| Library / Tipiṭaka / ਤਿਪਿਟਕ • Tipiṭaka / ਅਪਦਾਨਪਾਲ਼ਿ • Apadānapāḷi |
੮. ਸਲ਼ਲਮਣ੍ਡਪਿਯਤ੍ਥੇਰਅਪਦਾਨਂ
8. Saḷalamaṇḍapiyattheraapadānaṃ
੪੪੯.
449.
‘‘ਨਿਬ੍ਬੁਤੇ ਕਕੁਸਨ੍ਧਮ੍ਹਿ, ਬ੍ਰਾਹ੍ਮਣਮ੍ਹਿ વੁਸੀਮਤਿ।
‘‘Nibbute kakusandhamhi, brāhmaṇamhi vusīmati;
ਗਹੇਤ੍વਾ ਸਲ਼ਲਂ ਮਾਲਂ, ਮਣ੍ਡਪਂ ਕਾਰਯਿਂ ਅਹਂ॥
Gahetvā saḷalaṃ mālaṃ, maṇḍapaṃ kārayiṃ ahaṃ.
੪੫੦.
450.
‘‘ਤਾવਤਿਂਸਗਤੋ ਸਨ੍ਤੋ, ਲਭਾਮਿ ਬ੍ਯਮ੍ਹਮੁਤ੍ਤਮਂ।
‘‘Tāvatiṃsagato santo, labhāmi byamhamuttamaṃ;
ਅਞ੍ਞੇ ਦੇવੇਤਿਰੋਚਾਮਿ, ਪੁਞ੍ਞਕਮ੍ਮਸ੍ਸਿਦਂ ਫਲਂ॥
Aññe devetirocāmi, puññakammassidaṃ phalaṃ.
੪੫੧.
451.
‘‘ਦਿવਾ વਾ ਯਦਿ વਾ ਰਤ੍ਤਿਂ, ਚਙ੍ਕਮਨ੍ਤੋ ਠਿਤੋ ਚਹਂ।
‘‘Divā vā yadi vā rattiṃ, caṅkamanto ṭhito cahaṃ;
ਛਨ੍ਨੋ ਸਲ਼ਲਪੁਪ੍ਫੇਹਿ, ਪੁਞ੍ਞਕਮ੍ਮਸ੍ਸਿਦਂ ਫਲਂ॥
Channo saḷalapupphehi, puññakammassidaṃ phalaṃ.
੪੫੨.
452.
‘‘ਇਮਸ੍ਮਿਂਯੇવ ਕਪ੍ਪਮ੍ਹਿ, ਯਂ ਬੁਦ੍ਧਮਭਿਪੂਜਯਿਂ।
‘‘Imasmiṃyeva kappamhi, yaṃ buddhamabhipūjayiṃ;
ਦੁਗ੍ਗਤਿਂ ਨਾਭਿਜਾਨਾਮਿ, ਬੁਦ੍ਧਪੂਜਾਯਿਦਂ ਫਲਂ॥
Duggatiṃ nābhijānāmi, buddhapūjāyidaṃ phalaṃ.
੪੫੩.
453.
‘‘ਕਿਲੇਸਾ ਝਾਪਿਤਾ ਮਯ੍ਹਂ…ਪੇ॰… વਿਹਰਾਮਿ ਅਨਾਸવੋ॥
‘‘Kilesā jhāpitā mayhaṃ…pe… viharāmi anāsavo.
੪੫੪.
454.
‘‘ਸ੍વਾਗਤਂ વਤ ਮੇ ਆਸਿ…ਪੇ॰… ਕਤਂ ਬੁਦ੍ਧਸ੍ਸ ਸਾਸਨਂ॥
‘‘Svāgataṃ vata me āsi…pe… kataṃ buddhassa sāsanaṃ.
੪੫੫.
455.
‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ॰… ਕਤਂ ਬੁਦ੍ਧਸ੍ਸ ਸਾਸਨਂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ਇਤ੍ਥਂ ਸੁਦਂ ਆਯਸ੍ਮਾ ਸਲ਼ਲਮਣ੍ਡਪਿਯੋ ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ।
Itthaṃ sudaṃ āyasmā saḷalamaṇḍapiyo thero imā gāthāyo abhāsitthāti.
ਸਲ਼ਲਮਣ੍ਡਪਿਯਤ੍ਥੇਰਸ੍ਸਾਪਦਾਨਂ ਅਟ੍ਠਮਂ।
Saḷalamaṇḍapiyattherassāpadānaṃ aṭṭhamaṃ.
