| Library / Tipiṭaka / තිපිටක • Tipiṭaka / අපදානපාළි • Apadānapāḷi |
3. සාලපුප්‌ඵියත්‌ථෙරඅපදානං
3. Sālapupphiyattheraapadānaṃ
9.
9.
‘‘අරුණවතියා නගරෙ, අහොසිං පූපිකො තදා;
‘‘Aruṇavatiyā nagare, ahosiṃ pūpiko tadā;
මම ද්‌වාරෙන ගච්‌ඡන්‌තං, සිඛිනං අද්‌දසං ජිනං.
Mama dvārena gacchantaṃ, sikhinaṃ addasaṃ jinaṃ.
10.
10.
‘‘බුද්‌ධස්‌ස පත්‌තං පග්‌ගය්‌හ, සාලපුප්‌ඵං අදාසහං;
‘‘Buddhassa pattaṃ paggayha, sālapupphaṃ adāsahaṃ;
සම්‌මග්‌ගතස්‌ස බුද්‌ධස්‌ස, විප්‌පසන්‌නෙන චෙතසා.
Sammaggatassa buddhassa, vippasannena cetasā.
11.
11.
දුග්‌ගතිං නාභිජානාමි, සාලපුප්‌ඵස්‌සිදං ඵලං.
Duggatiṃ nābhijānāmi, sālapupphassidaṃ phalaṃ.
12.
12.
‘‘ඉතො චුද්‌දසකප්‌පම්‌හි, අහොසිං අමිතඤ්‌ජලො;
‘‘Ito cuddasakappamhi, ahosiṃ amitañjalo;
සත්‌තරතනසම්‌පන්‌නො, චක්‌කවත්‌තී මහබ්‌බලො.
Sattaratanasampanno, cakkavattī mahabbalo.
13.
13.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා සාලපුප්‌ඵියො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā sālapupphiyo thero imā gāthāyo abhāsitthāti.
සාලපුප්‌ඵියත්‌ථෙරස්‌සාපදානං තතියං.
Sālapupphiyattherassāpadānaṃ tatiyaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 1-10.උදකාසනදායකත්‌ථෙරඅපදානාදිවණ්‌ණනා • 1-10.Udakāsanadāyakattheraapadānādivaṇṇanā
