| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๔๗. สาลกุสุมิยวโคฺค
47. Sālakusumiyavaggo
๑. สาลกุสุมิยเตฺถรอปทานํ
1. Sālakusumiyattheraapadānaṃ
๑.
1.
‘‘ปรินิพฺพุเต ภควติ, ชลชุตฺตมนามเก;
‘‘Parinibbute bhagavati, jalajuttamanāmake;
อาโรปิตมฺหิ จิตเก, สาลปุปฺผมปูชยิํฯ
Āropitamhi citake, sālapupphamapūjayiṃ.
๒.
2.
๓.
3.
‘‘กิเลสา ฌาปิตา มยฺหํ, ภวา สเพฺพ สมูหตา;
‘‘Kilesā jhāpitā mayhaṃ, bhavā sabbe samūhatā;
นาโคว พนฺธนํ เฉตฺวา, วิหรามิ อนาสโวฯ
Nāgova bandhanaṃ chetvā, viharāmi anāsavo.
๔.
4.
‘‘สฺวาคตํ วต เม อาสิ, มม พุทฺธสฺส สนฺติเก;
‘‘Svāgataṃ vata me āsi, mama buddhassa santike;
ติโสฺส วิชฺชา อนุปฺปตฺตา, กตํ พุทฺธสฺส สาสนํฯ
Tisso vijjā anuppattā, kataṃ buddhassa sāsanaṃ.
๕.
5.
‘‘ปฎิสมฺภิทา จตโสฺส, วิโมกฺขาปิ จ อฎฺฐิเม;
‘‘Paṭisambhidā catasso, vimokkhāpi ca aṭṭhime;
ฉฬภิญฺญา สจฺฉิกตา, กตํ พุทฺธสฺส สาสนํ’’ฯ
Chaḷabhiññā sacchikatā, kataṃ buddhassa sāsanaṃ’’.
อิตฺถํ สุทํ อายสฺมา สาลกุสุมิโย เถโร อิมา คาถาโย
Itthaṃ sudaṃ āyasmā sālakusumiyo thero imā gāthāyo
อภาสิตฺถาติฯ
Abhāsitthāti.
สาลกุสุมิยเตฺถรสฺสาปทานํ ปฐมํฯ
Sālakusumiyattherassāpadānaṃ paṭhamaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๑-๖๐. สกิํสมฺมชฺชกเตฺถรอปทานาทิวณฺณนา • 1-60. Sakiṃsammajjakattheraapadānādivaṇṇanā
