| Library / Tipiṭaka / д̇ибидага • Tipiṭaka / уд̣̇аана-адтагат̇аа • Udāna-aṭṭhakathā |
7. саггуд̣̇аанасуд̇д̇аван̣н̣анаа
7. Sakkudānasuttavaṇṇanā
27. сад̇д̇амз сад̇д̇аахам̣ згабаллан̇гзна нисинно ход̇и ан̃н̃ад̇арам̣ самаад̇хим̣ самаабаж̇ж̇ид̇ваад̇и зд̇т̇а гзжи д̇аава ааху ‘‘арахад̇д̇апаласамаад̇хи ид̇ха ‘ан̃н̃ад̇аро самаад̇хий’д̇и ад̇хиббзд̇о’’д̇и. д̇ан̃хи со ааяасмаа б̣ахулам̣ самаабаж̇ж̇ад̇и д̣̇идтад̇хаммасукавихаарад̇т̇ам̣, баход̇и жа сад̇д̇аахамби паласамаабад̇д̇ияаа вийд̇инаамзд̇ум̣. д̇ат̇аа хи бхаг̇авад̇аа –
27. Sattame sattāhaṃ ekapallaṅkena nisinno hoti aññataraṃ samādhiṃ samāpajjitvāti ettha keci tāva āhu ‘‘arahattaphalasamādhi idha ‘aññataro samādhī’ti adhippeto’’ti. Tañhi so āyasmā bahulaṃ samāpajjati diṭṭhadhammasukhavihāratthaṃ, pahoti ca sattāhampi phalasamāpattiyā vītināmetuṃ. Tathā hi bhagavatā –
‘‘ахам̣, бхигкавз, яаавад̣̇з ааган̇каами вивижжзва гаамзхи, вивижжа агусалзхи д̇хаммзхи…бз… вихараами. гассабоби, бхигкавз, яаавад̣̇з ааган̇кад̇и вивижжзва гаамзхи…бз… вихарад̇ий’’д̇и (сам̣. ни. 2.152) –
‘‘Ahaṃ, bhikkhave, yāvade ākaṅkhāmi vivicceva kāmehi, vivicca akusalehi dhammehi…pe… viharāmi. Kassapopi, bhikkhave, yāvade ākaṅkhati vivicceva kāmehi…pe… viharatī’’ti (saṃ. ni. 2.152) –
аад̣̇инаа наваанубуб̣б̣авихаарачал̣абхин̃н̃аад̣̇ибхзд̣̇з уд̇д̇аримануссад̇хаммз ад̇д̇анаа самасамадтаанз табид̇о, на жзд̇т̇а ‘‘яад̣̇и звам̣ т̇зро яамагабаадихаарияамби гарзяяаа’’д̇и вад̇д̇аб̣б̣ам̣ саавагасаад̇хааран̣аанам̣язва жхаанаад̣̇ийнам̣ ад̇хиббзд̇ад̇д̇аад̇и.
Ādinā navānupubbavihārachaḷabhiññādibhede uttarimanussadhamme attanā samasamaṭṭhāne ṭhapito, na cettha ‘‘yadi evaṃ thero yamakapāṭihāriyampi kareyyā’’ti vattabbaṃ sāvakasādhāraṇānaṃyeva jhānādīnaṃ adhippetattāti.
бораан̣аа банааху – ан̃н̃ад̇арам̣ самаад̇хим̣ самаабаж̇ж̇ид̇ваад̇и нирод̇хасамаабад̇д̇им̣ самаабаж̇ж̇ид̇ваа. гат̇ам̣ бана нирод̇хасамаабад̇д̇и самаад̇хийд̇и вуд̇д̇аа? самаад̇хаанадтзна. го банааяам̣ самаад̇хаанадто? саммад̣̇зва аад̇хаад̇аб̣б̣ад̇аа. яаа хи зсаа бажжанийгад̇хаммзхи агамбанийяаа б̣алаббад̇д̇ияаа самат̇аб̣алам̣ вибассанааб̣аланд̇и имзхи д̣̇вийхи б̣алзхи, анижжад̣̇угкаанад̇д̇аниб̣б̣ид̣̇аавирааг̇анирод̇хабадиниссаг̇г̇авиваддаанубассанаа жад̇д̇аари маг̇г̇ан̃аан̣аани жад̇д̇аари жа палан̃аан̣аанийд̇и имзсам̣ сол̣асаннам̣ н̃аан̣аанам̣ васзна сол̣асахи н̃аан̣ажарияаахи, батамаж̇жхаанасамаад̇хиаад̣̇аяо адта самаад̇хий згаж̇жхам̣ гад̇ваа г̇ахид̇о д̇зсам̣ убажаарасамаад̇хи жаад̇и имзсам̣ наваннам̣ самаад̇хийнам̣ васзна навахи самаад̇хижарияаахи гааяасан̇кааро важийсан̇кааро жид̇д̇асан̇каарод̇и имзсам̣ д̇ин̣н̣ам̣ сан̇каараанам̣ д̇ад̇т̇а д̇ад̇т̇а бадиббассад̣̇д̇хияаа д̇ат̇аа вихарид̇угаамзна яат̇аавуд̇д̇зсу таанзсу васийбхааваббад̇д̇зна арахад̇аа анааг̇ааминаа ваа яат̇аад̇хиббзд̇ам̣ гаалам̣ жид̇д̇ажзд̇асигасанд̇аанасса саммад̣̇зва аббавад̇д̇и аад̇хаад̇аб̣б̣аа, д̇ассаа д̇ат̇аа самаад̇хаад̇аб̣б̣ад̇аа ид̇ха самаад̇хаанадто, д̇знааяам̣ вихааро самаад̇хийд̇и вуд̇д̇о, на авигкзбадтзна. зд̇знасса самаабад̇д̇иад̇т̇оби вуд̇д̇од̇и взд̣̇ид̇аб̣б̣о. иман̃хи нирод̇хасамаабад̇д̇им̣ санд̇хааяа бадисамбхид̣̇аамаг̇г̇з –
