| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
7-10. сагкибхаб̣б̣асуд̇д̇аад̣̇иван̣н̣анаа
7-10. Sakkhibhabbasuttādivaṇṇanā
71-74. сад̇д̇амз д̇асмим̣ д̇асмим̣ висзсзд̇и д̇асмим̣ д̇асмим̣ сажчигаад̇аб̣б̣з висзсз. сагкибхаавааяа бажжагкагаарид̇ааяа бхаб̣б̣о сагкибхаб̣б̣о, д̇асса бхааво сагкибхаб̣б̣ад̇аа. д̇ам̣ сагкибхаб̣б̣ад̇ам̣. сад̇и сад̇иааяад̇анзд̇и сад̇и сад̇игааран̣з. гин̃жзд̇т̇а гааран̣ам̣? абхин̃н̃аа ваа абхин̃н̃аабаад̣̇агаж̇жхаанам̣ ваа, авасаанз бана чадтаабхин̃н̃ааяа арахад̇д̇ам̣ ваа гааран̣ам̣, арахад̇д̇асса вибассанаа ваад̇и взд̣̇ид̇аб̣б̣ам̣. яан̃хи д̇ам̣ д̇ад̇ра д̇ад̇ра сагкибхаб̣б̣ад̇аасан̇каад̇ам̣ ид̣̇д̇хивид̇хабажжанубхаванаад̣̇и, д̇асса абхин̃н̃аа гааран̣ам̣. ат̇а ид̣̇д̇хивид̇хабажжанубхаванаад̣̇и абхин̃н̃аа, звам̣ сад̇и абхин̃н̃аабаад̣̇агаж̇жхаанам̣ гааран̣ам̣. арахад̇д̇амби ‘‘гуд̣̇аассу наамаахам̣ д̇ад̣̇ааяад̇анам̣ убасамбаж̇ж̇а вихариссаамий’’д̇и ануд̇д̇арзсу вимогкзсу бихам̣ убадтабзд̇ваа чадтаабхин̃н̃ам̣ ниб̣б̣ад̇д̇знд̇асса гааран̣ам̣. ид̣̇ан̃жа саб̣б̣асаад̇хааран̣ам̣ на ход̇и, саад̇хааран̣авасзна бана арахад̇д̇асса вибассанаа гааран̣ам̣. ат̇а ваа сад̇и ааяад̇анзд̇и д̇асса д̇асса висзсаад̇хиг̇амасса убаниссаяасан̇каад̇з гааран̣з сад̇ийд̇и звамзд̇т̇а ад̇т̇о д̣̇адтаб̣б̣о.
71-74. Sattame tasmiṃ tasmiṃ viseseti tasmiṃ tasmiṃ sacchikātabbe visese. Sakkhibhāvāya paccakkhakāritāya bhabbo sakkhibhabbo, tassa bhāvo sakkhibhabbatā. Taṃ sakkhibhabbataṃ. Sati satiāyataneti sati satikāraṇe. Kiñcettha kāraṇaṃ? Abhiññā vā abhiññāpādakajjhānaṃ vā, avasāne pana chaṭṭhābhiññāya arahattaṃ vā kāraṇaṃ, arahattassa vipassanā vāti veditabbaṃ. Yañhi taṃ tatra tatra sakkhibhabbatāsaṅkhātaṃ iddhividhapaccanubhavanādi, tassa abhiññā kāraṇaṃ. Atha iddhividhapaccanubhavanādi abhiññā, evaṃ sati abhiññāpādakajjhānaṃ kāraṇaṃ. Arahattampi ‘‘kudāssu nāmāhaṃ tadāyatanaṃ upasampajja viharissāmī’’ti anuttaresu vimokkhesu pihaṃ upaṭṭhapetvā chaṭṭhābhiññaṃ nibbattentassa kāraṇaṃ. Idañca sabbasādhāraṇaṃ na hoti, sādhāraṇavasena pana arahattassa vipassanā kāraṇaṃ. Atha vā sati āyataneti tassa tassa visesādhigamassa upanissayasaṅkhāte kāraṇe satīti evamettha attho daṭṭhabbo.
