуд̣̇ааг̇ад̇ад̇д̇аа. вибарийд̇авуд̇д̇ид̇ааяаад̇и аяаат̇ааваг̇аахид̇ааяа. го ан̃н̃о зваруубасса лаабхийд̇и д̇зна ад̇д̇аанам̣ самбхаавзнд̇о иссам̣ ваа гарод̇и. ан̃н̃асса д̇аад̣̇исам̣ уббаж̇ж̇амаанамби ‘‘ахо вад̇асса зваруубам̣ на бхавзяяаа’’д̇и иссам̣ ваа гарод̇и, аяан̃жа наяо хздтаа вуд̇д̇анаяад̇д̇аа на г̇ахид̇о.

    358.Nidānādīni mahānidānasuttavaṇṇanāyaṃ (dī. ni. aṭṭha. 2.95) vuttatthāneva. Piyānaṃ attano pariggahabhūtānaṃ sattasaṅkhārānaṃ parehi sādhāraṇabhāvāsahanavasena, nigūhanavasena ca pavattanato piyasattasaṅkhāranidānaṃ macchariyaṃ, appiyānaṃ pariggahabhūtānaṃ sattānaṃ, saṅkhārānañca asahanavasena pavattiyā appiyasattasaṅkhāranidānā issā. Yañhi kiñci appiyasambandhaṃ bhaddakampi taṃ kodhanassa appiyamevāti. Ubhayanti macchariyaṃ, issā cāti ubhayaṃ. Ubhayanidānanti piyanidānañceva appiyanidānañca. Piyāti iṭṭhā. Keḷāyitāti dhanāyitā. Mamāyitāti mamattaṃ katvā pariggahitā. Issaṃ karotīti ‘‘kiṃ imassa iminā’’ti tassa piyasattalābhāsahanavasena ussūyati, tameva piyasattaṃ yācito. Aho vatassāti sādhu vata assa. ‘‘Imassa puggalassa evarūpaṃ piyavatthu na bhaveyyā’’ti issaṃ karoti usūyaṃ uppādeti. Mamāyantāti keḷāyantā. Appiyeti appiye satte tesaṃ satāpato. Assāti puggalassa, yena te laddhā. Teti sattasaṅkhārā, sacepi amanāpā honti appiyehi samudāgatattā. Viparītavuttitāyāti ayāthāvagāhitāya. Ko añño evarūpassa lābhīti tena attānaṃ sambhāvento issaṃ vā karoti. Aññassa tādisaṃ uppajjamānampi ‘‘aho vatassa evarūpaṃ na bhaveyyā’’ti issaṃ vā karoti, ayañca nayo heṭṭhā vuttanayattā na gahito.

    вад̇т̇угаамаанам̣ бариязсанавасзна бавад̇д̇о чанд̣̇о бариязсаначанд̣̇о. бадилаабхабажжаяо чанд̣̇о бадилаабхачанд̣̇о. барибхун̃ж̇анавасзна бавад̇д̇о чанд̣̇о барибхог̇ачанд̣̇о. бадилад̣̇д̇хаанам̣ саннид̇хаабанавасзна, сан̇г̇обанавасзна жа бавад̇д̇о чанд̣̇о саннид̇хичанд̣̇о. д̣̇идтад̇хаммигамзва баяож̇анам̣ жинд̇зд̇ваа виссаж̇ж̇анавасзна бавад̇д̇о чанд̣̇о виссаж̇ж̇аначанд̣̇о. д̇знааха ‘‘гад̇амо’’д̇иаад̣̇и.

    Vatthukāmānaṃ pariyesanavasena pavatto chando pariyesanachando. Paṭilābhapaccayo chando paṭilābhachando. Paribhuñjanavasena pavatto chando paribhogachando. Paṭiladdhānaṃ sannidhāpanavasena, saṅgopanavasena ca pavatto chando sannidhichando. Diṭṭhadhammikameva payojanaṃ cintetvā vissajjanavasena pavatto chando vissajjanachando. Tenāha ‘‘katamo’’tiādi.

    аяам̣ бан̃жавид̇хоби ад̇т̇ад̇о д̇ан̣хааяанамзваад̇и ааха ‘‘д̇ан̣хаамад̇д̇амзваа’’д̇и.

    Ayaṃ pañcavidhopi atthato taṇhāyanamevāti āha ‘‘taṇhāmattamevā’’ti.

    звам̣ вуд̇д̇о ‘‘лаабхам̣ бадижжа винижчаяо’’д̇и звам̣ махаанид̣̇аанасуд̇д̇з (д̣̇ий. ни. 2.103) вуд̇д̇о винижчаяавид̇агго вид̇агго наама, на яо гожи вид̇агго. ид̣̇аани яат̇аавуд̇д̇ам̣ винижчаяавид̇аггам̣ ад̇т̇уд̣̇д̇хааранаязна нийхарид̇ваа д̣̇ассзд̇ум̣ ‘‘винижчаяо’’д̇иаад̣̇и вуд̇д̇ам̣. адтасад̇анд̇и адтаад̇хигам̣ сад̇ам̣, д̇ан̃жа ко д̇ан̣хаавижарид̇аанам̣ сад̇ам̣, на яасса гассажийд̇и д̣̇ассзд̇ум̣ ‘‘д̇ан̣хаавижарид̇а’’нд̇и вуд̇д̇ам̣. д̇ан̣хаавинижчаяо наама д̇ан̣хааяа васзна вагкамаананаязна аарамман̣асса винижчинанад̇о. д̣̇идтид̣̇ассанавасзна ‘‘ид̣̇амзва сажжам̣, могхам̣ ан̃н̃а’’нд̇и винижчинанад̇о д̣̇идтивинижчаяо наама. идтам̣ бан̣ийд̇ам̣, анидтам̣ аббан̣ийд̇ам̣, бияааяид̇аб̣б̣ам̣ бияам̣, аббияааяид̇аб̣б̣ам̣ аббияам̣, д̇зсам̣ вавад̇т̇аанам̣ д̇ан̣хаавасзна на ход̇и. д̇ан̣хаавасзна хи згажжо гин̃жи вад̇т̇ум̣ бан̣ийд̇ам̣ ман̃н̃ад̇и, згажжо хийнам̣, згажжо бияааяад̇и, згажжо наббияааяад̇и. д̇знааха ‘‘д̇ад̣̇зва хий’’д̇иаад̣̇и . ‘‘д̣̇ассаамий’’д̇и ид̣̇ам̣ виссаж̇ж̇аначанд̣̇з вуд̇д̇анаязна жзва ваддуубаниссаяад̣̇аанавасзна жа взд̣̇ид̇аб̣б̣ам̣. д̇амби хи д̇ан̣хаачанд̣̇ахзд̇уганд̇и.

    Evaṃ vutto ‘‘lābhaṃ paṭicca vinicchayo’’ti evaṃ mahānidānasutte (dī. ni. 2.103) vutto vinicchayavitakko vitakko nāma, na yo koci vitakko. Idāni yathāvuttaṃ vinicchayavitakkaṃ atthuddhāranayena nīharitvā dassetuṃ ‘‘vinicchayo’’tiādi vuttaṃ. Aṭṭhasatanti aṭṭhādhikaṃ sataṃ, tañca kho taṇhāvicaritānaṃ sataṃ, na yassa kassacīti dassetuṃ ‘‘taṇhāvicarita’’nti vuttaṃ. Taṇhāvinicchayo nāma taṇhāya vasena vakkhamānanayena ārammaṇassa vinicchinanato. Diṭṭhidassanavasena ‘‘idameva saccaṃ, moghaṃ añña’’nti vinicchinanato diṭṭhivinicchayo nāma. Iṭṭhaṃ paṇītaṃ, aniṭṭhaṃ appaṇītaṃ, piyāyitabbaṃ piyaṃ, appiyāyitabbaṃ appiyaṃ, tesaṃ vavatthānaṃ taṇhāvasena na hoti. Taṇhāvasena hi ekacco kiñci vatthuṃ paṇītaṃ maññati, ekacco hīnaṃ, ekacco piyāyati, ekacco nappiyāyati. Tenāha ‘‘tadeva hī’’tiādi . ‘‘Dassāmī’’ti idaṃ vissajjanachande vuttanayena ceva vaṭṭūpanissayadānavasena ca veditabbaṃ. Tampi hi taṇhāchandahetukanti.

    яад̇т̇а саяам̣ уббаж̇ж̇анд̇и, д̇ам̣ санд̇аанам̣ сам̣саарз бабан̃жзнд̇и вид̇т̇аараяанд̇ийд̇и бабан̃жаа. яасса жа уббаннаа, д̇ам̣ ‘‘рад̇д̇о’’д̇и ваа ‘‘сад̇д̇о’’д̇и ваа ‘‘мижчаабхинивидто’’д̇и ваа бабан̃жзнд̇и б̣яан̃ж̇знд̇ийд̇и бабан̃жаа. яасмаа д̇ан̣хаад̣̇идтияо ад̇химад̇д̇аа худ̇ваа бавад̇д̇амаанаа д̇ам̣саман̇г̇ийбуг̇г̇алам̣ бамад̇д̇аагаарам̣ баабзнд̇и, маано бана ж̇аад̇имад̣̇аад̣̇и васзна мад̇д̇аагаарамби, д̇асмаа ‘‘мад̇д̇абамад̇д̇аагаарабаабанадтзнаа’’д̇и вуд̇д̇ам̣. сан̇каа вужжад̇и годтаасо бхааг̇асо сан̇кааяад̇и убадтаад̇ийд̇и. яасмаа бабан̃жасан̃н̃аа д̇ам̣д̇ам̣д̣̇вааравасзна, аарамман̣авасзна жа бхааг̇асо вид̇аггасса бажжаяаа хонд̇и, на гзвалаа, д̇асмаа бабан̃жасан̃н̃аасан̇каанид̣̇аано вид̇агго вуд̇д̇о, бабан̃жасан̃н̃аанам̣ ваа анзгабхзд̣̇абхиннад̇д̇аа д̇ам̣самуд̣̇ааяо ‘‘бабан̃жасан̃н̃аасан̇каа’’д̇и вуд̇д̇о. бабан̃жасан̃н̃аасан̇кааг̇г̇ахан̣зна жа анавасзсо д̣̇угкасамуд̣̇аяо вуд̇д̇о д̇ам̣д̇ам̣ нимид̇д̇ад̇д̇аа ваддад̣̇угкассаад̇и.

    Yattha sayaṃ uppajjanti, taṃ santānaṃ saṃsāre papañcenti vitthārayantīti papañcā. Yassa ca uppannā, taṃ ‘‘ratto’’ti vā ‘‘satto’’ti vā ‘‘micchābhiniviṭṭho’’ti vā papañcenti byañjentīti papañcā. Yasmā taṇhādiṭṭhiyo adhimattā hutvā pavattamānā taṃsamaṅgīpuggalaṃ pamattākāraṃ pāpenti, māno pana jātimadādi vasena mattākārampi, tasmā ‘‘mattapamattākārapāpanaṭṭhenā’’ti vuttaṃ. Saṅkhā vuccati koṭṭhāso bhāgaso saṅkhāyati upaṭṭhātīti. Yasmā papañcasaññā taṃtaṃdvāravasena, ārammaṇavasena ca bhāgaso vitakkassa paccayā honti, na kevalā, tasmā papañcasaññāsaṅkhānidāno vitakko vutto, papañcasaññānaṃ vā anekabhedabhinnattā taṃsamudāyo ‘‘papañcasaññāsaṅkhā’’ti vutto. Papañcasaññāsaṅkhāggahaṇena ca anavaseso dukkhasamudayo vutto taṃtaṃ nimittattā vaṭṭadukkhassāti.

    яо нирод̇хо вуубасамод̇и нирод̇хасажжамааха. д̇асса сааруббанд̇и д̇асса бабан̃жасан̃н̃аасан̇кааяа нирод̇хасса вуубасамасса ад̇хиг̇амубааяад̇ааяа сааруббам̣ анужчавигам̣, зд̇зна вибассанам̣ вад̣̇ад̇и. д̇ад̇т̇а яат̇аавуд̇д̇анирод̇хз аарамман̣агаран̣авасзна г̇ажчад̇и бавад̇д̇ад̇ийд̇и д̇ад̇т̇аг̇ааминий, зд̇зна маг̇г̇ам̣. д̇знааха ‘‘саха вибассанааяа маг̇г̇ам̣ бужчад̇ий’’д̇и.

    Yo nirodho vūpasamoti nirodhasaccamāha. Tassa sāruppanti tassa papañcasaññāsaṅkhāya nirodhassa vūpasamassa adhigamupāyatāya sāruppaṃ anucchavikaṃ, etena vipassanaṃ vadati. Tattha yathāvuttanirodhe ārammaṇakaraṇavasena gacchati pavattatīti tatthagāminī, etena maggaṃ. Tenāha ‘‘saha vipassanāya maggaṃ pucchatī’’ti.

    взд̣̇анаагаммадтаанаван̣н̣анаа

    Vedanākammaṭṭhānavaṇṇanā

    359. бужчид̇амзва гат̇ид̇ам̣. яасмаа саггзна д̣̇зваанам̣ инд̣̇зна бабан̃жасан̃н̃аасан̇каанирод̇хаг̇ааминибадибад̣̇аа бужчид̇аава, бхаг̇аваа жа д̇ад̣̇ад̇хиг̇амубааяам̣ аруубагаммадтаанам̣ д̇асса аж̇жхаасаяавасзна взд̣̇анаамукзна гат̇знд̇о д̇иссо взд̣̇анаа аарабхи, ид̇и бужчид̇амзва гат̇знд̇зна бужчаанусанд̇хивасзна саанусанд̇химзва жа гат̇ид̇ам̣. на хи б̣уд̣̇д̇хаанам̣ ананусанд̇хигаа гат̇аа наама ад̇т̇и. ид̣̇аанисса взд̣̇анаамукзна аруубагаммадтаанассзва гат̇анз гааран̣ам̣ д̣̇ассзд̇ум̣ ‘‘д̣̇звад̇аанан̃хий’’д̇иаад̣̇и вуд̇д̇ам̣. гараж̇агааяасса сукумад̇ааважанзнзва ажжанд̇амуд̣̇усукумаалабхаавааби вуд̇д̇аа зваад̇и д̣̇адтаб̣б̣ам̣. гаммаж̇анд̇и гаммаж̇ад̇зж̇ам̣. д̇асса б̣алавабхааво ул̣аарабун̃н̃агамманиб̣б̣ад̇д̇ад̇д̇аа, ад̇ивияа г̇арумад̇хурасинид̣̇д̇хасуд̣̇д̇хаахаараж̇ийран̣ад̇о жа. згаахаарамбийд̇и згаахаараваарамби. ‘‘вилийяанд̇ий’’д̇и зд̇зна гараж̇агааяасса манд̣̇ад̇ааяа гаммаж̇ад̇зж̇асса б̣алавабхаавзна аахааравзлаад̇иггамзна нзсам̣ б̣алавад̇ий д̣̇угкавзд̣̇анаа уббаж̇ж̇амаанаа субаагадаа ход̇ийд̇и д̣̇ассзд̇и. нид̣̇ассанамад̇д̇ан̃жзд̇ам̣ , сукавзд̣̇анааби бана нзсам̣ ул̣аарабан̣ийд̇зсу аарамман̣зсу убаруубари аниг̇г̇ахан̣авасзна бавад̇д̇амаанаа субаагадаа худ̇ваа убадтаад̇иязва. убзгкааби д̇зсам̣ гад̣̇аажи уббаж̇ж̇амаанаа санд̇абан̣ийд̇аруубаа зва идтамаж̇жхад̇д̇з зва аарамман̣з бавад̇д̇анад̇о. д̇знзвааха ‘‘д̇асмаа’’д̇иаад̣̇и.

    359.Pucchitameva kathitaṃ. Yasmā sakkena devānaṃ indena papañcasaññāsaṅkhānirodhagāminipaṭipadā pucchitāva, bhagavā ca tadadhigamupāyaṃ arūpakammaṭṭhānaṃ tassa ajjhāsayavasena vedanāmukhena kathento tisso vedanā ārabhi, iti pucchitameva kathentena pucchānusandhivasena sānusandhimeva ca kathitaṃ. Na hi buddhānaṃ ananusandhikā kathā nāma atthi. Idānissa vedanāmukhena arūpakammaṭṭhānasseva kathane kāraṇaṃ dassetuṃ ‘‘devatānañhī’’tiādi vuttaṃ. Karajakāyassa sukhumatāvacaneneva accantamudusukhumālabhāvāpi vuttā evāti daṭṭhabbaṃ. Kammajanti kammajatejaṃ. Tassa balavabhāvo uḷārapuññakammanibbattattā, ativiya garumadhurasiniddhasuddhāhārajīraṇato ca. Ekāhārampīti ekāhāravārampi. ‘‘Vilīyantī’’ti etena karajakāyassa mandatāya kammajatejassa balavabhāvena āhāravelātikkamena nesaṃ balavatī dukkhavedanā uppajjamānā supākaṭā hotīti dasseti. Nidassanamattañcetaṃ , sukhavedanāpi pana nesaṃ uḷārapaṇītesu ārammaṇesu uparūpari aniggahaṇavasena pavattamānā supākaṭā hutvā upaṭṭhātiyeva. Upekkhāpi tesaṃ kadāci uppajjamānā santapaṇītarūpā eva iṭṭhamajjhatte eva ārammaṇe pavattanato. Tenevāha ‘‘tasmā’’tiādi.

    руубагаммадтаананд̇и руубабариг̇г̇ахам̣, руубамукзна вибассанаабхинивзсанд̇и ад̇т̇о. аруубагаммадтаананд̇и зд̇т̇ааби зсзва наяо. д̇ад̇т̇а руубагаммадтаанзна самат̇аабхинивзсоби сан̇г̇аяхад̇и, вибассанаабхинивзсо бана ид̇хаад̇хиббзд̇од̇и д̣̇ассзнд̇о ‘‘руубабариг̇г̇ахо аруубабариг̇г̇аход̇иби зд̇ад̣̇зва вужжад̇ий’’д̇и ааха. жад̇уд̇хаад̇увавад̇т̇аананд̇и зд̇т̇а язбхуяязна жад̇уд̇хаад̇увавад̇т̇аанам̣ вид̇т̇аарзнд̇о руубагаммадтаанам̣ гат̇зд̇ийд̇и ад̇хиббааяо. руубагаммадтаанам̣ д̣̇ассзд̇ваава гат̇зд̇и ‘‘звам̣ руубагаммадтаанам̣ вужжамаанам̣ судту вибхууд̇ам̣ баагадам̣ худ̇ваа убадтаад̇ий’’д̇и. ‘‘зд̇зна ид̇хааби руубагаммадтаанам̣ згад̣̇зсзна вибхаавид̇амзваа’’д̇и вад̣̇анд̇и.

    Rūpakammaṭṭhānanti rūpapariggahaṃ, rūpamukhena vipassanābhinivesanti attho. Arūpakammaṭṭhānanti etthāpi eseva nayo. Tattha rūpakammaṭṭhānena samathābhinivesopi saṅgayhati, vipassanābhiniveso pana idhādhippetoti dassento ‘‘rūpapariggaho arūpapariggahotipi etadeva vuccatī’’ti āha. Catudhātuvavatthānanti ettha yebhuyyena catudhātuvavatthānaṃ vitthārento rūpakammaṭṭhānaṃ kathetīti adhippāyo. Rūpakammaṭṭhānaṃ dassetvāva katheti ‘‘evaṃ rūpakammaṭṭhānaṃ vuccamānaṃ suṭṭhu vibhūtaṃ pākaṭaṃ hutvā upaṭṭhātī’’ti. ‘‘Etena idhāpi rūpakammaṭṭhānaṃ ekadesena vibhāvitamevā’’ti vadanti.

