| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๔. สาลสุตฺตวณฺณนา
4. Sālasuttavaṇṇanā
๓๗๐. ยถานุสิฎฺฐํ ปฎิปชฺชมาเน อปายทุเกฺข อปาตนวเสน ธารณเฎฺฐน ธโมฺม, สาสนพฺรหฺมจริยํ, ตเทว ตทงฺคาทิวเสน กิเลสานํ วินยนเฎฺฐน วินโยติ อาห – ‘‘ธโมฺมติ วา…เป.… นาม’’นฺติฯ ปฎิปกฺขธเมฺมหิ อนภิภูตตาย เอโก อุเทตีติ เอโกทีติ ลทฺธนาโม สมาธิ ภูโต ชาโต เอเตสนฺติ เอโกทิภูตาฯ เอตฺถ จ เอโกทิภูตาติ เอเตน อุปจารชฺฌานาวโห ปุพฺพภาคิโก สมาธิ วุโตฺตฯ สมาหิตาติ เอเตน อุปจารปฺปนาสมาธิฯ เอกคฺคจิตฺตาติ เอเตน สุภาวิโต วสิปฺปโตฺต อปฺปนาสมาธิ วุโตฺตติ เวทิตโพฺพฯ นวกภิกฺขูหิ ภาวิตสติปฎฺฐานา ปุพฺพภาคาฯ เต หิ ยถาภูตญาณาย ภาวิตาฯ ยถาภูตญาณนฺติ หิ โสตาปตฺติมคฺคญาณํ อิธาธิเปฺปตํฯ ขีณาสเวหิ ภาวิตสติปฎฺฐานาปิ ปุพฺพภาคาฯ เตสญฺหิ กตกรณียานํ ทิฎฺฐธมฺมสุขวิหาราย สติปฎฺฐานภาวนา, เสกฺขานํ ปน สติปฎฺฐานภาวนา ปริญฺญตฺถาย ปวตฺตา โลกิยา, ปริชานนวเสน ปวตฺตา โลกุตฺตราติ ‘‘มิสฺสกา’’ติ วุตฺตํฯ
370. Yathānusiṭṭhaṃ paṭipajjamāne apāyadukkhe apātanavasena dhāraṇaṭṭhena dhammo, sāsanabrahmacariyaṃ, tadeva tadaṅgādivasena kilesānaṃ vinayanaṭṭhena vinayoti āha – ‘‘dhammoti vā…pe… nāma’’nti. Paṭipakkhadhammehi anabhibhūtatāya eko udetīti ekodīti laddhanāmo samādhi bhūto jāto etesanti ekodibhūtā. Ettha ca ekodibhūtāti etena upacārajjhānāvaho pubbabhāgiko samādhi vutto. Samāhitāti etena upacārappanāsamādhi. Ekaggacittāti etena subhāvito vasippatto appanāsamādhi vuttoti veditabbo. Navakabhikkhūhi bhāvitasatipaṭṭhānā pubbabhāgā. Te hi yathābhūtañāṇāya bhāvitā. Yathābhūtañāṇanti hi sotāpattimaggañāṇaṃ idhādhippetaṃ. Khīṇāsavehi bhāvitasatipaṭṭhānāpi pubbabhāgā. Tesañhi katakaraṇīyānaṃ diṭṭhadhammasukhavihārāya satipaṭṭhānabhāvanā, sekkhānaṃ pana satipaṭṭhānabhāvanā pariññatthāya pavattā lokiyā, parijānanavasena pavattā lokuttarāti ‘‘missakā’’ti vuttaṃ.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๔. สาลสุตฺตํ • 4. Sālasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๔. สาลสุตฺตวณฺณนา • 4. Sālasuttavaṇṇanā
