| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੬. ਸਕ੍ਕਸੁਤ੍ਤਂ
6. Sakkasuttaṃ
੪੬. ਏਕਂ ਸਮਯਂ ਭਗવਾ ਸਕ੍ਕੇਸੁ વਿਹਰਤਿ ਕਪਿਲવਤ੍ਥੁਸ੍ਮਿਂ ਨਿਗ੍ਰੋਧਾਰਾਮੇ। ਅਥ ਖੋ ਸਮ੍ਬਹੁਲਾ ਸਕ੍ਕਾ ਉਪਾਸਕਾ ਤਦਹੁਪੋਸਥੇ ਯੇਨ ਭਗવਾ ਤੇਨੁਪਸਙ੍ਕਮਿਂਸੁ; ਉਪਸਙ੍ਕਮਿਤ੍વਾ ਭਗવਨ੍ਤਂ ਅਭਿવਾਦੇਤ੍વਾ ਏਕਮਨ੍ਤਂ ਨਿਸੀਦਿਂਸੁ। ਏਕਮਨ੍ਤਂ ਨਿਸਿਨ੍ਨੇ ਖੋ ਸਕ੍ਕੇ ਉਪਾਸਕੇ ਭਗવਾ ਏਤਦવੋਚ – ‘‘ਅਪਿ ਨੁ ਤੁਮ੍ਹੇ, ਸਕ੍ਕਾ, ਅਟ੍ਠਙ੍ਗਸਮਨ੍ਨਾਗਤਂ ਉਪੋਸਥਂ ਉਪવਸਥਾ’’ਤਿ? ‘‘ਅਪ੍ਪੇਕਦਾ ਮਯਂ, ਭਨ੍ਤੇ, ਅਟ੍ਠਙ੍ਗਸਮਨ੍ਨਾਗਤਂ ਉਪੋਸਥਂ ਉਪવਸਾਮ, ਅਪ੍ਪੇਕਦਾ ਨ ਉਪવਸਾਮਾ’’ਤਿ। ‘‘ਤੇਸਂ વੋ, ਸਕ੍ਕਾ, ਅਲਾਭਾ ਤੇਸਂ ਦੁਲ੍ਲਦ੍ਧਂ, ਯੇ ਤੁਮ੍ਹੇ ਏવਂ ਸੋਕਸਭਯੇ ਜੀવਿਤੇ ਮਰਣਸਭਯੇ ਜੀવਿਤੇ ਅਪ੍ਪੇਕਦਾ ਅਟ੍ਠਙ੍ਗਸਮਨ੍ਨਾਗਤਂ ਉਪੋਸਥਂ ਉਪવਸਥ, ਅਪ੍ਪੇਕਦਾ ਨ ਉਪવਸਥ।
46. Ekaṃ samayaṃ bhagavā sakkesu viharati kapilavatthusmiṃ nigrodhārāme. Atha kho sambahulā sakkā upāsakā tadahuposathe yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinne kho sakke upāsake bhagavā etadavoca – ‘‘api nu tumhe, sakkā, aṭṭhaṅgasamannāgataṃ uposathaṃ upavasathā’’ti? ‘‘Appekadā mayaṃ, bhante, aṭṭhaṅgasamannāgataṃ uposathaṃ upavasāma, appekadā na upavasāmā’’ti. ‘‘Tesaṃ vo, sakkā, alābhā tesaṃ dulladdhaṃ, ye tumhe evaṃ sokasabhaye jīvite maraṇasabhaye jīvite appekadā aṭṭhaṅgasamannāgataṃ uposathaṃ upavasatha, appekadā na upavasatha.