Porāṇā panāhu – aññataraṃ samādhiṃ samāpajjitvāti nirodhasamāpattiṃ samāpajjitvā. Kathaṃ pana nirodhasamāpatti samādhīti vuttā? Samādhānaṭṭhena. Ko panāyaṃ samādhānaṭṭho? Sammadeva ādhātabbatā. Yā hi esā paccanīkadhammehi akampanīyā balappattiyā samathabalaṃ vipassanābalanti imehi dvīhi balehi, aniccadukkhānattanibbidāvirāganirodhapaṭinissaggavivaṭṭānupassanā cattāri maggañāṇāni cattāri ca phalañāṇānīti imesaṃ soḷasannaṃ ñāṇānaṃ vasena soḷasahi ñāṇacariyāhi, paṭhamajjhānasamādhiādayo aṭṭha samādhī ekajjhaṃ katvā gahito tesaṃ upacārasamādhi cāti imesaṃ navannaṃ samādhīnaṃ vasena navahi samādhicariyāhi kāyasaṅkhāro vacīsaṅkhāro cittasaṅkhāroti imesaṃ tiṇṇaṃ saṅkhārānaṃ tattha tattha paṭippassaddhiyā tathā viharitukāmena yathāvuttesu ṭhānesu vasībhāvappattena arahatā anāgāminā vā yathādhippetaṃ kālaṃ cittacetasikasantānassa sammadeva appavatti ādhātabbā, tassā tathā samādhātabbatā idha samādhānaṭṭho, tenāyaṃ vihāro samādhīti vutto, na avikkhepaṭṭhena. Etenassa samāpattiatthopi vuttoti veditabbo. Imañhi nirodhasamāpattiṃ sandhāya paṭisambhidāmagge –
‘‘гат̇ам̣ д̣̇вийхи б̣алзхи саманнааг̇ад̇ад̇д̇аа д̇ин̣н̣ам̣ сан̇каараанам̣ бадиббассад̣̇д̇хияаа сол̣асахи н̃аан̣ажарияаахи навахи самаад̇хижарияаахи васийбхаавад̇ааяа сан̃н̃аанирод̇хасамаабад̇д̇ияаа н̃аан̣а’’нд̇и (бади. ма. 1.83) –
‘‘Kathaṃ dvīhi balehi samannāgatattā tiṇṇaṃ saṅkhārānaṃ paṭippassaddhiyā soḷasahi ñāṇacariyāhi navahi samādhicariyāhi vasībhāvatāya saññānirodhasamāpattiyā ñāṇa’’nti (paṭi. ma. 1.83) –
бужчид̇ваа ‘‘д̣̇вийхи б̣алзхий’’д̇и д̣̇вз б̣алаани самат̇аб̣алам̣ вибассанааб̣аланд̇и вид̇т̇ааро. сааяам̣ нирод̇хасамаабад̇д̇игат̇аа висуд̣̇д̇химаг̇г̇з (висуд̣̇д̇хи. 2.867 аад̣̇аяо) сам̣ван̣н̣ид̇аава. гасмаа банааяам̣ т̇зро паласамаабад̇д̇им̣ асамаабаж̇ж̇ид̇ваа нирод̇хам̣ самаабаж̇ж̇и? сад̇д̇зсу анугамбааяа. аяан̃хи махаат̇зро саб̣б̣ааби самаабад̇д̇ияо вал̣ан̃ж̇зд̇и, сад̇д̇аануг̇г̇ахзна бана язбхуяязна нирод̇хам̣ самаабаж̇ж̇ад̇и. д̇ан̃хи самаабаж̇ж̇ид̇ваа вудтид̇асса гад̇о аббагоби саггааро висзсад̇о махабпало махаанисам̣со ход̇ийд̇и.
Pucchitvā ‘‘dvīhi balehī’’ti dve balāni samathabalaṃ vipassanābalanti vitthāro. Sāyaṃ nirodhasamāpattikathā visuddhimagge (visuddhi. 2.867 ādayo) saṃvaṇṇitāva. Kasmā panāyaṃ thero phalasamāpattiṃ asamāpajjitvā nirodhaṃ samāpajji? Sattesu anukampāya. Ayañhi mahāthero sabbāpi samāpattiyo vaḷañjeti, sattānuggahena pana yebhuyyena nirodhaṃ samāpajjati. Tañhi samāpajjitvā vuṭṭhitassa kato appakopi sakkāro visesato mahapphalo mahānisaṃso hotīti.
вудтаасийд̇и арахад̇д̇апалажид̇д̇уббад̇д̇ияаа вудтааси. нирод̇хам̣ самаабанно хи арахаа жз арахад̇д̇апаласса, анааг̇аамий жз анааг̇аамипаласса уббаад̣̇зна вудтид̇о наама ход̇и.
Vuṭṭhāsīti arahattaphalacittuppattiyā vuṭṭhāsi. Nirodhaṃ samāpanno hi arahā ce arahattaphalassa, anāgāmī ce anāgāmiphalassa uppādena vuṭṭhito nāma hoti.
