| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[168] 8. сагун̣аг̇гхиж̇аад̇агаван̣н̣анаа
[168] 8. Sakuṇagghijātakavaṇṇanā
сзно б̣аласаа бад̇амаанод̇и ид̣̇ам̣ сад̇т̇аа ж̇зд̇аванз вихаранд̇о ад̇д̇аж̇жхаасаяам̣ сагун̣оваад̣̇асуд̇д̇ам̣ (сам̣. ни. 5.372) аараб̣бха гат̇зси. згад̣̇ивасан̃хи сад̇т̇аа бхигкуу ааманд̇зд̇ваа ‘‘г̇ожарз, бхигкавз, жарат̇а сагз бзд̇д̇игз висаяз’’д̇и (сам̣. ни. 5.372) имам̣ сам̣яуд̇д̇амахааваг̇г̇з суд̇д̇анд̇ам̣ гат̇знд̇о ‘‘д̇умхз д̇аава д̇идтат̇а, буб̣б̣з д̇иражчаанаг̇ад̇ааби сагам̣ бзд̇д̇игависаяам̣ бахааяа аг̇ожарз жаранд̇аа бажжаамид̇д̇аанам̣ хад̇т̇абат̇ам̣ г̇анд̇вааби ад̇д̇ано бан̃н̃аасамбад̇д̇ияаа убааяагосаллзна бажжаамид̇д̇аанам̣ хад̇т̇аа мужжим̣суу’’д̇и вад̇ваа ад̇ийд̇ам̣ аахари.
Senobalasā patamānoti idaṃ satthā jetavane viharanto attajjhāsayaṃ sakuṇovādasuttaṃ (saṃ. ni. 5.372) ārabbha kathesi. Ekadivasañhi satthā bhikkhū āmantetvā ‘‘gocare, bhikkhave, caratha sake pettike visaye’’ti (saṃ. ni. 5.372) imaṃ saṃyuttamahāvagge suttantaṃ kathento ‘‘tumhe tāva tiṭṭhatha, pubbe tiracchānagatāpi sakaṃ pettikavisayaṃ pahāya agocare carantā paccāmittānaṃ hatthapathaṃ gantvāpi attano paññāsampattiyā upāyakosallena paccāmittānaṃ hatthā mucciṃsū’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о лаабасагун̣аяонияам̣ ниб̣б̣ад̇д̇ид̇ваа нан̇г̇алагадтагаран̣з лзд̣д̣удтаанз ваасам̣ габбзси. со згад̣̇ивасам̣ ‘‘сагависаяз г̇ожараг̇ахан̣ам̣ бахааяа барависаяз г̇ожарам̣ г̇ан̣хиссаамий’’д̇и адавибарияанд̇ам̣ аг̇амааси. ат̇а нам̣ д̇ад̇т̇а г̇ожарам̣ г̇ан̣ханд̇ам̣ д̣̇исваа сагун̣аг̇гхи сахасаа аж̇жхаббад̇д̇аа аг̇г̇ахзси. со сагун̣аг̇гхияаа харияамаано звам̣ барид̣̇зваси – ‘‘маяамзвамха алагкигаа, маяам̣ аббабун̃н̃аа, яз маяам̣ аг̇ожарз жаримха барависаяз, сажзж̇ж̇а маяам̣ г̇ожарз жарзяяаама сагз бзд̇д̇игз висаяз, на мяааяам̣ сагун̣аг̇гхи алам̣ абхависса яад̣̇ид̣̇ам̣ яуд̣̇д̇хааяаа’’д̇и. ‘‘го бана, д̇з лааба, г̇ожаро саго бзд̇д̇иго висаяо’’д̇и? ‘‘яад̣̇ид̣̇ам̣ нан̇г̇алагадтагаран̣ам̣ лзд̣д̣удтаана’’нд̇и. ат̇а нам̣ сагун̣аг̇гхи сагз б̣алз абад̇т̇ад̣̇д̇хаа амун̃жи – ‘‘г̇ажча ко, д̇вам̣ лааба, д̇ад̇раби мз г̇анд̇ваа на могкасий’’д̇и. со д̇ад̇т̇а г̇анд̇ваа маханд̇ам̣ лзд̣д̣ум̣ абхирухид̇ваа ‘‘зхи ко д̣̇аани сагун̣аг̇гхий’’д̇и сзнам̣ авхаяанд̇о адтааси. сагун̣аг̇гхи сагз б̣алз абад̇т̇ад̣̇д̇хаа убхо багкз саннаяха лаабасагун̣ам̣ сахасаа аж̇жхаббад̇д̇аа. яад̣̇аа бана д̇ам̣ лаабо ‘‘б̣ахуааг̇ад̇аа ко мяааяам̣ сагун̣аг̇гхий’’д̇и ан̃н̃ааси, ат̇а баривад̇д̇ид̇ваа д̇ассзва лзд̣д̣усса анд̇арам̣ бажжаабаад̣̇и. сагун̣аг̇гхи взг̇ам̣ санд̇хаарзд̇ум̣ асаггонд̇ий д̇ад̇т̇зва урам̣ бажжад̇аал̣зси. звам̣ саа бхиннзна хад̣̇аязна нигканд̇зхи агкийхи ж̇ийвид̇агкаяам̣ баабун̣и.
