| Library / Tipiṭaka / д̇ибидага • Tipiṭaka / абад̣̇аанабаал̣и • Apadānapāḷi |
9. саалабубпад̣̇ааяагад̇т̇зраабад̣̇аанам̣
9. Sālapupphadāyakattheraapadānaṃ
60.
60.
‘‘миг̇арааж̇аа д̇ад̣̇аа аасим̣, абхиж̇аад̇о сугзсарий;
‘‘Migarājā tadā āsiṃ, abhijāto sukesarī;
г̇ирид̣̇уг̇г̇ам̣ г̇авзсанд̇о, ад̣̇д̣̇асам̣ логанааяагам̣.
Giriduggaṃ gavesanto, addasaṃ lokanāyakaṃ.
61.
61.
‘‘аяам̣ ну ко махаавийро, ниб̣б̣аабзд̇и махааж̇анам̣;
‘‘Ayaṃ nu kho mahāvīro, nibbāpeti mahājanaṃ;
яам̣нуунаахам̣ убаасзяяам̣, д̣̇звад̣̇звам̣ нараасабхам̣.
Yaṃnūnāhaṃ upāseyyaṃ, devadevaṃ narāsabhaṃ.
62.
62.
‘‘саакам̣ сааласса бхан̃ж̇ид̇ваа, сагосам̣ бубпамаахарим̣;
‘‘Sākhaṃ sālassa bhañjitvā, sakosaṃ pupphamāhariṃ;
убаг̇анд̇ваана самб̣уд̣̇д̇хам̣, ад̣̇аасим̣ бубпамуд̇д̇амам̣.
Upagantvāna sambuddhaṃ, adāsiṃ pupphamuttamaṃ.
63.
63.
‘‘зганавуд̇ид̇о габбз, яам̣ бубпамабхиробаяим̣;
‘‘Ekanavutito kappe, yaṃ pupphamabhiropayiṃ;
д̣̇уг̇г̇ад̇им̣ наабхиж̇аанаами, бубпад̣̇аанассид̣̇ам̣ палам̣.
Duggatiṃ nābhijānāmi, pupphadānassidaṃ phalaṃ.
64.
64.
‘‘ид̇о жа навамз габбз, вирожанасанаамагаа;
‘‘Ito ca navame kappe, virocanasanāmakā;
д̇аяо аасим̣су рааж̇аано, жаггавад̇д̇ий махаб̣б̣алаа.
Tayo āsiṃsu rājāno, cakkavattī mahabbalā.
65.
65.
‘‘бадисамбхид̣̇аа жад̇ассо…бз… гад̇ам̣ б̣уд̣̇д̇хасса саасанам̣’’.
‘‘Paṭisambhidā catasso…pe… kataṃ buddhassa sāsanaṃ’’.
ид̇т̇ам̣ суд̣̇ам̣ ааяасмаа саалабубпад̣̇ааяаго т̇зро имаа г̇аат̇ааяо абхаасид̇т̇аад̇и.
Itthaṃ sudaṃ āyasmā sālapupphadāyako thero imā gāthāyo abhāsitthāti.
саалабубпад̣̇ааяагад̇т̇зрассаабад̣̇аанам̣ навамам̣.
Sālapupphadāyakattherassāpadānaṃ navamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / абад̣̇аана-адтагат̇аа • Apadāna-aṭṭhakathā / 9. саалабубпад̣̇ааяагад̇т̇зраабад̣̇аанаван̣н̣анаа • 9. Sālapupphadāyakattheraapadānavaṇṇanā
