| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
6. сагун̣аг̇гхисуд̇д̇аван̣н̣анаа
6. Sakuṇagghisuttavaṇṇanā
372. баагад̇игасагун̣агулзсу б̣алавабхаавад̇о д̇зсам̣ хананад̇о сагун̣аг̇гхи. сзнод̇и вуд̇д̇ам̣ ‘‘сзнассзд̇ам̣ ад̇хиважана’’нд̇и, сзнависзсо бана со взд̣̇ид̇аб̣б̣о. аамисад̇т̇ааяа бад̇д̇ад̇д̇аа ‘‘лобхасаахасзна бад̇д̇аа’’д̇и вуд̇д̇ам̣, лобханимид̇д̇зна саахасаагаарзна бад̇д̇аад̇и ад̇т̇о. нан̇г̇алзна гадтам̣ гасид̇ам̣ нан̇г̇алагадтам̣, д̇ам̣ гарийяад̇и зд̇т̇аад̇и нан̇г̇алагадтагаран̣анд̇и ааха – ‘‘ад̇хунаа гадтам̣ кзд̇д̇адтаана’’нд̇и. лзд̣д̣уяо д̇идтанд̇и зд̇т̇аад̇и лзд̣д̣удтаанам̣, лзд̣д̣унимид̇д̇ам̣ гасид̇адтаанам̣. важ̇ж̇ад̇ийд̇и вад̣̇ам̣, важанам̣. гужчид̇ам̣ вад̣̇ам̣ авад̣̇ам̣. г̇араханз хи аяам̣ а-гааро яат̇аа – ‘‘абуд̇д̇о абхарияаа’’д̇и. авад̣̇ам̣ маанзд̇ийд̇и авад̣̇амаанаа, ад̇д̇ано б̣аламад̣̇зна лаабам̣ ад̇иман̃н̃ид̇ваа вад̣̇анд̇ийд̇и ад̇т̇о. д̇знзвааха ‘‘г̇ажча ко, д̇вам̣ лааба, д̇ад̇раби мз г̇анд̇ваа на могкасий’’д̇и. яам̣ бана адтагат̇ааяам̣ вуд̇д̇ам̣ ‘‘ад̇д̇ано б̣аласса судту ван̣н̣ам̣ вад̣̇амаанаа’’д̇и, д̇ад̇т̇а ад̇д̇ад̇о аабаннам̣ г̇ахзд̇ваа вуд̇д̇ам̣. ‘‘вад̣̇амаано’’д̇и ваа баато, саарамбхавасзна авхааяанд̇од̇и ад̇т̇о. д̇знааха ‘‘зхи ко д̣̇аани сагун̣аг̇гхий’’д̇и. судту табзд̇ваад̇и ж̇ияаамуд̇д̇асарасса вияа сийгхабаад̇аяог̇яад̇аагаран̣зна убхо багкз саммаа табзд̇ваа. аяанд̇и сагун̣аг̇гхи. н̃ад̇ваад̇и яат̇аабхууд̇ад̣̇ассанзна ад̇д̇ано н̃аан̣зна ж̇аанид̇ваа. паалийяид̇т̇аад̇и паалажчзд̣̇ад̇икин̣асикарз сугкалзд̣д̣усмим̣ бхиж̇ж̇ид̇т̇а.
372. Pākatikasakuṇakulesu balavabhāvato tesaṃ hananato sakuṇagghi. Senoti vuttaṃ ‘‘senassetaṃ adhivacana’’nti, senaviseso pana so veditabbo. Āmisatthāya pattattā ‘‘lobhasāhasena pattā’’ti vuttaṃ, lobhanimittena sāhasākārena pattāti attho. Naṅgalena kaṭṭhaṃ kasitaṃ naṅgalakaṭṭhaṃ, taṃ karīyati etthāti naṅgalakaṭṭhakaraṇanti āha – ‘‘adhunā kaṭṭhaṃ khettaṭṭhāna’’nti. Leḍḍuyo tiṭṭhanti etthāti leḍḍuṭṭhānaṃ, leḍḍunimittaṃ kasitaṭṭhānaṃ. Vajjatīti vadaṃ, vacanaṃ. Kucchitaṃ vadaṃ avadaṃ. Garahane hi ayaṃ a-kāro yathā – ‘‘aputto abhariyā’’ti. Avadaṃ mānetīti avadamānā, attano balamadena lāpaṃ atimaññitvā vadantīti attho. Tenevāha ‘‘gaccha kho, tvaṃ lāpa, tatrapi me gantvā na mokkhasī’’ti. Yaṃ pana aṭṭhakathāyaṃ vuttaṃ ‘‘attano balassa suṭṭhu vaṇṇaṃ vadamānā’’ti, tattha attato āpannaṃ gahetvā vuttaṃ. ‘‘Vadamāno’’ti vā pāṭho, sārambhavasena avhāyantoti attho. Tenāha ‘‘ehi kho dāni sakuṇagghī’’ti. Suṭṭhu ṭhapetvāti jiyāmuttasarassa viya sīghapātayogyatākaraṇena ubho pakkhe sammā ṭhapetvā. Ayanti sakuṇagghi. Ñatvāti yathābhūtadassanena attano ñāṇena jānitvā. Phālīyitthāti phālacchedatikhiṇasikhare sukkhaleḍḍusmiṃ bhijjittha.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 6. сагун̣аг̇гхисуд̇д̇ам̣ • 6. Sakuṇagghisuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 6. сагун̣аг̇гхисуд̇д̇аван̣н̣анаа • 6. Sakuṇagghisuttavaṇṇanā
