| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
салаагабхад̇д̇агат̇ааван̣н̣анаа
Salākabhattakathāvaṇṇanā
убаниб̣анд̇хид̇ваад̇и ликид̇ваа. г̇аамавасзнабийд̇и язбхуяязна самалаабхаг̇аамавасзнаби. б̣ахууни салаагабхад̇д̇аанийд̇и д̇им̣сам̣ ваа жад̇д̇аарийсам̣ ваа бхад̇д̇аани. ‘‘сажз хонд̇ий’’д̇и аж̇жхаахарид̇ваа яож̇зд̇аб̣б̣ам̣.
Upanibandhitvāti likhitvā. Gāmavasenapīti yebhuyyena samalābhagāmavasenapi. Bahūni salākabhattānīti tiṃsaṃ vā cattārīsaṃ vā bhattāni. ‘‘Sace hontī’’ti ajjhāharitvā yojetabbaṃ.
саллагкзд̇ваад̇и д̇аани бхад̇д̇аани бамаан̣авасзна саллагкзд̇ваа. ниг̇г̇ахзна д̣̇ад̇ваад̇и д̣̇уурам̣ г̇анд̇ум̣ анижчанд̇асса ниг̇г̇ахзна самбадижчаабзд̇ваа д̣̇ад̇ваа. буна вихаарам̣ ааг̇анд̇ваад̇и зд̇т̇а вихаарам̣ анааг̇анд̇ваа бхад̇д̇ам̣ г̇ахзд̇ваа бажчаа вихаарз ад̇д̇ано баабзд̇ваа бхун̃ж̇ид̇умби ваддад̇и.
Sallakkhetvāti tāni bhattāni pamāṇavasena sallakkhetvā. Niggahena datvāti dūraṃ gantuṃ anicchantassa niggahena sampaṭicchāpetvā datvā. Puna vihāraṃ āgantvāti ettha vihāraṃ anāgantvā bhattaṃ gahetvā pacchā vihāre attano pāpetvā bhuñjitumpi vaṭṭati.
згаг̇зхавасзнаад̇и вийт̇ияамби згабассз гхарабаал̣ияаа васзна. уд̣̇д̣̇исид̇ваабийд̇и асугагулз салаагабхад̇д̇аани д̇уяхам̣ баабун̣анд̇ийд̇и вад̇ваа.
Ekagehavasenāti vīthiyampi ekapasse gharapāḷiyā vasena. Uddisitvāpīti asukakule salākabhattāni tuyhaṃ pāpuṇantīti vatvā.
ваараг̇аамзд̇и ад̇ид̣̇уурад̇д̇аа ваарзна г̇анд̇аб̣б̣аг̇аамз. садтид̇о ваа бан̣н̣аасад̇о ваад̇и д̣̇ан̣д̣агаммад̇т̇ааяа уд̣̇агагхадам̣ санд̇хааяа вуд̇д̇ам̣. вихаараваарод̇и саб̣б̣абхигкуусу бхигкад̇т̇ааяа г̇ад̇зсу вихаарарагкан̣авааро.
Vāragāmeti atidūrattā vārena gantabbagāme. Saṭṭhito vā paṇṇāsato vāti daṇḍakammatthāya udakaghaṭaṃ sandhāya vuttaṃ. Vihāravāroti sabbabhikkhūsu bhikkhatthāya gatesu vihārarakkhaṇavāro.
д̇зсанд̇и вихааравааригаанам̣. паад̇игаммамзваад̇и вихаарарагкан̣агижжасса бахонагабадибаад̣̇анамзва. згассзва баабун̣анд̇ийд̇и д̣̇ивасз д̣̇ивасз згзгассзва баабид̇аанийд̇и ад̇т̇о.
Tesanti vihāravārikānaṃ. Phātikammamevāti vihārarakkhaṇakiccassa pahonakapaṭipādanameva. Ekasseva pāpuṇantīti divase divase ekekasseva pāpitānīti attho.