    гааман̃жзд̇т̇а взд̣̇анаавасзна аруубагаммадтаанам̣ ааг̇ад̇ам̣, д̇ад̣̇ан̃н̃ад̇хаммавасзнаби аруубагаммадтаанам̣ лаб̣бхад̇ийд̇и д̇ам̣ вибхааг̇зна д̣̇ассзд̇ум̣ ‘‘д̇ивид̇хо хий’’д̇иаад̣̇и вуд̇д̇ам̣. д̇ад̇т̇а абхинивзсод̇и ануббавзсо, аарамбход̇и ад̇т̇о. аарамбхз зва хи аяам̣ вибхааг̇о, саммасанам̣ бана анавасзсад̇ова д̇хаммз бариг̇г̇ахзд̇ваа бавад̇д̇ад̇ийд̇и. ‘‘бариг̇г̇ахид̇з руубагаммадтаанз’’д̇и ид̣̇ам̣ руубамукзна вибассанаабхинивзсам̣ санд̇хааяа вуд̇д̇ам̣, аруубамукзна бана вибассанаабхинивзсо язбхуяязна самат̇аяаанигасса ижчид̇аб̣б̣о, со жа батамам̣ жхаанан̇г̇аани бариг̇г̇ахзд̇ваа д̇ад̇о барам̣ сзсад̇хаммз бариг̇г̇ан̣хаад̇и. батамаабхинибаад̇од̇и саб̣б̣з жзд̇асигаа жид̇д̇ааяад̇д̇аа жид̇д̇агирияаабхаавзна вужжанд̇ийд̇и пассо жид̇д̇асса батамаабхинибаад̇о вуд̇д̇о. д̇ам̣ аарамман̣анд̇и яат̇аабариг̇г̇ахид̇ам̣ руубагаммадтаанасан̃н̃ид̇ам̣ аарамман̣ам̣. уббаннапассо буг̇г̇ало, жид̇д̇ажзд̇асигарааси ваа аарамман̣зна пудто пассасахаж̇аад̇ааяа взд̣̇анааяа д̇ам̣самагааламзва взд̣̇зд̇и, пассо бана обхаасасса вияа бад̣̇ийбо взд̣̇анаад̣̇ийнам̣ бажжаяависзсо ход̇ийд̇и буримагаало вияа вужжад̇и, яаа д̇асса аарамман̣аабхиниробаналагкан̣ад̇аа вужжад̇и. пусанд̇од̇и аарамман̣асса пусанаагаарзна. аяан̃хи аруубад̇хаммад̇д̇аа згад̣̇зсзна аналлийяамааноби руубам̣ вияа жагкум̣, сад̣̇д̣̇о вияа жа сод̇ам̣, жид̇д̇ам̣, аарамман̣ан̃жа пусанд̇о вияа, сан̇гхаддзнд̇о вияа жа бавад̇д̇ад̇ийд̇и. д̇ат̇аа хзса ‘‘сан̇гхадданарасо’’д̇и вужжад̇и.

    Kāmañcettha vedanāvasena arūpakammaṭṭhānaṃ āgataṃ, tadaññadhammavasenapi arūpakammaṭṭhānaṃ labbhatīti taṃ vibhāgena dassetuṃ ‘‘tividho hī’’tiādi vuttaṃ. Tattha abhinivesoti anuppaveso, ārambhoti attho. Ārambhe eva hi ayaṃ vibhāgo, sammasanaṃ pana anavasesatova dhamme pariggahetvā pavattatīti. ‘‘Pariggahite rūpakammaṭṭhāne’’ti idaṃ rūpamukhena vipassanābhinivesaṃ sandhāya vuttaṃ, arūpamukhena pana vipassanābhiniveso yebhuyyena samathayānikassa icchitabbo, so ca paṭhamaṃ jhānaṅgāni pariggahetvā tato paraṃ sesadhamme pariggaṇhāti. Paṭhamābhinipātoti sabbe cetasikā cittāyattā cittakiriyābhāvena vuccantīti phasso cittassa paṭhamābhinipāto vutto. Taṃ ārammaṇanti yathāpariggahitaṃ rūpakammaṭṭhānasaññitaṃ ārammaṇaṃ. Uppannaphasso puggalo, cittacetasikarāsi vā ārammaṇena phuṭṭho phassasahajātāya vedanāya taṃsamakālameva vedeti, phasso pana obhāsassa viya padīpo vedanādīnaṃ paccayaviseso hotīti purimakālo viya vuccati, yā tassa ārammaṇābhiniropanalakkhaṇatā vuccati. Phusantoti ārammaṇassa phusanākārena. Ayañhi arūpadhammattā ekadesena anallīyamānopi rūpaṃ viya cakkhuṃ, saddo viya ca sotaṃ, cittaṃ, ārammaṇañca phusanto viya, saṅghaṭṭento viya ca pavattatīti. Tathā hesa ‘‘saṅghaṭṭanaraso’’ti vuccati.

    аарамман̣ам̣ анубхаванд̇ийд̇и иссаравад̇ааяа висавид̇ааяа саамибхаавзна аарамман̣арасам̣ сам̣взд̣̇знд̇ий. пассаад̣̇ийнан̃хи самбаяуд̇д̇ад̇хаммаанам̣ аарамман̣з згад̣̇зсзнзва бавад̇д̇и пусанаад̣̇имад̇д̇абхаавад̇о, взд̣̇анааяа бана идтаагаарасамбхог̇аад̣̇ивасзна бавад̇д̇анад̇о аарамман̣з ниббад̣̇зсад̇о бавад̇д̇и. пусанаад̣̇ибхаавзна хи аарамман̣аг̇г̇ахан̣ам̣ згад̣̇зсаанубхаванам̣, взд̣̇аяид̇абхаавзна г̇ахан̣ам̣ яат̇аагаамам̣ саб̣б̣аанубхаванам̣, звам̣сабхааваанзва д̇аани г̇ахан̣аанийд̇и на взд̣̇анааяа вияа пассаад̣̇ийнамби яат̇аа сагагижжагаран̣зна саамибхааваанубхаванам̣ жод̣̇зд̇аб̣б̣ам̣. виж̇аананд̇анд̇и барижчинд̣̇анавасзна висзсад̇о ж̇аананд̇ам̣. вин̃н̃аан̣ан̃хи минид̇аб̣б̣авад̇т̇ум̣ наал̣ияаа минанд̇о бурисо вияа аарамман̣ам̣ барижчиж̇ж̇а вибхаавзнд̇ам̣ бавад̇д̇ад̇и, на сан̃н̃аа вияа сан̃ж̇аананамад̇д̇ам̣ худ̇ваа. д̇ат̇аа хи анзна гад̣̇аажи лагкан̣ад̇д̇аяавибхааванааби ход̇и, имзсам̣ бана пассаад̣̇ийнам̣ д̇асса д̇асса баагадабхааво бажжаяависзсасид̣̇д̇хасса буб̣б̣абхааг̇асса васзна взд̣̇ид̇аб̣б̣о.

    Ārammaṇaṃ anubhavantīti issaravatāya visavitāya sāmibhāvena ārammaṇarasaṃ saṃvedentī. Phassādīnañhi sampayuttadhammānaṃ ārammaṇe ekadeseneva pavatti phusanādimattabhāvato, vedanāya pana iṭṭhākārasambhogādivasena pavattanato ārammaṇe nippadesato pavatti. Phusanādibhāvena hi ārammaṇaggahaṇaṃ ekadesānubhavanaṃ, vedayitabhāvena gahaṇaṃ yathākāmaṃ sabbānubhavanaṃ, evaṃsabhāvāneva tāni gahaṇānīti na vedanāya viya phassādīnampi yathā sakakiccakaraṇena sāmibhāvānubhavanaṃ codetabbaṃ. Vijānantanti paricchindanavasena visesato jānantaṃ. Viññāṇañhi minitabbavatthuṃ nāḷiyā minanto puriso viya ārammaṇaṃ paricchijja vibhāventaṃ pavattati, na saññā viya sañjānanamattaṃ hutvā. Tathā hi anena kadāci lakkhaṇattayavibhāvanāpi hoti, imesaṃ pana phassādīnaṃ tassa tassa pākaṭabhāvo paccayavisesasiddhassa pubbabhāgassa vasena veditabbo.

    звам̣ д̇асса д̇ассзва баагадабхаавзби ‘‘саб̣б̣ам̣, бхигкавз, абхин̃н̃зяяа’’нд̇и (сам̣. ни. 4.46; бади. ма. 1.3), ‘‘саб̣б̣ан̃жа ко, бхигкавз, абхиж̇аана’’нд̇и (сам̣. ни. 4.27) жа звамаад̣̇и важанад̇о саб̣б̣з саммасанубаг̇аа д̇хаммаа бариг̇г̇ахзд̇аб̣б̣аад̇и д̣̇ассзнд̇о ‘‘д̇ад̇т̇а яассаа’’д̇иаад̣̇имааха. д̇ад̇т̇а пассабан̃жамагзязваад̇и авад̇хааран̣ам̣ д̇ад̣̇анд̇ог̇ад̇хад̇д̇аа д̇аг̇г̇ахан̣знзва г̇ахид̇ад̇д̇аа жад̇уннам̣ аруубагканд̇хаанам̣. пассабан̃жамагаг̇г̇ахан̣ан̃хи д̇асса саб̣б̣асса саб̣б̣ажид̇д̇уббаад̣̇асаад̇хааран̣абхаавад̇о . д̇ад̇т̇а жа пассажзд̇анааг̇г̇ахан̣зна саб̣б̣асан̇каарагканд̇хад̇хаммасан̇г̇ахо жзд̇анаббад̇хаанад̇д̇аа д̇зсам̣. д̇ат̇аа хи суд̇д̇анд̇абхааж̇анийяз сан̇каарагканд̇хавибхан̇г̇з ‘‘жагкусампассаж̇аа жзд̇анаа’’д̇иаад̣̇инаа (вибха. 21) жзд̇анаава вибхад̇д̇аа, ид̇арз бана канд̇хаа саруубзнзва г̇ахид̇аа.

    Evaṃ tassa tasseva pākaṭabhāvepi ‘‘sabbaṃ, bhikkhave, abhiññeyya’’nti (saṃ. ni. 4.46; paṭi. ma. 1.3), ‘‘sabbañca kho, bhikkhave, abhijāna’’nti (saṃ. ni. 4.27) ca evamādi vacanato sabbe sammasanupagā dhammā pariggahetabbāti dassento ‘‘tattha yassā’’tiādimāha. Tattha phassapañcamakeyevāti avadhāraṇaṃ tadantogadhattā taggahaṇeneva gahitattā catunnaṃ arūpakkhandhānaṃ. Phassapañcamakaggahaṇañhi tassa sabbassa sabbacittuppādasādhāraṇabhāvato . Tattha ca phassacetanāggahaṇena sabbasaṅkhārakkhandhadhammasaṅgaho cetanappadhānattā tesaṃ. Tathā hi suttantabhājanīye saṅkhārakkhandhavibhaṅge ‘‘cakkhusamphassajā cetanā’’tiādinā (vibha. 21) cetanāva vibhattā, itare pana khandhā sarūpeneva gahitā.

    вад̇т̇униссид̇аад̇и зд̇т̇а вад̇т̇у-сад̣̇д̣̇о гараж̇агааяависаяо, на чаб̣б̣ад̇т̇увисаяод̇и. гат̇амид̣̇ам̣ вин̃н̃ааяад̇ийд̇и ааха ‘‘яам̣ санд̇хааяа вуд̇д̇а’’нд̇и. гад̇т̇а бана вуд̇д̇ам̣? сааман̃н̃апаласуд̇д̇з. сод̇и гараж̇агааяо. ‘‘бан̃жагканд̇хавинимуд̇д̇ам̣ наамаруубам̣ над̇т̇ий’’д̇и ид̣̇ам̣ ад̇хигааравасзна вуд̇д̇ам̣. ан̃н̃ат̇аа хи канд̇хавинимуд̇д̇амби наамам̣ ад̇т̇зваад̇и. авиж̇ж̇аад̣̇ихзд̇угаад̇и авиж̇ж̇аад̇ан̣хубаад̣̇аанаад̣̇ихзд̇угаа. ‘‘вибассанаабадибаадияаа анижжам̣ д̣̇угкам̣ анад̇д̇аад̇и саммасанд̇о вижарад̇ий’’д̇и иминаа б̣алававибассанам̣ вад̇ваа буна д̇асса уссуггаабанам̣, висзсаад̇хиг̇аман̃жа д̣̇ассзнд̇о ‘‘со’’д̇иаад̣̇имааха.

    Vatthunissitāti ettha vatthu-saddo karajakāyavisayo, na chabbatthuvisayoti. Kathamidaṃ viññāyatīti āha ‘‘yaṃ sandhāya vutta’’nti. Kattha pana vuttaṃ? Sāmaññaphalasutte. Soti karajakāyo. ‘‘Pañcakkhandhavinimuttaṃ nāmarūpaṃ natthī’’ti idaṃ adhikāravasena vuttaṃ. Aññathā hi khandhavinimuttampi nāmaṃ atthevāti. Avijjādihetukāti avijjātaṇhupādānādihetukā. ‘‘Vipassanāpaṭipāṭiyā aniccaṃ dukkhaṃ anattāti sammasanto vicaratī’’ti iminā balavavipassanaṃ vatvā puna tassa ussukkāpanaṃ, visesādhigamañca dassento ‘‘so’’tiādimāha.

    ид̇хаад̇и имасмим̣ саггабан̃хасуд̇д̇з. взд̣̇анаавасзна жзд̇т̇а аруубагаммадтаанагат̇анз гааран̣ам̣ хздтаа вуд̇д̇анаяамзва . яат̇аавуд̇д̇зсу жа д̇ийсу гаммадтаанаабхинивзсзсу взд̣̇анаавасзна гаммадтаанаабхинивзсо сугаро взд̣̇анаанам̣ вибхууд̇абхаавад̇од̇и д̣̇ассзд̇ум̣ ‘‘пассавасзна хий’’д̇иаад̣̇и вуд̇д̇ам̣. ‘‘на баагадам̣ ход̇ий’’д̇и ид̣̇ам̣ саггабамукаанам̣ д̇зсам̣ д̣̇зваанам̣ яат̇аа взд̣̇анаа вибхууд̇аа худ̇ваа убадтаад̇и, на звам̣ ид̇арад̣̇ваяанд̇и гад̇ваа вуд̇д̇ам̣. взд̣̇анааяа зва жа нзсам̣ вибхууд̇абхааво взд̣̇анаамукзнзвзд̇т̇а бхаг̇авад̇аа д̣̇зсанааяа аарад̣̇д̇хад̇д̇аа. ‘‘взд̣̇анаанам̣ уббад̇д̇ияаа баагадад̇ааяаа’’д̇и ид̣̇ам̣ сукад̣̇угкавзд̣̇анаанам̣ васзна вуд̇д̇ам̣. д̇аасан̃хи бавад̇д̇и ол̣ааригаа, на ид̇арааяа. д̇ад̣̇убхаяаг̇г̇ахан̣амукзна ваа г̇ахзд̇аб̣б̣ад̇д̇аа ид̇арааяаби бавад̇д̇и вин̃н̃уунам̣ баагадаа зваад̇и сукад̣̇угкавзд̣̇анаанан̃хий’’д̇и висзсаг̇г̇ахан̣ам̣ д̣̇адтаб̣б̣ам̣. ‘‘яад̣̇аа сукам̣ уббаж̇ж̇ад̇ий’’д̇иаад̣̇и сукавзд̣̇анааяа баагадабхаававибхааванам̣, д̇аяид̣̇ам̣ асамаахид̇абхуумивасзна взд̣̇ид̇аб̣б̣ам̣. д̇ад̇т̇а ‘‘сагалам̣ сарийрам̣ ко бханд̇з’’нд̇иаад̣̇инаа гаамам̣ бавад̇д̇иол̣ааригад̇ааяа авуубасанд̇асабхаавамзд̇ам̣ сукам̣, саад̇алагкан̣ад̇ааяа бана самбаяуд̇д̇ад̇хаммз, ниссаяан̃жа ануг̇г̇ан̣ханд̇амзва бавад̇д̇ад̇ийд̇и д̣̇ассзд̇и. ‘‘яад̣̇аа д̣̇угкам̣ уббаж̇ж̇ад̇ий’’д̇иаад̣̇ийсу вуд̇д̇авибарияааязна ад̇т̇о взд̣̇ид̇аб̣б̣о.

    Idhāti imasmiṃ sakkapañhasutte. Vedanāvasena cettha arūpakammaṭṭhānakathane kāraṇaṃ heṭṭhā vuttanayameva . Yathāvuttesu ca tīsu kammaṭṭhānābhinivesesu vedanāvasena kammaṭṭhānābhiniveso sukaro vedanānaṃ vibhūtabhāvatoti dassetuṃ ‘‘phassavasena hī’’tiādi vuttaṃ. ‘‘Na pākaṭaṃ hotī’’ti idaṃ sakkapamukhānaṃ tesaṃ devānaṃ yathā vedanā vibhūtā hutvā upaṭṭhāti, na evaṃ itaradvayanti katvā vuttaṃ. Vedanāya eva ca nesaṃ vibhūtabhāvo vedanāmukhenevettha bhagavatā desanāya āraddhattā. ‘‘Vedanānaṃ uppattiyā pākaṭatāyā’’ti idaṃ sukhadukkhavedanānaṃ vasena vuttaṃ. Tāsañhi pavatti oḷārikā, na itarāya. Tadubhayaggahaṇamukhena vā gahetabbattā itarāyapi pavatti viññūnaṃ pākaṭā evāti sukhadukkhavedanānañhī’’ti visesaggahaṇaṃ daṭṭhabbaṃ. ‘‘Yadā sukhaṃ uppajjatī’’tiādi sukhavedanāya pākaṭabhāvavibhāvanaṃ, tayidaṃ asamāhitabhūmivasena veditabbaṃ. Tattha ‘‘sakalaṃ sarīraṃ kho bhante’’ntiādinā kāmaṃ pavattioḷārikatāya avūpasantasabhāvametaṃ sukhaṃ, sātalakkhaṇatāya pana sampayuttadhamme, nissayañca anuggaṇhantameva pavattatīti dasseti. ‘‘Yadā dukkhaṃ uppajjatī’’tiādīsu vuttavipariyāyena attho veditabbo.

    д̣̇уд̣̇д̣̇ийбанаад̇и н̃аан̣зна д̣̇ийбзд̇ум̣ асаггун̣зяяаа, д̣̇уб̣б̣ин̃н̃зяяаад̇и ад̇т̇о. д̇знааха ‘‘анд̇хагаараа абхибхууд̇аа’’д̇и. анд̇хагаараад̇и анд̇хагаараг̇ад̇асад̣̇исий, ж̇аанид̇угаамз жа анд̇хагаариний. буб̣б̣аабарам̣ самам̣ сугарз субалагкид̇амаг̇г̇авасзна баасаан̣ад̇алз миг̇аг̇ад̇амаг̇г̇о вияа идтаанидтаарамман̣зсу сукад̣̇угкаанубхаванзхи маж̇жхад̇д̇аарамман̣зсу ануминид̇аб̣б̣ад̇ааяа вуд̇д̇ам̣ ‘‘саа сукад̣̇угкаанам̣…бз… баагадаа ход̇ий’’д̇и. д̇знааха ‘‘яат̇аа’’д̇иаад̣̇и. наяад̇о г̇ан̣ханд̇ассаад̇и зд̇т̇ааяам̣ наяо – яасмаа идтаанидтависаяааяа аарамман̣уубалад̣̇д̇хияаа анубхаванад̇о нидтаамаж̇жхад̇д̇ависаяаа жа убалад̣̇д̇хи, д̇асмаа на д̇ааяа ниранубхаванааяа бхавид̇аб̣б̣ам̣, яам̣ д̇ад̇т̇аанубхаванам̣, саа ад̣̇угкамасукаа. д̇ат̇аа анубалаб̣бхамаанам̣ руубаад̣̇ианубхуяяамаанам̣ д̣̇идтам̣ убалаб̣бхад̇и, яо бана маж̇жхад̇д̇аарамман̣ам̣ д̇аб̣б̣исаяасса вин̃н̃аан̣аббавад̇д̇ияам̣, д̇асмаа ананубхуяяамаанзна д̇зна на бхавид̇аб̣б̣ам̣. саггаа хи вад̇д̇ум̣ анубхавамаанаа маж̇жхад̇д̇ависаяубалад̣̇д̇хи убалад̣̇д̇хибхаавад̇о. идтаанидтависаяубалад̣̇д̇хивисаяам̣ бана ниранубхаванам̣ д̇ам̣ анубалад̣̇д̇хисабхаавамзва д̣̇идтам̣, д̇ам̣ яат̇ааруубанд̇и. нивад̇д̇зд̇ваад̇и нийхарид̇ваа, ‘‘соманассам̣бааха’’нд̇иаад̣̇инаа самаанаж̇аад̇ияамби бхинд̣̇анд̇о ан̃н̃зхи аруубад̇хаммзхи вивзжзд̇ваа асам̣садтам̣ гад̇ваад̇и ад̇т̇о.