Atīte bārāṇasiyaṃ brahmadatte rajjaṃ kārente bodhisatto lāpasakuṇayoniyaṃ nibbattitvā naṅgalakaṭṭhakaraṇe leḍḍuṭṭhāne vāsaṃ kappesi. So ekadivasaṃ ‘‘sakavisaye gocaragahaṇaṃ pahāya paravisaye gocaraṃ gaṇhissāmī’’ti aṭavipariyantaṃ agamāsi. Atha naṃ tattha gocaraṃ gaṇhantaṃ disvā sakuṇagghi sahasā ajjhappattā aggahesi. So sakuṇagghiyā hariyamāno evaṃ paridevasi – ‘‘mayamevamha alakkhikā, mayaṃ appapuññā, ye mayaṃ agocare carimha paravisaye, sacejja mayaṃ gocare careyyāma sake pettike visaye, na myāyaṃ sakuṇagghi alaṃ abhavissa yadidaṃ yuddhāyā’’ti. ‘‘Ko pana, te lāpa, gocaro sako pettiko visayo’’ti? ‘‘Yadidaṃ naṅgalakaṭṭhakaraṇaṃ leḍḍuṭṭhāna’’nti. Atha naṃ sakuṇagghi sake bale apatthaddhā amuñci – ‘‘gaccha kho, tvaṃ lāpa, tatrapi me gantvā na mokkhasī’’ti. So tattha gantvā mahantaṃ leḍḍuṃ abhiruhitvā ‘‘ehi kho dāni sakuṇagghī’’ti senaṃ avhayanto aṭṭhāsi. Sakuṇagghi sake bale apatthaddhā ubho pakkhe sannayha lāpasakuṇaṃ sahasā ajjhappattā. Yadā pana taṃ lāpo ‘‘bahuāgatā kho myāyaṃ sakuṇagghī’’ti aññāsi, atha parivattitvā tasseva leḍḍussa antaraṃ paccāpādi. Sakuṇagghi vegaṃ sandhāretuṃ asakkontī tattheva uraṃ paccatāḷesi. Evaṃ sā bhinnena hadayena nikkhantehi akkhīhi jīvitakkhayaṃ pāpuṇi.
сад̇т̇аа имам̣ ад̇ийд̇ам̣ д̣̇ассзд̇ваа ‘‘звам̣, бхигкавз, д̇иражчаанаг̇ад̇ааби аг̇ожарз жаранд̇аа сабад̇д̇ахад̇т̇ам̣ г̇ажчанд̇и, г̇ожарз бана сагз бзд̇д̇игз висаяз жаранд̇аа сабад̇д̇з ниг̇г̇ан̣ханд̇и, д̇асмаа д̇умхзби маа аг̇ожарз жарат̇а барависаяз. аг̇ожарз , бхигкавз, жарад̇ам̣ барависаяз лажчад̇и мааро од̇аарам̣, лажчад̇и мааро аарамман̣ам̣. го жа, бхигкавз, бхигкуно аг̇ожаро барависаяо? яад̣̇ид̣̇ам̣ бан̃жа гаамаг̇ун̣аа. гад̇амз бан̃жа? жагкувин̃н̃зяяаа руубаа…бз… аяам̣, бхигкавз, бхигкуно аг̇ожаро барависаяо’’д̇и вад̇ваа абхисамб̣уд̣̇д̇хо худ̇ваа батамам̣ г̇аат̇амааха –
Satthā imaṃ atītaṃ dassetvā ‘‘evaṃ, bhikkhave, tiracchānagatāpi agocare carantā sapattahatthaṃ gacchanti, gocare pana sake pettike visaye carantā sapatte niggaṇhanti, tasmā tumhepi mā agocare caratha paravisaye. Agocare , bhikkhave, carataṃ paravisaye lacchati māro otāraṃ, lacchati māro ārammaṇaṃ. Ko ca, bhikkhave, bhikkhuno agocaro paravisayo? Yadidaṃ pañca kāmaguṇā. Katame pañca? Cakkhuviññeyyā rūpā…pe… ayaṃ, bhikkhave, bhikkhuno agocaro paravisayo’’ti vatvā abhisambuddho hutvā paṭhamaṃ gāthamāha –
35.