хаанабхааг̇ияаад̣̇ийсу ‘‘батамаж̇жхаанасса лаабхим̣ гаамасахаг̇ад̇аа сан̃н̃ааманасигаараа самуд̣̇аажаранд̇и, хаанабхааг̇ияо самаад̇хи. д̇ад̣̇ануд̇хаммад̇аа сад̇и санд̇идтад̇и, тид̇ибхааг̇ияо самаад̇хи. авид̇аггасахаг̇ад̇аа сан̃н̃ааманасигаараа самуд̣̇аажаранд̇и, висзсабхааг̇ияо самаад̇хи. ниб̣б̣ид̣̇аасахаг̇ад̇аа сан̃н̃ааманасигаараа самуд̣̇аажаранд̇и вирааг̇уубасам̣хид̇аа, ниб̣б̣зд̇хабхааг̇ияо самаад̇хий’’д̇и (вибха. 799) иминаа наязна саб̣б̣асамаабад̇д̇ияо вид̇т̇аарзд̇ваа хаанабхааг̇ияаад̣̇иад̇т̇о взд̣̇ид̇аб̣б̣о. д̇ад̇т̇а батамаж̇жхаанасса лаабхинд̇и явааяам̣ аббаг̇ун̣асса батамасса жхаанасса лаабхий, д̇ам̣. гаамасахаг̇ад̇аа сан̃н̃ааманасигаараа самуд̣̇аажаранд̇ийд̇и д̇ад̇о вудтид̇ам̣ аарамман̣авасзна гаамасахаг̇ад̇аа худ̇ваа сан̃н̃ааманасигаараа самуд̣̇аажаранд̇и д̇уд̣̇анд̇и, д̇асса гаамаанад̇ийд̇асса гаамаанубагканд̣̇аанам̣ сан̃н̃ааманасигаараанам̣ васзна со батамаж̇жхаанасамаад̇хи хааяад̇и барихааяад̇и, д̇асмаа хаанабхааг̇ияо вуд̇д̇о. д̇ад̣̇ануд̇хаммад̇аад̇и д̇ад̣̇ануруубасабхааво. сад̇и санд̇идтад̇ийд̇и ид̣̇ам̣ мижчаасад̇им̣ санд̇хааяа вуд̇д̇ам̣. яасса хи батамаж̇жхаанаануруубасабхааваа батамаж̇жхаанам̣ санд̇ад̇о бан̣ийд̇ад̇о д̣̇исваа ассаад̣̇аяамаанаа абхинанд̣̇амаанаа ниганд̇и ход̇и, д̇асса ниганд̇ивасзна со батамаж̇жхаанасамаад̇хи нзва хааяад̇и на вад̣дхад̇и, тид̇игодтаасиго ход̇и. д̇зна вуд̇д̇ам̣ ‘‘тид̇ибхааг̇ияо самаад̇хий’’д̇и. авид̇аггасахаг̇ад̇аад̇и авид̇аггам̣ д̣̇уд̇ияаж̇жхаанам̣ санд̇ад̇о бан̣ийд̇ад̇о манасигарод̇о аарамман̣авасзна авид̇аггасахаг̇ад̇аа. сан̃н̃ааманасигаараа самуд̣̇аажаранд̇ийд̇и баг̇ун̣абатамаж̇жхаанад̇о вудтид̇ам̣ д̣̇уд̇ияаж̇жхаанаад̇хиг̇амад̇т̇ааяа жод̣̇знд̇и д̇уд̣̇анд̇и. д̇асса убари д̣̇уд̇ияаж̇жхаанаанубагканд̣̇аанам̣ сан̃н̃ааманасигаараанам̣ васзна со батамаж̇жхаанасамаад̇хи висзсабхууд̇асса д̣̇уд̇ияаж̇жхаанасса уббад̇д̇ибад̣̇адтаанад̇ааяа ‘‘висзсабхааг̇ияо’’д̇и вуд̇д̇о.
Hānabhāgiyādīsu ‘‘paṭhamajjhānassa lābhiṃ kāmasahagatā saññāmanasikārā samudācaranti, hānabhāgiyo samādhi. Tadanudhammatā sati santiṭṭhati, ṭhitibhāgiyo samādhi. Avitakkasahagatā saññāmanasikārā samudācaranti, visesabhāgiyo samādhi. Nibbidāsahagatā saññāmanasikārā samudācaranti virāgūpasaṃhitā, nibbedhabhāgiyo samādhī’’ti (vibha. 799) iminā nayena sabbasamāpattiyo vitthāretvā hānabhāgiyādiattho veditabbo. Tattha paṭhamajjhānassa lābhinti yvāyaṃ appaguṇassa paṭhamassa jhānassa lābhī, taṃ. Kāmasahagatā saññāmanasikārā samudācarantīti tato vuṭṭhitaṃ ārammaṇavasena kāmasahagatā hutvā saññāmanasikārā samudācaranti tudanti, tassa kāmānatītassa kāmānupakkhandānaṃ saññāmanasikārānaṃ vasena so paṭhamajjhānasamādhi hāyati parihāyati, tasmā hānabhāgiyo vutto. Tadanudhammatāti tadanurūpasabhāvo. Sati santiṭṭhatīti idaṃ micchāsatiṃ sandhāya vuttaṃ. Yassa hi paṭhamajjhānānurūpasabhāvā paṭhamajjhānaṃ santato paṇītato disvā assādayamānā abhinandamānā nikanti hoti, tassa nikantivasena so paṭhamajjhānasamādhi neva hāyati na vaḍḍhati, ṭhitikoṭṭhāsiko hoti. Tena vuttaṃ ‘‘ṭhitibhāgiyo samādhī’’ti. Avitakkasahagatāti avitakkaṃ dutiyajjhānaṃ santato paṇītato manasikaroto ārammaṇavasena avitakkasahagatā. Saññāmanasikārā samudācarantīti paguṇapaṭhamajjhānato vuṭṭhitaṃ dutiyajjhānādhigamatthāya codenti tudanti. Tassa upari dutiyajjhānānupakkhandānaṃ saññāmanasikārānaṃ vasena so paṭhamajjhānasamādhi visesabhūtassa dutiyajjhānassa uppattipadaṭṭhānatāya ‘‘visesabhāgiyo’’ti vutto.