‘‘ਤਂ ਕਿਂ ਮਞ੍ਞਥ, ਸਕ੍ਕਾ, ਇਧ ਪੁਰਿਸੋ ਯੇਨ ਕੇਨਚਿ ਕਮ੍ਮਟ੍ਠਾਨੇਨ ਅਨਾਪਜ੍ਜ ਅਕੁਸਲਂ ਦਿવਸਂ ਅਡ੍ਢਕਹਾਪਣਂ ਨਿਬ੍ਬਿਸੇਯ੍ਯ। ਦਕ੍ਖੋ ਪੁਰਿਸੋ ਉਟ੍ਠਾਨਸਮ੍ਪਨ੍ਨੋਤਿ ਅਲਂ વਚਨਾਯਾ’’ਤਿ? ‘‘ਏવਂ, ਭਨ੍ਤੇ’’।
‘‘Taṃ kiṃ maññatha, sakkā, idha puriso yena kenaci kammaṭṭhānena anāpajja akusalaṃ divasaṃ aḍḍhakahāpaṇaṃ nibbiseyya. Dakkho puriso uṭṭhānasampannoti alaṃ vacanāyā’’ti? ‘‘Evaṃ, bhante’’.
‘‘ਤਂ ਕਿਂ ਮਞ੍ਞਥ, ਸਕ੍ਕਾ, ਇਧ ਪੁਰਿਸੋ ਯੇਨ ਕੇਨਚਿ ਕਮ੍ਮਟ੍ਠਾਨੇਨ ਅਨਾਪਜ੍ਜ ਅਕੁਸਲਂ ਦਿવਸਂ ਕਹਾਪਣਂ ਨਿਬ੍ਬਿਸੇਯ੍ਯ। ਦਕ੍ਖੋ ਪੁਰਿਸੋ ਉਟ੍ਠਾਨਸਮ੍ਪਨ੍ਨੋਤਿ ਅਲਂ વਚਨਾਯਾ’’ਤਿ? ‘‘ਏવਂ, ਭਨ੍ਤੇ’’।
‘‘Taṃ kiṃ maññatha, sakkā, idha puriso yena kenaci kammaṭṭhānena anāpajja akusalaṃ divasaṃ kahāpaṇaṃ nibbiseyya. Dakkho puriso uṭṭhānasampannoti alaṃ vacanāyā’’ti? ‘‘Evaṃ, bhante’’.
‘‘ਤਂ ਕਿਂ, ਮਞ੍ਞਥ, ਸਕ੍ਕਾ, ਇਧ ਪੁਰਿਸੋ ਯੇਨ ਕੇਨਚਿ ਕਮ੍ਮਟ੍ਠਾਨੇਨ ਅਨਾਪਜ੍ਜ ਅਕੁਸਲਂ ਦਿવਸਂ ਦ੍વੇ ਕਹਾਪਣੇ ਨਿਬ੍ਬਿਸੇਯ੍ਯ … ਤਯੋ ਕਹਾਪਣੇ ਨਿਬ੍ਬਿਸੇਯ੍ਯ… ਚਤ੍ਤਾਰੋ ਕਹਾਪਣੇ ਨਿਬ੍ਬਿਸੇਯ੍ਯ… ਪਞ੍ਚ ਕਹਾਪਣੇ ਨਿਬ੍ਬਿਸੇਯ੍ਯ… ਛ ਕਹਾਪਣੇ ਨਿਬ੍ਬਿਸੇਯ੍ਯ… ਸਤ੍ਤ ਕਹਾਪਣੇ ਨਿਬ੍ਬਿਸੇਯ੍ਯ… ਅਟ੍ਠ ਕਹਾਪਣੇ ਨਿਬ੍ਬਿਸੇਯ੍ਯ… ਨવ ਕਹਾਪਣੇ ਨਿਬ੍ਬਿਸੇਯ੍ਯ… ਦਸ ਕਹਾਪਣੇ ਨਿਬ੍ਬਿਸੇਯ੍ਯ… વੀਸ ਕਹਾਪਣੇ ਨਿਬ੍ਬਿਸੇਯ੍ਯ… ਤਿਂਸ ਕਹਾਪਣੇ ਨਿਬ੍ਬਿਸੇਯ੍ਯ… ਚਤ੍ਤਾਰੀਸਂ ਕਹਾਪਣੇ ਨਿਬ੍ਬਿਸੇਯ੍ਯ… ਪਞ੍ਞਾਸਂ ਕਹਾਪਣੇ ਨਿਬ੍ਬਿਸੇਯ੍ਯ… ਕਹਾਪਣਸਤਂ ਨਿਬ੍ਬਿਸੇਯ੍ਯ। ਦਕ੍ਖੋ ਪੁਰਿਸੋ ਉਟ੍ਠਾਨਸਮ੍ਪਨ੍ਨੋਤਿ ਅਲਂ વਚਨਾਯਾ’’ਤਿ? ‘‘ਏવਂ, ਭਨ੍ਤੇ’’।
