| Library / Tipiṭaka / д̇ибидага • Tipiṭaka / т̇зрийг̇аат̇аа-адтагат̇аа • Therīgāthā-aṭṭhakathā |
7. сагулаат̇зрийг̇аат̇ааван̣н̣анаа
7. Sakulātherīgāthāvaṇṇanā
аг̇аарасмим̣ васанд̇ийд̇иаад̣̇игаа сагулааяа т̇зрияаа г̇аат̇аа. аяам̣ гира бад̣̇умуд̇д̇арасса бхаг̇авад̇о гаалз хам̣савад̇ийнаг̇арз аананд̣̇асса ран̃н̃о д̇хийд̇аа худ̇ваа ниб̣б̣ад̇д̇аа, сад̇т̇у взмаад̇игабхаг̇иний нанд̣̇аад̇и наамзна. саа вин̃н̃уд̇ам̣ бад̇ваа згад̣̇ивасам̣ сад̇т̇у санд̇игз д̇хаммам̣ сун̣анд̇ий сад̇т̇аараа згам̣ бхигкуним̣ д̣̇иб̣б̣ажагкугаанам̣ аг̇г̇адтаанз табзнд̇ам̣ д̣̇исваа уссаахаж̇аад̇аа ад̇хигаарагаммам̣ гад̇ваа саяамби д̇ам̣ таананд̇арам̣ бад̇т̇знд̇ий бан̣ид̇хаанамагааси. саа д̇ад̇т̇а яааваж̇ийвам̣ б̣ахум̣ ул̣аарам̣ гусалагаммам̣ гад̇ваа д̣̇звалогз ниб̣б̣ад̇д̇ид̇ваа абараабарам̣ суг̇ад̇ийсуязва сам̣саранд̇ий гассабасса бхаг̇авад̇о гаалз б̣раахман̣агулз ниб̣б̣ад̇д̇ид̇ваа бариб̣б̣ааж̇агабаб̣б̣аж̇ж̇ам̣ баб̣б̣аж̇ид̇ваа згажаариний вижаранд̇ий згад̣̇ивасам̣ д̇злабхигкааяа аахин̣д̣ид̇ваа д̇злам̣ лабхид̇ваа д̇зна д̇злзна сад̇т̇у жзд̇ияз саб̣б̣арад̇д̇им̣ д̣̇ийбабууж̇ам̣ агааси. саа д̇ад̇о жуд̇аа д̇аавад̇им̣сз ниб̣б̣ад̇д̇ид̇ваа сувисуд̣̇д̇хад̣̇иб̣б̣ажагкугаа худ̇ваа згам̣ б̣уд̣̇д̇ханд̇арам̣ д̣̇звзсуязва сам̣сарид̇ваа имасмим̣ б̣уд̣̇д̇хуббаад̣̇з саавад̇т̇ияам̣ б̣раахман̣агулз ниб̣б̣ад̇д̇и. сагулаад̇иссаа наамам̣ ахоси. саа вин̃н̃уд̇ам̣ бад̇д̇аа сад̇т̇у ж̇зд̇аванабадиг̇г̇ахан̣з бадилад̣̇д̇хасад̣̇д̇хаа убаасигаа худ̇ваа абарабхааг̇з ан̃н̃ад̇арасса кийн̣аасавад̇т̇зрасса санд̇игз д̇хаммам̣ суд̇ваа сан̃ж̇аад̇асам̣взг̇аа баб̣б̣аж̇ид̇ваа вибассанам̣ бадтабзд̇ваа гхадзнд̇ий вааяаманд̇ий на жирассзва арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зрий 2.3.131-165) –
Agārasmiṃvasantītiādikā sakulāya theriyā gāthā. Ayaṃ kira padumuttarassa bhagavato kāle haṃsavatīnagare ānandassa rañño dhītā hutvā nibbattā, satthu vemātikabhaginī nandāti nāmena. Sā viññutaṃ patvā ekadivasaṃ satthu santike dhammaṃ suṇantī satthārā ekaṃ bhikkhuniṃ dibbacakkhukānaṃ aggaṭṭhāne ṭhapentaṃ disvā ussāhajātā adhikārakammaṃ katvā sayampi taṃ ṭhānantaraṃ patthentī paṇidhānamakāsi. Sā tattha yāvajīvaṃ bahuṃ uḷāraṃ kusalakammaṃ katvā devaloke nibbattitvā aparāparaṃ sugatīsuyeva saṃsarantī kassapassa bhagavato kāle brāhmaṇakule nibbattitvā paribbājakapabbajjaṃ pabbajitvā ekacārinī vicarantī ekadivasaṃ telabhikkhāya āhiṇḍitvā telaṃ labhitvā tena telena satthu cetiye sabbarattiṃ dīpapūjaṃ akāsi. Sā tato cutā tāvatiṃse nibbattitvā suvisuddhadibbacakkhukā hutvā ekaṃ buddhantaraṃ devesuyeva saṃsaritvā imasmiṃ buddhuppāde sāvatthiyaṃ brāhmaṇakule nibbatti. Sakulātissā nāmaṃ ahosi. Sā viññutaṃ pattā satthu jetavanapaṭiggahaṇe paṭiladdhasaddhā upāsikā hutvā aparabhāge aññatarassa khīṇāsavattherassa santike dhammaṃ sutvā sañjātasaṃvegā pabbajitvā vipassanaṃ paṭṭhapetvā ghaṭentī vāyamantī na cirasseva arahattaṃ pāpuṇi. Tena vuttaṃ apadāne (apa. therī 2.3.131-165) –
‘‘бад̣̇умуд̇д̇аро наама ж̇ино, саб̣б̣ад̇хаммаана баараг̇уу;
‘‘Padumuttaro nāma jino, sabbadhammāna pāragū;
ид̇о сад̇асахассамхи, габбз уббаж̇ж̇и нааяаго.
Ito satasahassamhi, kappe uppajji nāyako.
‘‘хид̇ааяа саб̣б̣асад̇д̇аанам̣, сукааяа вад̣̇ад̇ам̣ варо;
‘‘Hitāya sabbasattānaṃ, sukhāya vadataṃ varo;
ад̇т̇ааяа бурисааж̇ан̃н̃о, бадибанно сад̣̇звагз.
Atthāya purisājañño, paṭipanno sadevake.
‘‘яасаг̇г̇абад̇д̇о сиримаа, гид̇д̇иван̣н̣аг̇ад̇о ж̇ино;
‘‘Yasaggapatto sirimā, kittivaṇṇagato jino;
бууж̇ид̇о саб̣б̣алогасса, д̣̇исаа саб̣б̣аасу виссуд̇о.
Pūjito sabbalokassa, disā sabbāsu vissuto.
‘‘уд̇д̇ин̣н̣авижигижчо со, вийд̇ивад̇д̇агат̇ам̣гат̇о;
‘‘Uttiṇṇavicikiccho so, vītivattakathaṃkatho;
самбун̣н̣аманасан̇габбо, бад̇д̇о самб̣од̇химуд̇д̇амам̣.
Sampuṇṇamanasaṅkappo, patto sambodhimuttamaṃ.
‘‘ануббаннасса маг̇г̇асса, уббаад̣̇зд̇аа наруд̇д̇амо;
‘‘Anuppannassa maggassa, uppādetā naruttamo;
анагкаад̇ан̃жа агкааси, асан̃ж̇аад̇ан̃жа сан̃ж̇аний.
Anakkhātañca akkhāsi, asañjātañca sañjanī.
‘‘маг̇г̇ан̃н̃уу жа маг̇г̇авид̣̇уу, маг̇г̇агкааяий нараасабхо;
‘‘Maggaññū ca maggavidū, maggakkhāyī narāsabho;
маг̇г̇асса гусало сад̇т̇аа, саарат̇ийнам̣ варуд̇д̇амо.
Maggassa kusalo satthā, sārathīnaṃ varuttamo.
