| Library / Tipiṭaka / តិបិដក • Tipiṭaka / អង្គុត្តរនិកាយ • Aṅguttaranikāya |
៧. សក្ខិភព្ពសុត្តំ
7. Sakkhibhabbasuttaṃ
៧១. ‘‘ឆហិ, ភិក្ខវេ, ធម្មេហិ សមន្នាគតោ ភិក្ខុ អភព្ពោ តត្រ តត្រេវ សក្ខិភព្ពតំ បាបុណិតុំ សតិ សតិ អាយតនេ។ កតមេហិ ឆហិ? ឥធ , ភិក្ខវេ, ភិក្ខុ ‘ឥមេ ហានភាគិយា ធម្មា’តិ យថាភូតំ នប្បជានាតិ, ‘ឥមេ ឋិតិភាគិយា ធម្មា’តិ យថាភូតំ នប្បជានាតិ, ‘ឥមេ វិសេសភាគិយា ធម្មា’តិ យថាភូតំ នប្បជានាតិ, ‘ឥមេ និព្ពេធភាគិយា ធម្មា’តិ យថាភូតំ នប្បជានាតិ, អសក្កច្ចការី ច ហោតិ, អសប្បាយការី ច។ ឥមេហិ ខោ, ភិក្ខវេ, ឆហិ ធម្មេហិ សមន្នាគតោ ភិក្ខុ អភព្ពោ តត្រ តត្រេវ សក្ខិភព្ពតំ បាបុណិតុំ សតិ សតិ អាយតនេ។
71. ‘‘Chahi, bhikkhave, dhammehi samannāgato bhikkhu abhabbo tatra tatreva sakkhibhabbataṃ pāpuṇituṃ sati sati āyatane. Katamehi chahi? Idha , bhikkhave, bhikkhu ‘ime hānabhāgiyā dhammā’ti yathābhūtaṃ nappajānāti, ‘ime ṭhitibhāgiyā dhammā’ti yathābhūtaṃ nappajānāti, ‘ime visesabhāgiyā dhammā’ti yathābhūtaṃ nappajānāti, ‘ime nibbedhabhāgiyā dhammā’ti yathābhūtaṃ nappajānāti, asakkaccakārī ca hoti, asappāyakārī ca. Imehi kho, bhikkhave, chahi dhammehi samannāgato bhikkhu abhabbo tatra tatreva sakkhibhabbataṃ pāpuṇituṃ sati sati āyatane.
‘‘ឆហិ, ភិក្ខវេ, ធម្មេហិ សមន្នាគតោ ភិក្ខុ ភព្ពោ តត្រ តត្រេវ សក្ខិភព្ពតំ បាបុណិតុំ សតិ សតិ អាយតនេ។ កតមេហិ ឆហិ? ឥធ, ភិក្ខវេ, ភិក្ខុ ‘ឥមេ ហានភាគិយា ធម្មា’តិ យថាភូតំ បជានាតិ, ‘ឥមេ ឋិតិភាគិយា ធម្មា’តិ យថាភូតំ បជានាតិ, ‘ឥមេ វិសេសភាគិយា ធម្មា’តិ យថាភូតំ បជានាតិ, ‘ឥមេ និព្ពេធភាគិយា ធម្មា’តិ យថាភូតំ បជានាតិ, សក្កច្ចការី ច ហោតិ, សប្បាយការី ច។ ឥមេហិ ខោ, ភិក្ខវេ, ឆហិ ធម្មេហិ សមន្នាគតោ ភិក្ខុ ភព្ពោ តត្រ តត្រេវ សក្ខិភព្ពតំ បាបុណិតុំ សតិ សតិ អាយតនេ’’តិ។ សត្តមំ។
‘‘Chahi, bhikkhave, dhammehi samannāgato bhikkhu bhabbo tatra tatreva sakkhibhabbataṃ pāpuṇituṃ sati sati āyatane. Katamehi chahi? Idha, bhikkhave, bhikkhu ‘ime hānabhāgiyā dhammā’ti yathābhūtaṃ pajānāti, ‘ime ṭhitibhāgiyā dhammā’ti yathābhūtaṃ pajānāti, ‘ime visesabhāgiyā dhammā’ti yathābhūtaṃ pajānāti, ‘ime nibbedhabhāgiyā dhammā’ti yathābhūtaṃ pajānāti, sakkaccakārī ca hoti, sappāyakārī ca. Imehi kho, bhikkhave, chahi dhammehi samannāgato bhikkhu bhabbo tatra tatreva sakkhibhabbataṃ pāpuṇituṃ sati sati āyatane’’ti. Sattamaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) / ៧. សក្ខិភព្ពសុត្តវណ្ណនា • 7. Sakkhibhabbasuttavaṇṇanā
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ៧-១០. សក្ខិភព្ពសុត្តាទិវណ្ណនា • 7-10. Sakkhibhabbasuttādivaṇṇanā