д̇зна ко бана самаязна сагго д̣̇зваанаминд̣̇о ааяасмад̇о махаагассабасса бин̣д̣абаад̇ам̣ д̣̇аад̇угаамо ход̇ийд̇и гат̇ам̣ д̇асса д̣̇аад̇угаамад̇аа ж̇аад̇аа? яаани ‘‘д̇аани бан̃жамад̇д̇аани д̣̇звад̇аасад̇ааний’’д̇и вуд̇д̇аани, д̇аа саггасса д̣̇зваран̃н̃о барижааригаа гагудабаад̣̇инияо буб̣б̣з ‘‘аяяо махаагассабо рааж̇аг̇ахам̣ бин̣д̣ааяа бависад̇и, г̇ажчат̇а т̇зрасса д̣̇аанам̣ д̣̇зт̇аа’’д̇и саггзна бзсид̇аа убаг̇анд̇ваа д̣̇иб̣б̣аахаарам̣ д̣̇аад̇угаамаа тид̇аа т̇зрзна бадигкид̇д̇аа д̣̇звалогамзва г̇ад̇аа. ид̣̇аани буримаббадигкзбам̣ жинд̇зд̇ваа ‘‘гад̣̇аажи г̇ан̣хзяяаа’’д̇и самаабад̇д̇ид̇о вудтид̇асса т̇зрасса д̣̇аанам̣ д̣̇аад̇угаамаа саггасса анаарожзд̇ваа саяамзва ааг̇анд̇ваа д̣̇иб̣б̣абхож̇анаани убанзнд̇ияо буриманаязнзва т̇зрзна бадигкид̇д̇аа д̣̇звалогам̣ г̇анд̇ваа саггзна ‘‘гахам̣ г̇ад̇ад̇т̇аа’’д̇и будтаа д̇амад̇т̇ам̣ аарожзд̇ваа ‘‘д̣̇инно во т̇зрасса бин̣д̣абаад̇о’’д̇и саггзна вуд̇д̇з ‘‘г̇ан̣хид̇ум̣ на ижчад̇ий’’д̇и. ‘‘гим̣ гат̇зсий’’д̇и? ‘‘‘д̣̇уг̇г̇ад̇аанам̣ сан̇г̇ахам̣ гариссаамий’д̇и ааха, д̣̇зваа’’д̇и. ‘‘д̇умхз гзнаагаарзна г̇ад̇аа’’д̇и? ‘‘иминаава, д̣̇зваа’’д̇и. сагго ‘‘д̇умхаад̣̇исияо т̇зрасса бин̣д̣абаад̇ам̣ гим̣ д̣̇ассанд̇ий’’д̇и? саяам̣ д̣̇аад̇угаамо, ж̇арааж̇ин̣н̣о кан̣д̣ад̣̇анд̇о балид̇агзсо обхаг̇г̇асарийро махаллаго д̇анд̇авааяо худ̇ваа, суж̇амби асурад̇хийд̇арам̣ д̇ат̇ааруубимзва махаллигам̣ гад̇ваа, згам̣ бзсагааравийт̇им̣ маабзд̇ваа д̇анд̇ам̣ басаарзнд̇о ажчи, суж̇аа д̇асарам̣ буурзд̇и. д̇зна вуд̇д̇ам̣ – ‘‘д̇зна ко бана самаязна сагго д̣̇зваанаминд̣̇о…бз… д̇асарам̣ буурзд̇ий’’д̇и.
Tena kho pana samayena sakko devānamindo āyasmato mahākassapassa piṇḍapātaṃ dātukāmo hotīti kathaṃ tassa dātukāmatā jātā? Yāni ‘‘tāni pañcamattāni devatāsatānī’’ti vuttāni, tā sakkassa devarañño paricārikā kakuṭapādiniyo pubbe ‘‘ayyo mahākassapo rājagahaṃ piṇḍāya pavisati, gacchatha therassa dānaṃ dethā’’ti sakkena pesitā upagantvā dibbāhāraṃ dātukāmā ṭhitā therena paṭikkhittā devalokameva gatā. Idāni purimappaṭikkhepaṃ cintetvā ‘‘kadāci gaṇheyyā’’ti samāpattito vuṭṭhitassa therassa dānaṃ dātukāmā sakkassa anārocetvā sayameva āgantvā dibbabhojanāni upanentiyo purimanayeneva therena paṭikkhittā devalokaṃ gantvā sakkena ‘‘kahaṃ gatatthā’’ti puṭṭhā tamatthaṃ ārocetvā ‘‘dinno vo therassa piṇḍapāto’’ti sakkena vutte ‘‘gaṇhituṃ na icchatī’’ti. ‘‘Kiṃ kathesī’’ti? ‘‘‘Duggatānaṃ saṅgahaṃ karissāmī’ti āha, devā’’ti. ‘‘Tumhe kenākārena gatā’’ti? ‘‘Imināva, devā’’ti. Sakko ‘‘tumhādisiyo therassa piṇḍapātaṃ kiṃ dassantī’’ti? Sayaṃ dātukāmo, jarājiṇṇo khaṇḍadanto palitakeso obhaggasarīro mahallako tantavāyo hutvā, sujampi asuradhītaraṃ tathārūpimeva mahallikaṃ katvā, ekaṃ pesakāravīthiṃ māpetvā tantaṃ pasārento acchi, sujā tasaraṃ pūreti. Tena vuttaṃ – ‘‘tena kho pana samayena sakko devānamindo…pe… tasaraṃ pūretī’’ti.
д̇ад̇т̇а д̇анд̇ам̣ винаад̇ийд̇и басаарид̇ад̇анд̇ам̣ винанд̇о вияа ход̇и. д̇асарам̣ буурзд̇ийд̇и д̇асараваддим̣ вад̣дхзнд̇ий вияа. язна саггасса д̣̇зваанаминд̣̇асса нивзсанам̣ д̇знубасан̇гамийд̇и т̇зро ниваасзд̇ваа бад̇д̇ажийварамаад̣̇ааяа ‘‘д̣̇уг̇г̇ад̇аж̇анасан̇г̇ахам̣ гариссаамий’’д̇и наг̇араабхимуко г̇ажчанд̇о б̣ахинаг̇арз саггзна маабид̇ам̣ бзсагааравийт̇им̣ бадибаж̇ж̇ид̇ваа ологзнд̇о ад̣̇д̣̇аса олуг̇г̇авилуг̇г̇аж̇ин̣н̣асаалам̣ д̇ад̇т̇а жа д̇з ж̇ааяамбад̇игз яат̇аавуд̇д̇аруубз д̇анд̇авааяагаммам̣ гаронд̇з д̣̇исваа жинд̇зси – ‘‘имз махаллагагаалзби гаммам̣ гаронд̇и. имасмим̣ наг̇арз имзхи д̣̇уг̇г̇ад̇ад̇араа над̇т̇и ман̃н̃з. имзхи д̣̇иннам̣ саагамад̇д̇амби г̇ахзд̇ваа имзсам̣ сан̇г̇ахам̣ гариссаамий’’д̇и. со д̇зсам̣ г̇зхаабхимуко аг̇амааси. сагго д̇ам̣ ааг̇ажчанд̇ам̣ д̣̇исваа суж̇ам̣ ааха – ‘‘бхад̣̇д̣̇з, маяхам̣ аяяо ид̇о ааг̇ажчад̇и, д̇ам̣ д̇вам̣ абассанд̇ий вияа д̇ун̣хий худ̇ваа