| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
4. сааласуд̇д̇аван̣н̣анаа
4. Sālasuttavaṇṇanā
370. яат̇аанусидтам̣ бадибаж̇ж̇амаанз абааяад̣̇угкз абаад̇анавасзна д̇хааран̣адтзна д̇хаммо, саасанаб̣рахмажарияам̣, д̇ад̣̇зва д̇ад̣̇ан̇г̇аад̣̇ивасзна гилзсаанам̣ винаяанадтзна винаяод̇и ааха – ‘‘д̇хаммод̇и ваа…бз… наама’’нд̇и. бадибагкад̇хаммзхи анабхибхууд̇ад̇ааяа зго уд̣̇зд̇ийд̇и згод̣̇ийд̇и лад̣̇д̇ханаамо самаад̇хи бхууд̇о ж̇аад̇о зд̇зсанд̇и згод̣̇ибхууд̇аа. зд̇т̇а жа згод̣̇ибхууд̇аад̇и зд̇зна убажаараж̇жхаанаавахо буб̣б̣абхааг̇иго самаад̇хи вуд̇д̇о. самаахид̇аад̇и зд̇зна убажаараббанаасамаад̇хи. згаг̇г̇ажид̇д̇аад̇и зд̇зна субхаавид̇о васиббад̇д̇о аббанаасамаад̇хи вуд̇д̇од̇и взд̣̇ид̇аб̣б̣о. навагабхигкуухи бхаавид̇асад̇ибадтаанаа буб̣б̣абхааг̇аа. д̇з хи яат̇аабхууд̇ан̃аан̣ааяа бхаавид̇аа. яат̇аабхууд̇ан̃аан̣анд̇и хи сод̇аабад̇д̇имаг̇г̇ан̃аан̣ам̣ ид̇хаад̇хиббзд̇ам̣. кийн̣аасавзхи бхаавид̇асад̇ибадтаанааби буб̣б̣абхааг̇аа. д̇зсан̃хи гад̇агаран̣ийяаанам̣ д̣̇идтад̇хаммасукавихаарааяа сад̇ибадтаанабхааванаа, сзгкаанам̣ бана сад̇ибадтаанабхааванаа барин̃н̃ад̇т̇ааяа бавад̇д̇аа логияаа, бариж̇аананавасзна бавад̇д̇аа логуд̇д̇араад̇и ‘‘миссагаа’’д̇и вуд̇д̇ам̣.
370. Yathānusiṭṭhaṃ paṭipajjamāne apāyadukkhe apātanavasena dhāraṇaṭṭhena dhammo, sāsanabrahmacariyaṃ, tadeva tadaṅgādivasena kilesānaṃ vinayanaṭṭhena vinayoti āha – ‘‘dhammoti vā…pe… nāma’’nti. Paṭipakkhadhammehi anabhibhūtatāya eko udetīti ekodīti laddhanāmo samādhi bhūto jāto etesanti ekodibhūtā. Ettha ca ekodibhūtāti etena upacārajjhānāvaho pubbabhāgiko samādhi vutto. Samāhitāti etena upacārappanāsamādhi. Ekaggacittāti etena subhāvito vasippatto appanāsamādhi vuttoti veditabbo. Navakabhikkhūhi bhāvitasatipaṭṭhānā pubbabhāgā. Te hi yathābhūtañāṇāya bhāvitā. Yathābhūtañāṇanti hi sotāpattimaggañāṇaṃ idhādhippetaṃ. Khīṇāsavehi bhāvitasatipaṭṭhānāpi pubbabhāgā. Tesañhi katakaraṇīyānaṃ diṭṭhadhammasukhavihārāya satipaṭṭhānabhāvanā, sekkhānaṃ pana satipaṭṭhānabhāvanā pariññatthāya pavattā lokiyā, parijānanavasena pavattā lokuttarāti ‘‘missakā’’ti vuttaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 4. сааласуд̇д̇ам̣ • 4. Sālasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 4. сааласуд̇д̇аван̣н̣анаа • 4. Sālasuttavaṇṇanā