‘‘махаагаарун̣иго сад̇т̇аа, д̇хаммам̣ д̣̇зсзд̇и нааяаго;
‘‘Mahākāruṇiko satthā, dhammaṃ deseti nāyako;
нимуг̇г̇з гаамабан̇гамхи, самуд̣̇д̇харад̇и баан̣инз.
Nimugge kāmapaṅkamhi, samuddharati pāṇine.
‘‘д̇ад̣̇аахам̣ хам̣савад̇ияам̣, ж̇аад̇аа кад̇д̇ияананд̣̇анаа;
‘‘Tadāhaṃ haṃsavatiyaṃ, jātā khattiyanandanā;
суруубаа сад̇ханаа жааби, д̣̇аяид̇аа жа сириймад̇ий.
Surūpā sadhanā cāpi, dayitā ca sirīmatī.
‘‘аананд̣̇асса махааран̃н̃о, д̇хийд̇аа барамасобханаа;
‘‘Ānandassa mahārañño, dhītā paramasobhanā;
взмаад̇аа бхаг̇иний жааби, бад̣̇умуд̇д̇аранаамино.
Vemātā bhaginī cāpi, padumuttaranāmino.
‘‘рааж̇аган̃н̃аахи сахид̇аа, саб̣б̣аабхаран̣абхуусид̇аа;
‘‘Rājakaññāhi sahitā, sabbābharaṇabhūsitā;
убааг̇амма махаавийрам̣, ассосим̣ д̇хаммад̣̇зсанам̣.
Upāgamma mahāvīraṃ, assosiṃ dhammadesanaṃ.
‘‘д̇ад̣̇аа хи со логаг̇ару, бхигкуним̣ д̣̇иб̣б̣ажагкугам̣;
‘‘Tadā hi so lokagaru, bhikkhuniṃ dibbacakkhukaṃ;
гид̇д̇аяам̣ барисаамаж̇жхз, аг̇г̇адтаанз табзси д̇ам̣.
Kittayaṃ parisāmajjhe, aggaṭṭhāne ṭhapesi taṃ.
‘‘сун̣ид̇ваа д̇амахам̣ хадтаа, д̣̇аанам̣ д̣̇ад̇ваана сад̇т̇уно;
‘‘Suṇitvā tamahaṃ haṭṭhā, dānaṃ datvāna satthuno;
бууж̇ид̇ваана жа самб̣уд̣̇д̇хам̣, д̣̇иб̣б̣ажагкум̣ абад̇т̇аяим̣.
Pūjitvāna ca sambuddhaṃ, dibbacakkhuṃ apatthayiṃ.
‘‘д̇ад̇о авожа мам̣ сад̇т̇аа, нанд̣̇з лажчаси бад̇т̇ид̇ам̣;
‘‘Tato avoca maṃ satthā, nande lacchasi patthitaṃ;
бад̣̇ийбад̇хаммад̣̇аанаанам̣, паламзд̇ам̣ сунижчид̇ам̣.
Padīpadhammadānānaṃ, phalametaṃ sunicchitaṃ.
‘‘сад̇асахассид̇о габбз, оггаагагуласамбхаво;
‘‘Satasahassito kappe, okkākakulasambhavo;
г̇од̇амо наама г̇од̇д̇зна, сад̇т̇аа логз бхависсад̇и.
Gotamo nāma gottena, satthā loke bhavissati.
‘‘д̇асса д̇хаммзсу д̣̇ааяаад̣̇аа, орасаа д̇хамманиммид̇аа;
‘‘Tassa dhammesu dāyādā, orasā dhammanimmitā;
сагулаа наама наамзна, хзссад̇и сад̇т̇у саавигаа.
Sakulā nāma nāmena, hessati satthu sāvikā.
‘‘д̇зна гаммзна сугад̇зна, жзд̇анаабан̣ид̇хийхи жа;
‘‘Tena kammena sukatena, cetanāpaṇidhīhi ca;
ж̇ахид̇ваа маанусам̣ д̣̇зхам̣, д̇аавад̇им̣самаг̇ажчахам̣.