нисийд̣̇а. кан̣знзва ван̃жзд̇ваа бин̣д̣абаад̇ам̣ д̣̇ассаамаа’’д̇и т̇зро г̇анд̇ваа г̇зхад̣̇ваарз адтааси. д̇зби абассанд̇аа вияа ад̇д̇ано гаммамзва гаронд̇аа т̇огам̣ ааг̇амаяим̣су. ат̇а сагго ‘‘г̇зхад̣̇ваарз тид̇о зго т̇зро вияа кааяад̇и, убад̇хаарзхи д̇ааваа’’д̇и ааха. ‘‘д̇умхз г̇анд̇ваа убад̇хаарзт̇а, саамий’’д̇и. со г̇зхаа нигкамид̇ваа т̇зрам̣ бан̃жабад̇идтид̇зна ванд̣̇ид̇ваа убхохи хад̇т̇зхи ж̇ан̣н̣угаани олумб̣ид̇ваа нид̇т̇унанд̇о удтааяа ‘‘гад̇арад̇т̇зро ну ко аяяо’’д̇и т̇огам̣ осаггид̇ваа ‘‘агкийни мз д̇хуумааяанд̇ий’’д̇и вад̇ваа налаадз хад̇т̇ам̣ табзд̇ваа уд̣̇д̇хам̣ уллогзд̇ваа ‘‘ахо д̣̇угкам̣ аяяо но махаагассабад̇т̇зрова жирассам̣ мз гудид̣̇ваарам̣ ааг̇ад̇о. ад̇т̇и ну ко гин̃жи г̇зхз’’д̇и ааха. суж̇аа т̇огам̣ аагулаа вияа худ̇ваа ‘‘ад̇т̇и, саамий’’д̇и бадиважанам̣ ад̣̇ааси. сагго, ‘‘бханд̇з, луукам̣ ваа бан̣ийд̇ам̣ ваад̇и ажинд̇зд̇ваа сан̇г̇ахам̣ но гарот̇аа’’д̇и бад̇д̇ам̣ г̇ан̣хи. т̇зро бад̇д̇ам̣ д̣̇знд̇о ‘‘имзсам̣ зва д̣̇уг̇г̇ад̇аанам̣ ж̇арааж̇ин̣н̣аанам̣ маяаа сан̇г̇ахо гаад̇аб̣б̣о’’д̇и жинд̇зси. со анд̇о бависид̇ваа гхадиод̣̇анам̣ наама гхадид̇о уд̣̇д̇харид̇ваа, бад̇д̇ам̣ буурзд̇ваа, т̇зрасса хад̇т̇з табзси. д̇зна вуд̇д̇ам̣ – ‘‘ад̣̇д̣̇асаа ко сагго д̣̇зваанаминд̣̇о…бз… ад̣̇аасий’’д̇и.
Tattha tantaṃ vinātīti pasāritatantaṃ vinanto viya hoti. Tasaraṃ pūretīti tasaravaṭṭiṃ vaḍḍhentī viya. Yena sakkassa devānamindassa nivesanaṃ tenupasaṅkamīti thero nivāsetvā pattacīvaramādāya ‘‘duggatajanasaṅgahaṃ karissāmī’’ti nagarābhimukho gacchanto bahinagare sakkena māpitaṃ pesakāravīthiṃ paṭipajjitvā olokento addasa oluggaviluggajiṇṇasālaṃ tattha ca te jāyampatike yathāvuttarūpe tantavāyakammaṃ karonte disvā cintesi – ‘‘ime mahallakakālepi kammaṃ karonti. Imasmiṃ nagare imehi duggatatarā natthi maññe. Imehi dinnaṃ sākamattampi gahetvā imesaṃ saṅgahaṃ karissāmī’’ti. So tesaṃ gehābhimukho agamāsi. Sakko taṃ āgacchantaṃ disvā sujaṃ āha – ‘‘bhadde, mayhaṃ ayyo ito āgacchati, taṃ tvaṃ apassantī viya tuṇhī hutvā nisīda. Khaṇeneva vañcetvā piṇḍapātaṃ dassāmā’’ti thero gantvā gehadvāre aṭṭhāsi. Tepi apassantā viya attano kammameva karontā thokaṃ āgamayiṃsu. Atha sakko ‘‘gehadvāre ṭhito eko thero viya khāyati, upadhārehi tāvā’’ti āha. ‘‘Tumhe gantvā upadhāretha, sāmī’’ti. So gehā nikkhamitvā theraṃ pañcapatiṭṭhitena vanditvā ubhohi hatthehi jaṇṇukāni olumbitvā nitthunanto uṭṭhāya ‘‘kataratthero nu kho ayyo’’ti thokaṃ osakkitvā ‘‘akkhīni me dhūmāyantī’’ti vatvā nalāṭe hatthaṃ ṭhapetvā uddhaṃ ulloketvā ‘‘aho dukkhaṃ ayyo no mahākassapattherova cirassaṃ me kuṭidvāraṃ āgato. Atthi nu kho kiñci gehe’’ti āha. Sujā thokaṃ ākulā viya hutvā ‘‘atthi, sāmī’’ti paṭivacanaṃ adāsi. Sakko, ‘‘bhante, lūkhaṃ vā paṇītaṃ vāti acintetvā saṅgahaṃ no karothā’’ti pattaṃ gaṇhi. Thero pattaṃ dento ‘‘imesaṃ eva duggatānaṃ jarājiṇṇānaṃ mayā saṅgaho kātabbo’’ti cintesi. So anto pavisitvā ghaṭiodanaṃ nāma ghaṭito uddharitvā, pattaṃ pūretvā, therassa hatthe ṭhapesi. Tena vuttaṃ – ‘‘addasā kho sakko devānamindo…pe… adāsī’’ti.
д̇ад̇т̇а гхадияаад̇и бхад̇д̇агхадид̇о. ‘‘гхадиод̣̇ана’’нд̇иби баато, д̇асса гхадиод̣̇анам̣ наама д̣̇зваанам̣ гожи аахаарависзсод̇и ад̇т̇ам̣ вад̣̇анд̇и. уд̣̇д̇харид̇ваад̇и гуд̇ожи бхааж̇анад̇о уд̣̇д̇харид̇ваа. анзгасуубо со зва аахааро бад̇д̇з багкибид̇ваа т̇зрасса хад̇т̇з табанагаалз габан̣аанам̣ убагаббанагалуукаахааро вияа бан̃н̃ааяид̇т̇а, хад̇т̇з табид̇амад̇д̇з бана ад̇д̇ано д̣̇иб̣б̣асабхаавзнзва адтааси. анзгасуубод̇и муг̇г̇амаасаад̣̇исуубзхи жзва каж̇ж̇авигад̇ийхи жа анзгавид̇хасуубо. анзгаб̣яан̃ж̇анод̇и наанаавид̇хауд̇д̇арибхан̇г̇о. анзгарасаб̣яан̃ж̇анод̇и анзгзхи суубзхи жзва б̣яан̃ж̇анзхи жа мад̇хураад̣̇имууларасаанан̃жзва самбхиннарасаанан̃жа абхиб̣яан̃ж̇аго, наанаг̇г̇арасасуубаб̣яан̃ж̇анод̇и ад̇т̇о.
