| Library / Tipiṭaka / д̇ибидага • Tipiṭaka / уд̣̇аанабаал̣и • Udānapāḷi |
7. саггуд̣̇аанасуд̇д̇ам̣
7. Sakkudānasuttaṃ
27. звам̣ мз суд̇ам̣ – згам̣ самаяам̣ бхаг̇аваа рааж̇аг̇ахз вихарад̇и взл̣уванз галанд̣̇аганиваабз. д̇зна ко бана самаязна ааяасмаа махаагассабо биббалиг̇ухааяам̣ вихарад̇и, сад̇д̇аахам̣ згабаллан̇гзна нисинно ход̇и ан̃н̃ад̇арам̣ 1 самаад̇хим̣ самаабаж̇ж̇ид̇ваа. ат̇а ко ааяасмаа махаагассабо д̇асса сад̇д̇аахасса ажжаязна д̇амхаа самаад̇химхаа вудтааси. ат̇а ко ааяасмад̇о махаагассабасса д̇амхаа самаад̇химхаа вудтид̇асса зд̇ад̣̇ахоси – ‘‘яам̣нуунаахам̣ рааж̇аг̇ахам̣ бин̣д̣ааяа бависзяяа’’нд̇и.
27. Evaṃ me sutaṃ – ekaṃ samayaṃ bhagavā rājagahe viharati veḷuvane kalandakanivāpe. Tena kho pana samayena āyasmā mahākassapo pippaliguhāyaṃ viharati, sattāhaṃ ekapallaṅkena nisinno hoti aññataraṃ 2 samādhiṃ samāpajjitvā. Atha kho āyasmā mahākassapo tassa sattāhassa accayena tamhā samādhimhā vuṭṭhāsi. Atha kho āyasmato mahākassapassa tamhā samādhimhā vuṭṭhitassa etadahosi – ‘‘yaṃnūnāhaṃ rājagahaṃ piṇḍāya paviseyya’’nti.
д̇зна ко бана самаязна бан̃жамад̇д̇аани д̣̇звад̇аасад̇аани уссуггам̣ аабаннаани хонд̇и ааяасмад̇о махаагассабасса бин̣д̣абаад̇абадилаабхааяа. ат̇а ко ааяасмаа махаагассабо д̇аани бан̃жамад̇д̇аани д̣̇звад̇аасад̇аани бадигкибид̇ваа буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа рааж̇аг̇ахам̣ бин̣д̣ааяа баависи.
Tena kho pana samayena pañcamattāni devatāsatāni ussukkaṃ āpannāni honti āyasmato mahākassapassa piṇḍapātapaṭilābhāya. Atha kho āyasmā mahākassapo tāni pañcamattāni devatāsatāni paṭikkhipitvā pubbaṇhasamayaṃ nivāsetvā pattacīvaramādāya rājagahaṃ piṇḍāya pāvisi.
д̇зна ко бана самаязна сагго д̣̇зваанаминд̣̇о ааяасмад̇о махаагассабасса бин̣д̣абаад̇ам̣ д̣̇аад̇угаамо ход̇и. бзсагаараван̣н̣ам̣ абхинимминид̇ваа д̇анд̇ам̣ винаад̇и. суж̇аа 3 асураган̃н̃аа д̇асарам̣ буурзд̇и. ат̇а ко ааяасмаа махаагассабо рааж̇аг̇ахз сабад̣̇аанам̣ бин̣д̣ааяа жарамаано язна саггасса д̣̇зваанаминд̣̇асса нивзсанам̣ д̇знубасан̇гами. ад̣̇д̣̇асаа ко сагго д̣̇зваанаминд̣̇о ааяасманд̇ам̣ махаагассабам̣ д̣̇уурад̇ова ааг̇ажчанд̇ам̣. д̣̇исваана гхараа нигкамид̇ваа бажжуг̇анд̇ваа хад̇т̇ад̇о бад̇д̇ам̣ г̇ахзд̇ваа гхарам̣ бависид̇ваа 4 гхадияаа од̣̇анам̣ уд̣̇д̇харид̇ваа бад̇д̇ам̣ буурзд̇ваа ааяасмад̇о махаагассабасса ад̣̇ааси. со ахоси бин̣д̣абаад̇о анзгасуубо анзгаб̣яан̃ж̇ано анзгарасаб̣яан̃ж̇ано 5. ат̇а ко ааяасмад̇о махаагассабасса зд̇ад̣̇ахоси – ‘‘го ну ко аяам̣ сад̇д̇о яассааяам̣ зваруубо ид̣̇д̇хаанубхааво’’д̇и ? ат̇а ко ааяасмад̇о махаагассабасса зд̇ад̣̇ахоси – ‘‘сагго ко аяам̣ д̣̇зваанаминд̣̇о’’д̇и. ид̇и вид̣̇ид̇ваа саггам̣ д̣̇зваанаминд̣̇ам̣ зд̇ад̣̇авожа – ‘‘гад̇ам̣ ко д̇з ид̣̇ам̣, госияа; маа 6 бунаби зваруубамагаасий’’д̇и. ‘‘амхаагамби, бханд̇з гассаба, бун̃н̃зна ад̇т̇о; амхаагамби бун̃н̃зна гаран̣ийяа’’нд̇и.
