| Library / Tipiṭaka / ਤਿਪਿਟਕ • Tipiṭaka / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā |
ਸਲਾਕਭਤ੍ਤਕਥਾવਣ੍ਣਨਾ
Salākabhattakathāvaṇṇanā
ਨ ਹਿ ਬਹਿਸੀਮਾਯ ਸਙ੍ਘਲਾਭੋਤਿ ਏਤ੍ਥ ‘‘ਉਦ੍ਦੇਸਭਤ੍ਤਾਦੀਸੁ ਬਹਿਸੀਮਾਯ ਠਿਤਸ੍ਸਪਿ ਚੇ ਉਪਾਸਕਾ ਦੇਨ੍ਤਿ, ਗਹੇਤੁਂ ਲਭਨ੍ਤਿ, ਅਤ੍ਤਨੋਪਿ ਪਾਪੇਤ੍વਾ ਗਹਣਂ ਅਨੁਞ੍ਞਾਤਂ, ਤਥਾ ਇਧ ਨ વਟ੍ਟਤੀ’’ਤਿ વੁਤ੍ਤਂ। ਨ ਪਾਪੁਣਨ੍ਤੀਤਿ ਉਦ੍ਦਿਸਿਤ੍વਾਪਿ। વਾਰਗਾਮਨ੍ਤਿ ਦੂਰਤ੍ਤਾ વਾਰੇਨ ਨਿਗ੍ਗਹੇਨ ਗਨ੍ਤਬ੍ਬਗਾਮੇ। ਫਾਤਿਕਮ੍ਮਮੇવਾਤਿ ਅਤਿਰੇਕਲਾਭਾ ਚ ਭવਨ੍ਤਿ। ਸਮ੍ਮੁਖੀਭੂਤਸ੍ਸਾਤਿ ਯੇਭੁਯ੍ਯੇਨ ਚੇ ਭਿਕ੍ਖੂ ਬਹਿਸੀਮਂ ਗਤਾ, ਸਮ੍ਮੁਖੀਭੂਤਸ੍ਸ ਪਾਪੇਤਬ੍ਬਂ। ਸਭਾਗਤ੍ਤਾ ਹਿ ਏਕੇਨ ਲਦ੍ਧਂ ਸਬ੍ਬੇਸਂ ਪਹੋਤਿ, ਤਸ੍ਮਿਮ੍ਪਿ ਅਸਤਿ ਅਤ੍ਤਨੋ ਪਾਪੇਤ੍વਾ ਦਾਤਬ੍ਬਂ। ‘‘ਲਦ੍ਧਾ વਾ ਅਲਦ੍ਧਾ વਾ’’ਤਿ વਚਨਸਿਲਿਟ੍ਠવਸੇਨ વੁਤ੍ਤਂ। વਿਹਾਰੇ ਅਪਾਪਿਤਂ ਪਨ…ਪੇ॰… ਨ વਟ੍ਟਤੀਤਿ ਸਲਾਕਭਤ੍ਤਂ વਿਹਾਰੇ ਉਦ੍ਦਿਸਿਯਤਿ। ਤੇਨ ਪਨ ਦਿਨ੍ਨਸਲਾਕੇਨ। ਤਸ੍ਸਾਤਿ ਗਹੇਤ੍વਾ ਗਤਸ੍ਸ। ਸਲਾਕਾ ਗਹੇਤਬ੍ਬਾਤਿ ਯੁਤ੍ਤਂ વਿਯ। ਸਬ੍ਬਪੋਤ੍ਥਕੇਸੁ ‘‘ਗਾਹੇਤਬ੍ਬਾ’’ਤਿ ਪਾਠੋ, ਤਸ੍ਮਾ ਤੇਨਾਤਿ ਸਲਾਕਗ੍ਗਾਹਾਪਕੇਨਾਤਿ ਅਤ੍ਥੋ। ‘‘ਚੋਰਿਕਾਯ ਗਹਿਤਤ੍ਤਾ ਨ ਪਾਪੁਣਾਤੀ’’ਤਿ વਚਨਤੋ ‘‘ਕੁਟਿਸੋਧਨਂ વਟ੍ਟਤੀ’’ਤਿ ਚ ਦੀਪવਾਸਿਨੋ વਦਨ੍ਤਿ ਕਿਰ। ਏਕਂ ਮਹਾਥੇਰਸ੍ਸਾਤਿ ਮਹਾਥੇਰੋ વਿਹਾਰਤੋ ਯੇਭੁਯ੍ਯੇਨ ਨ ਗਚ੍ਛਤਿ, ਇਤਰੇ ਕਦਾਚਿ ਗਚ੍ਛਤਿ, ਤਸ੍ਮਾ ਸਭਾਗਾ ਚੇ, ਅਤ੍ਤਨੋ ਪਾਪੇਤ੍વਾ ਪੁਨ ਇਤਰੇਸਂ ਦਿਯ੍ਯਤਿ। વਿਹਾਰੇ ਥੇਰਸ੍ਸ ਪਤ੍ਤਸਲਾਕਭਤ੍ਤਨ੍ਤਿ ਮਹਾਥੇਰੋ ਏਕਕੋવ વਿਹਾਰੇ ਓਹੀਨੋ, ‘‘ਅવਸ੍ਸਂ ਸਬ੍ਬਸਲਾਕਾ ਅਤ੍ਤਨੋ ਪਾਪੇਤ੍વਾ ਠਿਤੋ’’ਤਿ ਪਟਿਸ੍ਸਯਂ ਗਨ੍ਤ੍વਾ ਆਗਨ੍ਤੁਕਭਿਕ੍ਖੂਨਮ੍ਪਿ ਅਦਸ੍ਸਨਤੋ ਕੁਕ੍ਕੁਚ੍ਚਂ ਅਕਤ੍વਾ ਭੁਞ੍ਜਨ੍ਤਿ।