Tattha ghaṭiyāti bhattaghaṭito. ‘‘Ghaṭiodana’’ntipi pāṭho, tassa ghaṭiodanaṃ nāma devānaṃ koci āhāravisesoti atthaṃ vadanti. Uddharitvāti kutoci bhājanato uddharitvā. Anekasūpo so eva āhāro patte pakkhipitvā therassa hatthe ṭhapanakāle kapaṇānaṃ upakappanakalūkhāhāro viya paññāyittha, hatthe ṭhapitamatte pana attano dibbasabhāveneva aṭṭhāsi. Anekasūpoti muggamāsādisūpehi ceva khajjavikatīhi ca anekavidhasūpo. Anekabyañjanoti nānāvidhauttaribhaṅgo. Anekarasabyañjanoti anekehi sūpehi ceva byañjanehi ca madhurādimūlarasānañceva sambhinnarasānañca abhibyañjako, nānaggarasasūpabyañjanoti attho.
со гира бин̣д̣абаад̇о т̇зрасса хад̇т̇з табид̇агаалз рааж̇аг̇аханаг̇арам̣ ад̇д̇ано д̣̇иб̣б̣аг̇анд̇хзна аж̇жход̇т̇ари, д̇ад̇о т̇зро жинд̇зси – ‘‘аяам̣ бурисо аббзсагко, бин̣д̣абаад̇о ад̇ивияа бан̣ийд̇о саггасса бхож̇анасад̣̇исо. го ну ко зсо’’д̇и? ат̇а нам̣ ‘‘сагго’’д̇и н̃ад̇ваа ааха – ‘‘бхаарияам̣ д̇з, госияа, гаммам̣ гад̇ам̣ д̣̇уг̇г̇ад̇аанам̣ самбад̇д̇им̣ вилумбанд̇зна, аж̇ж̇а маяхам̣ д̣̇аанам̣ д̣̇ад̇ваа гожид̣̇зва д̣̇уг̇г̇ад̇о сзнаабад̇идтаанам̣ ваа сздтидтаанам̣ ваа лабхзяяаа’’д̇и. ‘‘го маяаа д̣̇уг̇г̇ад̇ад̇аро ад̇т̇и, бханд̇з’’д̇и? ‘‘гат̇ам̣ д̇вам̣ д̣̇уг̇г̇ад̇о д̣̇звараж̇ж̇асирим̣ анубхаванд̇о’’д̇и? ‘‘бханд̇з, звам̣ наамзд̇ам̣, маяаа бана ануббаннз б̣уд̣̇д̇хз галяаан̣агаммам̣ гад̇ам̣, б̣уд̣̇д̇хуббаад̣̇з бана вад̇д̇амаанз бун̃н̃агаммам̣ гад̇ваа жуул̣арат̇ад̣̇звабуд̇д̇о махаарат̇ад̣̇звабуд̇д̇о анзгаван̣н̣ад̣̇звабуд̇д̇од̇и имз д̇аяо д̣̇звабуд̇д̇аа мамаасаннадтаанз ниб̣б̣ад̇д̇аа махаад̇зж̇аванд̇ад̇араа. ахам̣ д̇зсу д̣̇звабуд̇д̇зсу ‘нагкад̇д̇ам̣ гийл̣иссаамаа’д̇и барижааригааяо г̇ахзд̇ваа анд̇аравийт̇им̣ од̇ин̣н̣зсу балааяид̇ваа г̇зхам̣ бависаами. д̇зсан̃хи сарийрад̇о д̇зж̇о мама сарийрам̣ од̇т̇арад̇и, мама сарийрад̇о д̇зж̇о д̇зсам̣ сарийрам̣ на од̇т̇арад̇и. го маяаа д̣̇уг̇г̇ад̇ад̇аро, бханд̇з’’д̇и? ‘‘звам̣ санд̇зби ид̇о бадтааяа маяхам̣ маа звам̣ ван̃жзд̇ваа д̣̇аанамад̣̇аасий’’д̇и. ‘‘ван̃жзд̇ваа д̇умхаагам̣ д̣̇аанз д̣̇иннз маяхам̣ гусалам̣ ад̇т̇и над̇т̇ий’’д̇и? ‘‘ад̇т̇и, аавусо’’д̇и. ‘‘звам̣ санд̇з гусалагаран̣ам̣ наама маяхам̣ бхааро, бханд̇з’’д̇и вад̇ваа т̇зрам̣ ванд̣̇ид̇ваа суж̇ам̣ аад̣̇ааяа т̇зрам̣ бад̣̇агкин̣ам̣ гад̇ваа, взхаасам̣ аб̣бхуг̇г̇анд̇ваа ‘‘ахо д̣̇аанам̣ барамад̣̇аанам̣, гассабз суббад̇идтид̇а’’нд̇и д̇игкад̇д̇ум̣ уд̣̇аанам̣ уд̣̇аанзси. д̇зна вуд̇д̇ам̣ ‘‘ат̇а ко ааяасмад̇о махаагассабасса зд̇ад̣̇ахосий’’д̇иаад̣̇и.
