| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
салаагабхад̇д̇агат̇ааван̣н̣анаа
Salākabhattakathāvaṇṇanā
на хи б̣ахисиймааяа сан̇гхалаабход̇и зд̇т̇а ‘‘уд̣̇д̣̇зсабхад̇д̇аад̣̇ийсу б̣ахисиймааяа тид̇ассаби жз убаасагаа д̣̇знд̇и, г̇ахзд̇ум̣ лабханд̇и, ад̇д̇аноби баабзд̇ваа г̇ахан̣ам̣ анун̃н̃аад̇ам̣, д̇ат̇аа ид̇ха на ваддад̇ий’’д̇и вуд̇д̇ам̣. на баабун̣анд̇ийд̇и уд̣̇д̣̇исид̇вааби. ваараг̇ааманд̇и д̣̇уурад̇д̇аа ваарзна ниг̇г̇ахзна г̇анд̇аб̣б̣аг̇аамз. паад̇игаммамзваад̇и ад̇ирзгалаабхаа жа бхаванд̇и. саммукийбхууд̇ассаад̇и язбхуяязна жз бхигкуу б̣ахисиймам̣ г̇ад̇аа, саммукийбхууд̇асса баабзд̇аб̣б̣ам̣. сабхааг̇ад̇д̇аа хи згзна лад̣̇д̇хам̣ саб̣б̣зсам̣ баход̇и, д̇асмимби асад̇и ад̇д̇ано баабзд̇ваа д̣̇аад̇аб̣б̣ам̣. ‘‘лад̣̇д̇хаа ваа алад̣̇д̇хаа ваа’’д̇и важанасилидтавасзна вуд̇д̇ам̣. вихаарз абаабид̇ам̣ бана…бз… на ваддад̇ийд̇и салаагабхад̇д̇ам̣ вихаарз уд̣̇д̣̇исияад̇и. д̇зна бана д̣̇иннасалаагзна. д̇ассаад̇и г̇ахзд̇ваа г̇ад̇асса. салаагаа г̇ахзд̇аб̣б̣аад̇и яуд̇д̇ам̣ вияа. саб̣б̣абод̇т̇агзсу ‘‘г̇аахзд̇аб̣б̣аа’’д̇и баато, д̇асмаа д̇знаад̇и салаагаг̇г̇аахаабагзнаад̇и ад̇т̇о. ‘‘жоригааяа г̇ахид̇ад̇д̇аа на баабун̣аад̇ий’’д̇и важанад̇о ‘‘гудисод̇ханам̣ ваддад̇ий’’д̇и жа д̣̇ийбаваасино вад̣̇анд̇и гира. згам̣ махаат̇зрассаад̇и махаат̇зро вихаарад̇о язбхуяязна на г̇ажчад̇и, ид̇арз гад̣̇аажи г̇ажчад̇и, д̇асмаа сабхааг̇аа жз, ад̇д̇ано баабзд̇ваа буна ид̇арзсам̣ д̣̇ияяад̇и. вихаарз т̇зрасса бад̇д̇асалаагабхад̇д̇анд̇и махаат̇зро згагова вихаарз охийно, ‘‘авассам̣ саб̣б̣асалаагаа ад̇д̇ано баабзд̇ваа тид̇о’’д̇и бадиссаяам̣ г̇анд̇ваа ааг̇анд̇угабхигкуунамби ад̣̇ассанад̇о гуггужжам̣ агад̇ваа бхун̃ж̇анд̇и.
Na hi bahisīmāya saṅghalābhoti ettha ‘‘uddesabhattādīsu bahisīmāya ṭhitassapi ce upāsakā denti, gahetuṃ labhanti, attanopi pāpetvā gahaṇaṃ anuññātaṃ, tathā idha na vaṭṭatī’’ti vuttaṃ. Na pāpuṇantīti uddisitvāpi. Vāragāmanti dūrattā vārena niggahena gantabbagāme. Phātikammamevāti atirekalābhā ca bhavanti. Sammukhībhūtassāti yebhuyyena ce bhikkhū bahisīmaṃ gatā, sammukhībhūtassa pāpetabbaṃ. Sabhāgattā hi ekena laddhaṃ sabbesaṃ pahoti, tasmimpi asati attano pāpetvā dātabbaṃ. ‘‘Laddhā vā aladdhā vā’’ti vacanasiliṭṭhavasena vuttaṃ. Vihāre apāpitaṃ pana…pe… na vaṭṭatīti salākabhattaṃ vihāre uddisiyati. Tena pana dinnasalākena. Tassāti gahetvā gatassa. Salākā gahetabbāti yuttaṃ viya. Sabbapotthakesu ‘‘gāhetabbā’’ti pāṭho, tasmā tenāti salākaggāhāpakenāti attho. ‘‘Corikāya gahitattā na pāpuṇātī’’ti vacanato ‘‘kuṭisodhanaṃ vaṭṭatī’’ti ca dīpavāsino vadanti kira. Ekaṃ mahātherassāti mahāthero vihārato yebhuyyena na gacchati, itare kadāci gacchati, tasmā sabhāgā ce, attano pāpetvā puna itaresaṃ diyyati. Vihāre therassa pattasalākabhattanti mahāthero ekakova vihāre ohīno, ‘‘avassaṃ sabbasalākā attano pāpetvā ṭhito’’ti paṭissayaṃ gantvā āgantukabhikkhūnampi adassanato kukkuccaṃ akatvā bhuñjanti.