расасалааганд̇и ужчурасасалаагам̣. ‘‘салаагавасзна г̇аахид̇ад̇д̇аа бана на саад̣̇ид̇аб̣б̣аа’’д̇и ид̣̇ам̣ асааруббавасзна вуд̇д̇ам̣, на д̇худ̇ан̇г̇абхзд̣̇авасзна. ‘‘сан̇гхад̇о нираамисасалаагаа…бз… ваддад̇иязваа’’д̇и (висуд̣̇д̇хи. 1.26) хи висуд̣̇д̇химаг̇г̇з вуд̇д̇ам̣. аг̇г̇абхигкаамад̇д̇анд̇и згагадажчубхигкаамад̇д̇ам̣. лад̣̇д̇хаа ваа алад̣̇д̇хаа ваа свзби г̇ан̣хзяяаасийд̇и лад̣̇д̇хзби аббамад̇д̇ад̇ааяа вуд̇д̇ам̣. д̇знааха ‘‘яаавад̣̇ад̇т̇ам̣ лабхад̇и…бз… алабхид̇ваа ‘свз г̇ан̣хзяяаасий’д̇и вад̇д̇аб̣б̣о’’д̇и.
Rasasalākanti ucchurasasalākaṃ. ‘‘Salākavasena gāhitattā pana na sāditabbā’’ti idaṃ asāruppavasena vuttaṃ, na dhutaṅgabhedavasena. ‘‘Saṅghato nirāmisasalākā…pe… vaṭṭatiyevā’’ti (visuddhi. 1.26) hi visuddhimagge vuttaṃ. Aggabhikkhāmattanti ekakaṭacchubhikkhāmattaṃ. Laddhā vā aladdhā vā svepi gaṇheyyāsīti laddhepi appamattatāya vuttaṃ. Tenāha ‘‘yāvadatthaṃ labhati…pe… alabhitvā ‘sve gaṇheyyāsī’ti vattabbo’’ti.
д̇ад̇т̇аад̇и д̇асмим̣ д̣̇исаабхааг̇з. д̇ам̣ г̇ахзд̇ваад̇и д̇ам̣ ваараг̇аамз салаагам̣ ад̇д̇ано г̇ахзд̇ваа. д̇знаад̇и д̣̇исам̣г̇амигад̇о ан̃н̃зна д̇асмим̣ д̣̇исам̣г̇амигз. д̣̇звасигам̣ баабзд̇аб̣б̣аад̇и убажаарасиймааяа тид̇асса яасса гассажи вассаг̇г̇зна баабзд̇аб̣б̣аа. звам̣ зд̇зсу аг̇ад̇зсу аасаннавихаарз бхигкуунам̣ бхун̃ж̇ид̇ум̣ ваддад̇и ид̇арат̇аа сан̇гхигад̇о.
Tatthāti tasmiṃ disābhāge. Taṃ gahetvāti taṃ vāragāme salākaṃ attano gahetvā. Tenāti disaṃgamikato aññena tasmiṃ disaṃgamike. Devasikaṃ pāpetabbāti upacārasīmāya ṭhitassa yassa kassaci vassaggena pāpetabbā. Evaṃ etesu agatesu āsannavihāre bhikkhūnaṃ bhuñjituṃ vaṭṭati itarathā saṅghikato.
амхаагам̣ г̇ожараг̇аамзваад̇и салаагабхад̇д̇ад̣̇ааяагаанам̣ г̇аамам̣ санд̇хааяа вуд̇д̇ам̣. вихаарз т̇зрасса бад̇д̇асалаагабхад̇д̇анд̇и вихаарз згзгассзва охийнад̇т̇зрасса саб̣б̣асалаагаанам̣ ад̇д̇ано баабанавасзна бад̇д̇асалаагабхад̇д̇ам̣.
Amhākaṃ gocaragāmevāti salākabhattadāyakānaṃ gāmaṃ sandhāya vuttaṃ. Vihāre therassa pattasalākabhattanti vihāre ekekasseva ohīnattherassa sabbasalākānaṃ attano pāpanavasena pattasalākabhattaṃ.
салаагабхад̇д̇агат̇ааван̣н̣анаа нидтид̇аа.
Salākabhattakathāvaṇṇanā niṭṭhitā.