‘‘Taṃ kiṃ, maññatha, sakkā, idha puriso yena kenaci kammaṭṭhānena anāpajja akusalaṃ divasaṃ dve kahāpaṇe nibbiseyya … tayo kahāpaṇe nibbiseyya… cattāro kahāpaṇe nibbiseyya… pañca kahāpaṇe nibbiseyya… cha kahāpaṇe nibbiseyya… satta kahāpaṇe nibbiseyya… aṭṭha kahāpaṇe nibbiseyya… nava kahāpaṇe nibbiseyya… dasa kahāpaṇe nibbiseyya… vīsa kahāpaṇe nibbiseyya… tiṃsa kahāpaṇe nibbiseyya… cattārīsaṃ kahāpaṇe nibbiseyya… paññāsaṃ kahāpaṇe nibbiseyya… kahāpaṇasataṃ nibbiseyya. Dakkho puriso uṭṭhānasampannoti alaṃ vacanāyā’’ti? ‘‘Evaṃ, bhante’’.
‘‘ਤਂ ਕਿਂ ਮਞ੍ਞਥ, ਸਕ੍ਕਾ, ਅਪਿ ਨੁ ਸੋ ਪੁਰਿਸੋ ਦਿવਸੇ ਦਿવਸੇ ਕਹਾਪਣਸਤਂ ਕਹਾਪਣਸਹਸ੍ਸਂ ਨਿਬ੍ਬਿਸਮਾਨੋ ਲਦ੍ਧਂ ਲਦ੍ਧਂ ਨਿਕ੍ਖਿਪਨ੍ਤੋ વਸ੍ਸਸਤਾਯੁਕੋ વਸ੍ਸਸਤਜੀવੀ ਮਹਨ੍ਤਂ ਭੋਗਕ੍ਖਨ੍ਧਂ ਅਧਿਗਚ੍ਛੇਯ੍ਯਾ’’ਤਿ? ‘‘ਏવਂ, ਭਨ੍ਤੇ’’।
‘‘Taṃ kiṃ maññatha, sakkā, api nu so puriso divase divase kahāpaṇasataṃ kahāpaṇasahassaṃ nibbisamāno laddhaṃ laddhaṃ nikkhipanto vassasatāyuko vassasatajīvī mahantaṃ bhogakkhandhaṃ adhigaccheyyā’’ti? ‘‘Evaṃ, bhante’’.
‘‘ਤਂ ਕਿਂ ਮਞ੍ਞਥ, ਸਕ੍ਕਾ, ਅਪਿ ਨੁ ਸੋ ਪੁਰਿਸੋ ਭੋਗਹੇਤੁ ਭੋਗਨਿਦਾਨਂ ਭੋਗਾਧਿਕਰਣਂ ਏਕਂ વਾ ਰਤ੍ਤਿਂ ਏਕਂ વਾ ਦਿવਸਂ ਉਪਡ੍ਢਂ વਾ ਰਤ੍ਤਿਂ ਉਪਡ੍ਢਂ વਾ ਦਿવਸਂ ਏਕਨ੍ਤਸੁਖਪ੍ਪਟਿਸਂવੇਦੀ વਿਹਰੇਯ੍ਯਾ’’ਤਿ? ‘‘ਨੋ ਹੇਤਂ, ਭਨ੍ਤੇ’’। ‘‘ਤਂ ਕਿਸ੍ਸ ਹੇਤੁ’’? ‘‘ਕਾਮਾ ਹਿ, ਭਨ੍ਤੇ, ਅਨਿਚ੍ਚਾ ਤੁਚ੍ਛਾ ਮੁਸਾ ਮੋਸਧਮ੍ਮਾ’’ਤਿ।
‘‘Taṃ kiṃ maññatha, sakkā, api nu so puriso bhogahetu bhoganidānaṃ bhogādhikaraṇaṃ ekaṃ vā rattiṃ ekaṃ vā divasaṃ upaḍḍhaṃ vā rattiṃ upaḍḍhaṃ vā divasaṃ ekantasukhappaṭisaṃvedī vihareyyā’’ti? ‘‘No hetaṃ, bhante’’. ‘‘Taṃ kissa hetu’’? ‘‘Kāmā hi, bhante, aniccā tucchā musā mosadhammā’’ti.