So kira piṇḍapāto therassa hatthe ṭhapitakāle rājagahanagaraṃ attano dibbagandhena ajjhotthari, tato thero cintesi – ‘‘ayaṃ puriso appesakkho, piṇḍapāto ativiya paṇīto sakkassa bhojanasadiso. Ko nu kho eso’’ti? Atha naṃ ‘‘sakko’’ti ñatvā āha – ‘‘bhāriyaṃ te, kosiya, kammaṃ kataṃ duggatānaṃ sampattiṃ vilumpantena, ajja mayhaṃ dānaṃ datvā kocideva duggato senāpatiṭṭhānaṃ vā seṭṭhiṭṭhānaṃ vā labheyyā’’ti. ‘‘Ko mayā duggatataro atthi, bhante’’ti? ‘‘Kathaṃ tvaṃ duggato devarajjasiriṃ anubhavanto’’ti? ‘‘Bhante, evaṃ nāmetaṃ, mayā pana anuppanne buddhe kalyāṇakammaṃ kataṃ, buddhuppāde pana vattamāne puññakammaṃ katvā cūḷarathadevaputto mahārathadevaputto anekavaṇṇadevaputtoti ime tayo devaputtā mamāsannaṭṭhāne nibbattā mahātejavantatarā. Ahaṃ tesu devaputtesu ‘nakkhattaṃ kīḷissāmā’ti paricārikāyo gahetvā antaravīthiṃ otiṇṇesu palāyitvā gehaṃ pavisāmi. Tesañhi sarīrato tejo mama sarīraṃ ottharati, mama sarīrato tejo tesaṃ sarīraṃ na ottharati. Ko mayā duggatataro, bhante’’ti? ‘‘Evaṃ santepi ito paṭṭhāya mayhaṃ mā evaṃ vañcetvā dānamadāsī’’ti. ‘‘Vañcetvā tumhākaṃ dāne dinne mayhaṃ kusalaṃ atthi natthī’’ti? ‘‘Atthi, āvuso’’ti. ‘‘Evaṃ sante kusalakaraṇaṃ nāma mayhaṃ bhāro, bhante’’ti vatvā theraṃ vanditvā sujaṃ ādāya theraṃ padakkhiṇaṃ katvā, vehāsaṃ abbhuggantvā ‘‘aho dānaṃ paramadānaṃ, kassape suppatiṭṭhita’’nti tikkhattuṃ udānaṃ udānesi. Tena vuttaṃ ‘‘atha kho āyasmato mahākassapassa etadahosī’’tiādi.
д̇ад̇т̇а госияаад̇и саггам̣ д̣̇зваанаминд̣̇ам̣ г̇од̇д̇зна аалабад̇и. бун̃н̃зна ад̇т̇од̇и бун̃н̃зна баяож̇анам̣. ад̇т̇ийд̇и важанасзсо. взхаасам̣ аб̣бхуг̇г̇анд̇ваад̇и бат̇авид̇о взхаасам̣ абхиуг̇г̇анд̇ваа. аагаасз анд̇алигкзд̇и аагаасамзва барияааяасад̣̇д̣̇зна анд̇алигкзд̇и вад̣̇анд̇и. ат̇а ваа анд̇алигкасан̇каад̇з аагаасз на гасин̣уг̇гхаадимаад̣̇иаагаасзд̇и висзсзнд̇о вад̣̇ад̇и. ахо д̣̇аананд̇и зд̇т̇а аход̇и ажчарияад̇т̇з нибаад̇о. сагго хи д̣̇зваанаминд̣̇о, ‘‘яасмаа нирод̇хаа вудтид̇асса аяяасса махаагассабад̇т̇зрасса саггажжам̣ сахад̇т̇зна жид̇д̇ийгад̇ваа анабавид̣̇д̇хам̣ гаалзна барзсам̣ анубахажжа, саммаад̣̇идтим̣ бурагкад̇ваа ид̣̇амийд̣̇исам̣ маяаа д̣̇иб̣б̣абхож̇анад̣̇аанам̣ д̣̇иннам̣, д̇асмаа кзд̇д̇асамбад̇д̇и д̣̇зяяад̇хаммасамбад̇д̇и жид̇д̇асамбад̇д̇ийд̇и, д̇ивид̇хааяаби самбад̇д̇ияаа саманнааг̇ад̇ад̇д̇аа саб̣б̣ан̇г̇асамбаннам̣ вад̇а маяаа д̣̇аанам̣ бавад̇д̇ид̇а’’нд̇и ажчарияаб̣бхуд̇ажид̇д̇аж̇аад̇о д̇ад̣̇аа ад̇д̇ано хад̣̇аяаб̣бханд̇араг̇ад̇ам̣ бийд̇исоманассам̣ самуг̇г̇иранд̇о ‘‘ахо д̣̇аана’’нд̇и вад̇ваа д̇асса д̣̇аанасса вуд̇д̇анаязна уд̇д̇амад̣̇аанабхаавам̣ кзд̇д̇ан̇г̇ад̇абхааван̃жа багаасзнд̇о ‘‘барамад̣̇аанам̣ гассабз суббад̇идтид̇а’’нд̇и уд̣̇аанам̣ уд̣̇аанзси.
Tattha kosiyāti sakkaṃ devānamindaṃ gottena ālapati. Puññena atthoti puññena payojanaṃ. Atthīti vacanaseso. Vehāsaṃ abbhuggantvāti pathavito vehāsaṃ abhiuggantvā. Ākāse antalikkheti ākāsameva pariyāyasaddena antalikkheti vadanti. Atha vā antalikkhasaṅkhāte ākāse na kasiṇugghāṭimādiākāseti visesento vadati. Aho dānanti ettha ahoti acchariyatthe nipāto. Sakko hi devānamindo, ‘‘yasmā nirodhā vuṭṭhitassa ayyassa mahākassapattherassa sakkaccaṃ sahatthena cittīkatvā anapaviddhaṃ kālena paresaṃ anupahacca, sammādiṭṭhiṃ purakkhatvā idamīdisaṃ mayā dibbabhojanadānaṃ dinnaṃ, tasmā khettasampatti deyyadhammasampatti cittasampattīti, tividhāyapi sampattiyā samannāgatattā sabbaṅgasampannaṃ vata mayā dānaṃ pavattita’’nti acchariyabbhutacittajāto tadā attano hadayabbhantaragataṃ pītisomanassaṃ samuggiranto ‘‘aho dāna’’nti vatvā tassa dānassa vuttanayena uttamadānabhāvaṃ khettaṅgatabhāvañca pakāsento ‘‘paramadānaṃ kassape suppatiṭṭhita’’nti udānaṃ udānesi.
звам̣ бана саггасса уд̣̇аанзнд̇асса бхаг̇аваа вихаарз тид̇оязва д̣̇иб̣б̣асод̇зна сад̣̇д̣̇ам̣ суд̇ваа ‘‘бассат̇а, бхигкавз, саггам̣ д̣̇зваанаминд̣̇ам̣ уд̣̇аанам̣ уд̣̇аанзд̇ваа аагаасзна г̇ажчанд̇а’’нд̇и бхигкуунам̣ вад̇ваа д̇зхи ‘‘гим̣ бана, бханд̇з, д̇зна гад̇а’’нд̇и будто ‘‘мама буд̇д̇асса гассабасса ван̃жзд̇ваа д̣̇аанам̣ ад̣̇ааси, д̇зна жа ад̇д̇амано уд̣̇аанзсий’’д̇и ааха. д̇зна вуд̇д̇ам̣ ‘‘ассоси ко бхаг̇аваа д̣̇иб̣б̣ааяа сод̇ад̇хаад̇уяаа’’д̇иаад̣̇и.