Jahitvā mānusaṃ dehaṃ, tāvatiṃsamagacchahaṃ.
‘‘имамхи бхад̣̇д̣̇агз габбз, б̣рахмаб̣анд̇ху махааяасо;
‘‘Imamhi bhaddake kappe, brahmabandhu mahāyaso;
гассабо наама г̇од̇д̇зна, уббаж̇ж̇и вад̣̇ад̇ам̣ варо.
Kassapo nāma gottena, uppajji vadataṃ varo.
‘‘бариб̣б̣ааж̇агиний аасим̣, д̇ад̣̇аахам̣ згажаариний;
‘‘Paribbājakinī āsiṃ, tadāhaṃ ekacārinī;
бхигкааяа вижарид̇ваана, алабхим̣ д̇зламад̇д̇агам̣.
Bhikkhāya vicaritvāna, alabhiṃ telamattakaṃ.
‘‘д̇зна д̣̇ийбам̣ бад̣̇ийбзд̇ваа, убадтим̣ саб̣б̣асам̣варим̣;
‘‘Tena dīpaṃ padīpetvā, upaṭṭhiṃ sabbasaṃvariṃ;
жзд̇ияам̣ д̣̇вибад̣̇аг̇г̇асса, виббасаннзна жзд̇асаа.
Cetiyaṃ dvipadaggassa, vippasannena cetasā.
‘‘д̇зна гаммзна сугад̇зна, жзд̇анаабан̣ид̇хийхи жа;
‘‘Tena kammena sukatena, cetanāpaṇidhīhi ca;
ж̇ахид̇ваа маанусам̣ д̣̇зхам̣, д̇аавад̇им̣самаг̇ажчахам̣.
Jahitvā mānusaṃ dehaṃ, tāvatiṃsamagacchahaṃ.
‘‘яад̇т̇а яад̇т̇уубабаж̇ж̇аами, д̇асса гаммасса ваахасаа;
‘‘Yattha yatthūpapajjāmi, tassa kammassa vāhasā;
баж̇ж̇аланд̇и махаад̣̇ийбаа, д̇ад̇т̇а д̇ад̇т̇а г̇ад̇ааяа мз.
Pajjalanti mahādīpā, tattha tattha gatāya me.
‘‘д̇ирогуддам̣ д̇иросзлам̣, самад̇иг̇г̇аяха баб̣б̣ад̇ам̣;
‘‘Tirokuṭṭaṃ tiroselaṃ, samatiggayha pabbataṃ;
бассаамахам̣ яад̣̇ижчаами, д̣̇ийбад̣̇аанассид̣̇ам̣ палам̣.
Passāmahaṃ yadicchāmi, dīpadānassidaṃ phalaṃ.
‘‘висуд̣̇д̇ханаяанаа хоми, яасасаа жа ж̇алаамахам̣;
‘‘Visuddhanayanā homi, yasasā ca jalāmahaṃ;
сад̣̇д̇хаабан̃н̃аавад̇ий жзва, д̣̇ийбад̣̇аанассид̣̇ам̣ палам̣.
Saddhāpaññāvatī ceva, dīpadānassidaṃ phalaṃ.
‘‘бажчимз жа бхавз д̣̇аани, ж̇аад̇аа виббагулз ахам̣;
‘‘Pacchime ca bhave dāni, jātā vippakule ahaṃ;
бахууд̇ад̇ханад̇хан̃н̃амхи, муд̣̇ид̇з рааж̇абууж̇ид̇з.
Pahūtadhanadhaññamhi, mudite rājapūjite.
‘‘ахам̣ саб̣б̣ан̇г̇асамбаннаа, саб̣б̣аабхаран̣абхуусид̇аа;
‘‘Ahaṃ sabbaṅgasampannā, sabbābharaṇabhūsitā;
бураббавзсз суг̇ад̇ам̣, ваад̇абаанз тид̇аа ахам̣.
Purappavese sugataṃ, vātapāne ṭhitā ahaṃ.
