| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
3. саггааяасуд̇д̇ам̣
3. Sakkāyasuttaṃ
105. саавад̇т̇инид̣̇аанам̣. ‘‘саггааяан̃жа во, бхигкавз, д̣̇зсзссаами саггааяасамуд̣̇аяан̃жа саггааяанирод̇хан̃жа саггааяанирод̇хаг̇ааминин̃жа бадибад̣̇ам̣. д̇ам̣ сун̣аат̇а. гад̇амо жа, бхигкавз, саггааяо? бан̃жубаад̣̇аанагканд̇хаад̇исса важанийяам̣ . гад̇амз бан̃жа? сзяяат̇ид̣̇ам̣ – руубубаад̣̇аанагканд̇хо, взд̣̇анубаад̣̇аанагканд̇хо, сан̃н̃убаад̣̇аанагканд̇хо, сан̇каарубаад̣̇аанагканд̇хо, вин̃н̃аан̣убаад̣̇аанагканд̇хо. аяам̣ вужжад̇и, бхигкавз, саггааяо. гад̇амо жа, бхигкавз, саггааяасамуд̣̇аяо? яааяам̣ д̇ан̣хаа бонобхавигаа…бз… гаамад̇ан̣хаа, бхавад̇ан̣хаа, вибхавад̇ан̣хаа – аяам̣ вужжад̇и, бхигкавз, саггааяасамуд̣̇аяо. гад̇амо жа, бхигкавз, саггааяанирод̇хо? яо д̇ассааязва д̇ан̣хааяа…бз… аяам̣ вужжад̇и , бхигкавз, саггааяанирод̇хо. гад̇амаа жа, бхигкавз, саггааяанирод̇хаг̇ааминий бадибад̣̇аа? аяамзва арияо адтан̇г̇иго маг̇г̇о. сзяяат̇ид̣̇ам̣ – саммаад̣̇идти…бз… саммаасамаад̇хи. аяам̣ вужжад̇и, бхигкавз, саггааяанирод̇хаг̇ааминий бадибад̣̇аа’’д̇и. д̇ад̇ияам̣.
105. Sāvatthinidānaṃ. ‘‘Sakkāyañca vo, bhikkhave, desessāmi sakkāyasamudayañca sakkāyanirodhañca sakkāyanirodhagāminiñca paṭipadaṃ. Taṃ suṇātha. Katamo ca, bhikkhave, sakkāyo? Pañcupādānakkhandhātissa vacanīyaṃ . Katame pañca? Seyyathidaṃ – rūpupādānakkhandho, vedanupādānakkhandho, saññupādānakkhandho, saṅkhārupādānakkhandho, viññāṇupādānakkhandho. Ayaṃ vuccati, bhikkhave, sakkāyo. Katamo ca, bhikkhave, sakkāyasamudayo? Yāyaṃ taṇhā ponobhavikā…pe… kāmataṇhā, bhavataṇhā, vibhavataṇhā – ayaṃ vuccati, bhikkhave, sakkāyasamudayo. Katamo ca, bhikkhave, sakkāyanirodho? Yo tassāyeva taṇhāya…pe… ayaṃ vuccati , bhikkhave, sakkāyanirodho. Katamā ca, bhikkhave, sakkāyanirodhagāminī paṭipadā? Ayameva ariyo aṭṭhaṅgiko maggo. Seyyathidaṃ – sammādiṭṭhi…pe… sammāsamādhi. Ayaṃ vuccati, bhikkhave, sakkāyanirodhagāminī paṭipadā’’ti. Tatiyaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2-3. д̣̇угкасуд̇д̇аад̣̇иван̣н̣анаа • 2-3. Dukkhasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2-3. д̣̇угкасуд̇д̇аад̣̇иван̣н̣анаа • 2-3. Dukkhasuttādivaṇṇanā