Evaṃ pana sakkassa udānentassa bhagavā vihāre ṭhitoyeva dibbasotena saddaṃ sutvā ‘‘passatha, bhikkhave, sakkaṃ devānamindaṃ udānaṃ udānetvā ākāsena gacchanta’’nti bhikkhūnaṃ vatvā tehi ‘‘kiṃ pana, bhante, tena kata’’nti puṭṭho ‘‘mama puttassa kassapassa vañcetvā dānaṃ adāsi, tena ca attamano udānesī’’ti āha. Tena vuttaṃ ‘‘assosi kho bhagavā dibbāya sotadhātuyā’’tiādi.
д̇ад̇т̇а д̣̇иб̣б̣ааяа сод̇ад̇хаад̇уяаад̇и д̣̇иб̣б̣асад̣̇исад̇д̇аа д̣̇иб̣б̣аа. д̣̇звад̇аанан̃хи сужарид̇агамманиб̣б̣ад̇д̇аа бид̇д̇асзмхарухираад̣̇ийхи абалиб̣уд̣̇д̇хаа убаггилзсавинимуд̇д̇ад̇ааяа д̣̇уурзби аарамман̣ам̣ г̇ахзд̇ум̣ самад̇т̇аа д̣̇иб̣б̣абасаад̣̇асод̇ад̇хаад̇у ход̇и. аяан̃жааби бхаг̇авад̇о вийрияабхааванааб̣аланиб̣б̣ад̇д̇аа н̃аан̣амаяаа сод̇ад̇хаад̇у д̇аад̣̇исаа зваад̇и д̣̇иб̣б̣асад̣̇исад̇д̇аа д̣̇иб̣б̣аа. аби жа д̣̇иб̣б̣авихааравасзна бадилад̣̇д̇хад̇д̇аа ад̇д̇анаа жа д̣̇иб̣б̣авихаарасанниссид̇ад̇д̇ааби д̣̇иб̣б̣аа. саванадтзна жа сабхаавад̇хааран̣адтзна жа сод̇ад̇хаад̇у, сод̇ад̇хаад̇уяааби гижжагаран̣зна сод̇ад̇хаад̇у вияаад̇и сод̇ад̇хаад̇у, д̇ааяа д̣̇иб̣б̣ааяа сод̇ад̇хаад̇уяаа. висуд̣̇д̇хааяаад̇и барисуд̣̇д̇хааяа нирубаггилзсааяа. ад̇игганд̇амаанусигааяаад̇и мануссуубажаарам̣ ад̇иггамид̇ваа сад̣̇д̣̇ассаванзна маанусигамам̣сасод̇ад̇хаад̇ум̣ ад̇иггамид̇ваа тид̇ааяа.
Tattha dibbāya sotadhātuyāti dibbasadisattā dibbā. Devatānañhi sucaritakammanibbattā pittasemharuhirādīhi apalibuddhā upakkilesavinimuttatāya dūrepi ārammaṇaṃ gahetuṃ samatthā dibbapasādasotadhātu hoti. Ayañcāpi bhagavato vīriyabhāvanābalanibbattā ñāṇamayā sotadhātu tādisā evāti dibbasadisattā dibbā. Api ca dibbavihāravasena paṭiladdhattā attanā ca dibbavihārasannissitattāpi dibbā. Savanaṭṭhena ca sabhāvadhāraṇaṭṭhena ca sotadhātu, sotadhātuyāpi kiccakaraṇena sotadhātu viyāti sotadhātu, tāya dibbāya sotadhātuyā. Visuddhāyāti parisuddhāya nirupakkilesāya. Atikkantamānusikāyāti manussūpacāraṃ atikkamitvā saddassavanena mānusikamaṃsasotadhātuṃ atikkamitvā ṭhitāya.
зд̇амад̇т̇ам̣ вид̣̇ид̇ваад̇и ‘‘саммаабадибад̇д̇ияаа г̇ун̣ависзсз бад̇идтид̇ам̣ бурисаад̇исаяам̣ д̣̇звааби мануссааби аад̣̇араж̇аад̇аа ад̇ивияа бихаяанд̇ий’’д̇и имамад̇т̇ам̣ вид̣̇ид̇ваа д̇ад̣̇ад̇т̇ад̣̇ийбанам̣ имам̣ уд̣̇аанам̣ уд̣̇аанзси.
Etamatthaṃ viditvāti ‘‘sammāpaṭipattiyā guṇavisese patiṭṭhitaṃ purisātisayaṃ devāpi manussāpi ādarajātā ativiya pihayantī’’ti imamatthaṃ viditvā tadatthadīpanaṃ imaṃ udānaṃ udānesi.
