| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
4. сааласуд̇д̇ам̣
4. Sālasuttaṃ
370. згам̣ самаяам̣ бхаг̇аваа госалзсу вихарад̇и саалааяа б̣раахман̣аг̇аамз. д̇ад̇ра ко бхаг̇аваа бхигкуу ааманд̇зси…бз… зд̇ад̣̇авожа –
370. Ekaṃ samayaṃ bhagavā kosalesu viharati sālāya brāhmaṇagāme. Tatra kho bhagavā bhikkhū āmantesi…pe… etadavoca –
‘‘яз д̇з, бхигкавз, бхигкуу наваа ажирабаб̣б̣аж̇ид̇аа ад̇хунааг̇ад̇аа имам̣ д̇хаммавинаяам̣, д̇з во, бхигкавз, бхигкуу жад̇уннам̣ сад̇ибадтаанаанам̣ бхааванааяа самаад̣̇абзд̇аб̣б̣аа нивзсзд̇аб̣б̣аа бад̇идтаабзд̇аб̣б̣аа. гад̇амзсам̣ жад̇уннам̣? зт̇а д̇умхз, аавусо, гааяз гааяаанубассино вихарат̇а аад̇аабино самбаж̇аанаа згод̣̇ибхууд̇аа виббасаннажид̇д̇аа самаахид̇аа згаг̇г̇ажид̇д̇аа, гааяасса яат̇аабхууд̇ам̣ н̃аан̣ааяа; взд̣̇анаасу взд̣̇анаанубассино вихарат̇а аад̇аабино самбаж̇аанаа згод̣̇ибхууд̇аа виббасаннажид̇д̇аа самаахид̇аа згаг̇г̇ажид̇д̇аа, взд̣̇анаанам̣ яат̇аабхууд̇ам̣ н̃аан̣ааяа; жид̇д̇з жид̇д̇аанубассино вихарат̇а аад̇аабино самбаж̇аанаа згод̣̇ибхууд̇аа виббасаннажид̇д̇аа самаахид̇аа згаг̇г̇ажид̇д̇аа, жид̇д̇асса яат̇аабхууд̇ам̣ н̃аан̣ааяа; д̇хаммзсу д̇хаммаанубассино вихарат̇а аад̇аабино самбаж̇аанаа згод̣̇ибхууд̇аа виббасаннажид̇д̇аа самаахид̇аа згаг̇г̇ажид̇д̇аа, д̇хаммаанам̣ яат̇аабхууд̇ам̣ н̃аан̣ааяа. язби д̇з, бхигкавз, бхигкуу сзкаа аббад̇д̇амаанасаа ануд̇д̇арам̣ яог̇агкзмам̣ бад̇т̇аяамаанаа вихаранд̇и, д̇зби гааяз гааяаанубассино вихаранд̇и аад̇аабино самбаж̇аанаа згод̣̇ибхууд̇аа виббасаннажид̇д̇аа самаахид̇аа згаг̇г̇ажид̇д̇аа , гааяасса барин̃н̃ааяа; взд̣̇анаасу взд̣̇анаанубассино вихаранд̇и аад̇аабино самбаж̇аанаа згод̣̇ибхууд̇аа виббасаннажид̇д̇аа самаахид̇аа згаг̇г̇ажид̇д̇аа, взд̣̇анаанам̣ барин̃н̃ааяа; жид̇д̇з жид̇д̇аанубассино вихаранд̇и аад̇аабино самбаж̇аанаа згод̣̇ибхууд̇аа виббасаннажид̇д̇аа самаахид̇аа згаг̇г̇ажид̇д̇аа, жид̇д̇асса барин̃н̃ааяа; д̇хаммзсу д̇хаммаанубассино вихаранд̇и аад̇аабино самбаж̇аанаа згод̣̇ибхууд̇аа виббасаннажид̇д̇аа самаахид̇аа згаг̇г̇ажид̇д̇аа, д̇хаммаанам̣ барин̃н̃ааяа.