‘‘ਇਧ ਪਨ વੋ, ਸਕ੍ਕਾ, ਮਮ ਸਾવਕੋ ਦਸ વਸ੍ਸਾਨਿ ਅਪ੍ਪਮਤ੍ਤੋ ਆਤਾਪੀ ਪਹਿਤਤ੍ਤੋ વਿਹਰਨ੍ਤੋ ਯਥਾ ਮਯਾਨੁਸਿਟ੍ਠਂ ਤਥਾ ਪਟਿਪਜ੍ਜਮਾਨੋ ਸਤਮ੍ਪਿ વਸ੍ਸਾਨਿ ਸਤਮ੍ਪਿ વਸ੍ਸਸਤਾਨਿ ਸਤਮ੍ਪਿ વਸ੍ਸਸਹਸ੍ਸਾਨਿ ਏਕਨ੍ਤਸੁਖਪ੍ਪਟਿਸਂવੇਦੀ વਿਹਰੇਯ੍ਯ। ਸੋ ਚ ਖ੍વਸ੍ਸ ਸਕਦਾਗਾਮੀ વਾ ਅਨਾਗਾਮੀ વਾ ਅਪਣ੍ਣਕਂ વਾ ਸੋਤਾਪਨ੍ਨੋ। ਤਿਟ੍ਠਨ੍ਤੁ, ਸਕ੍ਕਾ, ਦਸ વਸ੍ਸਾਨਿ।
‘‘Idha pana vo, sakkā, mama sāvako dasa vassāni appamatto ātāpī pahitatto viharanto yathā mayānusiṭṭhaṃ tathā paṭipajjamāno satampi vassāni satampi vassasatāni satampi vassasahassāni ekantasukhappaṭisaṃvedī vihareyya. So ca khvassa sakadāgāmī vā anāgāmī vā apaṇṇakaṃ vā sotāpanno. Tiṭṭhantu, sakkā, dasa vassāni.