‘‘д̣̇исваа ж̇аланд̇ам̣ яасасаа, д̣̇звамануссасаггад̇ам̣;
‘‘Disvā jalantaṃ yasasā, devamanussasakkataṃ;
ануб̣яан̃ж̇анасамбаннам̣, лагкан̣зхи вибхуусид̇ам̣.
Anubyañjanasampannaṃ, lakkhaṇehi vibhūsitaṃ.
‘‘уд̣̇аг̇г̇ажид̇д̇аа суманаа, баб̣б̣аж̇ж̇ам̣ самарожаяим̣;
‘‘Udaggacittā sumanā, pabbajjaṃ samarocayiṃ;
на жирзнзва гаалзна, арахад̇д̇амабаабун̣им̣.
Na cireneva kālena, arahattamapāpuṇiṃ.
‘‘ид̣̇д̇хийсу жа васий хоми, д̣̇иб̣б̣ааяа сод̇ад̇хаад̇уяаа;
‘‘Iddhīsu ca vasī homi, dibbāya sotadhātuyā;
баражид̇д̇аани ж̇аанаами, сад̇т̇усаасанагааригаа.
Paracittāni jānāmi, satthusāsanakārikā.
‘‘буб̣б̣зниваасам̣ ж̇аанаами, д̣̇иб̣б̣ажагку висод̇хид̇ам̣;
‘‘Pubbenivāsaṃ jānāmi, dibbacakkhu visodhitaṃ;
кзбзд̇ваа аасавз саб̣б̣з, висуд̣̇д̇хаасим̣ суниммалаа.
Khepetvā āsave sabbe, visuddhāsiṃ sunimmalā.
‘‘барижин̣н̣о маяаа сад̇т̇аа, гад̇ам̣ б̣уд̣̇д̇хасса саасанам̣;
‘‘Pariciṇṇo mayā satthā, kataṃ buddhassa sāsanaṃ;
охид̇о г̇аруго бхааро, бхаванзд̇д̇исамуухад̇аа.
Ohito garuko bhāro, bhavanettisamūhatā.
‘‘яассад̇т̇ааяа баб̣б̣аж̇ид̇аа, аг̇аарасмаанаг̇аарияам̣;
‘‘Yassatthāya pabbajitā, agārasmānagāriyaṃ;
со мз ад̇т̇о ануббад̇д̇о, саб̣б̣асам̣яож̇анагкаяо.
So me attho anuppatto, sabbasaṃyojanakkhayo.
‘‘д̇ад̇о махаагаарун̣иго, зд̇ад̣̇аг̇г̇з табзси мам̣;
‘‘Tato mahākāruṇiko, etadagge ṭhapesi maṃ;
д̣̇иб̣б̣ажагкугаанам̣ аг̇г̇аа, сагулаад̇и наруд̇д̇амо.
Dibbacakkhukānaṃ aggā, sakulāti naruttamo.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа гад̇аад̇хигаарад̇ааяа д̣̇иб̣б̣ажагкун̃аан̣з жин̣н̣авасий ахоси. д̇зна нам̣ сад̇т̇аа д̣̇иб̣б̣ажагкугаанам̣ бхигкунийнам̣ аг̇г̇адтаанз табзси. саа ад̇д̇ано бадибад̇д̇им̣ бажжавзгкид̇ваа бийд̇исоманассаж̇аад̇аа уд̣̇аанавасзна –
Arahattaṃ pana patvā katādhikāratāya dibbacakkhuñāṇe ciṇṇavasī ahosi. Tena naṃ satthā dibbacakkhukānaṃ bhikkhunīnaṃ aggaṭṭhāne ṭhapesi. Sā attano paṭipattiṃ paccavekkhitvā pītisomanassajātā udānavasena –
97.
97.
‘‘аг̇аарасмим̣ васанд̇ийхам̣, д̇хаммам̣ суд̇ваана бхигкуно;
‘‘Agārasmiṃ vasantīhaṃ, dhammaṃ sutvāna bhikkhuno;
ад̣̇д̣̇асам̣ вираж̇ам̣ д̇хаммам̣, ниб̣б̣аанам̣ бад̣̇амажжуд̇ам̣.