Tena kho pana samayena sakko devānamindo āyasmato mahākassapassa piṇḍapātaṃ dātukāmo hoti. Pesakāravaṇṇaṃ abhinimminitvā tantaṃ vināti. Sujā 7 asurakaññā tasaraṃ pūreti. Atha kho āyasmā mahākassapo rājagahe sapadānaṃ piṇḍāya caramāno yena sakkassa devānamindassa nivesanaṃ tenupasaṅkami. Addasā kho sakko devānamindo āyasmantaṃ mahākassapaṃ dūratova āgacchantaṃ. Disvāna gharā nikkhamitvā paccugantvā hatthato pattaṃ gahetvā gharaṃ pavisitvā 8 ghaṭiyā odanaṃ uddharitvā pattaṃ pūretvā āyasmato mahākassapassa adāsi. So ahosi piṇḍapāto anekasūpo anekabyañjano anekarasabyañjano 9. Atha kho āyasmato mahākassapassa etadahosi – ‘‘ko nu kho ayaṃ satto yassāyaṃ evarūpo iddhānubhāvo’’ti ? Atha kho āyasmato mahākassapassa etadahosi – ‘‘sakko kho ayaṃ devānamindo’’ti. Iti viditvā sakkaṃ devānamindaṃ etadavoca – ‘‘kataṃ kho te idaṃ, kosiya; mā 10 punapi evarūpamakāsī’’ti. ‘‘Amhākampi, bhante kassapa, puññena attho; amhākampi puññena karaṇīya’’nti.
ат̇а ко сагго д̣̇зваанаминд̣̇о ааяасманд̇ам̣ махаагассабам̣ абхиваад̣̇зд̇ваа бад̣̇агкин̣ам̣ гад̇ваа взхаасам̣ аб̣бхуг̇г̇анд̇ваа аагаасз анд̇алигкз д̇игкад̇д̇ум̣ уд̣̇аанам̣ уд̣̇аанзси – ‘‘ахо д̣̇аанам̣ барамад̣̇аанам̣ 11 гассабз суббад̇идтид̇ам̣! ахо д̣̇аанам̣ барамад̣̇аанам̣ гассабз суббад̇идтид̇ам̣!! ахо д̣̇аанам̣ барамад̣̇аанам̣ гассабз суббад̇идтид̇а’’нд̇и!!! ассоси ко бхаг̇аваа д̣̇иб̣б̣ааяа сод̇ад̇хаад̇уяаа висуд̣̇д̇хааяа ад̇игганд̇амаанусигааяа саггасса д̣̇зваанаминд̣̇асса взхаасам̣ аб̣бхуг̇г̇анд̇ваа аагаасз анд̇алигкз д̇игкад̇д̇ум̣ уд̣̇аанам̣ уд̣̇аанзнд̇асса – ‘‘ахо д̣̇аанам̣ барамад̣̇аанам̣ гассабз суббад̇идтид̇ам̣! ахо д̣̇аанам̣ барамад̣̇аанам̣ гассабз суббад̇идтид̇ам̣!! ахо д̣̇аанам̣ барамад̣̇аанам̣ гассабз суббад̇идтид̇а’’нд̇и!!!
Atha kho sakko devānamindo āyasmantaṃ mahākassapaṃ abhivādetvā padakkhiṇaṃ katvā vehāsaṃ abbhuggantvā ākāse antalikkhe tikkhattuṃ udānaṃ udānesi – ‘‘aho dānaṃ paramadānaṃ 12 kassape suppatiṭṭhitaṃ! Aho dānaṃ paramadānaṃ kassape suppatiṭṭhitaṃ!! Aho dānaṃ paramadānaṃ kassape suppatiṭṭhita’’nti!!! Assosi kho bhagavā dibbāya sotadhātuyā visuddhāya atikkantamānusikāya sakkassa devānamindassa vehāsaṃ abbhuggantvā ākāse antalikkhe tikkhattuṃ udānaṃ udānentassa – ‘‘aho dānaṃ paramadānaṃ kassape suppatiṭṭhitaṃ! Aho dānaṃ paramadānaṃ kassape suppatiṭṭhitaṃ!! Aho dānaṃ paramadānaṃ kassape suppatiṭṭhita’’nti!!!
ат̇а ко бхаг̇аваа зд̇амад̇т̇ам̣ вид̣̇ид̇ваа д̇ааяам̣ взлааяам̣ имам̣ уд̣̇аанам̣ уд̣̇аанзси –
Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –
‘‘бин̣д̣абаад̇игасса бхигкуно,
‘‘Piṇḍapātikassa bhikkhuno,
ад̇д̇абхарасса анан̃н̃абосино;
Attabharassa anaññaposino;
д̣̇зваа бихаяанд̇и д̇аад̣̇ино,
Devā pihayanti tādino,
убасанд̇асса сад̣̇аа сад̇иймад̇о’’д̇и. сад̇д̇амам̣;
Upasantassa sadā satīmato’’ti. sattamaṃ;
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / уд̣̇аана-адтагат̇аа • Udāna-aṭṭhakathā / 7. саггуд̣̇аанасуд̇д̇аван̣н̣анаа • 7. Sakkudānasuttavaṇṇanā
