| Library / Tipiṭaka / ਤਿਪਿਟਕ • Tipiṭaka / ਅਪਦਾਨਪਾਲ਼ਿ • Apadānapāḷi |
੯. ਸਾਲਪੁਪ੍ਫਦਾਯਕਤ੍ਥੇਰਅਪਦਾਨਂ
9. Sālapupphadāyakattheraapadānaṃ
੬੦.
60.
‘‘ਮਿਗਰਾਜਾ ਤਦਾ ਆਸਿਂ, ਅਭਿਜਾਤੋ ਸੁਕੇਸਰੀ।
‘‘Migarājā tadā āsiṃ, abhijāto sukesarī;
ਗਿਰਿਦੁਗ੍ਗਂ ਗવੇਸਨ੍ਤੋ, ਅਦ੍ਦਸਂ ਲੋਕਨਾਯਕਂ॥
Giriduggaṃ gavesanto, addasaṃ lokanāyakaṃ.
੬੧.
61.
‘‘ਅਯਂ ਨੁ ਖੋ ਮਹਾવੀਰੋ, ਨਿਬ੍ਬਾਪੇਤਿ ਮਹਾਜਨਂ।
‘‘Ayaṃ nu kho mahāvīro, nibbāpeti mahājanaṃ;
ਯਂਨੂਨਾਹਂ ਉਪਾਸੇਯ੍ਯਂ, ਦੇવਦੇવਂ ਨਰਾਸਭਂ॥
Yaṃnūnāhaṃ upāseyyaṃ, devadevaṃ narāsabhaṃ.
੬੨.
62.
‘‘ਸਾਖਂ ਸਾਲਸ੍ਸ ਭਞ੍ਜਿਤ੍વਾ, ਸਕੋਸਂ ਪੁਪ੍ਫਮਾਹਰਿਂ।
‘‘Sākhaṃ sālassa bhañjitvā, sakosaṃ pupphamāhariṃ;
ਉਪਗਨ੍ਤ੍વਾਨ ਸਮ੍ਬੁਦ੍ਧਂ, ਅਦਾਸਿਂ ਪੁਪ੍ਫਮੁਤ੍ਤਮਂ॥
Upagantvāna sambuddhaṃ, adāsiṃ pupphamuttamaṃ.
੬੩.
63.
‘‘ਏਕਨવੁਤਿਤੋ ਕਪ੍ਪੇ, ਯਂ ਪੁਪ੍ਫਮਭਿਰੋਪਯਿਂ।
‘‘Ekanavutito kappe, yaṃ pupphamabhiropayiṃ;
ਦੁਗ੍ਗਤਿਂ ਨਾਭਿਜਾਨਾਮਿ, ਪੁਪ੍ਫਦਾਨਸ੍ਸਿਦਂ ਫਲਂ॥
Duggatiṃ nābhijānāmi, pupphadānassidaṃ phalaṃ.
੬੪.
64.
‘‘ਇਤੋ ਚ ਨવਮੇ ਕਪ੍ਪੇ, વਿਰੋਚਨਸਨਾਮਕਾ।
‘‘Ito ca navame kappe, virocanasanāmakā;
ਤਯੋ ਆਸਿਂਸੁ ਰਾਜਾਨੋ, ਚਕ੍ਕવਤ੍ਤੀ ਮਹਬ੍ਬਲਾ॥
Tayo āsiṃsu rājāno, cakkavattī mahabbalā.
੬੫.
65.
‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ॰… ਕਤਂ ਬੁਦ੍ਧਸ੍ਸ ਸਾਸਨਂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ਇਤ੍ਥਂ ਸੁਦਂ ਆਯਸ੍ਮਾ ਸਾਲਪੁਪ੍ਫਦਾਯਕੋ ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ।
Itthaṃ sudaṃ āyasmā sālapupphadāyako thero imā gāthāyo abhāsitthāti.
ਸਾਲਪੁਪ੍ਫਦਾਯਕਤ੍ਥੇਰਸ੍ਸਾਪਦਾਨਂ ਨવਮਂ।
Sālapupphadāyakattherassāpadānaṃ navamaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਅਪਦਾਨ-ਅਟ੍ਠਕਥਾ • Apadāna-aṭṭhakathā / ੯. ਸਾਲਪੁਪ੍ਫਦਾਯਕਤ੍ਥੇਰਅਪਦਾਨવਣ੍ਣਨਾ • 9. Sālapupphadāyakattheraapadānavaṇṇanā