    Duddīpanāti ñāṇena dīpetuṃ asakkuṇeyyā, dubbiññeyyāti attho. Tenāha ‘‘andhakārā abhibhūtā’’ti. Andhakārāti andhakāragatasadisī, jānitukāme ca andhakārinī. Pubbāparaṃ samaṃ sukare supalakkhitamaggavasena pāsāṇatale migagatamaggo viya iṭṭhāniṭṭhārammaṇesu sukhadukkhānubhavanehi majjhattārammaṇesu anuminitabbatāya vuttaṃ ‘‘sā sukhadukkhānaṃ…pe… pākaṭā hotī’’ti. Tenāha ‘‘yathā’’tiādi. Nayato gaṇhantassāti etthāyaṃ nayo – yasmā iṭṭhāniṭṭhavisayāya ārammaṇūpaladdhiyā anubhavanato niṭṭhāmajjhattavisayā ca upaladdhi, tasmā na tāya niranubhavanāya bhavitabbaṃ, yaṃ tatthānubhavanaṃ, sā adukkhamasukhā. Tathā anupalabbhamānaṃ rūpādianubhuyyamānaṃ diṭṭhaṃ upalabbhati, yo pana majjhattārammaṇaṃ tabbisayassa viññāṇappavattiyaṃ, tasmā ananubhuyyamānena tena na bhavitabbaṃ. Sakkā hi vattuṃ anubhavamānā majjhattavisayupaladdhi upaladdhibhāvato. Iṭṭhāniṭṭhavisayupaladdhivisayaṃ pana niranubhavanaṃ taṃ anupaladdhisabhāvameva diṭṭhaṃ, taṃ yathārūpanti. Nivattetvāti nīharitvā, ‘‘somanassaṃpāha’’ntiādinā samānajātiyampi bhindanto aññehi arūpadhammehi vivecetvā asaṃsaṭṭhaṃ katvāti attho.

    аяан̃жа руубагаммадтаанам̣ гат̇зд̇ваа аруубагаммадтаанам̣ взд̣̇анаавасзна нивад̇д̇зд̇ваа д̣̇зсанаа д̇ат̇аавинзд̇аб̣б̣абуг̇г̇алаабзгкааяа суд̇д̇анд̇арзсуби (д̣̇ий. ни. 2.373; ма. ни. 1.106, 390, 413, 450, 465, 467; ма. ни. 2.306, 209; 3.67, 342; сам̣. ни. 4.248) ааг̇ад̇аа зваад̇и д̣̇ассзнд̇о ‘‘на гзвала’’нд̇иаад̣̇имааха. д̇ад̇т̇а махаасад̇ибадтаанз (д̣̇ий. ни. 2.273) д̇ат̇аа д̣̇зсанааяа ааг̇ад̇абхааво ананд̇арамзва аави бхависсад̇и, маж̇жхиманигааяз сад̇ибадтаанад̣̇зсанааби (ма. ни. 1.106) д̇аад̣̇исий зва. жуул̣ад̇ан̣хаасан̇каяз ‘‘звам̣ жзд̇ам̣, д̣̇зваанам̣ инд̣̇а, бхигкуно суд̇ам̣ ход̇и ‘саб̣б̣з д̇хаммаа наалам̣ абхинивзсааяаа’д̇и, со саб̣б̣ам̣ д̇хаммам̣ абхиж̇аанаад̇и , саб̣б̣ам̣ д̇хаммам̣ абхин̃н̃ааяа саб̣б̣ам̣ д̇хаммам̣ бариж̇аанаад̇и, саб̣б̣ам̣ д̇хаммам̣ барин̃н̃ааяа яам̣ гин̃жи взд̣̇анам̣ взд̣̇зд̇и сукам̣ ваа д̣̇угкам̣ ваа ад̣̇угкамасукам̣ ваа, со д̇аасу взд̣̇анаасу анижжаанубассий вихарад̇и, вирааг̇аанубассий’’д̇иаад̣̇инаа (ма. ни. 1.390) ааг̇ад̇ам̣. д̇зна вуд̇д̇ам̣ ‘‘аруубагаммадтаанам̣ взд̣̇анаавасзна нивад̇д̇зд̇ваа д̣̇ассзсий’’д̇и. махаад̇ан̣хаасан̇каяз бана ‘‘со звам̣ анурод̇хавирод̇хавиббахийно яам̣ гин̃жи взд̣̇анам̣ взд̣̇зд̇и сукам̣ ваа д̣̇угкам̣ ваа ад̣̇угкамасукам̣ ваа, со д̇ам̣ взд̣̇анам̣ наабхинанд̣̇ад̇и наабхивад̣̇ад̇и нааж̇жхосааяа д̇идтад̇и. д̇асса д̇ам̣ взд̣̇анам̣ анабхинанд̣̇ад̇о анабхивад̣̇ад̇о анаж̇жхосааяа д̇идтад̇о яаа взд̣̇анаасу нанд̣̇ий саа нируж̇жхад̇ий’’д̇иаад̣̇инаа (ма. ни. 1.414) ааг̇ад̇ам̣. жуул̣авзд̣̇аллз ‘‘гад̇и банааяязвзд̣̇анаа’’д̇иаад̣̇инаа (ма. ни. 1.465) ааг̇ад̇ам̣. махаавзд̣̇аллз ‘‘взд̣̇анаад̇и, аавусо, вужжад̇и, гид̇д̇аавад̇аа ну ко, аавусо, ‘взд̣̇анаа’д̇и вужжад̇ий’’д̇иаад̣̇инаа (ма. ни. 1.450) ааг̇ад̇ам̣. звам̣ радтабааласуд̇д̇аад̣̇ийсуби (ма. ни. 2.305) взд̣̇анаагаммадтаанасса ааг̇ад̇адтаанам̣ уд̣̇д̇харид̇ваа вад̇д̇аб̣б̣ам̣.

    Ayañca rūpakammaṭṭhānaṃ kathetvā arūpakammaṭṭhānaṃ vedanāvasena nivattetvā desanā tathāvinetabbapuggalāpekkhāya suttantaresupi (dī. ni. 2.373; ma. ni. 1.106, 390, 413, 450, 465, 467; ma. ni. 2.306, 209; 3.67, 342; saṃ. ni. 4.248) āgatā evāti dassento ‘‘na kevala’’ntiādimāha. Tattha mahāsatipaṭṭhāne (dī. ni. 2.273) tathā desanāya āgatabhāvo anantarameva āvi bhavissati, majjhimanikāye satipaṭṭhānadesanāpi (ma. ni. 1.106) tādisī eva. Cūḷataṇhāsaṅkhaye ‘‘evaṃ cetaṃ, devānaṃ inda, bhikkhuno sutaṃ hoti ‘sabbe dhammā nālaṃ abhinivesāyā’ti, so sabbaṃ dhammaṃ abhijānāti , sabbaṃ dhammaṃ abhiññāya sabbaṃ dhammaṃ parijānāti, sabbaṃ dhammaṃ pariññāya yaṃ kiñci vedanaṃ vedeti sukhaṃ vā dukkhaṃ vā adukkhamasukhaṃ vā, so tāsu vedanāsu aniccānupassī viharati, virāgānupassī’’tiādinā (ma. ni. 1.390) āgataṃ. Tena vuttaṃ ‘‘arūpakammaṭṭhānaṃ vedanāvasena nivattetvā dassesī’’ti. Mahātaṇhāsaṅkhaye pana ‘‘so evaṃ anurodhavirodhavippahīno yaṃ kiñci vedanaṃ vedeti sukhaṃ vā dukkhaṃ vā adukkhamasukhaṃ vā, so taṃ vedanaṃ nābhinandati nābhivadati nājjhosāya tiṭṭhati. Tassa taṃ vedanaṃ anabhinandato anabhivadato anajjhosāya tiṭṭhato yā vedanāsu nandī sā nirujjhatī’’tiādinā (ma. ni. 1.414) āgataṃ. Cūḷavedalle ‘‘kati panāyyevedanā’’tiādinā (ma. ni. 1.465) āgataṃ. Mahāvedalle ‘‘vedanāti, āvuso, vuccati, kittāvatā nu kho, āvuso, ‘vedanā’ti vuccatī’’tiādinā (ma. ni. 1.450) āgataṃ. Evaṃ raṭṭhapālasuttādīsupi (ma. ni. 2.305) vedanākammaṭṭhānassa āgataṭṭhānaṃ uddharitvā vattabbaṃ.

    ‘‘батамам̣ руубагаммадтаанам̣ гат̇зд̇ваа’’д̇и вуд̇д̇ам̣, гат̇ам̣ д̇амзд̇т̇а гат̇ид̇анд̇и ааха ‘‘руубагаммадтаана’’нд̇иаад̣̇и. сан̇кид̇д̇ам̣, гат̇ам̣ сан̇кид̇д̇ам̣? взд̣̇анааяа аарамман̣амад̇д̇агам̣язва, язбхуяязна взд̣̇анаа руубад̇хаммаарамман̣аа бан̃жад̣̇вааравасзна бавад̇д̇анад̇о. д̇зна жассаа буримасид̣̇д̇хаа зва аарамман̣анд̇и взд̣̇анам̣ вад̣̇анд̇зна д̇ассаарамман̣ад̇хаммаа ад̇т̇ад̇о батамад̇арам̣ г̇ахид̇аа зва наама хонд̇ийд̇и имааяа ад̇т̇аабад̇д̇ияаа руубагаммадтаанассзвзд̇т̇а батамам̣ г̇ахид̇ад̇аа ж̇од̇ид̇аа, на саруубзнзва г̇ахид̇ад̇д̇аа. д̇знааха ‘‘д̇асмаа баал̣ияам̣ наарул̣хам̣ бхависсад̇ий’’д̇и.

    ‘‘Paṭhamaṃ rūpakammaṭṭhānaṃ kathetvā’’ti vuttaṃ, kathaṃ tamettha kathitanti āha ‘‘rūpakammaṭṭhāna’’ntiādi. Saṅkhittaṃ, kathaṃ saṅkhittaṃ? Vedanāya ārammaṇamattakaṃyeva, yebhuyyena vedanā rūpadhammārammaṇā pañcadvāravasena pavattanato. Tena cassā purimasiddhā eva ārammaṇanti vedanaṃ vadantena tassārammaṇadhammā atthato paṭhamataraṃ gahitā eva nāma hontīti imāya atthāpattiyā rūpakammaṭṭhānassevettha paṭhamaṃ gahitatā jotitā, na sarūpeneva gahitattā. Tenāha ‘‘tasmā pāḷiyaṃ nāruḷhaṃ bhavissatī’’ti.

    360. д̣̇вийхи годтаасзхийд̇и сзвид̇аб̣б̣аасзвид̇аб̣б̣абхааг̇зхи. зваруубанд̇и яам̣ агусалаанам̣ абхиб̣уд̣̇д̇хияаа, гусалаанан̃жа барихаанааяа сам̣вад̇д̇ад̇и, зваруубам̣, д̇ам̣ бана гаамуубасан̃хид̇ад̇ааяа ‘‘г̇зханиссид̇а’’нд̇и вужжад̇ийд̇и ааха ‘‘г̇зхасид̇асоманасса’’нд̇и. идтаананд̇и бияаанам̣. ганд̇аананд̇и гаманийяаанам̣. манаабаананд̇и манавад̣дханагаанам̣. д̇ад̇о зва мано рамзнд̇ийд̇и манорамаанам̣. логаамисабадисам̣яуд̇д̇аананд̇и д̇ан̣хаасанниссид̇аанам̣ гаамуубасан̃хид̇аанам̣. бадилаабхад̇о саманубассад̇од̇и ‘‘ахо маяаа имаани лад̣̇д̇хааний’’д̇и яат̇аалад̣̇д̇хаани руубаарамман̣аад̣̇ийни ассаад̣̇аяад̇о. ад̇ийд̇анд̇и ад̇игганд̇ам̣. нируд̣̇д̇ханд̇и нирод̇хаббад̇д̇ам̣. вибарин̣ад̇анд̇и сабхаававиг̇амзна виг̇ад̇ам̣. самануссарад̇од̇и ассаад̣̇анавасзна анужинд̇аяад̇о. г̇зхасид̇анд̇и гаамаг̇ун̣аниссид̇ам̣. гаамаг̇ун̣аа хи гаамарааг̇асса г̇зхасад̣̇исад̇д̇аа ид̇ха ‘‘г̇зха’’нд̇и ад̇хиббзд̇аа.

    360.Dvīhi koṭṭhāsehīti sevitabbāsevitabbabhāgehi. Evarūpanti yaṃ akusalānaṃ abhibuddhiyā, kusalānañca parihānāya saṃvattati, evarūpaṃ, taṃ pana kāmūpasañhitatāya ‘‘gehanissita’’nti vuccatīti āha ‘‘gehasitasomanassa’’nti. Iṭṭhānanti piyānaṃ. Kantānanti kamanīyānaṃ. Manāpānanti manavaḍḍhanakānaṃ. Tato eva mano ramentīti manoramānaṃ. Lokāmisapaṭisaṃyuttānanti taṇhāsannissitānaṃ kāmūpasañhitānaṃ. Paṭilābhato samanupassatoti ‘‘aho mayā imāni laddhānī’’ti yathāladdhāni rūpārammaṇādīni assādayato. Atītanti atikkantaṃ. Niruddhanti nirodhappattaṃ. Vipariṇatanti sabhāvavigamena vigataṃ. Samanussaratoti assādanavasena anucintayato. Gehasitanti kāmaguṇanissitaṃ. Kāmaguṇā hi kāmarāgassa gehasadisattā idha ‘‘geha’’nti adhippetā.

    зваруубанд̇и яам̣ агусалаанам̣ барихаанааяа, гусалаанан̃жа абхиб̣уд̣̇д̇хияаа сам̣вад̇д̇ад̇и, зваруубам̣, д̇ам̣ бана баб̣б̣аж̇ж̇аад̣̇ивасзна бавад̇д̇ияаа нзгкаммуубасан̃хид̇анд̇и ааха ‘‘нзгкаммасид̇ам̣ соманасса’’нд̇и. ид̣̇аани д̇ам̣ баал̣ивасзнзва д̣̇ассзд̇ум̣ ‘‘д̇ад̇т̇а гад̇амааний’’д̇иаад̣̇и вуд̇д̇ам̣. д̇ад̇т̇а вибассанаалагкан̣з нзгкаммз д̣̇ассид̇з ид̇араани д̇асса гааран̣ад̇о, палад̇о, ад̇т̇ад̇о жа д̣̇ассид̇аанзва хонд̇ийд̇и вибассанаалагкан̣амзва д̇ам̣ д̣̇ассзнд̇о ‘‘руубаананд̇взваа’’д̇иаад̣̇имааха. вибарин̣аамавирааг̇анирод̇ханд̇и ж̇арааяа вибарин̣аамзд̇аб̣б̣ад̇ан̃жзва ж̇араамаран̣зхи балуж̇ж̇анам̣ нируж̇жханан̃жа вид̣̇ид̇ваад̇и яож̇анаа. уббаж̇ж̇ад̇и соманассанд̇и вибассанааяа вийт̇ибадибад̇д̇ияаа гамзна уббаннаанам̣ баамож̇ж̇абийд̇ибассад̣̇д̇хийнам̣ убари анаббагам̣ соманассам̣ уббаж̇ж̇ад̇и. яам̣ санд̇хааяа вуд̇д̇ам̣ –

    Evarūpanti yaṃ akusalānaṃ parihānāya, kusalānañca abhibuddhiyā saṃvattati, evarūpaṃ, taṃ pana pabbajjādivasena pavattiyā nekkhammūpasañhitanti āha ‘‘nekkhammasitaṃ somanassa’’nti. Idāni taṃ pāḷivaseneva dassetuṃ ‘‘tattha katamānī’’tiādi vuttaṃ. Tattha vipassanālakkhaṇe nekkhamme dassite itarāni tassa kāraṇato, phalato, atthato ca dassitāneva hontīti vipassanālakkhaṇameva taṃ dassento ‘‘rūpānantvevā’’tiādimāha. Vipariṇāmavirāganirodhanti jarāya vipariṇāmetabbatañceva jarāmaraṇehi palujjanaṃ nirujjhanañca viditvāti yojanā. Uppajjati somanassanti vipassanāya vīthipaṭipattiyā kamena uppannānaṃ pāmojjapītipassaddhīnaṃ upari anappakaṃ somanassaṃ uppajjati. Yaṃ sandhāya vuttaṃ –

    ‘‘сун̃н̃ааг̇аарам̣ бавидтасса, санд̇ажид̇д̇асса бхигкуно;

    ‘‘Suññāgāraṃ paviṭṭhassa, santacittassa bhikkhuno;

    амаанусий рад̇и ход̇и, саммаа д̇хаммам̣ вибассад̇о.

    Amānusī rati hoti, sammā dhammaṃ vipassato.

    яад̇о яад̇о саммасад̇и, канд̇хаанам̣ уд̣̇аяаб̣б̣аяам̣;

    Yato yato sammasati, khandhānaṃ udayabbayaṃ;

    лабхад̇ий бийд̇ибаамож̇ж̇ам̣, амад̇ам̣ д̇ам̣ виж̇аанад̇а’’нд̇и. (д̇ха. ба. 374) жа –

    Labhatī pītipāmojjaṃ, amataṃ taṃ vijānata’’nti. (dha. pa. 374) ca –

    нзгкаммавасзнаад̇и баб̣б̣аж̇ж̇аад̣̇ивасзна. ‘‘ваддад̣̇угкад̇о нид̇т̇ариссаамий’’д̇и баб̣б̣аж̇ид̇ум̣ бхигкуунам̣ санд̇игам̣ г̇ажчанд̇асса, баб̣б̣аж̇анд̇асса, жад̇убаарисуд̣̇д̇хисийлам̣ ануд̇идтанд̇асса, д̇ам̣ сод̇хзнд̇асса, д̇худ̇аг̇ун̣з самаад̣̇ааяа вад̇д̇анд̇асса, гасин̣абаригаммаад̣̇ийни гаронд̇асса жа яаа бадибад̇д̇и, саб̣б̣аа саа ид̇ха ‘‘нзгкамма’’нд̇и ад̇хиббзд̇аа. язбхуяязна ануссад̇ияаа убажаараж̇жхаанам̣ нидтаад̇ийд̇и гад̇ваа ‘‘ануссад̇ивасзнаа’’д̇и вад̇ваа ‘‘батамаж̇жхаанаад̣̇ивасзнаа’’д̇и вуд̇д̇ам̣. зд̇т̇а жа яат̇аа баб̣б̣аж̇ж̇аа гхараб̣анд̇ханад̇о нигкаманадтзна нзгкаммам̣, звам̣ вибассанаад̣̇аяоби д̇ам̣бадибагкад̇о. д̇знааха –

    Nekkhammavasenāti pabbajjādivasena. ‘‘Vaṭṭadukkhato nittharissāmī’’ti pabbajituṃ bhikkhūnaṃ santikaṃ gacchantassa, pabbajantassa, catupārisuddhisīlaṃ anutiṭṭhantassa, taṃ sodhentassa, dhutaguṇe samādāya vattantassa, kasiṇaparikammādīni karontassa ca yā paṭipatti, sabbā sā idha ‘‘nekkhamma’’nti adhippetā. Yebhuyyena anussatiyā upacārajjhānaṃ niṭṭhātīti katvā ‘‘anussativasenā’’ti vatvā ‘‘paṭhamajjhānādivasenā’’ti vuttaṃ. Ettha ca yathā pabbajjā gharabandhanato nikkhamanaṭṭhena nekkhammaṃ, evaṃ vipassanādayopi taṃpaṭipakkhato. Tenāha –

    ‘‘баб̣б̣аж̇ж̇аа батамам̣ жхаанам̣, ниб̣б̣аанан̃жа вибассанаа;

    ‘‘Pabbajjā paṭhamaṃ jhānaṃ, nibbānañca vipassanā;

    саб̣б̣зби гусалаа д̇хаммаа, нзгкамманд̇и бавужжарз’’д̇и. (ид̇иву. адта. 109);

    Sabbepi kusalā dhammā, nekkhammanti pavuccare’’ti. (itivu. aṭṭha. 109);

    яам̣ жзд̇и зд̇т̇а жзд̇и нибаад̇амад̇д̇ам̣ соманассасса ад̇хиббзд̇ад̇д̇аа. жад̇угганаяавасзнзва жа суд̇д̇анд̇зсу жхаанагат̇аад̇и вуд̇д̇ам̣ ‘‘д̣̇уд̇ияад̇ад̇ияаж̇жхаанавасзнаа’’д̇и. д̣̇вийсууд̇и ‘‘савид̇аггам̣ савижаарам̣ авид̇аггам̣ авижаара’’нд̇и вуд̇д̇зсу д̣̇вийсу соманассзсу.

