| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੪. ਸਾਲਸੁਤ੍ਤવਣ੍ਣਨਾ
4. Sālasuttavaṇṇanā
੩੭੦. ਯਥਾਨੁਸਿਟ੍ਠਂ ਪਟਿਪਜ੍ਜਮਾਨੇ ਅਪਾਯਦੁਕ੍ਖੇ ਅਪਾਤਨવਸੇਨ ਧਾਰਣਟ੍ਠੇਨ ਧਮ੍ਮੋ, ਸਾਸਨਬ੍ਰਹ੍ਮਚਰਿਯਂ, ਤਦੇવ ਤਦਙ੍ਗਾਦਿવਸੇਨ ਕਿਲੇਸਾਨਂ વਿਨਯਨਟ੍ਠੇਨ વਿਨਯੋਤਿ ਆਹ – ‘‘ਧਮ੍ਮੋਤਿ વਾ…ਪੇ॰… ਨਾਮ’’ਨ੍ਤਿ। ਪਟਿਪਕ੍ਖਧਮ੍ਮੇਹਿ ਅਨਭਿਭੂਤਤਾਯ ਏਕੋ ਉਦੇਤੀਤਿ ਏਕੋਦੀਤਿ ਲਦ੍ਧਨਾਮੋ ਸਮਾਧਿ ਭੂਤੋ ਜਾਤੋ ਏਤੇਸਨ੍ਤਿ ਏਕੋਦਿਭੂਤਾ। ਏਤ੍ਥ ਚ ਏਕੋਦਿਭੂਤਾਤਿ ਏਤੇਨ ਉਪਚਾਰਜ੍ਝਾਨਾવਹੋ ਪੁਬ੍ਬਭਾਗਿਕੋ ਸਮਾਧਿ વੁਤ੍ਤੋ। ਸਮਾਹਿਤਾਤਿ ਏਤੇਨ ਉਪਚਾਰਪ੍ਪਨਾਸਮਾਧਿ। ਏਕਗ੍ਗਚਿਤ੍ਤਾਤਿ ਏਤੇਨ ਸੁਭਾવਿਤੋ વਸਿਪ੍ਪਤ੍ਤੋ ਅਪ੍ਪਨਾਸਮਾਧਿ વੁਤ੍ਤੋਤਿ વੇਦਿਤਬ੍ਬੋ। ਨવਕਭਿਕ੍ਖੂਹਿ ਭਾવਿਤਸਤਿਪਟ੍ਠਾਨਾ ਪੁਬ੍ਬਭਾਗਾ। ਤੇ ਹਿ ਯਥਾਭੂਤਞਾਣਾਯ ਭਾવਿਤਾ। ਯਥਾਭੂਤਞਾਣਨ੍ਤਿ ਹਿ ਸੋਤਾਪਤ੍ਤਿਮਗ੍ਗਞਾਣਂ ਇਧਾਧਿਪ੍ਪੇਤਂ। ਖੀਣਾਸવੇਹਿ ਭਾવਿਤਸਤਿਪਟ੍ਠਾਨਾਪਿ ਪੁਬ੍ਬਭਾਗਾ। ਤੇਸਞ੍ਹਿ ਕਤਕਰਣੀਯਾਨਂ ਦਿਟ੍ਠਧਮ੍ਮਸੁਖવਿਹਾਰਾਯ ਸਤਿਪਟ੍ਠਾਨਭਾવਨਾ, ਸੇਕ੍ਖਾਨਂ ਪਨ ਸਤਿਪਟ੍ਠਾਨਭਾવਨਾ ਪਰਿਞ੍ਞਤ੍ਥਾਯ ਪવਤ੍ਤਾ ਲੋਕਿਯਾ, ਪਰਿਜਾਨਨવਸੇਨ ਪવਤ੍ਤਾ ਲੋਕੁਤ੍ਤਰਾਤਿ ‘‘ਮਿਸ੍ਸਕਾ’’ਤਿ વੁਤ੍ਤਂ।
370. Yathānusiṭṭhaṃ paṭipajjamāne apāyadukkhe apātanavasena dhāraṇaṭṭhena dhammo, sāsanabrahmacariyaṃ, tadeva tadaṅgādivasena kilesānaṃ vinayanaṭṭhena vinayoti āha – ‘‘dhammoti vā…pe… nāma’’nti. Paṭipakkhadhammehi anabhibhūtatāya eko udetīti ekodīti laddhanāmo samādhi bhūto jāto etesanti ekodibhūtā. Ettha ca ekodibhūtāti etena upacārajjhānāvaho pubbabhāgiko samādhi vutto. Samāhitāti etena upacārappanāsamādhi. Ekaggacittāti etena subhāvito vasippatto appanāsamādhi vuttoti veditabbo. Navakabhikkhūhi bhāvitasatipaṭṭhānā pubbabhāgā. Te hi yathābhūtañāṇāya bhāvitā. Yathābhūtañāṇanti hi sotāpattimaggañāṇaṃ idhādhippetaṃ. Khīṇāsavehi bhāvitasatipaṭṭhānāpi pubbabhāgā. Tesañhi katakaraṇīyānaṃ diṭṭhadhammasukhavihārāya satipaṭṭhānabhāvanā, sekkhānaṃ pana satipaṭṭhānabhāvanā pariññatthāya pavattā lokiyā, parijānanavasena pavattā lokuttarāti ‘‘missakā’’ti vuttaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੪. ਸਾਲਸੁਤ੍ਤਂ • 4. Sālasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੪. ਸਾਲਸੁਤ੍ਤવਣ੍ਣਨਾ • 4. Sālasuttavaṇṇanā
