| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
6. ஸகுணக்³கி⁴ஸுத்தவண்ணனா
6. Sakuṇagghisuttavaṇṇanā
372. ச²ட்டே² ஸகுணக்³கீ⁴தி ஸகுணங் ஹனதீதி ஸகுணக்³கி⁴, ஸேனஸ்ஸேதங் அதி⁴வசனங். ஸஹஸா அஜ்ஜ²பத்தாதி லோப⁴ஸாஹஸேன பத்தா. அலக்கி²காதி நிஸ்ஸிரிகா. அப்பபுஞ்ஞாதி பரித்தபுஞ்ஞா. ஸசேஜ்ஜ மயந்தி ஸசே அஜ்ஜ மயங். நங்க³லகட்ட²கரணந்தி நங்க³லேன கஸிகரணங், அது⁴னா கட்ட²ங் கெ²த்தட்டா²னந்தி அத்தோ². லெட்³டு³ட்டா²னந்தி லெட்³டூ³னங் டா²னங். ஸங்வத³மானாதி ஸம்மா வத³மானா, அத்தனோ ப³லஸ்ஸ ஸுட்டு² வண்ணங் வத³மானாதி அத்தோ². மஹந்தங் லெட்³டு³ங் அபி⁴ருஹித்வாதி உத்³த⁴னஸண்டா²னேன டி²தேஸு தீஸு லெட்³டூ³ஸு ‘‘இதோ ஸேனே ஆக³ச்ச²ந்தே இதோ நிக்க²மிஸ்ஸாமி, இதோ ஆக³ச்ச²ந்தே இதோ’’தி ஸல்லக்கெ²த்வா தேஸு ஏகங் லெட்³டு³ங் அபி⁴ருஹித்வா அட்டா²ஸி அவத³மானோ. ஸன்னய்ஹாதி கு²ரப்பங் ஸன்னய்ஹமானோ விய ஸன்னய்ஹித்வா ஸுட்டு² ட²பெத்வா. ப³ஹுஆக³தோ கோ² ம்யாயந்தி ‘‘மய்ஹங் அத்தா²ய அயங் ப³ஹுதங் டா²னங் ஆக³தோ, அப்பங் அவஸிட்ட²ங், இதா³னி மங் க³ண்ஹிஸ்ஸதீ’’தி ஞத்வா தா³ருகு³ளோ விய வினிவத்தித்வா தஸ்ஸேவ லெட்³டு³ஸ்ஸ அந்தரே பச்சுபாதி³, படிபன்னோ பவிட்டோ²தி அத்தோ². உரங் பச்சதாளேஸீதி ‘‘ஏகப்பஹாரேனேவ லாபஸ்ஸ ஸீஸங் சி²ந்தி³த்வா க³ஹெஸ்ஸாமீ’’தி பக்க²ந்த³த்தா வேக³ங் ஸந்தா⁴ரேதுங் அஸக்கொந்தோ தஸ்மிங் லெட்³டு³ஸ்மிங் உரங் பதாளேஸி. தாவதே³வஸ்ஸ ஹத³யமங்ஸங் பா²லியித்த². அத² லாபோ ‘‘தி³ட்டா² வத ஸத்துனோ பிட்டீ²’’தி ஹட்ட²துட்டோ² தஸ்ஸ ஹத³யே அபராபரங் சங்கமி.
372. Chaṭṭhe sakuṇagghīti sakuṇaṃ hanatīti sakuṇagghi, senassetaṃ adhivacanaṃ. Sahasā ajjhapattāti lobhasāhasena pattā. Alakkhikāti nissirikā. Appapuññāti parittapuññā. Sacejja mayanti sace ajja mayaṃ. Naṅgalakaṭṭhakaraṇanti naṅgalena kasikaraṇaṃ, adhunā kaṭṭhaṃ khettaṭṭhānanti attho. Leḍḍuṭṭhānanti leḍḍūnaṃ ṭhānaṃ. Saṃvadamānāti sammā vadamānā, attano balassa suṭṭhu vaṇṇaṃ vadamānāti attho. Mahantaṃ leḍḍuṃ abhiruhitvāti uddhanasaṇṭhānena ṭhitesu tīsu leḍḍūsu ‘‘ito sene āgacchante ito nikkhamissāmi, ito āgacchante ito’’ti sallakkhetvā tesu ekaṃ leḍḍuṃ abhiruhitvā aṭṭhāsi avadamāno. Sannayhāti khurappaṃ sannayhamāno viya sannayhitvā suṭṭhu ṭhapetvā. Bahuāgato kho myāyanti ‘‘mayhaṃ atthāya ayaṃ bahutaṃ ṭhānaṃ āgato, appaṃ avasiṭṭhaṃ, idāni maṃ gaṇhissatī’’ti ñatvā dāruguḷo viya vinivattitvā tasseva leḍḍussa antare paccupādi, paṭipanno paviṭṭhoti attho. Uraṃ paccatāḷesīti ‘‘ekappahāreneva lāpassa sīsaṃ chinditvā gahessāmī’’ti pakkhandattā vegaṃ sandhāretuṃ asakkonto tasmiṃ leḍḍusmiṃ uraṃ patāḷesi. Tāvadevassa hadayamaṃsaṃ phāliyittha. Atha lāpo ‘‘diṭṭhā vata sattuno piṭṭhī’’ti haṭṭhatuṭṭho tassa hadaye aparāparaṃ caṅkami.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 6. ஸகுணக்³கி⁴ஸுத்தங் • 6. Sakuṇagghisuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 6. ஸகுணக்³கி⁴ஸுத்தவண்ணனா • 6. Sakuṇagghisuttavaṇṇanā
