| Library / Tipiṭaka / តិបិដក • Tipiṭaka / សំយុត្តនិកាយ (អដ្ឋកថា) • Saṃyuttanikāya (aṭṭhakathā) |
៤. សាលសុត្តវណ្ណនា
4. Sālasuttavaṇṇanā
៣៧០. ចតុត្ថេ ធម្មវិនយោតិ ធម្មោតិ វា វិនយោតិ វា ឧភយមេតំ សត្ថុសាសនស្សេវ នាមំ។ សមាទបេតព្ពាតិ គណ្ហាបេតព្ពា។ ឯកោទិភូតាតិ ខណិកសមាធិនា ឯកគ្គភូតា។ សមាហិតា ឯកគ្គចិត្តាតិ ឧបចារប្បនាវសេន សម្មា ឋបិតចិត្តា ច ឯកគ្គចិត្តា ច។ ឥមស្មិំ សុត្តេ នវកភិក្ខូហិ ចេវ ខីណាសវេហិ ច ភាវិតសតិបដ្ឋានា បុព្ពភាគា, សត្តហិ សេខេហិ ភាវិតា មិស្សកា។
370. Catutthe dhammavinayoti dhammoti vā vinayoti vā ubhayametaṃ satthusāsanasseva nāmaṃ. Samādapetabbāti gaṇhāpetabbā. Ekodibhūtāti khaṇikasamādhinā ekaggabhūtā. Samāhitā ekaggacittāti upacārappanāvasena sammā ṭhapitacittā ca ekaggacittā ca. Imasmiṃ sutte navakabhikkhūhi ceva khīṇāsavehi ca bhāvitasatipaṭṭhānā pubbabhāgā, sattahi sekhehi bhāvitā missakā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ៤. សាលសុត្តំ • 4. Sālasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ៤. សាលសុត្តវណ្ណនា • 4. Sālasuttavaṇṇanā