Addasaṃ virajaṃ dhammaṃ, nibbānaṃ padamaccutaṃ.
98.
98.
‘‘саахам̣ буд̇д̇ам̣ д̇хийд̇аран̃жа, д̇ханад̇хан̃н̃ан̃жа чад̣д̣ияа;
‘‘Sāhaṃ puttaṃ dhītarañca, dhanadhaññañca chaḍḍiya;
гзсз чзд̣̇аабаяид̇ваана, баб̣б̣аж̇им̣ анаг̇аарияам̣.
Kese chedāpayitvāna, pabbajiṃ anagāriyaṃ.
99.
99.
‘‘сигкамаанаа ахам̣ санд̇ий, бхаавзнд̇ий маг̇г̇аман̃ж̇асам̣;
‘‘Sikkhamānā ahaṃ santī, bhāventī maggamañjasaṃ;
бахаасим̣ рааг̇ад̣̇осан̃жа, д̇ад̣̇згадтз жа аасавз.
Pahāsiṃ rāgadosañca, tadekaṭṭhe ca āsave.
100.
100.
‘‘бхигкуний убасамбаж̇ж̇а, буб̣б̣аж̇аад̇имануссарим̣;
‘‘Bhikkhunī upasampajja, pubbajātimanussariṃ;
д̣̇иб̣б̣ажагку висод̇хид̇ам̣, вималам̣ саад̇хубхаавид̇ам̣.
Dibbacakkhu visodhitaṃ, vimalaṃ sādhubhāvitaṃ.
101.
101.
‘‘сан̇каарз барад̇о д̣̇исваа, хзд̇уж̇аад̇з балогид̇з;
‘‘Saṅkhāre parato disvā, hetujāte palokite;
бахаасим̣ аасавз саб̣б̣з, сийд̇ибхууд̇аамхи ниб̣б̣уд̇аа’’д̇и. –
Pahāsiṃ āsave sabbe, sītibhūtāmhi nibbutā’’ti. –
имаа г̇аат̇аа абхааси.
Imā gāthā abhāsi.
д̇ад̇т̇а аг̇аарасмим̣ васанд̇ийхам̣, д̇хаммам̣ суд̇ваана бхигкунод̇и ахам̣ буб̣б̣з аг̇аарамаж̇жхз васамаанаа ан̃н̃ад̇арасса бхиннагилзсасса бхигкуно санд̇игз жад̇усажжаг̇аб̣бхам̣ д̇хаммагат̇ам̣ суд̇ваа. ад̣̇д̣̇асам̣ вираж̇ам̣ д̇хаммам̣, ниб̣б̣аанам̣ бад̣̇амажжуд̇анд̇и рааг̇араж̇аад̣̇ийнам̣ абхаавзна вираж̇ам̣, ваанад̇о нигканд̇ад̇д̇аа ниб̣б̣аанам̣, жаванаабхаавад̇о ад̇хиг̇ад̇аанам̣ ажжуд̇ихзд̇уд̇ааяа жа ниб̣б̣аанам̣ ажжуд̇ам̣, бад̣̇анд̇и жа лад̣̇д̇ханаамам̣ асан̇кад̇ад̇хаммам̣, сахассанаяабадиман̣д̣ид̇зна д̣̇ассанасан̇каад̇зна д̇хаммажагкунаа ад̣̇д̣̇асам̣ бассим̣.
Tattha agārasmiṃ vasantīhaṃ, dhammaṃ sutvāna bhikkhunoti ahaṃ pubbe agāramajjhe vasamānā aññatarassa bhinnakilesassa bhikkhuno santike catusaccagabbhaṃ dhammakathaṃ sutvā. Addasaṃ virajaṃ dhammaṃ, nibbānaṃ padamaccutanti rāgarajādīnaṃ abhāvena virajaṃ, vānato nikkhantattā nibbānaṃ, cavanābhāvato adhigatānaṃ accutihetutāya ca nibbānaṃ accutaṃ, padanti ca laddhanāmaṃ asaṅkhatadhammaṃ, sahassanayapaṭimaṇḍitena dassanasaṅkhātena dhammacakkhunā addasaṃ passiṃ.