‘‘Ye te, bhikkhave, bhikkhū navā acirapabbajitā adhunāgatā imaṃ dhammavinayaṃ, te vo, bhikkhave, bhikkhū catunnaṃ satipaṭṭhānānaṃ bhāvanāya samādapetabbā nivesetabbā patiṭṭhāpetabbā. Katamesaṃ catunnaṃ? Etha tumhe, āvuso, kāye kāyānupassino viharatha ātāpino sampajānā ekodibhūtā vippasannacittā samāhitā ekaggacittā, kāyassa yathābhūtaṃ ñāṇāya; vedanāsu vedanānupassino viharatha ātāpino sampajānā ekodibhūtā vippasannacittā samāhitā ekaggacittā, vedanānaṃ yathābhūtaṃ ñāṇāya; citte cittānupassino viharatha ātāpino sampajānā ekodibhūtā vippasannacittā samāhitā ekaggacittā, cittassa yathābhūtaṃ ñāṇāya; dhammesu dhammānupassino viharatha ātāpino sampajānā ekodibhūtā vippasannacittā samāhitā ekaggacittā, dhammānaṃ yathābhūtaṃ ñāṇāya. Yepi te, bhikkhave, bhikkhū sekhā appattamānasā anuttaraṃ yogakkhemaṃ patthayamānā viharanti, tepi kāye kāyānupassino viharanti ātāpino sampajānā ekodibhūtā vippasannacittā samāhitā ekaggacittā , kāyassa pariññāya; vedanāsu vedanānupassino viharanti ātāpino sampajānā ekodibhūtā vippasannacittā samāhitā ekaggacittā, vedanānaṃ pariññāya; citte cittānupassino viharanti ātāpino sampajānā ekodibhūtā vippasannacittā samāhitā ekaggacittā, cittassa pariññāya; dhammesu dhammānupassino viharanti ātāpino sampajānā ekodibhūtā vippasannacittā samāhitā ekaggacittā, dhammānaṃ pariññāya.
‘‘язби д̇з, бхигкавз, бхигкуу араханд̇о кийн̣аасаваа вусид̇аванд̇о гад̇агаран̣ийяаа охид̇абхаараа ануббад̇д̇асад̣̇ад̇т̇аа баригкийн̣абхавасам̣яож̇анаа саммад̣̇ан̃н̃аа вимуд̇д̇аа, д̇зби гааяз гааяаанубассино вихаранд̇и аад̇аабино самбаж̇аанаа згод̣̇ибхууд̇аа виббасаннажид̇д̇аа самаахид̇аа згаг̇г̇ажид̇д̇аа, гааязна висам̣яуд̇д̇аа; взд̣̇анаасу взд̣̇анаанубассино вихаранд̇и аад̇аабино самбаж̇аанаа згод̣̇ибхууд̇аа виббасаннажид̇д̇аа самаахид̇аа згаг̇г̇ажид̇д̇аа, взд̣̇анаахи висам̣яуд̇д̇аа; жид̇д̇з жид̇д̇аанубассино вихаранд̇и аад̇аабино самбаж̇аанаа згод̣̇ибхууд̇аа виббасаннажид̇д̇аа самаахид̇аа згаг̇г̇ажид̇д̇аа, жид̇д̇зна висам̣яуд̇д̇аа; д̇хаммзсу д̇хаммаанубассино вихаранд̇и аад̇аабино самбаж̇аанаа згод̣̇ибхууд̇аа виббасаннажид̇д̇аа самаахид̇аа згаг̇г̇ажид̇д̇аа, д̇хаммзхи висам̣яуд̇д̇аа.
‘‘Yepi te, bhikkhave, bhikkhū arahanto khīṇāsavā vusitavanto katakaraṇīyā ohitabhārā anuppattasadatthā parikkhīṇabhavasaṃyojanā sammadaññā vimuttā, tepi kāye kāyānupassino viharanti ātāpino sampajānā ekodibhūtā vippasannacittā samāhitā ekaggacittā, kāyena visaṃyuttā; vedanāsu vedanānupassino viharanti ātāpino sampajānā ekodibhūtā vippasannacittā samāhitā ekaggacittā, vedanāhi visaṃyuttā; citte cittānupassino viharanti ātāpino sampajānā ekodibhūtā vippasannacittā samāhitā ekaggacittā, cittena visaṃyuttā; dhammesu dhammānupassino viharanti ātāpino sampajānā ekodibhūtā vippasannacittā samāhitā ekaggacittā, dhammehi visaṃyuttā.
‘‘язби д̇з, бхигкавз, бхигкуу наваа ажирабаб̣б̣аж̇ид̇аа ад̇хунааг̇ад̇аа имам̣ д̇хаммавинаяам̣, д̇з во, бхигкавз, бхигкуу имзсам̣ жад̇уннам̣ сад̇ибадтаанаанам̣ бхааванааяа самаад̣̇абзд̇аб̣б̣аа нивзсзд̇аб̣б̣аа бад̇идтаабзд̇аб̣б̣аа’’д̇и. жад̇уд̇т̇ам̣.
‘‘Yepi te, bhikkhave, bhikkhū navā acirapabbajitā adhunāgatā imaṃ dhammavinayaṃ, te vo, bhikkhave, bhikkhū imesaṃ catunnaṃ satipaṭṭhānānaṃ bhāvanāya samādapetabbā nivesetabbā patiṭṭhāpetabbā’’ti. Catutthaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 4. сааласуд̇д̇аван̣н̣анаа • 4. Sālasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 4. сааласуд̇д̇аван̣н̣анаа • 4. Sālasuttavaṇṇanā