д̇ад̇ра бин̣д̣абаад̇иган̇г̇асан̇каад̇ам̣ д̇худ̇ан̇г̇ам̣ самаад̣̇ааяа д̇асса барибууран̣зна бин̣д̣абаад̇игасса. нану жааяам̣ г̇аат̇аа ааяасманд̇ам̣ махаагассабам̣ нимид̇д̇ам̣ гад̇ваа бхаасид̇аа, т̇зро жа саб̣б̣зсам̣ д̇худ̇аваад̣̇аанам̣ аг̇г̇о д̇зрасад̇худ̇ан̇г̇ад̇харо, со гасмаа згзнзва д̇худ̇ан̇г̇зна гид̇д̇ид̇од̇и? адтуббад̇д̇ивасзнааяам̣ нид̣̇д̣̇зсо. ат̇а ваа д̣̇зсанаамад̇д̇амзд̇ам̣, иминаа д̣̇зсанаасийсзна саб̣б̣збисса д̇худ̇ан̇г̇аа вуд̇д̇аад̇и взд̣̇ид̇аб̣б̣аа. ат̇а ваа ‘‘яат̇ааби бхамаро бубпа’’нд̇и (д̇ха. ба. 49) г̇аат̇ааяа вуд̇д̇анаязна барамаббижчад̇ааяа гулаануд̣̇д̣̇аяад̇ааяа жасса саб̣б̣ам̣ бин̣д̣абаад̇игавад̇д̇ам̣ агкан̣д̣зд̇ваа д̇ад̇т̇а саад̇исаяам̣ бадибад̇д̇ияаа багаасанад̇т̇ам̣ ‘‘бин̣д̣абаад̇игассаа’’д̇и вуд̇д̇ам̣. бин̣д̣абаад̇игассаад̇и жа бихаяанд̇ийд̇и бад̣̇ам̣ абзгкид̇ваа самбад̣̇аанаважанам̣, д̇ам̣ убаяог̇ад̇т̇з д̣̇адтаб̣б̣ам̣. ад̇д̇абхарассаад̇и ‘‘аббаани жа д̇аани сулабхаани анаваж̇ж̇ааний’’д̇и (а. ни. 4.27; ид̇иву. 101) звам̣ вуд̇д̇зхи аббаанаваж̇ж̇асулабхаруубзхи жад̇уухи бажжаязхи ад̇д̇аанамзва бхаранд̇асса. анан̃н̃абосинод̇и аамисасан̇г̇ан̣ханзна ан̃н̃з сиссаад̣̇игз босзд̇ум̣ ануссуггад̇ааяа анан̃н̃абосино. бад̣̇ад̣̇ваязнасса гааяабарихааригзна жийварзна гужчибарихааригзна бин̣д̣абаад̇зна вижаран̣ад̇о саллахугавуд̇д̇ид̇ам̣ субхарад̇ам̣ бараман̃жа санд̇удтим̣ д̣̇ассзд̇и. ат̇а ваа ад̇д̇абхарассаад̇и згаважанижчааяа ад̇д̇абхаавасан̇каад̇ам̣ згам̣язва имам̣ ад̇д̇аанам̣ бхарад̇и, на ид̇о барам̣ ан̃н̃анд̇и ад̇д̇абхаро, д̇ад̇о зва ад̇д̇анаа ан̃н̃асса босзд̇аб̣б̣асса абхаавад̇о анан̃н̃абосий, д̇асса ад̇д̇абхарасса анан̃н̃абосино. бад̣̇ад̣̇ваязнаби кийн̣аасавабхаавзна ааяад̇им̣ анаад̣̇аанад̇ам̣ д̣̇ассзд̇и.
Tatra piṇḍapātikaṅgasaṅkhātaṃ dhutaṅgaṃ samādāya tassa paripūraṇena piṇḍapātikassa. Nanu cāyaṃ gāthā āyasmantaṃ mahākassapaṃ nimittaṃ katvā bhāsitā, thero ca sabbesaṃ dhutavādānaṃ aggo terasadhutaṅgadharo, so kasmā ekeneva dhutaṅgena kittitoti? Aṭṭhuppattivasenāyaṃ niddeso. Atha vā desanāmattametaṃ, iminā desanāsīsena sabbepissa dhutaṅgā vuttāti veditabbā. Atha vā ‘‘yathāpi bhamaro puppha’’nti (dha. pa. 49) gāthāya vuttanayena paramappicchatāya kulānuddayatāya cassa sabbaṃ piṇḍapātikavattaṃ akkhaṇḍetvā tattha sātisayaṃ paṭipattiyā pakāsanatthaṃ ‘‘piṇḍapātikassā’’ti vuttaṃ. Piṇḍapātikassāti ca pihayantīti padaṃ apekkhitvā sampadānavacanaṃ, taṃ upayogatthe daṭṭhabbaṃ. Attabharassāti ‘‘appāni ca tāni sulabhāni anavajjānī’’ti (a. ni. 4.27; itivu. 101) evaṃ vuttehi appānavajjasulabharūpehi catūhi paccayehi attānameva bharantassa. Anaññaposinoti āmisasaṅgaṇhanena aññe sissādike posetuṃ anussukkatāya anaññaposino. Padadvayenassa kāyaparihārikena cīvarena kucchiparihārikena piṇḍapātena vicaraṇato sallahukavuttitaṃ subharataṃ paramañca santuṭṭhiṃ dasseti. Atha vā attabharassāti ekavacanicchāya attabhāvasaṅkhātaṃ ekaṃyeva imaṃ attānaṃ bharati, na ito paraṃ aññanti attabharo, tato eva attanā aññassa posetabbassa abhāvato anaññaposī, tassa attabharassa anaññaposino. Padadvayenapi khīṇāsavabhāvena āyatiṃ anādānataṃ dasseti.
д̣̇зваа бихаяанд̇и…бз… сад̇иймад̇од̇и д̇ам̣ аг̇г̇апалаад̇хиг̇амзна саб̣б̣агилзсад̣̇арат̇абарил̣аахаанам̣ вуубасамзна бадиббассад̣̇д̇хияаа убасанд̇ам̣, сад̇ивзбуллаббад̇д̇ияаа нижжагаалам̣ сад̇огаарид̇ааяа сад̇иманд̇ам̣, д̇ад̇о зва идтаанидтаад̣̇ийсу д̇аад̣̇илагкан̣аббад̇д̇ам̣ кийн̣аасавам̣ саггаад̣̇аяо д̣̇зваа бихаяанд̇и бад̇т̇знд̇и, д̇асса сийлаад̣̇иг̇ун̣ависзсзсу б̣ахумаанам̣ уббаад̣̇знд̇аа аад̣̇арам̣ ж̇анзнд̇и, баг̇зва мануссаад̇и.
Devāpihayanti…pe… satīmatoti taṃ aggaphalādhigamena sabbakilesadarathapariḷāhānaṃ vūpasamena paṭippassaddhiyā upasantaṃ, sativepullappattiyā niccakālaṃ satokāritāya satimantaṃ, tato eva iṭṭhāniṭṭhādīsu tādilakkhaṇappattaṃ khīṇāsavaṃ sakkādayo devā pihayanti patthenti, tassa sīlādiguṇavisesesu bahumānaṃ uppādentā ādaraṃ janenti, pageva manussāti.
сад̇д̇амасуд̇д̇аван̣н̣анаа нидтид̇аа.
Sattamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / уд̣̇аанабаал̣и • Udānapāḷi / 7. саггуд̣̇аанасуд̇д̇ам̣ • 7. Sakkudānasuttaṃ
