| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
9. саалабубпад̣̇ааяагад̇т̇зраабад̣̇аанаван̣н̣анаа
9. Sālapupphadāyakattheraapadānavaṇṇanā
миг̇арааж̇аа д̇ад̣̇аа аасинд̇иаад̣̇игам̣ ааяасмад̇о саалабубпад̣̇ааяагад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз гад̇агусаласан̃жаяо гзнажи гаммажчид̣̇д̣̇зна химаванд̇з сийхаяонияам̣ ниб̣б̣ад̇д̇о анзгасийхабаривааро вихааси. д̇ад̣̇аа сикий бхаг̇аваа д̇ассаанугамбааяа химаванд̇ам̣ аг̇амааси. сийхо д̇ам̣ убаг̇ад̇ам̣ д̣̇исваа басаннамаанасо саакаабхан̇г̇зна саган̣н̣игасаалабубпам̣ г̇ахзд̇ваа бууж̇зси. бхаг̇аваа д̇асса анумод̣̇анам̣ агааси.
Migarājātadā āsintiādikaṃ āyasmato sālapupphadāyakattherassa apadānaṃ. Ayampi purimabuddhesu katādhikāro tattha tattha bhave katakusalasañcayo kenaci kammacchiddena himavante sīhayoniyaṃ nibbatto anekasīhaparivāro vihāsi. Tadā sikhī bhagavā tassānukampāya himavantaṃ agamāsi. Sīho taṃ upagataṃ disvā pasannamānaso sākhābhaṅgena sakaṇṇikasālapupphaṃ gahetvā pūjesi. Bhagavā tassa anumodanaṃ akāsi.
60. со д̇зна бун̃н̃зна д̣̇звамануссзсу сам̣саранд̇о убхаяасамбад̇д̇ияо анубхавид̇ваа имасмим̣ б̣уд̣̇д̇хуббаад̣̇з згасмим̣ гулаг̇зхз ниб̣б̣ад̇д̇о вин̃н̃уд̇ам̣ бад̇ваа сад̇т̇ари басанно баб̣б̣аж̇ид̇ваа арахад̇д̇ам̣ бад̇д̇о ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о миг̇арааж̇аа д̇ад̣̇аа аасинд̇иаад̣̇имааха. д̇ад̇т̇а маран̣ам̣ г̇ажчанд̇ийд̇и миг̇аа, ат̇а ваа гхаасам̣ маг̇г̇анд̇и г̇авзсанд̇ийд̇и миг̇аа, миг̇аанам̣ рааж̇аа миг̇арааж̇аа. сагалажад̇уббад̣̇аанам̣ рааж̇абхаавз сад̇иби г̇аат̇ааб̣анд̇хасукад̇т̇ам̣ миг̇з аад̣̇им̣ гад̇ваа миг̇арааж̇аад̇и вуд̇д̇ам̣. яад̣̇аа бхаг̇аванд̇ам̣ д̣̇исваа сабубпам̣ сааласаакам̣ бхан̃ж̇ид̇ваа бууж̇зсим̣, д̇ад̣̇аа ахам̣ миг̇арааж̇аа ахосинд̇и ад̇т̇о.
60. So tena puññena devamanussesu saṃsaranto ubhayasampattiyo anubhavitvā imasmiṃ buddhuppāde ekasmiṃ kulagehe nibbatto viññutaṃ patvā satthari pasanno pabbajitvā arahattaṃ patto attano pubbakammaṃ saritvā somanassajāto pubbacaritāpadānaṃ pakāsento migarājā tadā āsintiādimāha. Tattha maraṇaṃ gacchantīti migā, atha vā ghāsaṃ magganti gavesantīti migā, migānaṃ rājā migarājā. Sakalacatuppadānaṃ rājabhāve satipi gāthābandhasukhatthaṃ mige ādiṃ katvā migarājāti vuttaṃ. Yadā bhagavantaṃ disvā sapupphaṃ sālasākhaṃ bhañjitvā pūjesiṃ, tadā ahaṃ migarājā ahosinti attho.
62. сагосам̣ бубпамаахаринд̇и саган̣н̣игам̣ саалабубпам̣ аахарим̣ бууж̇зсинд̇и ад̇т̇о. сзсам̣ уд̇д̇аанад̇т̇амзваад̇и.
62.Sakosaṃ pupphamāharinti sakaṇṇikaṃ sālapupphaṃ āhariṃ pūjesinti attho. Sesaṃ uttānatthamevāti.
саалабубпад̣̇ааяагад̇т̇зраабад̣̇аанаван̣н̣анаа самад̇д̇аа.
Sālapupphadāyakattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 9. саалабубпад̣̇ааяагад̇т̇зраабад̣̇аанам̣ • 9. Sālapupphadāyakattheraapadānaṃ