    Yaṃ ceti ettha ceti nipātamattaṃ somanassassa adhippetattā. Catukkanayavaseneva ca suttantesu jhānakathāti vuttaṃ ‘‘dutiyatatiyajjhānavasenā’’ti. Dvīsūti ‘‘savitakkaṃ savicāraṃ avitakkaṃ avicāra’’nti vuttesu dvīsu somanassesu.

    савид̇аггасавижаарз соманассзд̇и барид̇д̇абхуумигз, батамаж̇жхаанз ваа соманассз. абхинивидтасоманассзсууд̇и вибассанам̣ бадтабид̇асоманассзсу. би-сад̣̇д̣̇зна саммадтасоманассзсу бийд̇и имамад̇т̇ам̣ д̣̇ассзд̇и. соманассавибассанаад̇обийд̇и савид̇аггасавижаарасоманассабавад̇д̇ивибассанаад̇оби. авид̇аггаавижаара вибассанаа бан̣ийд̇ад̇араа саммасид̇ад̇хаммавасзнаби вибассанааяа висзсасид̣̇д̇хид̇о, яад̇о маг̇г̇зби д̇ат̇ааруубаа висзсаа иж̇жханд̇и. аяам̣ банад̇т̇о ‘‘арияамаг̇г̇а б̣ож̇жхан̇г̇аад̣̇ивисзсам̣ вибассанааяа аарамман̣абхууд̇аа канд̇хаа нияамзнд̇ий’’д̇и звам̣ бавад̇д̇зна мораваабийваасимахаад̣̇ад̇д̇ад̇т̇зраваад̣̇зна д̣̇ийбзд̇аб̣б̣о.

    Savitakkasavicāre somanasseti parittabhūmike, paṭhamajjhāne vā somanasse. Abhiniviṭṭhasomanassesūti vipassanaṃ paṭṭhapitasomanassesu. Pi-saddena sammaṭṭhasomanassesu pīti imamatthaṃ dasseti. Somanassavipassanātopīti savitakkasavicārasomanassapavattivipassanātopi. Avitakkaavicāra vipassanā paṇītatarā sammasitadhammavasenapi vipassanāya visesasiddhito, yato maggepi tathārūpā visesā ijjhanti. Ayaṃ panattho ‘‘ariyamagga bojjhaṅgādivisesaṃ vipassanāya ārammaṇabhūtā khandhā niyamentī’’ti evaṃ pavattena moravāpīvāsimahādattattheravādena dīpetabbo.

    361. г̇зхасид̇ад̣̇оманассам̣ наама гаамаг̇ун̣аанам̣ аббадилаабханимид̇д̇ам̣, виг̇ад̇анимид̇д̇ан̃жа уббаж̇ж̇анагад̣̇оманассам̣. аббадилаабхад̇о саманубассад̇од̇и аббадилаабхзна ‘‘ахамзва на лабхаамий’’д̇и барид̇ассанад̇о. самануссарад̇од̇и ‘‘аху вад̇а мз д̇ам̣ вад̇а над̇т̇ий’’д̇иаад̣̇инаа ануссаран̣авасзна жинд̇аяад̇о. д̇знааха ‘‘звам̣ часу д̣̇ваарзсуу’’д̇иаад̣̇и.

    361.Gehasitadomanassaṃ nāma kāmaguṇānaṃ appaṭilābhanimittaṃ, vigatanimittañca uppajjanakadomanassaṃ. Appaṭilābhato samanupassatoti appaṭilābhena ‘‘ahameva na labhāmī’’ti paritassanato. Samanussaratoti ‘‘ahu vata me taṃ vata natthī’’tiādinā anussaraṇavasena cintayato. Tenāha ‘‘evaṃ chasu dvāresū’’tiādi.

    ануд̇д̇арзсу вимогкзсууд̇и сун̃н̃ад̇апалаад̣̇иарияапалавимогкзсу. биханд̇и абзгкам̣, аасанд̇и ад̇т̇о. гат̇ам̣ бана логуд̇д̇арад̇хаммз аараб̣бха аасаа уббаж̇ж̇ад̇ийд̇и? на ко банзд̇ам̣ звам̣ д̣̇адтаб̣б̣ам̣ ‘‘яам̣ аарамман̣агаран̣авасзна д̇ад̇т̇а бихаа бавад̇д̇ад̇ий’’д̇и ависаяад̇д̇аа, буг̇г̇аласса жа анад̇хиг̇ад̇абхаавад̇о. ануссавуубалад̣̇д̇хз бана ануд̇д̇аравимогкз уд̣̇д̣̇исса бихам̣ убадтабзнд̇о ‘‘д̇ад̇т̇а бихам̣ убадтабзд̇ий’’д̇и вуд̇д̇о. д̇знааха ‘‘гуд̣̇аассу наамааха’’нд̇иаад̣̇и. часу д̣̇ваарзсу идтаарамман̣з аабаат̇аг̇ад̇з анижжаад̣̇ивасзна вибассанам̣ бадтабзд̇ваад̇и яож̇анаа. ‘‘идтаарамман̣з’’д̇и жа иминаа наяид̣̇ам̣ д̣̇оманассам̣ сабхаавад̇о анидтад̇хаммзязва аараб̣бха уббаж̇ж̇анагам̣, ат̇а ко ижчид̇аалаабхахзд̇угам̣ ижчаабхигхаад̇авасзна яад̇т̇а гад̇т̇ажи аарамман̣з уббаж̇ж̇анаганд̇и д̣̇ассзд̇и. звам̣ ‘‘гуд̣̇аассу наамааха’’нд̇и вуд̇д̇аагаарзна бихам̣ убадтабзд̇ваа звам̣ имамби багкам̣…бз… наасагкинд̇и анусожад̇од̇и яож̇анаа. ‘‘имасмим̣ багкз, имасмим̣ маасз, имасмим̣ сам̣важчарз баб̣б̣аж̇ид̇ум̣ наалад̣̇д̇хам̣, гасин̣абаригаммам̣ гаад̇ум̣ наалад̣̇д̇ха’’нд̇иаад̣̇ивасзна бавад̇д̇им̣ санд̇хааяа ‘‘нзгкаммавасзнаа’’д̇и вуд̇д̇ам̣. ‘‘вибассанаавасзнаа’’д̇иаад̣̇ийсуби иминаа наязна яож̇анаа взд̣̇ид̇аб̣б̣аа.

    Anuttaresu vimokkhesūti suññataphalādiariyaphalavimokkhesu. Pihanti apekkhaṃ, āsanti attho. Kathaṃ pana lokuttaradhamme ārabbha āsā uppajjatīti? Na kho panetaṃ evaṃ daṭṭhabbaṃ ‘‘yaṃ ārammaṇakaraṇavasena tattha pihā pavattatī’’ti avisayattā, puggalassa ca anadhigatabhāvato. Anussavūpaladdhe pana anuttaravimokkhe uddissa pihaṃ upaṭṭhapento ‘‘tattha pihaṃ upaṭṭhapetī’’ti vutto. Tenāha ‘‘kudāssu nāmāha’’ntiādi. Chasu dvāresu iṭṭhārammaṇe āpāthagate aniccādivasena vipassanaṃ paṭṭhapetvāti yojanā. ‘‘Iṭṭhārammaṇe’’ti ca iminā nayidaṃ domanassaṃ sabhāvato aniṭṭhadhammeyeva ārabbha uppajjanakaṃ, atha kho icchitālābhahetukaṃ icchābhighātavasena yattha katthaci ārammaṇe uppajjanakanti dasseti. Evaṃ ‘‘kudāssu nāmāha’’nti vuttākārena pihaṃ upaṭṭhapetvā evaṃ imampi pakkhaṃ…pe… nāsakkhinti anusocatoti yojanā. ‘‘Imasmiṃ pakkhe, imasmiṃ māse, imasmiṃ saṃvacchare pabbajituṃ nāladdhaṃ, kasiṇaparikammaṃ kātuṃ nāladdha’’ntiādivasena pavattiṃ sandhāya ‘‘nekkhammavasenā’’ti vuttaṃ. ‘‘Vipassanāvasenā’’tiādīsupi iminā nayena yojanā veditabbā.

    яад̇о зва-гааро, д̇ад̇о ан̃н̃ад̇т̇а нияамод̇и гад̇ваа ‘‘д̇асмимби…бз… г̇зхасид̇ад̣̇оманассамзваа’’д̇и вуд̇д̇ам̣. на хзд̇т̇а г̇зхасид̇ад̣̇оманассад̇аа савид̇аггасавижаарз нияад̇аа, ат̇а ко г̇зхасид̇ад̣̇оманассз савид̇аггасавижаарад̇аа нияад̇аа бадияог̇инивад̇д̇анад̇т̇ад̇д̇аа зва-гаарасса. ‘‘г̇зхасид̇ад̣̇оманассам̣ савид̇аггасавижаарамзва, на авид̇аггаавижаара’’нд̇и. нзгкаммасид̇ад̣̇оманассам̣ бана сияаа савид̇аггасавижаарам̣, сияаа авид̇аггаавижаарам̣. савид̇аггасавижаарассзва гааран̣абхууд̇ам̣ д̣̇оманассам̣ савид̇аггасавижаарад̣̇оманассам̣. гим̣ д̇ам̣? г̇зхасид̇ад̣̇оманассам̣ , яам̣ бана нзгкаммаад̣̇ивасзна уббаннам̣, д̇ам̣ авид̇аггаавижаарасса гааран̣абхууд̇ам̣ авид̇аггаавижаарад̣̇оманассанд̇и. аяан̃жа наяо барияааяавасзна вуд̇д̇од̇и ааха ‘‘ниббарияааязна банаа’’д̇иаад̣̇и. яад̣̇и звам̣ гасмаа ‘‘яам̣ жз авид̇аггам̣ авижаара’’нд̇и баал̣ияам̣ вуд̇д̇анд̇и ааха ‘‘зд̇асса банаа’’д̇иаад̣̇и. ман̃н̃анавасзнаад̇и баригаббанавасзна. вуд̇д̇ам̣ баал̣ияам̣.

    Yato eva-kāro, tato aññattha niyamoti katvā ‘‘tasmimpi…pe… gehasitadomanassamevā’’ti vuttaṃ. Na hettha gehasitadomanassatā savitakkasavicāre niyatā, atha kho gehasitadomanasse savitakkasavicāratā niyatā paṭiyoginivattanatthattā eva-kārassa. ‘‘Gehasitadomanassaṃ savitakkasavicārameva, na avitakkaavicāra’’nti. Nekkhammasitadomanassaṃ pana siyā savitakkasavicāraṃ, siyā avitakkaavicāraṃ. Savitakkasavicārasseva kāraṇabhūtaṃ domanassaṃ savitakkasavicāradomanassaṃ. Kiṃ taṃ? Gehasitadomanassaṃ , yaṃ pana nekkhammādivasena uppannaṃ, taṃ avitakkaavicārassa kāraṇabhūtaṃ avitakkaavicāradomanassanti. Ayañca nayo pariyāyavasena vuttoti āha ‘‘nippariyāyena panā’’tiādi. Yadi evaṃ kasmā ‘‘yaṃ ce avitakkaṃ avicāra’’nti pāḷiyaṃ vuttanti āha ‘‘etassa panā’’tiādi. Maññanavasenāti parikappanavasena. Vuttaṃ pāḷiyaṃ.

    д̇ад̇раад̇и д̇асмим̣ ман̃н̃анз. аяам̣ ид̣̇аани вужжамаано наяо. д̣̇оманассабажжаяабхууд̇зд̇и д̣̇оманассасса бажжаяабхууд̇з. убажаараж̇жхаанан̃хи батамаж̇жхаанаад̣̇ийни ваа баад̣̇агаани гад̇ваа маг̇г̇апалаани ниб̣б̣ад̇д̇зд̇угаамасса д̇зсам̣ алаабхз д̣̇оманассасса уббаж̇ж̇анз д̇аани д̇асса бажжаяаа наама хонд̇и ид̇и д̇з д̇хаммаа палуубажаарзна ‘‘д̣̇оманасса’’нд̇и вуд̇д̇аа. яо бана д̇ат̇аа уббаннад̣̇оманассо д̇хуранигкзбам̣ агад̇ваа ануггамзна вибассанам̣ уссуггаабзд̇ваа маг̇г̇апалад̇хаммз ниб̣б̣ад̇д̇зд̇и, д̇з гааран̣уубажаарзна ‘‘д̣̇оманасса’’нд̇и вуд̇д̇аад̇и имамад̇т̇ам̣ д̣̇ассзнд̇о ‘‘ид̇ха бхигкуу’’д̇иаад̣̇имааха. нану зд̇асса д̇ад̣̇аа д̣̇оманассамзва уббаннам̣, на д̣̇оманассахзд̇угаа вибассанаамаг̇г̇апалад̇хаммаа уббаннаа, д̇ад̇т̇а гат̇ам̣ д̣̇оманассасаман̃н̃ам̣ ааробзд̇ваа вохарад̇ийд̇и ааха ‘‘ан̃н̃зсам̣ бадибад̇д̇ид̣̇ассанавасзна д̣̇оманассанд̇и г̇ахзд̇ваа’’д̇иаад̣̇и. савид̇аггасавижаарад̣̇оманассзд̇и савид̇аггасавижааранимид̇д̇з д̣̇оманассз. д̇ийхи маасзхи ниб̣б̣ад̇д̇зд̇аб̣б̣аа д̇змаасигаа, д̇ам̣ д̇змаасигам̣. имаа жа д̇змаасигаад̣̇аяо бадибад̣̇аа д̇ат̇аабавад̇д̇ауггадтамаж̇жхимамуд̣̇инд̣̇рияавасзна взд̣̇ид̇аб̣б̣аа, ад̇хигамаж̇жхимамуд̣̇уссаахавасзна ваа. ж̇аг̇г̇ад̇ийд̇и ж̇ааг̇аригам̣ ануяун̃ж̇ад̇и.

    Tatrāti tasmiṃ maññane. Ayaṃ idāni vuccamāno nayo. Domanassapaccayabhūteti domanassassa paccayabhūte. Upacārajjhānañhi paṭhamajjhānādīni vā pādakāni katvā maggaphalāni nibbattetukāmassa tesaṃ alābhe domanassassa uppajjane tāni tassa paccayā nāma honti iti te dhammā phalūpacārena ‘‘domanassa’’nti vuttā. Yo pana tathā uppannadomanasso dhuranikkhepaṃ akatvā anukkamena vipassanaṃ ussukkāpetvā maggaphaladhamme nibbatteti, te kāraṇūpacārena ‘‘domanassa’’nti vuttāti imamatthaṃ dassento ‘‘idha bhikkhū’’tiādimāha. Nanu etassa tadā domanassameva uppannaṃ, na domanassahetukā vipassanāmaggaphaladhammā uppannā, tattha kathaṃ domanassasamaññaṃ āropetvā voharatīti āha ‘‘aññesaṃ paṭipattidassanavasena domanassanti gahetvā’’tiādi. Savitakkasavicāradomanasseti savitakkasavicāranimitte domanasse. Tīhi māsehi nibbattetabbā temāsikā, taṃ temāsikaṃ. Imā ca temāsikādayo paṭipadā tathāpavattaukkaṭṭhamajjhimamudindriyavasena veditabbā, adhikamajjhimamudussāhavasena vā. Jaggatīti jāgarikaṃ anuyuñjati.

    махаасивад̇т̇зравад̇т̇уван̣н̣анаа

    Mahāsivattheravatthuvaṇṇanā

    сахассад̣̇висахассасан̇кяад̇д̇аа махааг̇ан̣з.

    Sahassadvisahassasaṅkhyattā mahāgaṇe.

    адтагат̇аат̇зраад̇и адтагат̇ааяа ад̇т̇абадибужчанагат̇зраа. анд̇араамаг̇г̇зд̇и бхигкам̣ г̇ахзд̇ваа г̇аамад̇о вихаарам̣ бадиг̇аманамаг̇г̇з . д̇аяо…бз… г̇аахаабзд̇ваад̇и д̇ийн̣и жад̇д̇аари ун̣хаабанаани.

    Aṭṭhakathātherāti aṭṭhakathāya atthapaṭipucchanakatherā. Antarāmaggeti bhikkhaṃ gahetvā gāmato vihāraṃ paṭigamanamagge . Tayo…pe… gāhāpetvāti tīṇi cattāri uṇhāpanāni.

    гзнажи бабан̃жзнаад̇и гзнажи сарийрагижжабхууд̇зна бабан̃жзна. сан̃н̃ам̣ агааси рад̇д̇ияам̣ бажчад̇о г̇ажчанд̇ам̣ асаллагкзнд̇о.

    Kenacipapañcenāti kenaci sarīrakiccabhūtena papañcena. Saññaṃ akāsi rattiyaṃ pacchato gacchantaṃ asallakkhento.

    гасмаа бана т̇зро анд̇зваасигаанам̣ анаарожзд̇ваава г̇ад̇од̇и ааха ‘‘т̇зро гираа’’д̇иаад̣̇и. арахад̇д̇ам̣ наама гинд̇и д̇ад̣̇ад̇хиг̇амасса ад̣̇уггарабхаавам̣ санд̇хааяа вад̣̇ад̇и. жад̇уухи ирияаабат̇зхийд̇и жад̇уухиби ирияаабат̇зхи бавад̇д̇амаанасса, д̇асмаа яаава арахад̇д̇аад̇хиг̇амаа саяанам̣ бадигкибаамийд̇и ад̇хиббааяо.

    Kasmā pana thero antevāsikānaṃ anārocetvāva gatoti āha ‘‘thero kirā’’tiādi. Arahattaṃ nāma kinti tadadhigamassa adukkarabhāvaṃ sandhāya vadati. Catūhi iriyāpathehīti catūhipi iriyāpathehi pavattamānassa, tasmā yāva arahattādhigamā sayanaṃ paṭikkhipāmīti adhippāyo.

    ‘‘анужчавигам̣ ну ко д̇з зд̇а’’нд̇и сам̣взг̇аж̇аад̇о вийрияам̣ самуд̇д̇зж̇знд̇о арахад̇д̇ам̣ аг̇г̇ахзси зд̇д̇агам̣ гаалам̣ вибассанааяа сужин̣н̣абхаавад̇о н̃аан̣асса барибаагам̣ г̇ад̇ад̇д̇аа.

    ‘‘Anucchavikaṃ nu kho te eta’’nti saṃvegajāto vīriyaṃ samuttejento arahattaṃ aggahesi ettakaṃ kālaṃ vipassanāya suciṇṇabhāvato ñāṇassa paripākaṃ gatattā.

    баримаж̇ж̇ийд̇и баримаси. гзжи бана ‘‘баримаж̇ж̇ийд̇и баривад̇д̇зд̇ваа т̇зрзна д̇ховияамаанам̣ бариг̇г̇ахзд̇ваа д̇ховий’’д̇и ад̇т̇ам̣ вад̣̇анд̇и.

    Parimajjīti parimasi. Keci pana ‘‘parimajjīti parivattetvā therena dhoviyamānaṃ pariggahetvā dhovī’’ti atthaṃ vadanti.

    вибассанааяа аарамман̣ам̣ наама убажаараж̇жхаанабатамаж̇жхаанаад̣̇и.

    Vipassanāya ārammaṇaṃ nāma upacārajjhānapaṭhamajjhānādi.

    ‘‘савид̇аггасавижаарад̣̇оманассз’’д̇иаад̣̇ийсу вад̇д̇аб̣б̣ам̣ соманассзсу вуд̇д̇анаяаанусаарзна взд̣̇ид̇аб̣б̣ам̣.

