| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৩. সক্কাযসুত্তং
3. Sakkāyasuttaṃ
১০৫. সাৰত্থিনিদানং। ‘‘সক্কাযঞ্চ ৰো, ভিক্খৰে, দেসেস্সামি সক্কাযসমুদযঞ্চ সক্কাযনিরোধঞ্চ সক্কাযনিরোধগামিনিঞ্চ পটিপদং। তং সুণাথ। কতমো চ, ভিক্খৰে, সক্কাযো? পঞ্চুপাদানক্খন্ধাতিস্স ৰচনীযং । কতমে পঞ্চ? সেয্যথিদং – রূপুপাদানক্খন্ধো, ৰেদনুপাদানক্খন্ধো, সঞ্ঞুপাদানক্খন্ধো, সঙ্খারুপাদানক্খন্ধো, ৰিঞ্ঞাণুপাদানক্খন্ধো। অযং ৰুচ্চতি, ভিক্খৰে, সক্কাযো। কতমো চ, ভিক্খৰে, সক্কাযসমুদযো? যাযং তণ্হা পোনোভৰিকা…পে॰… কামতণ্হা, ভৰতণ্হা, ৰিভৰতণ্হা – অযং ৰুচ্চতি, ভিক্খৰে, সক্কাযসমুদযো। কতমো চ, ভিক্খৰে, সক্কাযনিরোধো? যো তস্সাযেৰ তণ্হায…পে॰… অযং ৰুচ্চতি , ভিক্খৰে, সক্কাযনিরোধো। কতমা চ, ভিক্খৰে, সক্কাযনিরোধগামিনী পটিপদা? অযমেৰ অরিযো অট্ঠঙ্গিকো মগ্গো। সেয্যথিদং – সম্মাদিট্ঠি…পে॰… সম্মাসমাধি। অযং ৰুচ্চতি, ভিক্খৰে, সক্কাযনিরোধগামিনী পটিপদা’’তি। ততিযং।
105. Sāvatthinidānaṃ. ‘‘Sakkāyañca vo, bhikkhave, desessāmi sakkāyasamudayañca sakkāyanirodhañca sakkāyanirodhagāminiñca paṭipadaṃ. Taṃ suṇātha. Katamo ca, bhikkhave, sakkāyo? Pañcupādānakkhandhātissa vacanīyaṃ . Katame pañca? Seyyathidaṃ – rūpupādānakkhandho, vedanupādānakkhandho, saññupādānakkhandho, saṅkhārupādānakkhandho, viññāṇupādānakkhandho. Ayaṃ vuccati, bhikkhave, sakkāyo. Katamo ca, bhikkhave, sakkāyasamudayo? Yāyaṃ taṇhā ponobhavikā…pe… kāmataṇhā, bhavataṇhā, vibhavataṇhā – ayaṃ vuccati, bhikkhave, sakkāyasamudayo. Katamo ca, bhikkhave, sakkāyanirodho? Yo tassāyeva taṇhāya…pe… ayaṃ vuccati , bhikkhave, sakkāyanirodho. Katamā ca, bhikkhave, sakkāyanirodhagāminī paṭipadā? Ayameva ariyo aṭṭhaṅgiko maggo. Seyyathidaṃ – sammādiṭṭhi…pe… sammāsamādhi. Ayaṃ vuccati, bhikkhave, sakkāyanirodhagāminī paṭipadā’’ti. Tatiyaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ২-৩. দুক্খসুত্তাদিৰণ্ণনা • 2-3. Dukkhasuttādivaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ২-৩. দুক্খসুত্তাদিৰণ্ণনা • 2-3. Dukkhasuttādivaṇṇanā