ਇਧ ਮਮ ਸਾવਕੋ ਨવ વਸ੍ਸਾਨਿ… ਅਟ੍ਠ વਸ੍ਸਾਨਿ… ਸਤ੍ਤ વਸ੍ਸਾਨਿ… ਛ વਸ੍ਸਾਨਿ… ਪਞ੍ਚ વਸ੍ਸਾਨਿ ਚਤ੍ਤਾਰਿ વਸ੍ਸਾਨਿ… ਤੀਣਿ વਸ੍ਸਾਨਿ… ਦ੍વੇ વਸ੍ਸਾਨਿ… ਏਕਂ વਸ੍ਸਂ ਅਪ੍ਪਮਤ੍ਤੋ ਆਤਾਪੀ ਪਹਿਤਤ੍ਤੋ વਿਹਰਨ੍ਤੋ ਯਥਾ ਮਯਾਨੁਸਿਟ੍ਠਂ ਤਥਾ ਪਟਿਪਜ੍ਜਮਾਨੋ ਸਤਮ੍ਪਿ વਸ੍ਸਾਨਿ ਸਤਮ੍ਪਿ વਸ੍ਸਸਤਾਨਿ ਸਤਮ੍ਪਿ વਸ੍ਸਸਹਸ੍ਸਾਨਿ ਏਕਨ੍ਤਸੁਖਪ੍ਪਟਿਸਂવੇਦੀ વਿਹਰੇਯ੍ਯ, ਸੋ ਚ ਖ੍વਸ੍ਸ ਸਕਦਾਗਾਮੀ વਾ ਅਨਾਗਾਮੀ વਾ ਅਪਣ੍ਣਕਂ વਾ ਸੋਤਾਪਨ੍ਨੋ। ਤਿਟ੍ਠਤੁ, ਸਕ੍ਕਾ, ਏਕਂ વਸ੍ਸਂ।
Idha mama sāvako nava vassāni… aṭṭha vassāni… satta vassāni… cha vassāni… pañca vassāni cattāri vassāni… tīṇi vassāni… dve vassāni… ekaṃ vassaṃ appamatto ātāpī pahitatto viharanto yathā mayānusiṭṭhaṃ tathā paṭipajjamāno satampi vassāni satampi vassasatāni satampi vassasahassāni ekantasukhappaṭisaṃvedī vihareyya, so ca khvassa sakadāgāmī vā anāgāmī vā apaṇṇakaṃ vā sotāpanno. Tiṭṭhatu, sakkā, ekaṃ vassaṃ.
ਇਧ ਮਮ ਸਾવਕੋ ਦਸ ਮਾਸੇ ਅਪ੍ਪਮਤ੍ਤੋ ਆਤਾਪੀ ਪਹਿਤਤ੍ਤੋ વਿਹਰਨ੍ਤੋ ਯਥਾ ਮਯਾਨੁਸਿਟ੍ਠਂ ਤਥਾ ਪਟਿਪਜ੍ਜਮਾਨੋ ਸਤਮ੍ਪਿ વਸ੍ਸਾਨਿ ਸਤਮ੍ਪਿ વਸ੍ਸਸਤਾਨਿ ਸਤਮ੍ਪਿ વਸ੍ਸਸਹਸ੍ਸਾਨਿ ਏਕਨ੍ਤਸੁਖਪ੍ਪਟਿਸਂવੇਦੀ વਿਹਰੇਯ੍ਯ, ਸੋ ਚ ਖ੍વਸ੍ਸ ਸਕਦਾਗਾਮੀ વਾ ਅਨਾਗਾਮੀ વਾ ਅਪਣ੍ਣਕਂ વਾ ਸੋਤਾਪਨ੍ਨੋ। ਤਿਟ੍ਠਨ੍ਤੁ, ਸਕ੍ਕਾ, ਦਸ ਮਾਸਾ।
Idha mama sāvako dasa māse appamatto ātāpī pahitatto viharanto yathā mayānusiṭṭhaṃ tathā paṭipajjamāno satampi vassāni satampi vassasatāni satampi vassasahassāni ekantasukhappaṭisaṃvedī vihareyya, so ca khvassa sakadāgāmī vā anāgāmī vā apaṇṇakaṃ vā sotāpanno. Tiṭṭhantu, sakkā, dasa māsā.