    ‘‘Savitakkasavicāradomanasse’’tiādīsu vattabbaṃ somanassesu vuttanayānusārena veditabbaṃ.

    362. зваруубаад̇и яаа агусалаанам̣ абхиб̣уд̣̇д̇хияаа, гусалаанам̣ барихаанааяа жа сам̣вад̇д̇ад̇и, зваруубаа, саа бана гаамуубасан̃хид̇ад̇ааяа ‘‘г̇зхасид̇аа’’д̇и вужжад̇ийд̇и ааха ‘‘г̇зхасид̇аубзгкаа’’д̇и. ‘‘б̣аалассаа’’д̇иаад̣̇ийсу б̣аалагарад̇хаммаяог̇ад̇о б̣ааласса ад̇д̇ахид̇абарахид̇аб̣яаамуул̣хад̇ааяа муул̣хасса бут̇уунам̣ гилзсаад̣̇ийнам̣ ж̇ананаад̣̇ийхи гааран̣зхи бут̇уж̇ж̇анасса гилзсод̇хийнам̣ маг̇г̇од̇хийхи аж̇ид̇ад̇д̇аа анод̇хиж̇инасса, од̇хиж̇ино вааяабзгкаа, од̇хисо жа гилзсаанам̣ ж̇ид̇ад̇д̇аа, д̇знасса сзгкабхаавам̣ бадигкибад̇и. сад̇д̇амабхаваад̣̇ид̇о уд̣̇д̇хам̣ бавад̇д̇анавибаагасса аж̇ид̇ад̇д̇аа авибаагаж̇инасса, вибаагаж̇инаа ваа араханд̇о аббадисанд̇хигад̇д̇аа, д̇знасса асзгкад̇д̇ам̣ бадигкибад̇и. анзгаад̣̇ийнавз саб̣б̣зсамби баабад̇хаммаанам̣ муулабхууд̇з саммохз аад̣̇ийнаваанам̣ ад̣̇ассанасийлад̇ааяа анаад̣̇ийнавад̣̇ассаавино. ааг̇амаад̇хиг̇амаабхааваа ассуд̇авад̇о. зд̣̇исо згам̣сзна анд̇хабут̇уж̇ж̇ано наама ход̇ийд̇и д̇асса анд̇хабут̇уж̇ж̇анабхаавам̣ д̣̇ассзд̇ум̣ бунаби ‘‘бут̇уж̇ж̇анассаа’’д̇и вуд̇д̇ам̣. зваруубаад̇и вуд̇д̇аббагаараа саммохабуб̣б̣игаа. руубам̣ саа наад̇ивад̇д̇ад̇ийд̇и руубаанам̣ самад̇иггаманааяа гааран̣ам̣ на ход̇и, руубаарамман̣з гилзсз наад̇иггамад̇ийд̇и ад̇хиббааяо. ан̃н̃аан̣аавибхууд̇ад̇ааяа аарамман̣з аж̇жхубзгканавасзна бавад̇д̇амаанаа лобхасамбаяуд̇д̇аубзгкаа ид̇хаад̇хиббзд̇аад̇и д̇асса лобхасса анужчавигамзва аарамман̣ам̣ д̣̇ассзнд̇о ‘‘идтаарамман̣з’’д̇и ааха. анад̇ивад̇д̇амаанаа анаад̣̇ийнавад̣̇ассид̇ааяа. д̇ад̇о зва ассаад̣̇аанубассанад̇о д̇ад̇т̇зва лаг̇г̇аа. абхисан̇г̇асса лобхасса васзна, д̣̇умможанийяад̇ааяа жа д̇зна лаг̇г̇ид̇аа вияа худ̇ваа уббаннаа.

    362.Evarūpāti yā akusalānaṃ abhibuddhiyā, kusalānaṃ parihānāya ca saṃvattati, evarūpā, sā pana kāmūpasañhitatāya ‘‘gehasitā’’ti vuccatīti āha ‘‘gehasitaupekkhā’’ti. ‘‘Bālassā’’tiādīsu bālakaradhammayogato bālassa attahitaparahitabyāmūḷhatāya mūḷhassa puthūnaṃ kilesādīnaṃ jananādīhi kāraṇehi puthujjanassa kilesodhīnaṃ maggodhīhi ajitattā anodhijinassa, odhijino vāyapekkhā, odhiso ca kilesānaṃ jitattā, tenassa sekkhabhāvaṃ paṭikkhipati. Sattamabhavādito uddhaṃ pavattanavipākassa ajitattā avipākajinassa, vipākajinā vā arahanto appaṭisandhikattā, tenassa asekkhattaṃ paṭikkhipati. Anekādīnave sabbesampi pāpadhammānaṃ mūlabhūte sammohe ādīnavānaṃ adassanasīlatāya anādīnavadassāvino. Āgamādhigamābhāvā assutavato. Ediso ekaṃsena andhaputhujjano nāma hotīti tassa andhaputhujjanabhāvaṃ dassetuṃ punapi ‘‘puthujjanassā’’ti vuttaṃ. Evarūpāti vuttappakārā sammohapubbikā. Rūpaṃ sā nātivattatīti rūpānaṃ samatikkamanāya kāraṇaṃ na hoti, rūpārammaṇe kilese nātikkamatīti adhippāyo. Aññāṇāvibhūtatāya ārammaṇe ajjhupekkhanavasena pavattamānā lobhasampayuttaupekkhā idhādhippetāti tassa lobhassa anucchavikameva ārammaṇaṃ dassento ‘‘iṭṭhārammaṇe’’ti āha. Anativattamānā anādīnavadassitāya. Tato eva assādānupassanato tattheva laggā. Abhisaṅgassa lobhassa vasena, dummocanīyatāya ca tena laggitā viya hutvā uppannā.

    зваруубаад̇и яаа агусалаанам̣ бахаанааяа, гусалаанан̃жа абхиб̣уд̣̇д̇хияаа сам̣вад̇д̇ад̇и, зваруубаа, саа бана баб̣б̣аж̇ж̇аад̣̇ивасзна бавад̇д̇ияаа нзгкаммуубасан̃хид̇аад̇и ааха ‘‘нзгкаммасид̇аа’’д̇и. ид̣̇аани д̇ам̣ баал̣ивасзна д̣̇ассзд̇ум̣ ‘‘д̇ад̇т̇а гад̇амаа’’д̇иаад̣̇и вуд̇д̇ам̣, д̇ассад̇т̇о хздтаа вуд̇д̇анаяаанусаарзна взд̣̇ид̇аб̣б̣о. руубам̣ саа ад̇ивад̇д̇ад̇ийд̇и руубасмим̣ саммад̣̇зва аад̣̇ийнавад̣̇ассанад̇о. руубанияаад̇аад̇и гилзсзхи анабхибхаванийяад̇о. идтзд̇и сабхаавад̇о, сан̇габбад̇о жа идтз аарамман̣з. араж̇ж̇анд̇ассаад̇и на раж̇ж̇анд̇асса рааг̇ам̣ ануббаад̣̇знд̇асса. анидтз ад̣̇уссанд̇ассаад̇и зд̇т̇а вуд̇д̇анаязна ад̇т̇о взд̣̇ид̇аб̣б̣о. самам̣ саммаа яонисо на бзгканам̣ асамабзгканам̣, д̇ам̣ бана идтаанидтамаж̇жхад̇д̇з вияа идтаанидтзсуби б̣ааласса ход̇ийд̇и ‘‘идтаанидтамаж̇жхад̇д̇з’’д̇и авад̇ваа ‘‘асамабзгканзна асаммуяханд̇ассаа’’д̇и вуд̇д̇ам̣, д̇ивид̇хзби аарамман̣з асамабзгканавасзна муяханд̇ассаад̇и ад̇т̇о. вибассанаан̃аан̣асамбаяуд̇д̇аа убзгкаа. нзгкаммасид̇аа убзгкаа взд̣̇анаасабхааг̇аад̇и уд̣̇аасинаагаарзна бавад̇д̇ияаа, убзгкаа взд̣̇анааяа жа сабхааг̇аа. зд̇т̇а убзгкаа ваад̇и зд̇т̇а зд̇асмим̣ убзгкаанид̣̇д̣̇зсз ‘‘убзгкаа’’д̇и г̇ахид̇аа зва. д̇асмаад̇и д̇ад̇рамаж̇жхад̇д̇убзгкааяаби ид̇ха убзгкааг̇г̇ахан̣зна г̇ахид̇ад̇д̇аа. д̇ан̃хи санд̇хааяа ‘‘батамад̣̇уд̇ияад̇ад̇ияажад̇уд̇т̇аж̇жхаанавасзна уббаж̇ж̇анагаубзгкаа’’д̇и вуд̇д̇ам̣.

    Evarūpāti yā akusalānaṃ pahānāya, kusalānañca abhibuddhiyā saṃvattati, evarūpā, sā pana pabbajjādivasena pavattiyā nekkhammūpasañhitāti āha ‘‘nekkhammasitā’’ti. Idāni taṃ pāḷivasena dassetuṃ ‘‘tattha katamā’’tiādi vuttaṃ, tassattho heṭṭhā vuttanayānusārena veditabbo. Rūpaṃ sā ativattatīti rūpasmiṃ sammadeva ādīnavadassanato. Rūpaniyātāti kilesehi anabhibhavanīyato. Iṭṭheti sabhāvato, saṅkappato ca iṭṭhe ārammaṇe. Arajjantassāti na rajjantassa rāgaṃ anuppādentassa. Aniṭṭhe adussantassāti ettha vuttanayena attho veditabbo. Samaṃ sammā yoniso na pekkhanaṃ asamapekkhanaṃ, taṃ pana iṭṭhāniṭṭhamajjhatte viya iṭṭhāniṭṭhesupi bālassa hotīti ‘‘iṭṭhāniṭṭhamajjhatte’’ti avatvā ‘‘asamapekkhanena asammuyhantassā’’ti vuttaṃ, tividhepi ārammaṇe asamapekkhanavasena muyhantassāti attho. Vipassanāñāṇasampayuttā upekkhā. Nekkhammasitā upekkhā vedanāsabhāgāti udāsinākārena pavattiyā, upekkhā vedanāya ca sabhāgā. Ettha upekkhā vāti ettha etasmiṃ upekkhāniddese ‘‘upekkhā’’ti gahitā eva. Tasmāti tatramajjhattupekkhāyapi idha upekkhāggahaṇena gahitattā. Tañhi sandhāya ‘‘paṭhamadutiyatatiyacatutthajjhānavasena uppajjanakaupekkhā’’ti vuttaṃ.

    д̇ааяаби нзгкаммасид̇аубзгкааяаад̇и нид̣̇д̇хааран̣з бхуммам̣. ‘‘яам̣ нзгкаммавасзнаа’’д̇иаад̣̇и хздтаа вуд̇д̇анаяад̇д̇аа уд̇д̇аа над̇т̇амзва.

    Tāyapi nekkhammasitaupekkhāyāti niddhāraṇe bhummaṃ. ‘‘Yaṃ nekkhammavasenā’’tiādi heṭṭhā vuttanayattā uttā natthameva.

    363. яад̣̇и саггасса д̇ад̣̇аа сод̇аабад̇д̇ипалабад̇д̇ияаава убаниссаяо, ат̇а гасмаа бхаг̇аваа яаава арахад̇д̇ам̣ д̣̇зсанам̣ вад̣дхзсийд̇и ааха ‘‘б̣уд̣̇д̇хаанан̃хий’’д̇иаад̣̇и. д̇арун̣асаггод̇и абхинаво ад̇хунаа баад̇убхууд̇о сагго. самбад̇и баад̇убхааван̃хи санд̇хааяа ‘‘д̇арун̣асагго’’д̇и вуд̇д̇ам̣, на д̇асса гумаарад̇аа, вуд̣̇д̇хад̇аа ваа ад̇т̇и. г̇ад̇ааг̇ад̇адтаананд̇и г̇аманааг̇аманагааран̣ам̣. на бан̃н̃ааяад̇и на убалаб̣бхад̇и. г̇аб̣бхасзяяагаанан̃хи жаванд̇аанам̣ гаммаж̇аруубам̣ виг̇ажчад̇и ануд̣̇зва жид̇д̇аж̇ам̣, аахаараж̇ан̃жа бажжаяаабхаавад̇о, уд̇уж̇ам̣ бана сужирамби гаалам̣ бавзн̣им̣ гхаддзнд̇ам̣ бхассанд̇ам̣ ваа сосанд̇ам̣ ваа гилзсанд̇ам̣ ваа видтад̇ам̣ ваа ход̇и, на звам̣ д̣̇зваанам̣. д̇зсан̃хи обабаад̇игад̇д̇аа гаммаж̇аруубз анд̇арад̇хааяанд̇з сзсад̇исанд̇ад̇ируубамби д̇зна сад̣̇д̇хим̣ анд̇арад̇хааяад̇и. д̇знааха ‘‘д̣̇ийбасикааг̇аманам̣ вияа ход̇ий’’д̇и. сзсад̣̇звад̇аа на ж̇ааним̣су бунаби саггад̇д̇абхаавзна д̇асмим̣язва таанз ниб̣б̣ад̇д̇ад̇д̇аа. д̇ийсу таанзсууд̇и соманассад̣̇оманассаубзгкаависсаж̇ж̇анаавасаанадтаанзсу. ниб̣б̣ад̇д̇ид̇апаламзваад̇и саббимхаа саббиман̣д̣о вияа ааг̇аманийяабадибад̣̇ааяа ниб̣б̣ад̇д̇ид̇апалабхууд̇ам̣ логуд̇д̇арамаг̇г̇апаламзва гат̇ид̇ам̣. сагун̣игааяа вияа гин̃жи г̇аяхуубаг̇ам̣ уббад̇ид̇ваа уд̣д̣зд̇ваа уллан̇гхид̇ваа. ассаад̇и маг̇г̇апаласан̃н̃ид̇асса арияасса д̇хаммасса.

    363. Yadi sakkassa tadā sotāpattiphalapattiyāva upanissayo, atha kasmā bhagavā yāva arahattaṃ desanaṃ vaḍḍhesīti āha ‘‘buddhānañhī’’tiādi. Taruṇasakkoti abhinavo adhunā pātubhūto sakko. Sampati pātubhāvañhi sandhāya ‘‘taruṇasakko’’ti vuttaṃ, na tassa kumāratā, vuddhatā vā atthi. Gatāgataṭṭhānanti gamanāgamanakāraṇaṃ. Na paññāyati na upalabbhati. Gabbhaseyyakānañhi cavantānaṃ kammajarūpaṃ vigacchati anudeva cittajaṃ, āhārajañca paccayābhāvato, utujaṃ pana sucirampi kālaṃ paveṇiṃ ghaṭṭentaṃ bhassantaṃ vā sosantaṃ vā kilesantaṃ vā viṭṭhataṃ vā hoti, na evaṃ devānaṃ. Tesañhi opapātikattā kammajarūpe antaradhāyante sesatisantatirūpampi tena saddhiṃ antaradhāyati. Tenāha ‘‘dīpasikhāgamanaṃ viya hotī’’ti. Sesadevatā na jāniṃsu punapi sakkattabhāvena tasmiṃyeva ṭhāne nibbattattā. Tīsu ṭhānesūti somanassadomanassaupekkhāvissajjanāvasānaṭṭhānesu. Nibbattitaphalamevāti sappimhā sappimaṇḍo viya āgamanīyapaṭipadāya nibbattitaphalabhūtaṃ lokuttaramaggaphalameva kathitaṃ. Sakuṇikāya viya kiñci gayhūpagaṃ uppatitvā uḍḍetvā ullaṅghitvā. Assāti maggaphalasaññitassa ariyassa dhammassa.

    баад̇имогкасам̣вараван̣н̣анаа

    Pātimokkhasaṃvaravaṇṇanā

    364. баад̇имогкасам̣варааяаад̇и баад̇имогкабхууд̇асийласам̣варааяаад̇и аяамзд̇т̇а ад̇т̇од̇и ааха ‘‘уд̇д̇амаж̇здтагасийласам̣варааяаа’’д̇и. ‘‘баад̇имогкасийлан̃хи саб̣б̣асийлад̇о ж̇здтагасийла’’нд̇и д̣̇ийгхаваабийвихааравааси сумад̇т̇зро вад̣̇ад̇и, анд̇зваасиго банасса д̇збидагажуул̣анааг̇ад̇т̇зро ‘‘баад̇имогкасам̣варо зва сийлам̣, ид̇араани бана ‘сийланд̇и вуд̇д̇адтаанам̣ наама ад̇т̇ий’д̇и анануж̇аананд̇о инд̣̇рияасам̣варо наама чад̣̇ваарарагкаамад̇д̇агам̣, ааж̇ийвабаарисуд̣̇д̇хи д̇хаммзна самзна бажжаяуббаад̣̇анамад̇д̇агам̣, бажжаяасанниссид̇ам̣ бадилад̣̇д̇хабажжаяз ‘ид̣̇а мад̇т̇а’нд̇и бажжавзгкид̇ваа барибхун̃ж̇анамад̇д̇агам̣, ниббарияааязна баад̇имогкасам̣варова сийлам̣. д̇ат̇аа хи яасса со бхинно, со ид̇араани рагкид̇ум̣ абхаб̣б̣ад̇д̇аа асийло ход̇и. яасса бана саб̣б̣асо арог̇о сзсаанам̣ рагкид̇ум̣ бхаб̣б̣ад̇д̇аа самбаннасийло’’д̇и вад̣̇ад̇и, д̇асмаа ид̇арзсам̣ д̇асса бариваарабхаавад̇о, саб̣б̣асо згад̣̇зсзна жа д̇ад̣̇анд̇ог̇ад̇хабхаавад̇о д̇ад̣̇зва бад̇хаанасийлам̣ наамаад̇и ааха ‘‘уд̇д̇амаж̇здтагасийласам̣варааяаа’’д̇и. д̇ад̇т̇а яат̇аа хздтаа бабан̃жасан̃н̃аасан̇каанирод̇хасааруббаг̇ааминим̣ бадибад̣̇ам̣ бужчид̇зна бхаг̇авад̇аа бабан̃жасан̃н̃аанам̣, бадибад̣̇ааяа жа муулабхууд̇ам̣ взд̣̇анам̣ вибхаж̇ид̇ваа бадибад̣̇аа д̣̇зсид̇аа саггасса аж̇жхаасаяавасзна сам̣гилзсад̇хаммаббахаанамукзна вод̣̇аанад̇хаммабаарибуурийд̇и, звам̣ д̇ассаа зва бадибад̣̇ааяа муулабхууд̇амби сийласам̣варам̣ бужчид̇зна бхаг̇авад̇аа яад̇о со висуж̇жхад̇и, яат̇аа жа висуж̇жхад̇и, д̇ад̣̇убхаяам̣ саггасса аж̇жхаасаяавасзна вибхаж̇ид̇ваа д̣̇ассзд̇ум̣ ‘‘гааяасамаажаарамбий’’д̇иаад̣̇и вуд̇д̇ам̣ сам̣гилзсад̇хаммаббахаанамукзна вод̣̇аанад̇хаммабаарибуурийд̇и гад̇ваа. сийлагат̇ааяам̣ асзвид̇аб̣б̣агааяасамаажаараад̣̇игат̇анз гааран̣ам̣ вуд̇д̇амзва, д̇асмаа гаммабат̇авасзнаад̇и гусалаагусалагаммабат̇авасзна.

