| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
2. саггаарасуд̇д̇аван̣н̣анаа
2. Sakkārasuttavaṇṇanā
81. д̣̇уд̇ияз саггаарзнаад̇и саггаарзна хзд̇убхууд̇зна, ат̇а ваа саггаарзнаад̇и саггаарахзд̇унаа, саггаарахзд̇угзна ваа. саггааран̃хи ниссааяа ид̇хзгажжз буг̇г̇алаа баабижчаа ижчаабагад̇аа ижчаажаарз тад̇ваа ‘‘саггаарам̣ ниб̣б̣ад̇д̇зссаамаа’’д̇и анзгавихид̇ам̣ анзсанам̣ аббад̇ируубам̣ аабаж̇ж̇ид̇ваа ид̇о жуд̇аа абааязсу ниб̣б̣ад̇д̇анд̇и, абарз яат̇аасаггаарам̣ лабхид̇ваа д̇аннимид̇д̇ам̣ маанамад̣̇амажчарияаад̣̇ивасзна бамаад̣̇ам̣ аабаж̇ж̇ид̇ваа ид̇о жуд̇аа абааязсу ниб̣б̣ад̇д̇анд̇и. яам̣ санд̇хааяа вуд̇д̇ам̣ – ‘‘саггаарзна абхибхууд̇аа барияаад̣̇иннажид̇д̇аа’’д̇и. д̇ад̇т̇а абхибхууд̇аад̇и аж̇жход̇т̇адаа. барияаад̣̇иннажид̇д̇аад̇и кзбид̇ажид̇д̇аа, ижчаажаарзна маанамад̣̇аад̣̇инаа жа каяам̣ баабид̇агусалажид̇д̇аа. ат̇а ваа барияаад̣̇иннажид̇д̇аад̇и барид̇о аад̣̇иннажид̇д̇аа, вуд̇д̇аббагаарзна агусалагодтаасзна яат̇аа гусалажид̇д̇асса уббад̇д̇ивааро на ход̇и, звам̣ саманд̇ад̇о г̇ахид̇ажид̇д̇асанд̇аанаад̇и ад̇т̇о. асаггаарзнаад̇и хийл̣зд̇ваа барибхавид̇ваа барзхи ад̇д̇ани бавад̇д̇ид̇зна асаггаарзна хзд̇унаа, асаггаарахзд̇угзна ваа маанаад̣̇инаа. саггаарзна жа асаггаарзна жаад̇и гзхижи бавад̇д̇ид̇зна саггаарзна гзхижи бавад̇д̇ид̇зна асаггаарзна жа. яз хи гзхижи батамам̣ саггад̇аа худ̇ваа д̇зхиязва асаарабхаавам̣ н̃ад̇ваа бажчаа асаггад̇аа хонд̇и, д̇аад̣̇исз санд̇хааяа вуд̇д̇ам̣ ‘‘саггаарзна жа асаггаарзна жаа’’д̇и.
81. Dutiye sakkārenāti sakkārena hetubhūtena, atha vā sakkārenāti sakkārahetunā, sakkārahetukena vā. Sakkārañhi nissāya idhekacce puggalā pāpicchā icchāpakatā icchācāre ṭhatvā ‘‘sakkāraṃ nibbattessāmā’’ti anekavihitaṃ anesanaṃ appatirūpaṃ āpajjitvā ito cutā apāyesu nibbattanti, apare yathāsakkāraṃ labhitvā tannimittaṃ mānamadamacchariyādivasena pamādaṃ āpajjitvā ito cutā apāyesu nibbattanti. Yaṃ sandhāya vuttaṃ – ‘‘sakkārena abhibhūtā pariyādinnacittā’’ti. Tattha abhibhūtāti ajjhotthaṭā. Pariyādinnacittāti khepitacittā, icchācārena mānamadādinā ca khayaṃ pāpitakusalacittā. Atha vā pariyādinnacittāti parito ādinnacittā, vuttappakārena akusalakoṭṭhāsena yathā kusalacittassa uppattivāro na hoti, evaṃ samantato gahitacittasantānāti attho. Asakkārenāti hīḷetvā paribhavitvā parehi attani pavattitena asakkārena hetunā, asakkārahetukena vā mānādinā. Sakkārena ca asakkārena cāti kehici pavattitena sakkārena kehici pavattitena asakkārena ca. Ye hi kehici paṭhamaṃ sakkatā hutvā tehiyeva asārabhāvaṃ ñatvā pacchā asakkatā honti, tādise sandhāya vuttaṃ ‘‘sakkārena ca asakkārena cā’’ti.
