| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੪. ਸਾਲਕਲ੍ਯਾਣਿਕਙ੍ਗਪਞ੍ਹੋ
4. Sālakalyāṇikaṅgapañho
੪. ‘‘ਭਨ੍ਤੇ ਨਾਗਸੇਨ, ‘ਸਾਲਕਲ੍ਯਾਣਿਕਾਯ ਏਕਂ ਅਙ੍ਗਂ ਗਹੇਤਬ੍ਬ’ਨ੍ਤਿ ਯਂ વਦੇਸਿ, ਕਤਮਂ ਤਂ ਏਕਂ ਅਙ੍ਗਂ ਗਹੇਤਬ੍ਬ’’ਨ੍ਤਿ? ‘‘ਯਥਾ, ਮਹਾਰਾਜ, ਸਾਲਕਲ੍ਯਾਣਿਕਾ ਨਾਮ ਅਨ੍ਤੋਪਥવਿਯਂ ਯੇવ ਅਭਿવਡ੍ਢਤਿ ਹਤ੍ਥਸਤਮ੍ਪਿ ਭਿਯ੍ਯੋਪਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਚਤ੍ਤਾਰਿ ਸਾਮਞ੍ਞਫਲਾਨਿ ਚਤਸ੍ਸੋ ਪਟਿਸਮ੍ਭਿਦਾ ਛਲ਼ਭਿਞ੍ਞਾਯੋ ਕੇવਲਞ੍ਚ ਸਮਣਧਮ੍ਮਂ ਸੁਞ੍ਞਾਗਾਰੇ ਯੇવ ਪਰਿਪੂਰਯਿਤਬ੍ਬਂ। ਇਦਂ, ਮਹਾਰਾਜ, ਸਾਲਕਲ੍ਯਾਣਿਕਾਯ ਏਕਂ ਅਙ੍ਗਂ ਗਹੇਤਬ੍ਬਂ। ਭਾਸਿਤਮ੍ਪੇਤਂ, ਮਹਾਰਾਜ, ਥੇਰੇਨ ਰਾਹੁਲੇਨ –
4. ‘‘Bhante nāgasena, ‘sālakalyāṇikāya ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti? ‘‘Yathā, mahārāja, sālakalyāṇikā nāma antopathaviyaṃ yeva abhivaḍḍhati hatthasatampi bhiyyopi, evameva kho, mahārāja, yoginā yogāvacarena cattāri sāmaññaphalāni catasso paṭisambhidā chaḷabhiññāyo kevalañca samaṇadhammaṃ suññāgāre yeva paripūrayitabbaṃ. Idaṃ, mahārāja, sālakalyāṇikāya ekaṃ aṅgaṃ gahetabbaṃ. Bhāsitampetaṃ, mahārāja, therena rāhulena –
‘‘‘ਸਾਲਕਲ੍ਯਾਣਿਕਾ ਨਾਮ, ਪਾਦਪੋ ਧਰਣੀਰੁਹੋ।
‘‘‘Sālakalyāṇikā nāma, pādapo dharaṇīruho;
ਅਨ੍ਤੋਪਥવਿਯਂ ਯੇવ, ਸਤਹਤ੍ਥੋਪਿ વਡ੍ਢਤਿ॥
Antopathaviyaṃ yeva, satahatthopi vaḍḍhati.
‘‘‘ਯਥਾ ਕਾਲਮ੍ਹਿ ਸਮ੍ਪਤ੍ਤੇ, ਪਰਿਪਾਕੇਨ ਸੋ ਦੁਮੋ।
‘‘‘Yathā kālamhi sampatte, paripākena so dumo;
ਉਗ੍ਗਞ੍ਛਿਤ੍વਾਨ ਏਕਾਹਂ, ਸਤਹਤ੍ਥੋਪਿ વਡ੍ਢਤਿ॥
Uggañchitvāna ekāhaṃ, satahatthopi vaḍḍhati.
‘‘‘ਏવਮੇવਾਹਂ ਮਹਾવੀਰ, ਸਾਲਕਲ੍ਯਾਣਿਕਾ વਿਯ।
‘‘‘Evamevāhaṃ mahāvīra, sālakalyāṇikā viya;
ਅਬ੍ਭਨ੍ਤਰੇ ਸੁਞ੍ਞਾਗਾਰੇ, ਧਮ੍ਮਤੋ ਅਭਿવਡ੍ਢਯਿ’’’ਨ੍ਤਿ॥
Abbhantare suññāgāre, dhammato abhivaḍḍhayi’’’nti.
ਸਾਲਕਲ੍ਯਾਣਿਕਙ੍ਗਪਞ੍ਹੋ ਚਤੁਤ੍ਥੋ।
Sālakalyāṇikaṅgapañho catuttho.