    364.Pātimokkhasaṃvarāyāti pātimokkhabhūtasīlasaṃvarāyāti ayamettha atthoti āha ‘‘uttamajeṭṭhakasīlasaṃvarāyā’’ti. ‘‘Pātimokkhasīlañhi sabbasīlato jeṭṭhakasīla’’nti dīghavāpīvihāravāsi sumatthero vadati, antevāsiko panassa tepiṭakacūḷanāgatthero ‘‘pātimokkhasaṃvaro eva sīlaṃ, itarāni pana ‘sīlanti vuttaṭṭhānaṃ nāma atthī’ti ananujānanto indriyasaṃvaro nāma chadvārarakkhāmattakaṃ, ājīvapārisuddhi dhammena samena paccayuppādanamattakaṃ, paccayasannissitaṃ paṭiladdhapaccaye ‘ida mattha’nti paccavekkhitvā paribhuñjanamattakaṃ, nippariyāyena pātimokkhasaṃvarova sīlaṃ. Tathā hi yassa so bhinno, so itarāni rakkhituṃ abhabbattā asīlo hoti. Yassa pana sabbaso arogo sesānaṃ rakkhituṃ bhabbattā sampannasīlo’’ti vadati, tasmā itaresaṃ tassa parivārabhāvato, sabbaso ekadesena ca tadantogadhabhāvato tadeva padhānasīlaṃ nāmāti āha ‘‘uttamajeṭṭhakasīlasaṃvarāyā’’ti. Tattha yathā heṭṭhā papañcasaññāsaṅkhānirodhasāruppagāminiṃ paṭipadaṃ pucchitena bhagavatā papañcasaññānaṃ, paṭipadāya ca mūlabhūtaṃ vedanaṃ vibhajitvā paṭipadā desitā sakkassa ajjhāsayavasena saṃkilesadhammappahānamukhena vodānadhammapāripūrīti, evaṃ tassā eva paṭipadāya mūlabhūtampi sīlasaṃvaraṃ pucchitena bhagavatā yato so visujjhati, yathā ca visujjhati, tadubhayaṃ sakkassa ajjhāsayavasena vibhajitvā dassetuṃ ‘‘kāyasamācārampī’’tiādi vuttaṃ saṃkilesadhammappahānamukhena vodānadhammapāripūrīti katvā. Sīlakathāyaṃ asevitabbakāyasamācārādikathane kāraṇaṃ vuttameva, tasmā kammapathavasenāti kusalākusalakammapathavasena.

    гаммабат̇авасзнаад̇и жа гаммабат̇авижааравасзна . гаммабат̇абхаавам̣ абад̇д̇аанамби хи гааяад̣̇ужжарид̇аад̣̇ийнам̣ асзвид̇аб̣б̣агаад̣̇ийнам̣ асзвид̇аб̣б̣агааяасамаажаараад̣̇ибхааво ид̇ха вужжад̇ийд̇и. бан̣н̣ад̇д̇ивасзнаад̇и сигкаабад̣̇абан̣н̣ад̇д̇ивасзна. яад̇о яад̇о хи яаа яаа взраман̣ий, д̇ад̣̇убхаязби вибхаавзнд̇о бан̣н̣ад̇д̇ивасзна гат̇зд̇и наама. д̇знааха ‘‘гааяад̣̇ваарз’’д̇иаад̣̇и. сигкаабад̣̇ам̣ вийд̇иггамад̇и зд̇знаад̇и сигкаабад̣̇авийд̇иггамо, сигкаабад̣̇асса вийд̇иггаманаагаарзна бавад̇д̇о агусалад̇хаммо яам̣, д̇асса асзвид̇аб̣б̣агааяасамаажаараад̣̇ид̇аа. вийд̇иггамабадибагко авийд̇иггамо, на вийд̇иггамад̇и зд̇знаад̇и авийд̇иггамо, сийлам̣.

    Kammapathavasenāti ca kammapathavicāravasena . Kammapathabhāvaṃ apattānampi hi kāyaduccaritādīnaṃ asevitabbakādīnaṃ asevitabbakāyasamācārādibhāvo idha vuccatīti. Paṇṇattivasenāti sikkhāpadapaṇṇattivasena. Yato yato hi yā yā veramaṇī, tadubhayepi vibhāvento paṇṇattivasena katheti nāma. Tenāha ‘‘kāyadvāre’’tiādi. Sikkhāpadaṃ vītikkamati etenāti sikkhāpadavītikkamo, sikkhāpadassa vītikkamanākārena pavatto akusaladhammo yaṃ, tassa asevitabbakāyasamācārāditā. Vītikkamapaṭipakkho avītikkamo, na vītikkamati etenāti avītikkamo, sīlaṃ.

    мижчаа саммаа жа бариязсад̇и зд̇ааяаад̇и бариязсанаа, ааж̇ийво, ад̇т̇ад̇о бажжаяаг̇авзсанаб̣яаабааро гааяаважийд̣̇ваариго. яад̣̇и звам̣ гасмаа висум̣ г̇ахан̣анд̇и ааха ‘‘яасмаа’’д̇иаад̣̇и . арияаа нид̣̇д̣̇осаа бариязсанаа г̇авзсанаад̇и арияабариязсанаа, ариязхи саад̇хуухи бариязсид̇аб̣б̣аад̇иби арияабариязсанаад̇и. вуд̇д̇авибарияааяад̇о анарияабариязсанаа взд̣̇ид̇аб̣б̣аа.

    Micchā sammā ca pariyesati etāyāti pariyesanā, ājīvo, atthato paccayagavesanabyāpāro kāyavacīdvāriko. Yadi evaṃ kasmā visuṃ gahaṇanti āha ‘‘yasmā’’tiādi . Ariyā niddosā pariyesanā gavesanāti ariyapariyesanā, ariyehi sādhūhi pariyesitabbātipi ariyapariyesanāti. Vuttavipariyāyato anariyapariyesanā veditabbā.

    ж̇аад̇ид̇хаммод̇и ж̇ааяанасабхааво ж̇ааяанабагад̇иго. ж̇араад̇хаммод̇и ж̇ийран̣асабхааво. б̣яаад̇хид̇хаммод̇и б̣яаад̇хисабхааво. маран̣ад̇хаммод̇и мийяанасабхааво. согад̇хаммод̇и сожанагасабхааво. сам̣гилзсад̇хаммод̇и сам̣гилиссанасабхааво.

    Jātidhammoti jāyanasabhāvo jāyanapakatiko. Jarādhammoti jīraṇasabhāvo. Byādhidhammoti byādhisabhāvo. Maraṇadhammoti mīyanasabhāvo. Sokadhammoti socanakasabhāvo. Saṃkilesadhammoti saṃkilissanasabhāvo.

    буд̇д̇абхарияанд̇и буд̇д̇аа жа бхарияаа жа. зса наяо саб̣б̣ад̇т̇а. д̣̇ванд̣̇згад̇д̇авасзна д̇зсам̣ нид̣̇д̣̇зсо. ж̇аад̇аруубараж̇ад̇анд̇и зд̇т̇а бана яад̇о вигаарам̣ анаабаж̇ж̇ид̇ваа саб̣б̣ам̣ ж̇аад̇аруубамзва ход̇ийд̇и ж̇аад̇аруубам̣ наама суван̣н̣ам̣. д̇хаваласабхаавад̇ааяа раж̇ад̇ийд̇и раж̇ад̇ам̣, руубияам̣. ид̇ха бана суван̣н̣ам̣ табзд̇ваа яам̣ гин̃жи убабхог̇абарибхог̇аарахам̣ ‘‘раж̇ад̇а’’нд̇взва г̇ахид̇ам̣ вохааруубаг̇амаасагаад̣̇и. ж̇аад̇ид̇хаммаа хзд̇з, бхигкавз, убад̇хаяод̇и зд̇з гаамаг̇ун̣уубад̇хаяо наама хонд̇и, д̇з саб̣б̣зби ж̇аад̇ид̇хаммаад̇и д̣̇ассзд̇и.

    Puttabhariyanti puttā ca bhariyā ca. Esa nayo sabbattha. Dvandekattavasena tesaṃ niddeso. Jātarūparajatanti ettha pana yato vikāraṃ anāpajjitvā sabbaṃ jātarūpameva hotīti jātarūpaṃ nāma suvaṇṇaṃ. Dhavalasabhāvatāya rajatīti rajataṃ, rūpiyaṃ. Idha pana suvaṇṇaṃ ṭhapetvā yaṃ kiñci upabhogaparibhogārahaṃ ‘‘rajata’’ntveva gahitaṃ vohārūpagamāsakādi. Jātidhammā hete, bhikkhave, upadhayoti ete kāmaguṇūpadhayo nāma honti, te sabbepi jātidhammāti dasseti.

    б̣яаад̇хид̇хаммаваараад̣̇ийсу ж̇аад̇аруубараж̇ад̇ам̣ на г̇ахид̇ам̣. на хзд̇асса сийсарог̇аад̣̇аяо б̣яаад̇хаяо наама санд̇и, на сад̇д̇аанам̣ вияа жуд̇исан̇каад̇ам̣ маран̣ам̣, на согз уббаж̇ж̇ад̇и, жуд̇исан̇каад̇ам̣ маран̣анд̇и жа згабхавабарияаабаннаканд̇ханирод̇хо, со д̇асса над̇т̇и, кан̣иганирод̇хо бана кан̣з кан̣з лаб̣бхад̇зва. рааг̇аад̣̇ийхи бана сам̣гилзсзхи сам̣гилиссад̇ийд̇и сам̣гилзсад̇хаммаваарз г̇ахид̇ам̣ ж̇аад̇аруубам̣, д̇ат̇аа уд̇усамудтаанад̇д̇аа ж̇аад̇ид̇хаммаваарз, малам̣ г̇ахзд̇ваа ж̇ийран̣ад̇о ж̇араад̇хаммаваарз жа. ариязхи на аран̣ийяаа, бариязсанаад̇иби анарияабариязсанаа.

    Byādhidhammavārādīsu jātarūparajataṃ na gahitaṃ. Na hetassa sīsarogādayo byādhayo nāma santi, na sattānaṃ viya cutisaṅkhātaṃ maraṇaṃ, na soke uppajjati, cutisaṅkhātaṃ maraṇanti ca ekabhavapariyāpannakhandhanirodho, so tassa natthi, khaṇikanirodho pana khaṇe khaṇe labbhateva. Rāgādīhi pana saṃkilesehi saṃkilissatīti saṃkilesadhammavāre gahitaṃ jātarūpaṃ, tathā utusamuṭṭhānattā jātidhammavāre, malaṃ gahetvā jīraṇato jarādhammavāre ca. Ariyehi na araṇīyā, pariyesanātipi anariyapariyesanā.

    ид̣̇аани анзсанаавасзнааби д̇ам̣ д̣̇ассзд̇ум̣ ‘‘абижаа’’д̇иаад̣̇и вуд̇д̇ам̣. иминаа наязна суггабагкзби ад̇т̇о взд̣̇ид̇аб̣б̣о.

    Idāni anesanāvasenāpi taṃ dassetuṃ ‘‘apicā’’tiādi vuttaṃ. Iminā nayena sukkapakkhepi attho veditabbo.

    самбхаарабариязсанам̣ бахаран̣ависаад̣̇иг̇авзсанам̣, баяог̇авасзна баяог̇агаран̣ам̣ д̇аж̇ж̇аавааяаамаж̇ананам̣ д̇аад̣̇исам̣ убаггаманиб̣б̣ад̇д̇анам̣, баан̣аад̇ибаад̇аад̣̇иад̇т̇ам̣ г̇аманам̣, бажжзгам̣ гаала-сад̣̇д̣̇о яож̇зд̇аб̣б̣о ‘‘самбхаарабариязсанагаалад̇о бадтааяа, баяог̇агаран̣агаалад̇о бадтааяа, г̇аманагаалад̇о бадтааяаа’’д̇и. ид̇арод̇и ‘‘сзвид̇аб̣б̣о’’д̇и вуд̇д̇агааяасамаажаараад̣̇иго. жид̇д̇амби уббаад̣̇зд̇аб̣б̣ам̣. д̇ат̇аа уббаад̣̇ид̇ажид̇д̇о хи сад̇и бажжаяасамавааяз д̇аад̣̇исам̣ баяог̇ам̣ бараггамам̣ гаронд̇о бадибад̇д̇ияаа мад̇т̇агам̣ г̇ан̣хаад̇и. д̇знааха ‘‘жид̇д̇уббаад̣̇амби ко ахам̣, бхигкавз, гусалзсу д̇хаммзсу б̣ахубагаарам̣ вад̣̇аамий’’д̇и (ма. ни. 1.84).

    Sambhārapariyesanaṃ paharaṇavisādigavesanaṃ, payogavasena payogakaraṇaṃ tajjāvāyāmajananaṃ tādisaṃ upakkamanibbattanaṃ, pāṇātipātādiatthaṃ gamanaṃ, paccekaṃ kāla-saddo yojetabbo ‘‘sambhārapariyesanakālato paṭṭhāya, payogakaraṇakālato paṭṭhāya, gamanakālato paṭṭhāyā’’ti. Itaroti ‘‘sevitabbo’’ti vuttakāyasamācārādiko. Cittampi uppādetabbaṃ. Tathā uppāditacitto hi sati paccayasamavāye tādisaṃ payogaṃ parakkamaṃ karonto paṭipattiyā matthakaṃ gaṇhāti. Tenāha ‘‘cittuppādampi kho ahaṃ, bhikkhave, kusalesu dhammesu bahupakāraṃ vadāmī’’ti (ma. ni. 1.84).

    ид̣̇аани д̇ам̣ мад̇т̇агаббад̇д̇ам̣ асзвид̇аб̣б̣ам̣, сзвид̇аб̣б̣ан̃жа д̣̇ассзд̇ум̣ ‘‘абижаа’’д̇иаад̣̇и вуд̇д̇ам̣. сан̇гхабхзд̣̇аад̣̇ийнанд̇и аад̣̇и-сад̣̇д̣̇зна лохид̇уббаад̣̇анаад̣̇им̣ сан̇г̇ан̣хаад̇и. б̣уд̣̇д̇харад̇анасан̇гхарад̇анубадтаанзхзва д̇хаммарад̇анубадтаанасид̣̇д̇хийд̇и ааха ‘‘д̣̇ивасасса д̣̇вад̇д̇игкад̇д̇ум̣ д̇ин̣н̣ам̣ рад̇анаанам̣ убадтаанаг̇аманаад̣̇ивасзнаа’’д̇и . д̇хануг̇г̇ахабзсанам̣ д̇хануг̇г̇ахабурисаанам̣ уяяож̇анам̣. аад̣̇и-сад̣̇д̣̇зна бан̃жавараяаажанаад̣̇им̣ сан̇г̇ан̣хаад̇и. ‘‘аж̇аад̇асад̇д̇ум̣ басаад̣̇зд̇ваа лаабхуббаад̣̇авасзна барихийналаабхасаггаарасса гулзсу вин̃н̃аабана’’нд̇и звамаад̣̇им̣ анарияабариязсанам̣ бариязсанд̇аанам̣.

    Idāni taṃ matthakappattaṃ asevitabbaṃ, sevitabbañca dassetuṃ ‘‘apicā’’tiādi vuttaṃ. Saṅghabhedādīnanti ādi-saddena lohituppādanādiṃ saṅgaṇhāti. Buddharatanasaṅgharatanupaṭṭhāneheva dhammaratanupaṭṭhānasiddhīti āha ‘‘divasassa dvattikkhattuṃ tiṇṇaṃ ratanānaṃ upaṭṭhānagamanādivasenā’’ti . Dhanuggahapesanaṃ dhanuggahapurisānaṃ uyyojanaṃ. Ādi-saddena pañcavarayācanādiṃ saṅgaṇhāti. ‘‘Ajātasattuṃ pasādetvā lābhuppādavasena parihīnalābhasakkārassa kulesu viññāpana’’nti evamādiṃ anariyapariyesanaṃ pariyesantānaṃ.

    баарибуурияаад̇и баарибууриад̇т̇ам̣. аг̇г̇амаг̇г̇апалавасзнзва хи сзвид̇аб̣б̣аанам̣ баарибуурийд̇и д̇ад̣̇ад̇т̇ам̣ саб̣б̣аа буб̣б̣абхааг̇абадибад̣̇аа, баад̇имогкасам̣вароби аг̇г̇амаг̇г̇знзва барибун̣н̣о ход̇ийд̇и д̇ад̣̇ад̇т̇ам̣ буб̣б̣абхааг̇абадибад̣̇ам̣ вад̇ваа ниг̇амзнд̇о ‘‘баад̇имогко…бз… ход̇ий’’д̇и ааха.

    Pāripūriyāti pāripūriatthaṃ. Aggamaggaphalavaseneva hi sevitabbānaṃ pāripūrīti tadatthaṃ sabbā pubbabhāgapaṭipadā, pātimokkhasaṃvaropi aggamaggeneva paripuṇṇo hotīti tadatthaṃ pubbabhāgapaṭipadaṃ vatvā nigamento ‘‘pātimokkho…pe… hotī’’ti āha.

    инд̣̇рияасам̣вараван̣н̣анаа

    Indriyasaṃvaravaṇṇanā

    365. инд̣̇рияаанам̣ бид̇хаанааяаад̇и инд̣̇рияаанам̣ бид̣̇аханад̇т̇ааяа. инд̣̇рияаани жа жагкаад̣̇ийни д̣̇ваараани, д̇зсам̣ бид̇хаанам̣ сам̣варан̣ам̣ агусалуббад̇д̇ид̇о г̇обанаад̇и ааха ‘‘г̇уд̇д̇ад̣̇ваарад̇ааяаа’’д̇и. асзвид̇аб̣б̣аруубаад̣̇ивасзна инд̣̇риязсу аг̇уд̇д̇ад̣̇ваарад̇аа асам̣варо, сам̣гилзсад̇хаммавиббахаанавасзна вод̣̇аанад̇хаммабаарисуд̣̇д̇хийд̇и. гаамам̣ баал̣ияам̣ асзвид̇аб̣б̣амби руубаад̣̇и д̣̇ассид̇ам̣, саггзна бана инд̣̇рияасам̣варааяа бадибад̇д̇и бужчид̇аад̇и д̇амзва нивад̇д̇зд̇ваа д̣̇ассзд̇ум̣ адтагат̇ааяам̣вуд̇д̇ам̣ ‘‘жагкувин̃н̃зяяам̣ руубамбийд̇иаад̣̇и сзвид̇аб̣б̣аруубаад̣̇ивасзна инд̣̇рияасам̣варад̣̇ассанад̇т̇ам̣ вуд̇д̇а’’нд̇и. ‘‘д̇ун̣хий ахосий’’д̇и вад̇ваа д̇ун̣хийбхаавасса гааран̣ам̣ б̣яад̇ирзгамукзна вибхаавзд̇ум̣ ‘‘гат̇зд̇угаамобий’’д̇иаад̣̇и вуд̇д̇ам̣. аяанд̇и сагго д̣̇зваанам̣ инд̣̇о.

    365.Indriyānaṃ pidhānāyāti indriyānaṃ pidahanatthāya. Indriyāni ca cakkhādīni dvārāni, tesaṃ pidhānaṃ saṃvaraṇaṃ akusaluppattito gopanāti āha ‘‘guttadvāratāyā’’ti. Asevitabbarūpādivasena indriyesu aguttadvāratā asaṃvaro, saṃkilesadhammavippahānavasena vodānadhammapārisuddhīti. Kāmaṃ pāḷiyaṃ asevitabbampi rūpādi dassitaṃ, sakkena pana indriyasaṃvarāya paṭipatti pucchitāti tameva nivattetvā dassetuṃ aṭṭhakathāyaṃvuttaṃ ‘‘cakkhuviññeyyaṃ rūpampītiādi sevitabbarūpādivasena indriyasaṃvaradassanatthaṃ vutta’’nti. ‘‘Tuṇhī ahosī’’ti vatvā tuṇhībhāvassa kāraṇaṃ byatirekamukhena vibhāvetuṃ ‘‘kathetukāmopī’’tiādi vuttaṃ. Ayanti sakko devānaṃ indo.

    руубанд̇и руубааяад̇анам̣, д̇асса асзванам̣ наама ад̣̇ассанам̣ зваад̇и ааха ‘‘на сзвид̇аб̣б̣ам̣ на д̣̇адтаб̣б̣а’’нд̇и. яам̣ бана сад̇д̇асанд̇аанаг̇ад̇ам̣ руубам̣ бассад̇о бадигууламанасигааравасзна, асубхасан̃н̃аа ваа сан̣таад̇и д̣̇ассанаануд̇д̇арияавасзна. ат̇а ваа гаммапаласад̣̇д̣̇аханавасзна басаад̣̇о ваа уббаж̇ж̇ад̇и. худ̇ваа абхааваагаарасаллагкан̣зна анижжасан̃н̃аабадилаабхо ваа ход̇и.

    Rūpanti rūpāyatanaṃ, tassa asevanaṃ nāma adassanaṃ evāti āha ‘‘na sevitabbaṃ na daṭṭhabba’’nti. Yaṃ pana sattasantānagataṃ rūpaṃ passato paṭikūlamanasikāravasena, asubhasaññā vā saṇṭhāti dassanānuttariyavasena. Atha vā kammaphalasaddahanavasena pasādo vā uppajjati. Hutvā abhāvākārasallakkhaṇena aniccasaññāpaṭilābho vā hoti.

