| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
11. සක්‌කායදිට්‌ඨිපහානසුත්‌තං
11. Sakkāyadiṭṭhipahānasuttaṃ
166. අථ ඛො අඤ්‌ඤතරො භික්‌ඛු…පෙ.… එතදවොච – ‘‘කථං නු ඛො, භන්‌තෙ, ජානතො කථං පස්‌සතො සක්‌කායදිට්‌ඨි පහීයතී’’ති? ‘‘චක්‌ඛුං ඛො, භික්‌ඛු, දුක්‌ඛතො ජානතො පස්‌සතො සක්‌කායදිට්‌ඨි පහීයති. රූපෙ දුක්‌ඛතො ජානතො පස්‌සතො සක්‌කායදිට්‌ඨි පහීයති. චක්‌ඛුවිඤ්‌ඤාණං දුක්‌ඛතො ජානතො පස්‌සතො සක්‌කායදිට්‌ඨි පහීයති. චක්‌ඛුසම්‌ඵස්‌සං දුක්‌ඛතො ජානතො පස්‌සතො සක්‌කායදිට්‌ඨි පහීයති…පෙ.… යම්‌පිදං මනොසම්‌ඵස්‌සපච්‌චයා උප්‌පජ්‌ජති වෙදයිතං සුඛං වා දුක්‌ඛං වා අදුක්‌ඛමසුඛං වා තම්‌පි දුක්‌ඛතො ජානතො පස්‌සතො සක්‌කායදිට්‌ඨි පහීයති. එවං ඛො, භික්‌ඛු, ජානතො එවං පස්‌සතො සක්‌කායදිට්‌ඨි පහීයතී’’ති. එකාදසමං.
166. Atha kho aññataro bhikkhu…pe… etadavoca – ‘‘kathaṃ nu kho, bhante, jānato kathaṃ passato sakkāyadiṭṭhi pahīyatī’’ti? ‘‘Cakkhuṃ kho, bhikkhu, dukkhato jānato passato sakkāyadiṭṭhi pahīyati. Rūpe dukkhato jānato passato sakkāyadiṭṭhi pahīyati. Cakkhuviññāṇaṃ dukkhato jānato passato sakkāyadiṭṭhi pahīyati. Cakkhusamphassaṃ dukkhato jānato passato sakkāyadiṭṭhi pahīyati…pe… yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi dukkhato jānato passato sakkāyadiṭṭhi pahīyati. Evaṃ kho, bhikkhu, jānato evaṃ passato sakkāyadiṭṭhi pahīyatī’’ti. Ekādasamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 10-12. මිච්‌ඡාදිට්‌ඨිපහානසුත්‌තාදිවණ්‌ණනා • 10-12. Micchādiṭṭhipahānasuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 10-12. මිච්‌ඡාදිට්‌ඨිපහානසුත්‌තාදිවණ්‌ණනා • 10-12. Micchādiṭṭhipahānasuttādivaṇṇanā