35.
‘‘сзно б̣аласаа бад̇амаано, лаабам̣ г̇ожаратааяинам̣;
‘‘Seno balasā patamāno, lāpaṃ gocaraṭhāyinaṃ;
сахасаа аж̇жхаббад̇д̇ова, маран̣ам̣ д̇знубааг̇амий’’д̇и.
Sahasā ajjhappattova, maraṇaṃ tenupāgamī’’ti.
д̇ад̇т̇а б̣аласаа бад̇амаанод̇и ‘‘лаабам̣ г̇ан̣хиссаамий’’д̇и б̣алзна т̇аамзна бад̇амаано. г̇ожаратааяинанд̇и сагависаяаа нигкамид̇ваа г̇ожарад̇т̇ааяа адавибарияанд̇з тид̇ам̣. аж̇жхаббад̇д̇од̇и самбад̇д̇о. маран̣ам̣ д̇знубааг̇амийд̇и д̇зна гааран̣зна маран̣ам̣ бад̇д̇о.
Tattha balasā patamānoti ‘‘lāpaṃ gaṇhissāmī’’ti balena thāmena patamāno. Gocaraṭhāyinanti sakavisayā nikkhamitvā gocaratthāya aṭavipariyante ṭhitaṃ. Ajjhappattoti sampatto. Maraṇaṃ tenupāgamīti tena kāraṇena maraṇaṃ patto.
д̇асмим̣ бана маран̣ам̣ бад̇д̇з лаабо нигкамид̇ваа ‘‘д̣̇идтаа вад̇а мз бажжаамид̇д̇асса бидтий’’д̇и д̇асса хад̣̇аяз тад̇ваа уд̣̇аанам̣ уд̣̇аанзнд̇о д̣̇уд̇ияам̣ г̇аат̇амааха –
Tasmiṃ pana maraṇaṃ patte lāpo nikkhamitvā ‘‘diṭṭhā vata me paccāmittassa piṭṭhī’’ti tassa hadaye ṭhatvā udānaṃ udānento dutiyaṃ gāthamāha –
36.
36.
‘‘сохам̣ наязна самбанно, бзд̇д̇игз г̇ожарз рад̇о;
‘‘Sohaṃ nayena sampanno, pettike gocare rato;
абзд̇асад̇д̇у мод̣̇аами, самбассам̣ ад̇т̇амад̇д̇ано’’д̇и.
Apetasattu modāmi, sampassaṃ atthamattano’’ti.
д̇ад̇т̇а наязнаад̇и убааязна. ад̇т̇амад̇д̇анод̇и ад̇д̇ано арог̇абхаавасан̇каад̇ам̣ вуд̣дхим̣.
Tattha nayenāti upāyena. Atthamattanoti attano arogabhāvasaṅkhātaṃ vuḍḍhiṃ.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз б̣ахуу бхигкуу сод̇аабад̇д̇ипалаад̣̇ийни баабун̣им̣су. ‘‘д̇ад̣̇аа сзно д̣̇звад̣̇ад̇д̇о ахоси, лаабо бана ахамзва ахоси’’нд̇и.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne bahū bhikkhū sotāpattiphalādīni pāpuṇiṃsu. ‘‘Tadā seno devadatto ahosi, lāpo pana ahameva ahosi’’nti.
сагун̣аг̇гхиж̇аад̇агаван̣н̣анаа адтамаа.
Sakuṇagghijātakavaṇṇanā aṭṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 168. сагун̣аг̇гхиж̇аад̇агам̣ • 168. Sakuṇagghijātakaṃ