    барияааяагкаран̣ад̇о агкарам̣, ван̣н̣о, со зва ниранд̇аруббад̇д̇ияаа самуд̣̇д̣̇ид̇о бад̣̇аваагяасан̃н̃ид̇о, ад̇хиббзд̇амад̇т̇ам̣ б̣яан̃ж̇зд̇ийд̇и б̣яан̃ж̇анам̣, д̇аяид̣̇ам̣ гааб̣яанаадагаад̣̇иг̇ад̇авзважанавасзна, ужжааран̣авасзна жа вижид̇д̇асаннивзсад̇ааяа д̇ат̇аабавад̇д̇авигаббанавасзна жид̇д̇авижид̇д̇абхаавзна убад̇идтанагам̣ санд̇хааяааха ‘‘яам̣ жид̇д̇агкарам̣ жид̇д̇аб̣яан̃ж̇анамби сад̣̇д̣̇ам̣ сун̣ад̇о рааг̇аад̣̇аяо уббаж̇ж̇анд̇ий’’д̇и. ад̇т̇аниссид̇анд̇и самбарааяигад̇т̇аниссид̇ам̣. д̇хамманиссид̇анд̇и виваддад̇хамманиссид̇ам̣, логуд̇д̇арарад̇анад̇д̇аяад̇хамманиссид̇ам̣ ваа. басаад̣̇од̇и рад̇анад̇д̇аяасад̣̇д̇хаа, гаммапаласад̣̇д̇хааби. ниб̣б̣ид̣̇аа ваад̇и анижжасан̃н̃аад̣̇ивасзна ваддад̇о угган̣таа ваа.

    Pariyāyakkharaṇato akkharaṃ, vaṇṇo, so eva nirantaruppattiyā samuddito padavākyasaññito, adhippetamatthaṃ byañjetīti byañjanaṃ, tayidaṃ kābyanāṭakādigatavevacanavasena, uccāraṇavasena ca vicittasannivesatāya tathāpavattavikappanavasena cittavicittabhāvena upatiṭṭhanakaṃ sandhāyāha ‘‘yaṃ cittakkharaṃ cittabyañjanampi saddaṃ suṇato rāgādayo uppajjantī’’ti. Atthanissitanti samparāyikatthanissitaṃ. Dhammanissitanti vivaṭṭadhammanissitaṃ, lokuttararatanattayadhammanissitaṃ vā. Pasādoti ratanattayasaddhā, kammaphalasaddhāpi. Nibbidā vāti aniccasaññādivasena vaṭṭato ukkaṇṭhā vā.

    г̇анд̇харасаавибарод̇хаад̣̇ивасзна сзвияамаанам̣ аяонисо бадибаннад̇д̇аа асзвид̇аб̣б̣ам̣ наама. яонисо бажжавзгкид̇ваа сзвияамаанам̣ самбаж̇ан̃н̃авасзна г̇ахан̣ад̇о сзвид̇аб̣б̣ам̣ наама. д̇зна вуд̇д̇ам̣ ‘‘яам̣ г̇анд̇хам̣ гхааяад̇о’’д̇иаад̣̇и.

    Gandharasāviparodhādivasena seviyamānaṃ ayoniso paṭipannattā asevitabbaṃ nāma. Yoniso paccavekkhitvā seviyamānaṃ sampajaññavasena gahaṇato sevitabbaṃ nāma. Tena vuttaṃ ‘‘yaṃ gandhaṃ ghāyato’’tiādi.

    яам̣ бана пусад̇од̇и яам̣ бана сзвид̇аб̣б̣ам̣ подтаб̣б̣ам̣ анибпаннассзва пусад̇о. аасавагкаяо жзва ход̇и ж̇ааг̇арияаануяог̇асса мад̇т̇агаббад̇д̇ид̇о. вийрияан̃жа субаг̇г̇ахид̇ам̣ ход̇и жад̇уд̇т̇асса арияавам̣сасса уггам̣санад̇о. бажчимаа жа…бз… ануг̇г̇ахид̇аа ход̇и саммаабадибад̇д̇ияам̣ нияож̇анад̇о.

    Yaṃpana phusatoti yaṃ pana sevitabbaṃ phoṭṭhabbaṃ anipphannasseva phusato. Āsavakkhayo ceva hoti jāgariyānuyogassa matthakappattito. Vīriyañca supaggahitaṃ hoti catutthassa ariyavaṃsassa ukkaṃsanato. Pacchimā ca…pe… anuggahitā hoti sammāpaṭipattiyaṃ niyojanato.

    яз мановин̃н̃зяяз д̇хаммз идтаад̣̇ибхзд̣̇з саманнаахаранд̇асса ааваж̇ж̇анд̇асса аабаат̇ам̣ ааг̇ажчанд̇и. ‘‘мановин̃н̃зяяаа д̇хаммаа’’д̇и вибхад̇д̇и вибарин̣аамзд̇аб̣б̣аа, мзд̇д̇аад̣̇ивасзна саманнаахаранд̇асса яз мановин̃н̃зяяаа д̇хаммаа аабаат̇ам̣ ааг̇ажчанд̇и, зваруубаа сзвид̇аб̣б̣аад̇и яож̇анаа. аад̣̇и-сад̣̇д̣̇зна гарун̣аад̣̇ийнан̃жзва анижжаад̣̇ийнан̃жа сан̇г̇ахо д̣̇адтаб̣б̣о. д̇ин̣н̣ам̣ т̇зраанам̣ д̇хаммаад̇и ид̣̇аани вужжамаанабадибад̇д̇ийнам̣ д̇ин̣н̣ам̣ т̇зраанам̣ мановин̃н̃зяяаа д̇хаммаа. б̣ахи д̇хаавид̇ум̣ на ад̣̇аасинд̇и анд̇обаривзн̣ам̣ ааг̇ад̇амзва руубаад̣̇им̣ аараб̣бха имасмим̣ д̇змаасз гаммадтаанавинимуд̇д̇ам̣ жид̇д̇ам̣ гад̣̇аажи уббаннабуб̣б̣ам̣, анд̇обаривзн̣з жа висабхааг̇аруубаад̣̇ийнам̣ асамбхаво зва, д̇асмаа висадавид̇аггавасзна жид̇д̇ам̣ б̣ахи д̇хаавид̇ум̣ на ад̣̇аасинд̇и д̣̇ассзд̇и. ниваасаг̇зхад̇о ниваасанаг̇аб̣бхад̇о. нияагаж̇жхад̇д̇аканд̇хабан̃жагад̇о вибассанааг̇ожарад̇о. т̇зро гира саб̣б̣амби ад̇д̇анаа гаад̇аб̣б̣агирияам̣ гаммадтаанасийсзнзва бадибаж̇ж̇ад̇и.

    Ye manoviññeyye dhamme iṭṭhādibhede samannāharantassa āvajjantassa āpāthaṃ āgacchanti. ‘‘Manoviññeyyā dhammā’’ti vibhatti vipariṇāmetabbā, mettādivasena samannāharantassa ye manoviññeyyā dhammā āpāthaṃ āgacchanti, evarūpā sevitabbāti yojanā. Ādi-saddena karuṇādīnañceva aniccādīnañca saṅgaho daṭṭhabbo. Tiṇṇaṃ therānaṃ dhammāti idāni vuccamānapaṭipattīnaṃ tiṇṇaṃ therānaṃ manoviññeyyā dhammā. Bahi dhāvituṃ na adāsinti antopariveṇaṃ āgatameva rūpādiṃ ārabbha imasmiṃ temāse kammaṭṭhānavinimuttaṃ cittaṃ kadāci uppannapubbaṃ, antopariveṇe ca visabhāgarūpādīnaṃ asambhavo eva, tasmā visaṭavitakkavasena cittaṃ bahi dhāvituṃ na adāsinti dasseti. Nivāsagehato nivāsanagabbhato. Niyakajjhattakhandhapañcakato vipassanāgocarato. Thero kira sabbampi attanā kātabbakiriyaṃ kammaṭṭhānasīseneva paṭipajjati.

    366. асаммохасамбаж̇ан̃н̃авасзна ад̣̇взж̇жхаабхаавад̇о зго анд̇о зд̇ассаад̇и зганд̇о, зганд̇о ваад̣̇о зд̇зсанд̇и зганд̇аваад̣̇аа. д̇знааха ‘‘згам̣язва вад̣̇анд̇ий’’д̇и, абхиннаваад̣̇аад̇и ад̇т̇о. згаажаараад̇и самаанаажаараа. згалад̣̇д̇хигаад̇и самааналад̣̇д̇хигаа. згабарияосаанаад̇и самаананидтаанаа.

    366. Asammohasampajaññavasena advejjhābhāvato eko anto etassāti ekanto, ekanto vādo etesanti ekantavādā. Tenāha ‘‘ekaṃyeva vadantī’’ti, abhinnavādāti attho. Ekācārāti samānācārā. Ekaladdhikāti samānaladdhikā. Ekapariyosānāti samānaniṭṭhānā.

    ид̇и сагго буб̣б̣з ад̇д̇анаа суд̇ам̣ бут̇усаман̣аб̣раахман̣аанам̣ наанааваад̣̇аа жааралад̣̇д̇хинидтаанам̣ ид̣̇аани сажжабадивзд̇хзна асаарад̇о н̃ад̇ваа тид̇о, д̇асса гааран̣ам̣ н̃аад̇угаамо д̇амзва д̇аава б̣яад̇ирзгамукзна бужчад̇и ‘‘саб̣б̣зва д̇хаммаа ну ко’’д̇иаад̣̇инаа.

    Iti sakko pubbe attanā sutaṃ puthusamaṇabrāhmaṇānaṃ nānāvādā cāraladdhiniṭṭhānaṃ idāni saccapaṭivedhena asārato ñatvā ṭhito, tassa kāraṇaṃ ñātukāmo tameva tāva byatirekamukhena pucchati ‘‘sabbeva dhammā nu kho’’tiādinā.

    д̇хаад̇ууд̇и аж̇жхаасаяад̇хаад̇у уд̇д̇арабад̣̇алобзна вуд̇д̇аа, аж̇жхаасаяад̇хаад̇ууд̇и жа ад̇т̇ад̇о аж̇жхаасаяо зваад̇и ааха ‘‘анзгаж̇жхаасаяо наанаж̇жхаасаяо’’д̇и. ‘‘згасмим̣ г̇анд̇угаамз зго таад̇угаамо ход̇ий’’д̇и ид̣̇ам̣ нид̣̇ассанавасзна вуд̇д̇ам̣ ирияаабат̇зби наама сад̇д̇аа згаж̇жхаасаяаа д̣̇уллабхаа, баг̇зва лад̣̇д̇хийсууд̇и д̣̇ассанад̇т̇ам̣. яам̣ яад̣̇зва аж̇жхаасаяанд̇и яам̣ яамзва сассад̇аад̣̇иаж̇жхаасаяам̣. абхинивисанд̇ийд̇и д̇ам̣ д̇ам̣ лад̣̇д̇хим̣ д̣̇идтаабхинивзсавасзна абхимукаа худ̇ваа д̣̇уббадиниссаг̇г̇ибхаавзна нивисанд̇и, аад̣̇аанаг̇г̇аахам̣ г̇ан̣ханд̇и. т̇аамзна жа бараамаасзна жаад̇и д̣̇идтит̇аамзна жа д̣̇идтибараамаасзна жа. судту г̇ан̣хид̇ваад̇и ад̇ивияа д̣̇ал̣хаг̇г̇аахам̣ г̇ан̣хид̇ваа. вохаранд̇ийд̇и яат̇аабхинивидтам̣ д̣̇идтиваад̣̇ам̣ бан̃н̃аабзнд̇и барз хи г̇аахзнд̇и бад̇идтабзнд̇и. д̇знааха ‘‘гат̇знд̇и д̣̇ийбзнд̇и гид̇д̇знд̇ий’’д̇и, уг̇гхосзнд̇ийд̇и ад̇т̇о.

    Dhātūti ajjhāsayadhātu uttarapadalopena vuttā, ajjhāsayadhātūti ca atthato ajjhāsayo evāti āha ‘‘anekajjhāsayo nānajjhāsayo’’ti. ‘‘Ekasmiṃ gantukāme eko ṭhātukāmo hotī’’ti idaṃ nidassanavasena vuttaṃ iriyāpathepi nāma sattā ekajjhāsayā dullabhā, pageva laddhīsūti dassanatthaṃ. Yaṃ yadeva ajjhāsayanti yaṃ yameva sassatādiajjhāsayaṃ. Abhinivisantīti taṃ taṃ laddhiṃ diṭṭhābhinivesavasena abhimukhā hutvā duppaṭinissaggibhāvena nivisanti, ādānaggāhaṃ gaṇhanti. Thāmena ca parāmāsena cāti diṭṭhithāmena ca diṭṭhiparāmāsena ca. Suṭṭhu gaṇhitvāti ativiya daḷhaggāhaṃ gaṇhitvā. Voharantīti yathābhiniviṭṭhaṃ diṭṭhivādaṃ paññāpenti pare hi gāhenti patiṭṭhapenti. Tenāha ‘‘kathenti dīpenti kittentī’’ti, ugghosentīti attho.

    анд̇ам̣ ад̇ийд̇аа ажжанд̇аа, ажжанд̇аа нидтаа зд̇зсанд̇и ажжанд̇анидтаа. саб̣б̣зсанд̇и саб̣б̣зсам̣ саман̣аб̣раахман̣аанам̣. яог̇агкзмод̇иби ниб̣б̣аанам̣ жад̇уухиби яог̇зхи ануббад̣̇удтад̇д̇аа. ‘‘ажжанд̇аяог̇агкзмаа’’д̇и вад̇д̇аб̣б̣з и-гаарзна нид̣̇д̣̇зсзна ‘‘ажжанд̇аяог̇агкзмий’’д̇и вуд̇д̇ам̣, ажжанд̇аяог̇агкзмо ваа зд̇зсам̣ ад̇т̇ийд̇и ажжанд̇аяог̇агкзмийд̇и. жаранд̇и убаг̇ажчанд̇и, ад̇хиг̇ажчанд̇ийд̇и ад̇т̇о. барияассад̇и баригкиссад̇и ваддад̣̇угканд̇ам̣ ааг̇аммаад̇и барияосаананд̇иби ниб̣б̣аанасса наамам̣.

    Antaṃ atītā accantā, accantā niṭṭhā etesanti accantaniṭṭhā. Sabbesanti sabbesaṃ samaṇabrāhmaṇānaṃ. Yogakkhemotipi nibbānaṃ catūhipi yogehi anuppaduṭṭhattā. ‘‘Accantayogakkhemā’’ti vattabbe i-kārena niddesena ‘‘accantayogakkhemī’’ti vuttaṃ, accantayogakkhemo vā etesaṃ atthīti accantayogakkhemīti. Caranti upagacchanti, adhigacchantīti attho. Pariyassati parikkhissati vaṭṭadukkhantaṃ āgammāti pariyosānantipi nibbānassa nāmaṃ.

    сан̇кин̣аад̇ийд̇и самужчинд̣̇анзна кзбзд̇и. винаасзд̇ийд̇и д̇ад̇о зва саб̣б̣асо ад̣̇ассанам̣ баабзд̇и. вимуд̇д̇аад̇и ваддад̣̇угкад̇о ажжанд̇аниг̇г̇амзна висзсзна муд̇д̇аа.

    Saṅkhiṇātīti samucchindanena khepeti. Vināsetīti tato eva sabbaso adassanaṃ pāpeti. Vimuttāti vaṭṭadukkhato accantaniggamena visesena muttā.

    ‘‘иссаамажчарияам̣ зго бан̃хо’’д̇и гасмаа вуд̇д̇ам̣, нану иссаамажчарияам̣ виссаж̇ж̇ананд̇и? сажжамзд̇ам̣, яо бана н̃аад̇ум̣ ижчид̇о ад̇т̇о, со бан̃хо. со зва жа виссаж̇ж̇ийяад̇ийд̇и нааяам̣ д̣̇осо, ан̃н̃ат̇аа амб̣ам̣ будтасса лаб̣уж̇ам̣ б̣яаагаран̣ам̣ вияа сияаа, звам̣ бан̃хасийсзна бан̃хаб̣яаагаран̣ам̣ вад̣̇ад̇и. д̇ат̇аа хи ‘‘бияааббияа’’нд̇иаад̣̇инаа виссаж̇ж̇анабад̣̇аанзва г̇ахид̇аани, ‘‘бияааббияам̣ зго’’д̇иаад̣̇ийсуби зсзва наяо. бабан̃жасан̃н̃аад̇и сан̃н̃аасийсзна бабан̃жаа зва вуд̇д̇аад̇и ааха ‘‘бабан̃жо зго’’д̇и. зд̇т̇а жа яат̇аа баад̇имогкасам̣варабужчаа гааяасамаажаараад̣̇ивибхааг̇зна виссаж̇ж̇ид̇ад̇д̇аа д̇аяо бан̃хаа ж̇аад̇аа, звам̣ инд̣̇рияасам̣варабужчаа руубаад̣̇ивибхааг̇зна виссаж̇ж̇ид̇ад̇д̇аа ча бан̃хаа сияум̣. д̇ат̇аа сад̇и згуунавийсад̇и бужчаа сияум̣, ат̇а инд̣̇рияасам̣варад̇аасааман̃н̃зна згова бан̃хо гад̇о, звам̣ сад̇и баад̇имогкасам̣варабужчаабхаавасааман̃н̃зна д̇зби д̇аяо згова бан̃ход̇и саб̣б̣зва д̣̇ваад̣̇асзва бан̃хаа бхавзяяунд̇и? наяид̣̇амзвам̣. яасмаа гааяасамаажаараад̣̇ийсу вибхаж̇ж̇а вужжамаанзсу махаависаяад̇ааяа абаримаан̣о вибхааг̇о самбхавад̇и виссаж̇ж̇зд̇ум̣. сагаламби винаяабидагам̣ д̇асса нид̣̇д̣̇зсо. руубаад̣̇ийсу бана вибхаж̇ж̇а вужжамаанзсу аббависаяад̇ааяа на д̇аад̣̇исо вибхааг̇о самбхавад̇и виссаж̇ж̇зд̇ум̣. ид̇и махаависаяад̇ааяа баад̇имогкасам̣варабужчаа д̇аяо бан̃хаа гад̇аа, инд̣̇рияасам̣варабужчаа бана аббависаяад̇ааяа згова бан̃хо гад̇о. д̇зна вуд̇д̇ам̣ ‘‘жуд̣̇д̣̇аса махаабан̃хаа’’д̇и.

    ‘‘Issāmacchariyaṃ eko pañho’’ti kasmā vuttaṃ, nanu issāmacchariyaṃ vissajjananti? Saccametaṃ, yo pana ñātuṃ icchito attho, so pañho. So eva ca vissajjīyatīti nāyaṃ doso, aññathā ambaṃ puṭṭhassa labujaṃ byākaraṇaṃ viya siyā, evaṃ pañhasīsena pañhabyākaraṇaṃ vadati. Tathā hi ‘‘piyāppiya’’ntiādinā vissajjanapadāneva gahitāni, ‘‘piyāppiyaṃ eko’’tiādīsupi eseva nayo. Papañcasaññāti saññāsīsena papañcā eva vuttāti āha ‘‘papañco eko’’ti. Ettha ca yathā pātimokkhasaṃvarapucchā kāyasamācārādivibhāgena vissajjitattā tayo pañhā jātā, evaṃ indriyasaṃvarapucchā rūpādivibhāgena vissajjitattā cha pañhā siyuṃ. Tathā sati ekūnavīsati pucchā siyuṃ, atha indriyasaṃvaratāsāmaññena ekova pañho kato, evaṃ sati pātimokkhasaṃvarapucchābhāvasāmaññena tepi tayo ekova pañhoti sabbeva dvādaseva pañhā bhaveyyunti? Nayidamevaṃ. Yasmā kāyasamācārādīsu vibhajja vuccamānesu mahāvisayatāya aparimāṇo vibhāgo sambhavati vissajjetuṃ. Sakalampi vinayapiṭakaṃ tassa niddeso. Rūpādīsu pana vibhajja vuccamānesu appavisayatāya na tādiso vibhāgo sambhavati vissajjetuṃ. Iti mahāvisayatāya pātimokkhasaṃvarapucchā tayo pañhā katā, indriyasaṃvarapucchā pana appavisayatāya ekova pañho kato. Tena vuttaṃ ‘‘cuddasa mahāpañhā’’ti.

