| Library / Tipiṭaka / තිපිටක • Tipiṭaka / අපදානපාළි • Apadānapāḷi |
9. සාලපුප්‌ඵදායකත්‌ථෙරඅපදානං
9. Sālapupphadāyakattheraapadānaṃ
60.
60.
‘‘මිගරාජා තදා ආසිං, අභිජාතො සුකෙසරී;
‘‘Migarājā tadā āsiṃ, abhijāto sukesarī;
ගිරිදුග්‌ගං ගවෙසන්‌තො, අද්‌දසං ලොකනායකං.
Giriduggaṃ gavesanto, addasaṃ lokanāyakaṃ.
61.
61.
‘‘අයං නු ඛො මහාවීරො, නිබ්‌බාපෙති මහාජනං;
‘‘Ayaṃ nu kho mahāvīro, nibbāpeti mahājanaṃ;
යංනූනාහං උපාසෙය්‍යං, දෙවදෙවං නරාසභං.
Yaṃnūnāhaṃ upāseyyaṃ, devadevaṃ narāsabhaṃ.
62.
62.
‘‘සාඛං සාලස්‌ස භඤ්‌ජිත්‌වා, සකොසං පුප්‌ඵමාහරිං;
‘‘Sākhaṃ sālassa bhañjitvā, sakosaṃ pupphamāhariṃ;
උපගන්‌ත්‌වාන සම්‌බුද්‌ධං, අදාසිං පුප්‌ඵමුත්‌තමං.
Upagantvāna sambuddhaṃ, adāsiṃ pupphamuttamaṃ.
63.
63.
‘‘එකනවුතිතො කප්‌පෙ, යං පුප්‌ඵමභිරොපයිං;
‘‘Ekanavutito kappe, yaṃ pupphamabhiropayiṃ;
දුග්‌ගතිං නාභිජානාමි, පුප්‌ඵදානස්‌සිදං ඵලං.
Duggatiṃ nābhijānāmi, pupphadānassidaṃ phalaṃ.
64.
64.
‘‘ඉතො ච නවමෙ කප්‌පෙ, විරොචනසනාමකා;
‘‘Ito ca navame kappe, virocanasanāmakā;
තයො ආසිංසු රාජානො, චක්‌කවත්‌තී මහබ්‌බලා.
Tayo āsiṃsu rājāno, cakkavattī mahabbalā.
65.
65.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා සාලපුප්‌ඵදායකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā sālapupphadāyako thero imā gāthāyo abhāsitthāti.
සාලපුප්‌ඵදායකත්‌ථෙරස්‌සාපදානං නවමං.
Sālapupphadāyakattherassāpadānaṃ navamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 9. සාලපුප්‌ඵදායකත්‌ථෙරඅපදානවණ්‌ණනා • 9. Sālapupphadāyakattheraapadānavaṇṇanā