Na hi bahisīmāya saṅghalābhoti ettha ‘‘uddesabhattādīsu bahisīmāya ṭhitassapi ce upāsakā denti, gahetuṃ labhanti, attanopi pāpetvā gahaṇaṃ anuññātaṃ, tathā idha na vaṭṭatī’’ti vuttaṃ. Na pāpuṇantīti uddisitvāpi. Vāragāmanti dūrattā vārena niggahena gantabbagāme. Phātikammamevāti atirekalābhā ca bhavanti. Sammukhībhūtassāti yebhuyyena ce bhikkhū bahisīmaṃ gatā, sammukhībhūtassa pāpetabbaṃ. Sabhāgattā hi ekena laddhaṃ sabbesaṃ pahoti, tasmimpi asati attano pāpetvā dātabbaṃ. ‘‘Laddhā vā aladdhā vā’’ti vacanasiliṭṭhavasena vuttaṃ. Vihāre apāpitaṃ pana…pe… na vaṭṭatīti salākabhattaṃ vihāre uddisiyati. Tena pana dinnasalākena. Tassāti gahetvā gatassa. Salākā gahetabbāti yuttaṃ viya. Sabbapotthakesu ‘‘gāhetabbā’’ti pāṭho, tasmā tenāti salākaggāhāpakenāti attho. ‘‘Corikāya gahitattā na pāpuṇātī’’ti vacanato ‘‘kuṭisodhanaṃ vaṭṭatī’’ti ca dīpavāsino vadanti kira. Ekaṃ mahātherassāti mahāthero vihārato yebhuyyena na gacchati, itare kadāci gacchati, tasmā sabhāgā ce, attano pāpetvā puna itaresaṃ diyyati. Vihāre therassa pattasalākabhattanti mahāthero ekakova vihāre ohīno, ‘‘avassaṃ sabbasalākā attano pāpetvā ṭhito’’ti paṭissayaṃ gantvā āgantukabhikkhūnampi adassanato kukkuccaṃ akatvā bhuñjanti.