сааханд̇и саа ахам̣ вуд̇д̇аббагаарзна сод̇аабаннаа хоми.
Sāhanti sā ahaṃ vuttappakārena sotāpannā homi.
сигкамаанаа ахам̣ санд̇ийд̇и ахам̣ сигкамаанаава самаанаа баб̣б̣аж̇ид̇ваа вассз абарибун̣н̣з зва. бхаавзнд̇ий маг̇г̇аман̃ж̇асанд̇и маж̇жхимабадибад̇д̇ибхаавад̇о ан̃ж̇асам̣ убаримаг̇г̇ам̣ уббаад̣̇знд̇ий. д̇ад̣̇згадтз жа аасавзд̇и рааг̇ад̣̇осзхи сахаж̇згадтз бахаанзгадтз жа д̇ад̇ияамаг̇г̇аваж̇жхз аасавз бахаасим̣ самужчинд̣̇им̣.
Sikkhamānā ahaṃ santīti ahaṃ sikkhamānāva samānā pabbajitvā vasse aparipuṇṇe eva. Bhāventī maggamañjasanti majjhimapaṭipattibhāvato añjasaṃ uparimaggaṃ uppādentī. Tadekaṭṭhe ca āsaveti rāgadosehi sahajekaṭṭhe pahānekaṭṭhe ca tatiyamaggavajjhe āsave pahāsiṃ samucchindiṃ.
бхигкуний убасамбаж̇ж̇аад̇и вассз барибун̣н̣з убасамбаж̇ж̇ид̇ваа бхигкуний худ̇ваа. вималанд̇и авиж̇ж̇аад̣̇ийхи убаггилзсзхи вимуд̇д̇ад̇ааяа виг̇ад̇амалам̣, саад̇ху саггажжа саммад̣̇зва бхаавид̇ам̣, саад̇хуухи ваа б̣уд̣̇д̇хаад̣̇ийхи бхаавид̇ам̣ уббаад̣̇ид̇ам̣ д̣̇иб̣б̣ажагку висод̇хид̇анд̇и самб̣анд̇хо.
Bhikkhunīupasampajjāti vasse paripuṇṇe upasampajjitvā bhikkhunī hutvā. Vimalanti avijjādīhi upakkilesehi vimuttatāya vigatamalaṃ, sādhu sakkacca sammadeva bhāvitaṃ, sādhūhi vā buddhādīhi bhāvitaṃ uppāditaṃ dibbacakkhu visodhitanti sambandho.
сан̇каарзд̇и д̇збхуумагасан̇каарз. барад̇од̇и анад̇д̇ад̇о. хзд̇уж̇аад̇зд̇и бажжаяуббаннз. балогид̇зд̇и балуж̇ж̇анасабхаавз бабхан̇г̇унз бан̃н̃аажагкунаа д̣̇исваа. бахаасим̣ аасавз саб̣б̣зд̇и аг̇г̇амаг̇г̇зна авасидтз саб̣б̣зби аасавз баж̇ахим̣, кзбзсинд̇и ад̇т̇о. сзсам̣ вуд̇д̇анаяамзва.
Saṅkhāreti tebhūmakasaṅkhāre. Paratoti anattato. Hetujāteti paccayuppanne. Palokiteti palujjanasabhāve pabhaṅgune paññācakkhunā disvā. Pahāsiṃ āsave sabbeti aggamaggena avasiṭṭhe sabbepi āsave pajahiṃ, khepesinti attho. Sesaṃ vuttanayameva.
сагулаат̇зрийг̇аат̇ааван̣н̣анаа нидтид̇аа.
Sakulātherīgāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зрийг̇аат̇аабаал̣и • Therīgāthāpāḷi / 7. сагулаат̇зрийг̇аат̇аа • 7. Sakulātherīgāthā