ਇਧ ਮਮ ਸਾવਕੋ ਨવ ਮਾਸੇ… ਅਟ੍ਠ ਮਾਸੇ… ਸਤ੍ਤ ਮਾਸੇ… ਛ ਮਾਸੇ… ਪਞ੍ਚ ਮਾਸੇ… ਚਤ੍ਤਾਰੋ ਮਾਸੇ… ਤਯੋ ਮਾਸੇ… ਦ੍વੇ ਮਾਸੇ… ਏਕਂ ਮਾਸਂ… ਅਡ੍ਢਮਾਸਂ ਅਪ੍ਪਮਤ੍ਤੋ ਆਤਾਪੀ ਪਹਿਤਤ੍ਤੋ વਿਹਰਨ੍ਤੋ ਯਥਾ ਮਯਾਨੁਸਿਟ੍ਠਂ ਤਥਾ ਪਟਿਪਜ੍ਜਮਾਨੋ ਸਤਮ੍ਪਿ વਸ੍ਸਾਨਿ ਸਤਮ੍ਪਿ વਸ੍ਸਸਤਾਨਿ ਸਤਮ੍ਪਿ વਸ੍ਸਸਹਸ੍ਸਾਨਿ ਏਕਨ੍ਤਸੁਖਪ੍ਪਟਿਸਂવੇਦੀ વਿਹਰੇਯ੍ਯ, ਸੋ ਚ ਖ੍વਸ੍ਸ ਸਕਦਾਗਾਮੀ વਾ ਅਨਾਗਾਮੀ વਾ ਅਪਣ੍ਣਕਂ વਾ ਸੋਤਾਪਨ੍ਨੋ। ਤਿਟ੍ਠਤੁ, ਸਕ੍ਕਾ, ਅਡ੍ਢਮਾਸੋ।
Idha mama sāvako nava māse… aṭṭha māse… satta māse… cha māse… pañca māse… cattāro māse… tayo māse… dve māse… ekaṃ māsaṃ… aḍḍhamāsaṃ appamatto ātāpī pahitatto viharanto yathā mayānusiṭṭhaṃ tathā paṭipajjamāno satampi vassāni satampi vassasatāni satampi vassasahassāni ekantasukhappaṭisaṃvedī vihareyya, so ca khvassa sakadāgāmī vā anāgāmī vā apaṇṇakaṃ vā sotāpanno. Tiṭṭhatu, sakkā, aḍḍhamāso.
ਇਧ ਮਮ ਸਾવਕੋ ਦਸ ਰਤ੍ਤਿਨ੍ਦਿવੇ 1 ਅਪ੍ਪਮਤ੍ਤੋ ਆਤਾਪੀ ਪਹਿਤਤ੍ਤੋ વਿਹਰਨ੍ਤੋ ਯਥਾ ਮਯਾਨੁਸਿਟ੍ਠਂ ਤਥਾ ਪਟਿਪਜ੍ਜਮਾਨੋ ਸਤਮ੍ਪਿ વਸ੍ਸਾਨਿ ਸਤਮ੍ਪਿ વਸ੍ਸਸਤਾਨਿ ਸਤਮ੍ਪਿ વਸ੍ਸਸਹਸ੍ਸਾਨਿ ਏਕਨ੍ਤਸੁਖਪ੍ਪਟਿਸਂવੇਦੀ વਿਹਰੇਯ੍ਯ, ਸੋ ਚ ਖ੍વਸ੍ਸ ਸਕਦਾਗਾਮੀ વਾ ਅਨਾਗਾਮੀ વਾ ਅਪਣ੍ਣਕਂ વਾ ਸੋਤਾਪਨ੍ਨੋ। ਤਿਟ੍ਠਨ੍ਤੁ, ਸਕ੍ਕਾ, ਦਸ ਰਤ੍ਤਿਨ੍ਦਿવਾ।
Idha mama sāvako dasa rattindive 2 appamatto ātāpī pahitatto viharanto yathā mayānusiṭṭhaṃ tathā paṭipajjamāno satampi vassāni satampi vassasatāni satampi vassasahassāni ekantasukhappaṭisaṃvedī vihareyya, so ca khvassa sakadāgāmī vā anāgāmī vā apaṇṇakaṃ vā sotāpanno. Tiṭṭhantu, sakkā, dasa rattindivā.