ниб̣б̣ид̣̇аасахаг̇ад̇аад̇и д̇амзва батамаж̇жхааналаабхим̣ жхаанад̇о вудтид̇ам̣ ниб̣б̣ид̣̇аасан̇каад̇зна вибассанаан̃аан̣зна сахаг̇ад̇аа. вибассанаан̃аан̣ан̃хи жхаанан̇г̇зсу бабхзд̣̇зна убадтаханд̇зсу ниб̣б̣инд̣̇ад̇и угган̣тад̇и, д̇асмаа ‘‘ниб̣б̣ид̣̇аа’’д̇и вужжад̇и. самуд̣̇аажаранд̇ийд̇и ниб̣б̣аанасажчигирияад̇т̇ааяа жод̣̇знд̇и д̇уд̣̇анд̇и. вирааг̇уубасам̣хид̇аад̇и вирааг̇асан̇каад̇зна ниб̣б̣аанзна убасам̣хид̇аа. вибассанаан̃аан̣ан̃хи саггаа иминаа маг̇г̇зна вирааг̇ам̣ ниб̣б̣аанам̣ сажчигаад̇унд̇и бавад̇д̇ид̇о ‘‘вирааг̇уубасам̣хид̇а’’нд̇и вужжад̇и. д̇ам̣самбаяуд̇д̇аа сан̃н̃ааманасигаараа вирааг̇уубасам̣хид̇аа зва наама. д̇асса д̇зсам̣ сан̃н̃ааманасигаараанам̣ васзна батамаж̇жхаанасамаад̇хи арияамаг̇г̇аббадивзд̇хасса бад̣̇адтаанад̇ааяа ‘‘ниб̣б̣зд̇хабхааг̇ияо’’д̇и вуд̇д̇о. хаанам̣ бхаж̇анд̇ийд̇и хаанабхааг̇ияаа, хаанабхааг̇о ваа зд̇зсам̣ ад̇т̇ийд̇и хаанабхааг̇ияаа, барихаанагодтаасигаад̇и ад̇т̇о. иминаа наязна тид̇ибхааг̇ияо взд̣̇ид̇аб̣б̣о. адтамаад̣̇ийни уд̇д̇аанад̇т̇аанзва.
Nibbidāsahagatāti tameva paṭhamajjhānalābhiṃ jhānato vuṭṭhitaṃ nibbidāsaṅkhātena vipassanāñāṇena sahagatā. Vipassanāñāṇañhi jhānaṅgesu pabhedena upaṭṭhahantesu nibbindati ukkaṇṭhati, tasmā ‘‘nibbidā’’ti vuccati. Samudācarantīti nibbānasacchikiriyatthāya codenti tudanti. Virāgūpasaṃhitāti virāgasaṅkhātena nibbānena upasaṃhitā. Vipassanāñāṇañhi sakkā iminā maggena virāgaṃ nibbānaṃ sacchikātunti pavattito ‘‘virāgūpasaṃhita’’nti vuccati. Taṃsampayuttā saññāmanasikārā virāgūpasaṃhitā eva nāma. Tassa tesaṃ saññāmanasikārānaṃ vasena paṭhamajjhānasamādhi ariyamaggappaṭivedhassa padaṭṭhānatāya ‘‘nibbedhabhāgiyo’’ti vutto. Hānaṃ bhajantīti hānabhāgiyā, hānabhāgo vā etesaṃ atthīti hānabhāgiyā, parihānakoṭṭhāsikāti attho. Iminā nayena ṭhitibhāgiyo veditabbo. Aṭṭhamādīni uttānatthāneva.
сагкибхаб̣б̣асуд̇д̇аад̣̇иван̣н̣анаа нидтид̇аа.
Sakkhibhabbasuttādivaṇṇanā niṭṭhitā.
д̣̇звад̇ааваг̇г̇аван̣н̣анаа нидтид̇аа.
Devatāvaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya
7. сагкибхаб̣б̣асуд̇д̇ам̣ • 7. Sakkhibhabbasuttaṃ
8. б̣аласуд̇д̇ам̣ • 8. Balasuttaṃ
9. батамад̇аж̇жхаанасуд̇д̇ам̣ • 9. Paṭhamatajjhānasuttaṃ
10. д̣̇уд̇ияад̇аж̇жхаанасуд̇д̇ам̣ • 10. Dutiyatajjhānasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā)
7. сагкибхаб̣б̣асуд̇д̇аван̣н̣анаа • 7. Sakkhibhabbasuttavaṇṇanā
8. б̣аласуд̇д̇аван̣н̣анаа • 8. Balasuttavaṇṇanā
9-10. д̇аж̇жхаанасуд̇д̇ад̣̇ваяаван̣н̣анаа • 9-10. Tajjhānasuttadvayavaṇṇanā