зд̇т̇а саггаарзна абхибхууд̇аа д̣̇звад̣̇ад̇д̇аад̣̇аяо нид̣̇ассзд̇аб̣б̣аа. вуд̇д̇амби жзд̇ам̣ –
Ettha sakkārena abhibhūtā devadattādayo nidassetabbā. Vuttampi cetaṃ –
‘‘палам̣ вз гад̣̇алим̣ ханд̇и, палам̣ взл̣ум̣ палам̣ нал̣ам̣;
‘‘Phalaṃ ve kadaliṃ hanti, phalaṃ veḷuṃ phalaṃ naḷaṃ;
саггааро гаабурисам̣ ханд̇и, г̇аб̣бхо ассад̇арим̣ яат̇аа’’д̇и. (сам̣. ни. 1.183; а. ни. 4.68; жуул̣ава. 335);
Sakkāro kāpurisaṃ hanti, gabbho assatariṃ yathā’’ti. (saṃ. ni. 1.183; a. ni. 4.68; cūḷava. 335);
саад̇хуунам̣ убари гад̇зна асаггаарзна абхибхууд̇аа д̣̇ан̣д̣агийрааж̇агаалин̇г̇арааж̇амаж̇жхарааж̇аад̣̇аяо нид̣̇ассзд̇аб̣б̣аа. вуд̇д̇амби жзд̇ам̣ –
Sādhūnaṃ upari katena asakkārena abhibhūtā daṇḍakīrājakāliṅgarājamajjharājādayo nidassetabbā. Vuttampi cetaṃ –
‘‘гисан̃хи важчам̣ авагирияа д̣̇ан̣д̣агий,
‘‘Kisañhi vacchaṃ avakiriya daṇḍakī,
ужчиннамууло саж̇ано сарадто;
Ucchinnamūlo sajano saraṭṭho;
гуггул̣анаамз нираяамхи бажжад̇и,
Kukkuḷanāme nirayamhi paccati,
д̇асса пулин̇г̇аани бад̇анд̇и гааяз.
Tassa phuliṅgāni patanti kāye.
‘‘яо сан̃н̃ад̇з баб̣б̣аж̇ид̇з аван̃жаяи,
‘‘Yo saññate pabbajite avañcayi,
д̇хаммам̣ бхан̣анд̇з саман̣з ад̣̇уусагз;
Dhammaṃ bhaṇante samaṇe adūsake;
д̇ам̣ наал̣игзрам̣ сунакаа барад̇т̇а,
Taṃ nāḷikeraṃ sunakhā parattha,
сан̇г̇амма каад̣̇анд̇и випанд̣̇амаанам̣’’. (ж̇аа. 2.17.70-71);
Saṅgamma khādanti viphandamānaṃ’’. (jā. 2.17.70-71);
‘‘убахажжа манам̣ маж̇жхо, маад̇ан̇г̇асмим̣ яасассинз;
‘‘Upahacca manaṃ majjho, mātaṅgasmiṃ yasassine;
сабаарисаж̇ж̇о ужчинно, маж̇жхааран̃н̃ам̣ д̇ад̣̇аа ахуу’’д̇и. (ж̇аа. 2.19.96);
Sapārisajjo ucchinno, majjhāraññaṃ tadā ahū’’ti. (jā. 2.19.96);
саггаарзна жа асаггаарзна жа абхибхууд̇аа ан̃н̃ад̇ид̇т̇ияаа наадабуд̇д̇аад̣̇аяо нид̣̇ассзд̇аб̣б̣аа.
Sakkārena ca asakkārena ca abhibhūtā aññatitthiyā nāṭaputtādayo nidassetabbā.
г̇аат̇аасу убхаяанд̇и убхаязна саггаарзна жа асаггаарзна жа. самаад̇хи на вигамбад̇ийд̇и на жалад̇и, згаг̇г̇абхаавзна д̇идтад̇и. гасса бана на жалад̇ийд̇и ааха ‘‘аббамаад̣̇авихаарино’’д̇и. яо бамаад̣̇агарад̇хаммаанам̣ рааг̇аад̣̇ийнам̣ судту бахийнад̇д̇аа аббамаад̣̇авихаарий арахаа, д̇асса. со хи логад̇хаммзхи на вигамбад̇и. сукумад̣̇идтивибассаганд̇и паласамаабад̇д̇иад̇т̇ам̣ сукумааяа д̣̇идтияаа бан̃н̃ааяа абхин̣хам̣ бавад̇д̇авибассанад̇д̇аа сукумад̣̇идтивибассагам̣. убаад̣̇аанагкаяаарааманд̇и жад̇уннам̣ убаад̣̇аанаанам̣ каяам̣ барияосаанабхууд̇ам̣ арахад̇д̇апалам̣ аарамид̇аб̣б̣ам̣ зд̇ассаад̇и убаад̣̇аанагкаяаараамам̣. сзсам̣ вуд̇д̇анаяамзва.
Gāthāsu ubhayanti ubhayena sakkārena ca asakkārena ca. Samādhi na vikampatīti na calati, ekaggabhāvena tiṭṭhati. Kassa pana na calatīti āha ‘‘appamādavihārino’’ti. Yo pamādakaradhammānaṃ rāgādīnaṃ suṭṭhu pahīnattā appamādavihārī arahā, tassa. So hi lokadhammehi na vikampati. Sukhumadiṭṭhivipassakanti phalasamāpattiatthaṃ sukhumāya diṭṭhiyā paññāya abhiṇhaṃ pavattavipassanattā sukhumadiṭṭhivipassakaṃ. Upādānakkhayārāmanti catunnaṃ upādānānaṃ khayaṃ pariyosānabhūtaṃ arahattaphalaṃ āramitabbaṃ etassāti upādānakkhayārāmaṃ. Sesaṃ vuttanayameva.
д̣̇уд̇ияасуд̇д̇аван̣н̣анаа нидтид̇аа.
Dutiyasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 2. саггаарасуд̇д̇ам̣ • 2. Sakkārasuttaṃ