ਇਧ ਮਮ ਸਾવਕੋ ਨવ ਰਤ੍ਤਿਨ੍ਦਿવੇ… ਅਟ੍ਠ ਰਤ੍ਤਿਨ੍ਦਿવੇ… ਸਤ੍ਤ ਰਤ੍ਤਿਨ੍ਦਿવੇ… ਛ ਰਤ੍ਤਿਨ੍ਦਿવੇ… ਪਞ੍ਚ ਰਤ੍ਤਿਨ੍ਦਿવੇ… ਚਤ੍ਤਾਰੋ ਰਤ੍ਤਿਨ੍ਦਿવੇ… ਤਯੋ ਰਤ੍ਤਿਨ੍ਦਿવੇ… ਦ੍વੇ ਰਤ੍ਤਿਨ੍ਦਿવੇ… ਏਕਂ ਰਤ੍ਤਿਨ੍ਦਿવਂ ਅਪ੍ਪਮਤ੍ਤੋ ਆਤਾਪੀ ਪਹਿਤਤ੍ਤੋ વਿਹਰਨ੍ਤੋ ਯਥਾ ਮਯਾਨੁਸਿਟ੍ਠਂ ਤਥਾ ਪਟਿਪਜ੍ਜਮਾਨੋ ਸਤਮ੍ਪਿ વਸ੍ਸਾਨਿ ਸਤਮ੍ਪਿ વਸ੍ਸਸਤਾਨਿ ਸਤਮ੍ਪਿ વਸ੍ਸਸਹਸ੍ਸਾਨਿ ਏਕਨ੍ਤਸੁਖਪ੍ਪਟਿਸਂવੇਦੀ વਿਹਰੇਯ੍ਯ, ਸੋ ਚ ਖ੍વਸ੍ਸ ਸਕਦਾਗਾਮੀ વਾ ਅਨਾਗਾਮੀ વਾ ਅਪਣ੍ਣਕਂ વਾ ਸੋਤਾਪਨ੍ਨੋ। ਤੇਸਂ વੋ, ਸਕ੍ਕਾ, ਅਲਾਭਾ ਤੇਸਂ ਦੁਲ੍ਲਦ੍ਧਂ, ਯੇ ਤੁਮ੍ਹੇ ਏવਂ ਸੋਕਸਭਯੇ ਜੀવਿਤੇ ਮਰਣਸਭਯੇ ਜੀવਿਤੇ ਅਪ੍ਪੇਕਦਾ ਅਟ੍ਠਙ੍ਗਸਮਨ੍ਨਾਗਤਂ ਉਪੋਸਥਂ ਉਪવਸਥ, ਅਪ੍ਪੇਕਦਾ ਨ ਉਪવਸਥਾ’’ਤਿ। ‘‘ਏਤੇ ਮਯਂ, ਭਨ੍ਤੇ, ਅਜ੍ਜਤਗ੍ਗੇ ਅਟ੍ਠਙ੍ਗਸਮਨ੍ਨਾਗਤਂ ਉਪੋਸਥਂ ਉਪવਸਿਸ੍ਸਾਮਾ’’ਤਿ। ਛਟ੍ਠਂ।
Idha mama sāvako nava rattindive… aṭṭha rattindive… satta rattindive… cha rattindive… pañca rattindive… cattāro rattindive… tayo rattindive… dve rattindive… ekaṃ rattindivaṃ appamatto ātāpī pahitatto viharanto yathā mayānusiṭṭhaṃ tathā paṭipajjamāno satampi vassāni satampi vassasatāni satampi vassasahassāni ekantasukhappaṭisaṃvedī vihareyya, so ca khvassa sakadāgāmī vā anāgāmī vā apaṇṇakaṃ vā sotāpanno. Tesaṃ vo, sakkā, alābhā tesaṃ dulladdhaṃ, ye tumhe evaṃ sokasabhaye jīvite maraṇasabhaye jīvite appekadā aṭṭhaṅgasamannāgataṃ uposathaṃ upavasatha, appekadā na upavasathā’’ti. ‘‘Ete mayaṃ, bhante, ajjatagge aṭṭhaṅgasamannāgataṃ uposathaṃ upavasissāmā’’ti. Chaṭṭhaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੬. ਸਕ੍ਕਸੁਤ੍ਤવਣ੍ਣਨਾ • 6. Sakkasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧-੮. વਿવਾਦਸੁਤ੍ਤਾਦਿવਣ੍ਣਨਾ • 1-8. Vivādasuttādivaṇṇanā
