| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
8. салал̣ааг̇аарасуд̇д̇ам̣
8. Salaḷāgārasuttaṃ
906. згам̣ самаяам̣ ааяасмаа ануруд̣̇д̇хо саавад̇т̇ияам̣ вихарад̇и салал̣ааг̇аарз. д̇ад̇ра ко ааяасмаа ануруд̣̇д̇хо бхигкуу ааманд̇зси…бз… зд̇ад̣̇авожа – ‘‘сзяяат̇ааби, аавусо, г̇ан̇г̇аа над̣̇ий баажийнаниннаа баажийнабон̣аа баажийнабаб̣бхаараа. ат̇а махааж̇анагааяо ааг̇ажчзяяа гуд̣̇д̣̇аалабидагам̣ 1 аад̣̇ааяа – ‘маяам̣ имам̣ г̇ан̇г̇аанад̣̇им̣ бажчааниннам̣ гариссаама бажчаабон̣ам̣ бажчаабаб̣бхаара’нд̇и. д̇ам̣ гим̣ ман̃н̃ат̇аавусо, аби ну со махааж̇анагааяо г̇ан̇г̇аанад̣̇им̣ бажчааниннам̣ гарзяяа бажчаабон̣ам̣ бажчаабаб̣бхаара’’нд̇и? ‘‘но хзд̇ам̣, аавусо’’. ‘‘д̇ам̣ гисса хзд̇у’’? ‘‘г̇ан̇г̇аа, аавусо, над̣̇ий баажийнаниннаа баажийнабон̣аа баажийнабаб̣бхаараа. саа на сугараа бажчааниннам̣ гаад̇ум̣ бажчаабон̣ам̣ бажчаабаб̣бхаарам̣. яаавад̣̇зва жа бана со махааж̇анагааяо гиламат̇асса вигхаад̇асса бхааг̇ий ассаа’’д̇и.
906. Ekaṃ samayaṃ āyasmā anuruddho sāvatthiyaṃ viharati salaḷāgāre. Tatra kho āyasmā anuruddho bhikkhū āmantesi…pe… etadavoca – ‘‘seyyathāpi, āvuso, gaṅgā nadī pācīnaninnā pācīnapoṇā pācīnapabbhārā. Atha mahājanakāyo āgaccheyya kuddālapiṭakaṃ 2 ādāya – ‘mayaṃ imaṃ gaṅgānadiṃ pacchāninnaṃ karissāma pacchāpoṇaṃ pacchāpabbhāra’nti. Taṃ kiṃ maññathāvuso, api nu so mahājanakāyo gaṅgānadiṃ pacchāninnaṃ kareyya pacchāpoṇaṃ pacchāpabbhāra’’nti? ‘‘No hetaṃ, āvuso’’. ‘‘Taṃ kissa hetu’’? ‘‘Gaṅgā, āvuso, nadī pācīnaninnā pācīnapoṇā pācīnapabbhārā. Sā na sukarā pacchāninnaṃ kātuṃ pacchāpoṇaṃ pacchāpabbhāraṃ. Yāvadeva ca pana so mahājanakāyo kilamathassa vighātassa bhāgī assā’’ti.
‘‘звамзва ко, аавусо, бхигкум̣ жад̇д̇ааро сад̇ибадтаанз бхаавзнд̇ам̣ жад̇д̇ааро сад̇ибадтаанз б̣ахулийгаронд̇ам̣ рааж̇аано ваа рааж̇амахаамад̇д̇аа ваа мид̇д̇аа ваа амажжаа ваа н̃аад̇ий ваа саалохид̇аа ваа бхог̇зхи абхихадтум̣ баваарзяяум̣ – ‘зхамбхо буриса, гим̣ д̇з имз гаасааваа ануд̣̇аханд̇и? гим̣ мун̣д̣о габааламанусан̃жараси? зхи хийнааяаавад̇д̇ид̇ваа бхог̇з жа бхун̃ж̇ассу бун̃н̃аани жа гарохий’’’д̇и.
‘‘Evameva kho, āvuso, bhikkhuṃ cattāro satipaṭṭhāne bhāventaṃ cattāro satipaṭṭhāne bahulīkarontaṃ rājāno vā rājamahāmattā vā mittā vā amaccā vā ñātī vā sālohitā vā bhogehi abhihaṭṭhuṃ pavāreyyuṃ – ‘ehambho purisa, kiṃ te ime kāsāvā anudahanti? Kiṃ muṇḍo kapālamanusañcarasi? Ehi hīnāyāvattitvā bhoge ca bhuñjassu puññāni ca karohī’’’ti.
‘‘со вад̇а, аавусо, бхигку жад̇д̇ааро сад̇ибадтаанз бхаавзнд̇о жад̇д̇ааро сад̇ибадтаанз б̣ахулийгаронд̇о сигкам̣ бажжагкааяа хийнааяаавад̇д̇иссад̇ийд̇и – нзд̇ам̣ таанам̣ виж̇ж̇ад̇и. д̇ам̣ гисса хзд̇у? яан̃хи д̇ам̣, аавусо, жид̇д̇ам̣ д̣̇ийгхарад̇д̇ам̣ вивзганиннам̣ вивзгабон̣ам̣ вивзгабаб̣бхаарам̣ д̇ам̣ вад̇а хийнааяаавад̇д̇иссад̇ийд̇и – нзд̇ам̣ таанам̣ виж̇ж̇ад̇и. гат̇ан̃жаавусо, бхигку жад̇д̇ааро сад̇ибадтаанз бхаавзд̇и, жад̇д̇ааро сад̇ибадтаанз б̣ахулийгарод̇ийд̇и? ид̇хаавусо, бхигку гааяз гааяаанубассий вихарад̇и…бз… взд̣̇анаасу…бз… жид̇д̇з…бз… д̇хаммзсу д̇хаммаанубассий вихарад̇и аад̇аабий самбаж̇аано сад̇имаа, винзяяа логз абхиж̇жхаад̣̇оманассам̣. звам̣ ко, аавусо, бхигку жад̇д̇ааро сад̇ибадтаанз бхаавзд̇и, жад̇д̇ааро сад̇ибадтаанз б̣ахулийгарод̇ий’’д̇и. адтамам̣.
‘‘So vata, āvuso, bhikkhu cattāro satipaṭṭhāne bhāvento cattāro satipaṭṭhāne bahulīkaronto sikkhaṃ paccakkhāya hīnāyāvattissatīti – netaṃ ṭhānaṃ vijjati. Taṃ kissa hetu? Yañhi taṃ, āvuso, cittaṃ dīgharattaṃ vivekaninnaṃ vivekapoṇaṃ vivekapabbhāraṃ taṃ vata hīnāyāvattissatīti – netaṃ ṭhānaṃ vijjati. Kathañcāvuso, bhikkhu cattāro satipaṭṭhāne bhāveti, cattāro satipaṭṭhāne bahulīkarotīti? Idhāvuso, bhikkhu kāye kāyānupassī viharati…pe… vedanāsu…pe… citte…pe… dhammesu dhammānupassī viharati ātāpī sampajāno satimā, vineyya loke abhijjhādomanassaṃ. Evaṃ kho, āvuso, bhikkhu cattāro satipaṭṭhāne bhāveti, cattāro satipaṭṭhāne bahulīkarotī’’ti. Aṭṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 8. салал̣ааг̇аарасуд̇д̇аван̣н̣анаа • 8. Salaḷāgārasuttavaṇṇanā
