| Library / Tipiṭaka / තිපිටක • Tipiṭaka / අපදානපාළි • Apadānapāḷi |
2. සළලපුප්‌ඵිකාථෙරීඅපදානං
2. Saḷalapupphikātherīapadānaṃ
22.
22.
‘‘චන්‌දභාගානදීතීරෙ, අහොසිං කින්‌නරී තදා;
‘‘Candabhāgānadītīre, ahosiṃ kinnarī tadā;
අද්‌දසාහං දෙවදෙවං, චඞ්‌කමන්‌තං නරාසභං.
Addasāhaṃ devadevaṃ, caṅkamantaṃ narāsabhaṃ.
23.
23.
‘‘ඔචිනිත්‌වාන සළලං, බුද්‌ධසෙට්‌ඨස්‌සදාසහං;
‘‘Ocinitvāna saḷalaṃ, buddhaseṭṭhassadāsahaṃ;
උපසිඞ්‌ඝි මහාවීරො, සළලං දෙවගන්‌ධිකං.
Upasiṅghi mahāvīro, saḷalaṃ devagandhikaṃ.
24.
24.
‘‘පටිග්‌ගහෙත්‌වා සම්‌බුද්‌ධො, විපස්‌සී ලොකනායකො;
‘‘Paṭiggahetvā sambuddho, vipassī lokanāyako;
උපසිඞ්‌ඝි මහාවීරො, පෙක්‌ඛමානාය මෙ තදා.
Upasiṅghi mahāvīro, pekkhamānāya me tadā.
25.
25.
‘‘අඤ්‌ජලිං පග්‌ගහෙත්‌වාන, වන්‌දිත්‌වා ද්‌විපදුත්‌තමං 1;
‘‘Añjaliṃ paggahetvāna, vanditvā dvipaduttamaṃ 2;
සකං චිත්‌තං පසාදෙත්‌වා, තතො පබ්‌බතමාරුහිං.
Sakaṃ cittaṃ pasādetvā, tato pabbatamāruhiṃ.
26.
26.
‘‘එකනවුතිතො කප්‌පෙ, යං පුප්‌ඵමදදිං තදා;
‘‘Ekanavutito kappe, yaṃ pupphamadadiṃ tadā;
දුග්‌ගතිං නාභිජානාමි, බුද්‌ධපූජායිදං ඵලං.
Duggatiṃ nābhijānāmi, buddhapūjāyidaṃ phalaṃ.
27.
27.
‘‘කිලෙසා ඣාපිතා මය්‌හං…පෙ.… විහරාමි අනාසවා.
‘‘Kilesā jhāpitā mayhaṃ…pe… viharāmi anāsavā.
28.
28.
‘‘ස්‌වාගතං වත මෙ ආසි…පෙ.… කතං බුද්‌ධස්‌ස සාසනං.
‘‘Svāgataṃ vata me āsi…pe… kataṃ buddhassa sāsanaṃ.
29.
29.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං සළලපුප්‌ඵිකා භික්‌ඛුනී ඉමා ගාථායො අභාසිත්‌ථාති.
Itthaṃ sudaṃ saḷalapupphikā bhikkhunī imā gāthāyo abhāsitthāti.
සළලපුප්‌ඵිකාථෙරියාපදානං දුතියං.
Saḷalapupphikātheriyāpadānaṃ dutiyaṃ.
Footnotes:
