| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
6. саггасуд̇д̇аван̣н̣анаа
6. Sakkasuttavaṇṇanā
46. чадтз согасабхаязд̇и согзна сабхаяз. согабхаязд̇и ваа баато, аяамзвад̇т̇о. д̣̇уд̇ияабад̣̇зби зсзва наяо. язна гзнажи гаммадтаанзнаад̇и гасиван̣иж̇ж̇аад̣̇игаммзсу язна гзнажи гаммзна. анаабаж̇ж̇а агусаланд̇и гин̃жи агусалам̣ анаабаж̇ж̇ид̇ваа. ниб̣б̣исзяяаад̇и уббаад̣̇зяяа аажинзяяа. д̣̇агкод̇и чзго. удтаанасамбаннод̇и удтаанавийриязна саманнааг̇ад̇о. алам̣ важанааяаад̇и яуд̇д̇о важанааяа. зганд̇асукаббадисам̣взд̣̇ий вихарзяяаад̇и зганд̇амзва гааяигажзд̇асигасукам̣ н̃аан̣зна бадисам̣взд̣̇знд̇о вихарзяяа. анижжаад̇и худ̇ваа абхаавад̇о. д̇ужчаад̇и саарарахид̇аа. мусаад̇и нижжасубхасукаа вияа кааяамаанааби д̇ат̇аа на хонд̇ийд̇и мусаа. мосад̇хаммаад̇и нассанасабхааваа. д̇асмаа д̇з бадижжа д̣̇угкам̣ уббаж̇ж̇ад̇ийд̇и санд̣̇ассзд̇и. ид̇ха бана вод̇и зд̇т̇а во д̇и нибаад̇амад̇д̇ам̣. абан̣н̣агам̣ ваа сод̇аабаннод̇и авираад̇хид̇ам̣ згам̣сзна сод̇аабанно ваа ход̇и. соби жхаанам̣ ниб̣б̣ад̇д̇зд̇и, б̣рахмалогам̣ ваа г̇анд̇ваа часу ваа гаамасаг̇г̇зсу зганд̇асукаббадисам̣взд̣̇ий худ̇ваа вихарзяяа. имасмим̣ суд̇д̇з сад̇т̇аа адтан̇г̇убосат̇асса г̇ун̣ам̣ гат̇зси.
46. Chaṭṭhe sokasabhayeti sokena sabhaye. Sokabhayeti vā pāṭho, ayamevattho. Dutiyapadepi eseva nayo. Yena kenaci kammaṭṭhānenāti kasivaṇijjādikammesu yena kenaci kammena. Anāpajja akusalanti kiñci akusalaṃ anāpajjitvā. Nibbiseyyāti uppādeyya ācineyya. Dakkhoti cheko. Uṭṭhānasampannoti uṭṭhānavīriyena samannāgato. Alaṃ vacanāyāti yutto vacanāya. Ekantasukhappaṭisaṃvedī vihareyyāti ekantameva kāyikacetasikasukhaṃ ñāṇena paṭisaṃvedento vihareyya. Aniccāti hutvā abhāvato. Tucchāti sārarahitā. Musāti niccasubhasukhā viya khāyamānāpi tathā na hontīti musā. Mosadhammāti nassanasabhāvā. Tasmā te paṭicca dukkhaṃ uppajjatīti sandasseti. Idhapana voti ettha vo ti nipātamattaṃ. Apaṇṇakaṃ vā sotāpannoti avirādhitaṃ ekaṃsena sotāpanno vā hoti. Sopi jhānaṃ nibbatteti, brahmalokaṃ vā gantvā chasu vā kāmasaggesu ekantasukhappaṭisaṃvedī hutvā vihareyya. Imasmiṃ sutte satthā aṭṭhaṅguposathassa guṇaṃ kathesi.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 6. саггасуд̇д̇ам̣ • 6. Sakkasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-8. виваад̣̇асуд̇д̇аад̣̇иван̣н̣анаа • 1-8. Vivādasuttādivaṇṇanā
