| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੬. ਸਕ੍ਕਸੁਤ੍ਤવਣ੍ਣਨਾ
6. Sakkasuttavaṇṇanā
੪੬. ਛਟ੍ਠੇ ਸੋਕਸਭਯੇਤਿ ਸੋਕੇਨ ਸਭਯੇ। ਸੋਕਭਯੇਤਿ વਾ ਪਾਠੋ, ਅਯਮੇવਤ੍ਥੋ। ਦੁਤਿਯਪਦੇਪਿ ਏਸੇવ ਨਯੋ। ਯੇਨ ਕੇਨਚਿ ਕਮ੍ਮਟ੍ਠਾਨੇਨਾਤਿ ਕਸਿવਣਿਜ੍ਜਾਦਿਕਮ੍ਮੇਸੁ ਯੇਨ ਕੇਨਚਿ ਕਮ੍ਮੇਨ। ਅਨਾਪਜ੍ਜ ਅਕੁਸਲਨ੍ਤਿ ਕਿਞ੍ਚਿ ਅਕੁਸਲਂ ਅਨਾਪਜ੍ਜਿਤ੍વਾ। ਨਿਬ੍ਬਿਸੇਯ੍ਯਾਤਿ ਉਪ੍ਪਾਦੇਯ੍ਯ ਆਚਿਨੇਯ੍ਯ। ਦਕ੍ਖੋਤਿ ਛੇਕੋ। ਉਟ੍ਠਾਨਸਮ੍ਪਨ੍ਨੋਤਿ ਉਟ੍ਠਾਨવੀਰਿਯੇਨ ਸਮਨ੍ਨਾਗਤੋ। ਅਲਂ વਚਨਾਯਾਤਿ ਯੁਤ੍ਤੋ વਚਨਾਯ। ਏਕਨ੍ਤਸੁਖਪ੍ਪਟਿਸਂવੇਦੀ વਿਹਰੇਯ੍ਯਾਤਿ ਏਕਨ੍ਤਮੇવ ਕਾਯਿਕਚੇਤਸਿਕਸੁਖਂ ਞਾਣੇਨ ਪਟਿਸਂવੇਦੇਨ੍ਤੋ વਿਹਰੇਯ੍ਯ। ਅਨਿਚ੍ਚਾਤਿ ਹੁਤ੍વਾ ਅਭਾવਤੋ। ਤੁਚ੍ਛਾਤਿ ਸਾਰਰਹਿਤਾ। ਮੁਸਾਤਿ ਨਿਚ੍ਚਸੁਭਸੁਖਾ વਿਯ ਖਾਯਮਾਨਾਪਿ ਤਥਾ ਨ ਹੋਨ੍ਤੀਤਿ ਮੁਸਾ। ਮੋਸਧਮ੍ਮਾਤਿ ਨਸ੍ਸਨਸਭਾવਾ। ਤਸ੍ਮਾ ਤੇ ਪਟਿਚ੍ਚ ਦੁਕ੍ਖਂ ਉਪ੍ਪਜ੍ਜਤੀਤਿ ਸਨ੍ਦਸ੍ਸੇਤਿ। ਇਧ ਪਨ વੋਤਿ ਏਤ੍ਥ વੋ ਤਿ ਨਿਪਾਤਮਤ੍ਤਂ। ਅਪਣ੍ਣਕਂ વਾ ਸੋਤਾਪਨ੍ਨੋਤਿ ਅવਿਰਾਧਿਤਂ ਏਕਂਸੇਨ ਸੋਤਾਪਨ੍ਨੋ વਾ ਹੋਤਿ। ਸੋਪਿ ਝਾਨਂ ਨਿਬ੍ਬਤ੍ਤੇਤਿ, ਬ੍ਰਹ੍ਮਲੋਕਂ વਾ ਗਨ੍ਤ੍વਾ ਛਸੁ વਾ ਕਾਮਸਗ੍ਗੇਸੁ ਏਕਨ੍ਤਸੁਖਪ੍ਪਟਿਸਂવੇਦੀ ਹੁਤ੍વਾ વਿਹਰੇਯ੍ਯ। ਇਮਸ੍ਮਿਂ ਸੁਤ੍ਤੇ ਸਤ੍ਥਾ ਅਟ੍ਠਙ੍ਗੁਪੋਸਥਸ੍ਸ ਗੁਣਂ ਕਥੇਸਿ।
46. Chaṭṭhe sokasabhayeti sokena sabhaye. Sokabhayeti vā pāṭho, ayamevattho. Dutiyapadepi eseva nayo. Yena kenaci kammaṭṭhānenāti kasivaṇijjādikammesu yena kenaci kammena. Anāpajja akusalanti kiñci akusalaṃ anāpajjitvā. Nibbiseyyāti uppādeyya ācineyya. Dakkhoti cheko. Uṭṭhānasampannoti uṭṭhānavīriyena samannāgato. Alaṃ vacanāyāti yutto vacanāya. Ekantasukhappaṭisaṃvedī vihareyyāti ekantameva kāyikacetasikasukhaṃ ñāṇena paṭisaṃvedento vihareyya. Aniccāti hutvā abhāvato. Tucchāti sārarahitā. Musāti niccasubhasukhā viya khāyamānāpi tathā na hontīti musā. Mosadhammāti nassanasabhāvā. Tasmā te paṭicca dukkhaṃ uppajjatīti sandasseti. Idhapana voti ettha vo ti nipātamattaṃ. Apaṇṇakaṃ vā sotāpannoti avirādhitaṃ ekaṃsena sotāpanno vā hoti. Sopi jhānaṃ nibbatteti, brahmalokaṃ vā gantvā chasu vā kāmasaggesu ekantasukhappaṭisaṃvedī hutvā vihareyya. Imasmiṃ sutte satthā aṭṭhaṅguposathassa guṇaṃ kathesi.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੬. ਸਕ੍ਕਸੁਤ੍ਤਂ • 6. Sakkasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧-੮. વਿવਾਦਸੁਤ੍ਤਾਦਿવਣ੍ਣਨਾ • 1-8. Vivādasuttādivaṇṇanā
