| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
11. ஸக்காயதி³ட்டி²பஹானஸுத்தங்
11. Sakkāyadiṭṭhipahānasuttaṃ
166. அத² கோ² அஞ்ஞதரோ பி⁴க்கு²…பே॰… ஏதத³வோச – ‘‘கத²ங் நு கோ², ப⁴ந்தே, ஜானதோ கத²ங் பஸ்ஸதோ ஸக்காயதி³ட்டி² பஹீயதீ’’தி? ‘‘சக்கு²ங் கோ², பி⁴க்கு², து³க்க²தோ ஜானதோ பஸ்ஸதோ ஸக்காயதி³ட்டி² பஹீயதி. ரூபே து³க்க²தோ ஜானதோ பஸ்ஸதோ ஸக்காயதி³ட்டி² பஹீயதி. சக்கு²விஞ்ஞாணங் து³க்க²தோ ஜானதோ பஸ்ஸதோ ஸக்காயதி³ட்டி² பஹீயதி. சக்கு²ஸம்ப²ஸ்ஸங் து³க்க²தோ ஜானதோ பஸ்ஸதோ ஸக்காயதி³ட்டி² பஹீயதி…பே॰… யம்பித³ங் மனோஸம்ப²ஸ்ஸபச்சயா உப்பஜ்ஜதி வேத³யிதங் ஸுக²ங் வா து³க்க²ங் வா அது³க்க²மஸுக²ங் வா தம்பி து³க்க²தோ ஜானதோ பஸ்ஸதோ ஸக்காயதி³ட்டி² பஹீயதி. ஏவங் கோ², பி⁴க்கு², ஜானதோ ஏவங் பஸ்ஸதோ ஸக்காயதி³ட்டி² பஹீயதீ’’தி. ஏகாத³ஸமங்.
166. Atha kho aññataro bhikkhu…pe… etadavoca – ‘‘kathaṃ nu kho, bhante, jānato kathaṃ passato sakkāyadiṭṭhi pahīyatī’’ti? ‘‘Cakkhuṃ kho, bhikkhu, dukkhato jānato passato sakkāyadiṭṭhi pahīyati. Rūpe dukkhato jānato passato sakkāyadiṭṭhi pahīyati. Cakkhuviññāṇaṃ dukkhato jānato passato sakkāyadiṭṭhi pahīyati. Cakkhusamphassaṃ dukkhato jānato passato sakkāyadiṭṭhi pahīyati…pe… yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi dukkhato jānato passato sakkāyadiṭṭhi pahīyati. Evaṃ kho, bhikkhu, jānato evaṃ passato sakkāyadiṭṭhi pahīyatī’’ti. Ekādasamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 10-12. மிச்சா²தி³ட்டி²பஹானஸுத்தாதி³வண்ணனா • 10-12. Micchādiṭṭhipahānasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 10-12. மிச்சா²தி³ட்டி²பஹானஸுத்தாதி³வண்ணனா • 10-12. Micchādiṭṭhipahānasuttādivaṇṇanā