    367. жаланадтзнаад̇и гамбанадтзна. д̇ан̣хаа хи гаамарааг̇аруубарааг̇ааруубарааг̇аад̣̇ивасзна бавад̇д̇ияаа анавадтид̇ад̇ааяа саяамби жалад̇и, яад̇т̇а уббаннаа, д̇амби санд̇аанам̣ бхаваад̣̇ийсу баригад̣дханзна жаалзд̇и, д̇асмаа жаланадтзна д̇ан̣хаа зж̇аа наама. бийл̣анадтзнаад̇и виб̣аад̇ханадтзна д̇асса д̇асса д̣̇угкасса хзд̇убхаавзна. бад̣̇уссанадтзнаад̇и ад̇хаммарааг̇аад̣̇ибхаавзна, саммукабарам̣мукзна, гилзсаасужибаг̇гхаран̣зна жа багаарад̇о д̣̇уссанадтзна г̇ан̣д̣о. ануббавидтадтзнаад̇и аасаяасса д̣̇уннийхаран̣ийяабхаавзна ануббависанадтзна. гад̣дхад̇и ад̇д̇ано жа ружияаа убанзд̇и. ужжааважанд̇и бан̣ийд̇абхаавам̣, нихийнабхааван̃жа. язсу саман̣аб̣раахман̣зсу. ‘‘язсааха’’нд̇иби баал̣и, д̇ассаа гзжи ‘‘язсам̣ аха’’нд̇и ад̇т̇ам̣ вад̣̇анд̇и. званд̇и суд̇аануруубам̣, уг̇г̇ахаануруубан̃жа. ‘‘ахам̣ ко бана бханд̇з ан̃н̃зсам̣ саман̣аб̣раахман̣аанам̣ д̇хаммаажарияо хонд̇оби бхаг̇авад̇о сааваго…бз… самб̣од̇хибарааяан̣о’’д̇и звам̣ ад̇д̇ано сод̇аабаннабхаавам̣ ж̇аанаабзд̇и.

    367.Calanaṭṭhenāti kampanaṭṭhena. Taṇhā hi kāmarāgarūparāgaarūparāgādivasena pavattiyā anavaṭṭhitatāya sayampi calati, yattha uppannā, tampi santānaṃ bhavādīsu parikaḍḍhanena cāleti, tasmā calanaṭṭhena taṇhā ejā nāma. Pīḷanaṭṭhenāti vibādhanaṭṭhena tassa tassa dukkhassa hetubhāvena. Padussanaṭṭhenāti adhammarāgādibhāvena, sammukhaparaṃmukhena, kilesāsucipaggharaṇena ca pakārato dussanaṭṭhena gaṇḍo. Anuppaviṭṭhaṭṭhenāti āsayassa dunnīharaṇīyabhāvena anuppavisanaṭṭhena. Kaḍḍhati attano ca ruciyā upaneti. Uccāvacanti paṇītabhāvaṃ, nihīnabhāvañca. Yesu samaṇabrāhmaṇesu. ‘‘Yesāha’’ntipi pāḷi, tassā keci ‘‘yesaṃ aha’’nti atthaṃ vadanti. Evanti sutānurūpaṃ, uggahānurūpañca. ‘‘Ahaṃ kho pana bhante aññesaṃ samaṇabrāhmaṇānaṃ dhammācariyo hontopi bhagavato sāvako…pe… sambodhiparāyaṇo’’ti evaṃ attano sotāpannabhāvaṃ jānāpeti.

    соманассабадилаабхагат̇ааван̣н̣анаа

    Somanassapaṭilābhakathāvaṇṇanā

    368. самаабаннод̇и самог̇аал̣хо бавад̇д̇асамбахааро вияаад̇иб̣яуул̣хо. ж̇иним̣сууд̇и яат̇аа асураа буна сийсам̣ угкибид̇ум̣ наасагким̣су, звам̣ д̣̇зваа виж̇иним̣суязваад̇и д̣̇ассзнд̇о ааха ‘‘д̣̇зваа буна абажжааг̇аманааяа асурз ж̇иним̣суу’’д̇и. д̇аад̣̇исо хисса ж̇аяо саад̇исаяам̣ взд̣̇абадилаабхааяа ахоси. д̣̇увид̇хамби ож̇анд̇и д̣̇иб̣б̣ам̣, асурам̣ жаад̇и д̣̇виббагаарамби ож̇ам̣. д̣̇звааязва барибхун̃ж̇иссанд̇и асураанам̣ бавзсаабхаавад̇о. д̣̇ан̣д̣асса аважаран̣ам̣ ааваран̣ам̣ д̣̇ан̣д̣ааважаро, саха д̣̇ан̣д̣ааважарзнаад̇и сад̣̇ан̣д̣ааважаро, д̣̇ан̣д̣зна бахарид̇ваа ваа ааварид̇ваа ваа саад̇хзд̇аб̣б̣анд̇и ад̇т̇о.

    368.Samāpannoti samogāḷho pavattasampahāro viyātibyūḷho. Jiniṃsūti yathā asurā puna sīsaṃ ukkhipituṃ nāsakkhiṃsu, evaṃ devā vijiniṃsuyevāti dassento āha ‘‘devā puna apaccāgamanāya asure jiniṃsū’’ti. Tādiso hissa jayo sātisayaṃ vedapaṭilābhāya ahosi. Duvidhampiojanti dibbaṃ, asuraṃ cāti dvippakārampi ojaṃ. Devāyeva paribhuñjissanti asurānaṃ pavesābhāvato. Daṇḍassa avacaraṇaṃ āvaraṇaṃ daṇḍāvacaro, saha daṇḍāvacarenāti sadaṇḍāvacaro, daṇḍena paharitvā vā āvaritvā vā sādhetabbanti attho.

    369. имасмим̣язва огаасзд̇и имиссамзва инд̣̇асаалаг̇ухааяам̣. д̣̇звабхууд̇асса мзд̇и буб̣б̣зби д̣̇звабхууд̇асса саггассзва мз бхууд̇асса. сад̇од̇и ид̣̇ааниби саггассзва сад̇о бунарааяу жа мз лад̣̇д̇хо.

    369.Imasmiṃyevaokāseti imissameva indasālaguhāyaṃ. Devabhūtassa meti pubbepi devabhūtassa sakkasseva me bhūtassa. Satoti idānipi sakkasseva sato punarāyu ca me laddho.

    д̣̇ивияаа гааяаад̇и д̣̇иб̣б̣аа, канд̇хабан̃жагасан̇каад̇аа гааяаад̇и ааха ‘‘д̣̇иб̣б̣аа ад̇д̇абхааваа’’д̇и. ‘‘амуул̣хо г̇аб̣бхам̣ зссаамий’’д̇и иминаа арияасаавагаанам̣ анд̇хабут̇уж̇ж̇анаанам̣ вияа саммохамаран̣ам̣, асамбаж̇аанаг̇аб̣бхоггаманан̃жа над̇т̇и, ат̇а ко асаммохамаран̣ан̃жзва самбаж̇аанаг̇аб̣бхоггаманан̃жа ход̇ийд̇и д̣̇ассзд̇и. арияасаавагаа нияад̇аг̇ад̇игад̇д̇аа суг̇ад̇ийсу зва уббаж̇ж̇анд̇и, д̇ад̇т̇ааби мануссзсу уббаж̇ж̇анд̇аа ул̣аарзсу зва гулзсу бадисанд̇хим̣ г̇ан̣хиссанд̇и, саггассааби д̇аад̣̇исо аж̇жхаасаяо. д̇зна вуд̇д̇ам̣ баал̣ияам̣ ‘‘яад̇т̇а мз рамад̇ий мано’’д̇и, д̇ам̣ санд̇хааяааха ‘‘яад̇т̇а мз’’д̇иаад̣̇и. сагго бана ад̇д̇ано д̣̇иб̣б̣аанубхаавзнааби д̇аад̣̇исам̣ ж̇аанид̇ум̣ саггод̇иязва.

    Diviyā kāyāti dibbā, khandhapañcakasaṅkhātā kāyāti āha ‘‘dibbā attabhāvā’’ti. ‘‘Amūḷho gabbhaṃ essāmī’’ti iminā ariyasāvakānaṃ andhaputhujjanānaṃ viya sammohamaraṇaṃ, asampajānagabbhokkamanañca natthi, atha kho asammohamaraṇañceva sampajānagabbhokkamanañca hotīti dasseti. Ariyasāvakā niyatagatikattā sugatīsu eva uppajjanti, tatthāpi manussesu uppajjantā uḷāresu eva kulesu paṭisandhiṃ gaṇhissanti, sakkassāpi tādiso ajjhāsayo. Tena vuttaṃ pāḷiyaṃ ‘‘yattha me ramatī mano’’ti, taṃ sandhāyāha ‘‘yattha me’’tiādi. Sakko pana attano dibbānubhāvenāpi tādisaṃ jānituṃ sakkotiyeva.

    гааран̣знаад̇и яуд̇д̇зна арияасаавагабхаавасса анужчавигзна. д̇знааха ‘‘самзнаа’’д̇и.

    Kāraṇenāti yuttena ariyasāvakabhāvassa anucchavikena. Tenāha ‘‘samenā’’ti.

    сагад̣̇ааг̇аамимаг̇г̇ам̣ санд̇хааяа вад̣̇ад̇и чадтз ад̇т̇авасз анааг̇аамимаг̇г̇асса вагкамаанад̇д̇аа. ааж̇аанид̇угаамод̇и аббад̇д̇ам̣ висзсам̣ бадивиж̇жхид̇угаамо. мануссалогз анд̇о бхависсад̇и буна маануссуубабад̇д̇ияаа абхаавад̇о.

    Sakadāgāmimaggaṃ sandhāya vadati chaṭṭhe atthavase anāgāmimaggassa vakkhamānattā. Ājānitukāmoti appattaṃ visesaṃ paṭivijjhitukāmo. Manussaloke anto bhavissati puna mānussūpapattiyā abhāvato.

    бунад̣̇зваад̇и мануссзсу уббанно д̇ад̇о жавид̇ваа бунад̣̇зва . имасмим̣ д̇аавад̇им̣сад̣̇звалогасмим̣. уд̇д̇амо, гийд̣̇исод̇и ааха ‘‘сагго’’д̇иаад̣̇и.

    Punadevāti manussesu uppanno tato cavitvā punadeva . Imasmiṃ tāvatiṃsadevalokasmiṃ. Uttamo, kīdisoti āha ‘‘sakko’’tiādi.

    анд̇имз бхавзд̇и мама саб̣б̣абхавзсу анд̇имз саб̣б̣абарияосаанз бхавз. ‘‘ааяунаа’’д̇и иминаа жа д̇ам̣сахабхаавино саб̣б̣зби ван̣н̣аад̣̇игз сан̇г̇ан̣хаад̇и. ‘‘бан̃н̃ааяаа’’д̇и жа иминаа саб̣б̣зби сад̣̇д̇хаасад̇ивийрияаад̣̇игз. д̇асмим̣ ад̇д̇абхаавзд̇и д̇асмим̣ саб̣б̣анд̇имз саггад̇д̇абхаавз. аганидтаг̇аамий худ̇ваад̇и анд̇арааяабариниб̣б̣ааяиаад̣̇ибхаавам̣ анубаг̇анд̇ваа згам̣сад̇о уд̣̇д̇хам̣сод̇о аганидтаг̇аамий зва худ̇ваа. д̇ад̇о зва ануггамзна авихаад̣̇ийсу ниб̣б̣ад̇д̇анд̇о. звамаахаад̇и ‘‘со ниваасо бхависсад̇ий’’д̇и звамааха. ‘‘авихаад̣̇ийсу…бз… ниб̣б̣ад̇д̇иссад̇ий’’д̇и сан̇кзбад̇о вуд̇д̇амад̇т̇ам̣ виварид̇ум̣ ‘‘зса гираа’’д̇иаад̣̇и вуд̇д̇ам̣. аяан̃жа наяо на гзвалам̣ саггассзва, ат̇а ко махаасздтимахааубаасигаанамби ход̇иязваад̇и д̣̇ассзнд̇о ‘‘сагго д̣̇зварааж̇аа’’д̇иаад̣̇имааха.

    Antime bhaveti mama sabbabhavesu antime sabbapariyosāne bhave. ‘‘Āyunā’’ti iminā ca taṃsahabhāvino sabbepi vaṇṇādike saṅgaṇhāti. ‘‘Paññāyā’’ti ca iminā sabbepi saddhāsativīriyādike. Tasmiṃ attabhāveti tasmiṃ sabbantime sakkattabhāve. Akaniṭṭhagāmī hutvāti antarāyaparinibbāyiādibhāvaṃ anupagantvā ekaṃsato uddhaṃsoto akaniṭṭhagāmī eva hutvā. Tato eva anukkamena avihādīsu nibbattanto. Evamāhāti ‘‘so nivāso bhavissatī’’ti evamāha. ‘‘Avihādīsu…pe… nibbattissatī’’ti saṅkhepato vuttamatthaṃ vivarituṃ ‘‘esa kirā’’tiādi vuttaṃ. Ayañca nayo na kevalaṃ sakkasseva, atha kho mahāseṭṭhimahāupāsikānampi hotiyevāti dassento ‘‘sakko devarājā’’tiādimāha.

    370. бхавасамбад̇д̇иниб̣б̣аанасамбад̇д̇ийнам̣ васзна абарибун̣н̣аж̇жхаасаяад̇ааяа анидтид̇аманорат̇о д̇ам̣ д̇ам̣ бад̇д̇угаамоязва худ̇ваа тид̇о. яз жа саман̣зд̇и яз жа баб̣б̣аж̇ид̇з. бавивид̇д̇авихааринод̇и ‘‘анзгавивзгад̇д̇аяам̣ бариб̣руухзд̇ваа вихаранд̇ий’’д̇и ман̃н̃аами.

    370. Bhavasampattinibbānasampattīnaṃ vasena aparipuṇṇajjhāsayatāya aniṭṭhitamanoratho taṃ taṃ pattukāmoyeva hutvā ṭhito. Ye ca samaṇeti ye ca pabbajite. Pavivittavihārinoti ‘‘anekavivekattayaṃ paribrūhetvā viharantī’’ti maññāmi.

    самбаад̣̇анаад̇и маг̇г̇асса убасамбаад̣̇анам̣ д̇асса самбаабанам̣ саммад̣̇зва баабанам̣. вираад̇ханаад̇и анаараад̇ханаа анубааяабадибад̇д̇и. на самбхонд̇ийд̇и анабхисамбхун̣анд̇и. яат̇аабужчид̇з ад̇т̇з анабхисамбхун̣анам̣ наама саммаа гат̇зд̇ум̣ асамад̇т̇ад̇аа зваад̇и ааха ‘‘самбаад̣̇зд̇ваа гат̇зд̇ум̣ на саггонд̇ий’’д̇и.

    Sampādanāti maggassa upasampādanaṃ tassa sampāpanaṃ sammadeva pāpanaṃ. Virādhanāti anārādhanā anupāyapaṭipatti. Na sambhontīti anabhisambhuṇanti. Yathāpucchite atthe anabhisambhuṇanaṃ nāma sammā kathetuṃ asamatthatā evāti āha ‘‘sampādetvā kathetuṃ na sakkontī’’ti.

    д̇асмаад̇и яасмаа аад̣̇ижжзна самаанаг̇од̇д̇ад̇ааяа. д̇знзвааха ‘‘аад̣̇ижжа наама г̇од̇д̇знаа’’д̇и, д̇асмаа . аад̣̇ижжо б̣анд̇ху зд̇ассаад̇и аад̣̇ижжаб̣анд̇ху, ат̇а ваа аад̣̇ижжасса б̣анд̇хууд̇и аад̣̇ижжаб̣анд̇ху, бхаг̇аваа, д̇ам̣ аад̣̇ижжаб̣анд̇хунам̣. аад̣̇ижжо хи сод̇аабаннад̇ааяа бхаг̇авад̇о орасабуд̇д̇о. д̇знзвааха –

    Tasmāti yasmā ādiccena samānagottatāya. Tenevāha ‘‘ādicca nāma gottenā’’ti, tasmā . Ādicco bandhu etassāti ādiccabandhu, atha vā ādiccassa bandhūti ādiccabandhu, bhagavā, taṃ ādiccabandhunaṃ. Ādicco hi sotāpannatāya bhagavato orasaputto. Tenevāha –

    ‘‘яо анд̇хагаарз д̇амаси бабхан̇гаро,

    ‘‘Yo andhakāre tamasi pabhaṅkaro,

    взрожано ман̣д̣алий уг̇г̇ад̇зж̇о;

    Verocano maṇḍalī uggatejo;

    маа рааху г̇илий жарам̣ анд̇алигкз,

    Mā rāhu gilī caraṃ antalikkhe,

    баж̇ам̣ мамам̣ рааху бамун̃жа суурияа’’нд̇и. (сам̣. ни. 1.91);

    Pajaṃ mamaṃ rāhu pamuñca sūriya’’nti. (saṃ. ni. 1.91);

    сааманд̇и саамам̣баяог̇ам̣, сад̇т̇у бана саавагасса саамам̣баяог̇о наама санибаад̇о зваад̇и ааха ‘‘намаггаарам̣ гаромаа’’д̇и.

    Sāmanti sāmaṃpayogaṃ, satthu pana sāvakassa sāmaṃpayogo nāma sanipāto evāti āha ‘‘namakkāraṃ karomā’’ti.

    371. бараамасид̇ваад̇и ‘‘имааяа наама бат̇авияам̣ нисиннзна маяаа аяам̣ ажчарияад̇хаммо ад̇хиг̇ад̇о’’д̇и соманассаж̇аад̇о, ‘‘имааяа наама бат̇авияам̣ звам̣ ажчарияаб̣бхуд̇ам̣ б̣уд̣̇д̇харад̇анам̣ уббанна’’нд̇и ажчарияаб̣бхуд̇ажид̇д̇аж̇аад̇о жа бат̇авим̣ бараамасид̇ваа. бад̇т̇ид̇абан̃хаад̇и д̣̇ийгхарад̇д̇аанусаяид̇асам̣саяасамуг̇гхаад̇ад̇т̇ам̣ ‘‘гад̣̇аа ну ко бхаг̇аванд̇ам̣ бужчид̇ум̣ лабхаамий’’д̇и звам̣ абхибад̇т̇ид̇абан̃хаа. яам̣ банзд̇т̇а ад̇т̇ад̇о на вибхад̇д̇ам̣, д̇ам̣ сувин̃н̃зяяамзваад̇и.

    371.Parāmasitvāti ‘‘imāya nāma pathaviyaṃ nisinnena mayā ayaṃ acchariyadhammo adhigato’’ti somanassajāto, ‘‘imāya nāma pathaviyaṃ evaṃ acchariyabbhutaṃ buddharatanaṃ uppanna’’nti acchariyabbhutacittajāto ca pathaviṃ parāmasitvā. Patthitapañhāti dīgharattānusayitasaṃsayasamugghātatthaṃ ‘‘kadā nu kho bhagavantaṃ pucchituṃ labhāmī’’ti evaṃ abhipatthitapañhā. Yaṃ panettha atthato na vibhattaṃ, taṃ suviññeyyamevāti.

    саггабан̃хасуд̇д̇аван̣н̣анааяа лийнад̇т̇аббагаасанаа.

    Sakkapañhasuttavaṇṇanāya līnatthappakāsanā.




    Next: 9. махаасад̇ибадтаанасуд̇д̇аван̣н̣анаа • 9. Mahāsatipaṭṭhānasuttavaṇṇanā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / д̣̇ийгханигааяа • Dīghanikāya / 8. саггабан̃хасуд̇д̇ам̣ • 8. Sakkapañhasuttaṃ

    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / д̣̇ийгха нигааяа (адтагат̇аа) • Dīgha nikāya (aṭṭhakathā) / 8. саггабан̃хасуд̇д̇аван̣н̣анаа • 8. Sakkapañhasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact