| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
7. сал̣ааяад̇анавибхан̇г̇асуд̇д̇аван̣н̣анаа
7. Saḷāyatanavibhaṅgasuttavaṇṇanā
304. звам̣ мз суд̇анд̇и сал̣ааяад̇анавибхан̇г̇асуд̇д̇ам̣. д̇ад̇т̇а взд̣̇ид̇аб̣б̣аанийд̇и сахавибассанзна маг̇г̇зна ж̇аанид̇аб̣б̣аани. манобавижаараад̇и вид̇аггавижаараа. вид̇аггуббаад̣̇аган̃хи мано ид̇ха манод̇и ад̇хиббзд̇ам̣, манасса убавижаараад̇и манобавижаараа. сад̇д̇абад̣̇аад̇и ваддавивадданиссид̇аанам̣ сад̇д̇аанам̣ бад̣̇аа. зд̇т̇а хи адтаараса ваддабад̣̇аа наама, адтаараса виваддабад̣̇аа наама, д̇зби сахавибассанзна маг̇г̇знзва взд̣̇ид̇аб̣б̣аа. яог̇г̇аажарияаананд̇и хад̇т̇ияог̇г̇аад̣̇иаажаарасигкаабагаанам̣, д̣̇амзд̇аб̣б̣ад̣̇амагаананд̇и ад̇т̇о. сзсам̣ вибхан̇г̇зязва аавибхависсад̇и. аяамуд̣̇д̣̇зсод̇и ид̣̇ам̣ маад̇игаадтабанам̣.
304.Evaṃme sutanti saḷāyatanavibhaṅgasuttaṃ. Tattha veditabbānīti sahavipassanena maggena jānitabbāni. Manopavicārāti vitakkavicārā. Vitakkuppādakañhi mano idha manoti adhippetaṃ, manassa upavicārāti manopavicārā. Sattapadāti vaṭṭavivaṭṭanissitānaṃ sattānaṃ padā. Ettha hi aṭṭhārasa vaṭṭapadā nāma, aṭṭhārasa vivaṭṭapadā nāma, tepi sahavipassanena maggeneva veditabbā. Yoggācariyānanti hatthiyoggādiācārasikkhāpakānaṃ, dametabbadamakānanti attho. Sesaṃ vibhaṅgeyeva āvibhavissati. Ayamuddesoti idaṃ mātikāṭṭhapanaṃ.
305. жагкааяад̇анаад̣̇ийни висуд̣̇д̇химаг̇г̇з вид̇т̇аарид̇аани. жагкувин̃н̃аан̣анд̇и гусалаагусалавибаагад̇о д̣̇вз жагкувин̃н̃аан̣аани. сзсабасаад̣̇авин̃н̃аан̣зсуби зсзва наяо. имаани бана д̣̇аса табзд̇ваа сзсам̣ ид̇ха мановин̃н̃аан̣ам̣ наама.
305.Cakkhāyatanādīni visuddhimagge vitthāritāni. Cakkhuviññāṇanti kusalākusalavipākato dve cakkhuviññāṇāni. Sesapasādaviññāṇesupi eseva nayo. Imāni pana dasa ṭhapetvā sesaṃ idha manoviññāṇaṃ nāma.
жагкусампассод̇и жагкумхи сампассо. жагкувин̃н̃аан̣асамбаяуд̇д̇асампассассзд̇ам̣ ад̇хиважанам̣. сзсзсуби зсзва наяо.
Cakkhusamphassoti cakkhumhi samphasso. Cakkhuviññāṇasampayuttasamphassassetaṃ adhivacanaṃ. Sesesupi eseva nayo.
жагкунаа руубам̣ д̣̇исваад̇и жагкувин̃н̃аан̣зна руубам̣ д̣̇исваа. зсзва наяо саб̣б̣ад̇т̇а. соманассадтаанияанд̇и соманассасса аарамман̣авасзна гааран̣абхууд̇ам̣. убавижарад̇ийд̇и д̇ад̇т̇а вижаарабавад̇д̇анзна убавижарад̇и, вид̇агго д̇ам̣самбаяуд̇д̇о жаад̇и иминаа наязна адтаараса вид̇аггавижаарасан̇каад̇аа манобавижаараа взд̣̇ид̇аб̣б̣аа. ча соманассуубавижаараад̇и зд̇т̇а бана соманассзна сад̣̇д̇хим̣ убавижаранд̇ийд̇и соманассуубавижаараа. сзсабад̣̇ад̣̇ваязби зсзва наяо.
Cakkhunārūpaṃ disvāti cakkhuviññāṇena rūpaṃ disvā. Eseva nayo sabbattha. Somanassaṭṭhāniyanti somanassassa ārammaṇavasena kāraṇabhūtaṃ. Upavicaratīti tattha vicārapavattanena upavicarati, vitakko taṃsampayutto cāti iminā nayena aṭṭhārasa vitakkavicārasaṅkhātā manopavicārā veditabbā. Cha somanassūpavicārāti ettha pana somanassena saddhiṃ upavicarantīti somanassūpavicārā. Sesapadadvayepi eseva nayo.
306. г̇зхасид̇аанийд̇и гаамаг̇ун̣аниссид̇аани. нзгкаммасид̇аанийд̇и вибассанааниссид̇аани. идтаананд̇и бариязсид̇аанам̣. ганд̇аананд̇и гаамид̇аанам̣. манорамаананд̇и мано зд̇зсу рамад̇ийд̇и манорамаани, д̇зсам̣ манорамаанам̣. логаамисабадисам̣яуд̇д̇аананд̇и д̇ан̣хаабадисам̣яуд̇д̇аанам̣. ад̇ийд̇анд̇и бадилад̣̇д̇хам̣ . бажжуббаннам̣ д̇аава аараб̣бха соманассам̣ уббаж̇ж̇ад̇у, ад̇ийд̇з гат̇ам̣ уббаж̇ж̇ад̇ийд̇и. ад̇ийд̇зби – ‘‘яат̇аахам̣ зд̇арахи идтаарамман̣ам̣ анубхаваами, звам̣ буб̣б̣зби анубхави’’нд̇и ануссаранд̇асса б̣алавасоманассам̣ уббаж̇ж̇ад̇и.
306.Gehasitānīti kāmaguṇanissitāni. Nekkhammasitānīti vipassanānissitāni. Iṭṭhānanti pariyesitānaṃ. Kantānanti kāmitānaṃ. Manoramānanti mano etesu ramatīti manoramāni, tesaṃ manoramānaṃ. Lokāmisapaṭisaṃyuttānanti taṇhāpaṭisaṃyuttānaṃ. Atītanti paṭiladdhaṃ . Paccuppannaṃ tāva ārabbha somanassaṃ uppajjatu, atīte kathaṃ uppajjatīti. Atītepi – ‘‘yathāhaṃ etarahi iṭṭhārammaṇaṃ anubhavāmi, evaṃ pubbepi anubhavi’’nti anussarantassa balavasomanassaṃ uppajjati.
анижжад̇анд̇и анижжаагаарам̣. вибарин̣аамавирааг̇анирод̇ханд̇и багад̇ивиж̇аханзна вибарин̣аамам̣, виг̇ажчанзна вирааг̇ам̣, нируж̇жханзна нирод̇хам̣. саммабан̃н̃ааяаад̇и вибассанаабан̃н̃ааяа. ид̣̇ам̣ вужжад̇и нзгкаммасид̇ам̣ соманассанд̇и ид̣̇ам̣ ран̃н̃о вияа ад̇д̇ано сирисамбад̇д̇им̣ ологзнд̇асса вибассанам̣ бадтабзд̇ваа нисиннасса сан̇каараанам̣ бхзд̣̇ам̣ бассад̇о сан̇каараг̇ад̇амхи д̇игкз суурз вибассанаан̃аан̣з ваханд̇з уббаннасоманассам̣ ‘‘нзгкаммасид̇ам̣ соманасса’’нд̇и вужжад̇и. вуд̇д̇амби жзд̇ам̣ –
Aniccatanti aniccākāraṃ. Vipariṇāmavirāganirodhanti pakativijahanena vipariṇāmaṃ, vigacchanena virāgaṃ, nirujjhanena nirodhaṃ. Sammapaññāyāti vipassanāpaññāya. Idaṃ vuccati nekkhammasitaṃ somanassanti idaṃ rañño viya attano sirisampattiṃ olokentassa vipassanaṃ paṭṭhapetvā nisinnassa saṅkhārānaṃ bhedaṃ passato saṅkhāragatamhi tikkhe sūre vipassanāñāṇe vahante uppannasomanassaṃ ‘‘nekkhammasitaṃ somanassa’’nti vuccati. Vuttampi cetaṃ –
‘‘сун̃н̃ааг̇аарам̣ бавидтасса, санд̇ажид̇д̇асса бхигкуно;
‘‘Suññāgāraṃ paviṭṭhassa, santacittassa bhikkhuno;
амаанусий рад̇ий ход̇и, саммаа д̇хаммам̣ вибассад̇о.
Amānusī ratī hoti, sammā dhammaṃ vipassato.
яад̇о яад̇о саммасад̇и, канд̇хаанам̣ уд̣̇аяаб̣б̣аяам̣;
Yato yato sammasati, khandhānaṃ udayabbayaṃ;
лабхад̇ий бийд̇ибаамож̇ж̇ам̣, амад̇анд̇ам̣ виж̇аанад̇а’’нд̇и. (д̇ха. ба. 373-374);
Labhatī pītipāmojjaṃ, amatantaṃ vijānata’’nti. (dha. pa. 373-374);
имаанийд̇и имаани часу д̣̇ваарзсу идтаарамман̣з аабаат̇аг̇ад̇з анижжаад̣̇ивасзна вибассанам̣ бадтабзд̇ваа нисиннасса уббаннаани ча нзгкаммасид̇аани соманассаани.
Imānīti imāni chasu dvāresu iṭṭhārammaṇe āpāthagate aniccādivasena vipassanaṃ paṭṭhapetvā nisinnassa uppannāni cha nekkhammasitāni somanassāni.
307. ад̇ийд̇анд̇и бажжуббаннам̣ д̇аава бад̇т̇зд̇ваа алабханд̇асса д̣̇оманассам̣ уббаж̇ж̇ад̇у, ад̇ийд̇з гат̇ам̣ уббаж̇ж̇ад̇ийд̇и. ад̇ийд̇зби ‘‘яат̇аахам̣ зд̇арахи идтаарамман̣ам̣ бад̇т̇зд̇ваа на лабхаами, звам̣ буб̣б̣зби бад̇т̇зд̇ваа на лабхи’’нд̇и ануссаранд̇асса б̣алавад̣̇оманассам̣ уббаж̇ж̇ад̇и.
307.Atītanti paccuppannaṃ tāva patthetvā alabhantassa domanassaṃ uppajjatu, atīte kathaṃ uppajjatīti. Atītepi ‘‘yathāhaṃ etarahi iṭṭhārammaṇaṃ patthetvā na labhāmi, evaṃ pubbepi patthetvā na labhi’’nti anussarantassa balavadomanassaṃ uppajjati.
ануд̇д̇арзсу вимогкзсууд̇и ануд̇д̇аравимогко наама арахад̇д̇ам̣, арахад̇д̇з бад̇т̇анам̣ бадтабзнд̇ассаад̇и ад̇т̇о. ааяад̇ананд̇и арахад̇д̇ааяад̇анам̣. бихам̣ убадтаабаяад̇од̇и бад̇т̇анам̣ бадтабзнд̇асса. д̇ам̣ банзд̇ам̣ бад̇т̇анам̣ бадтабзнд̇асса уббаж̇ж̇ад̇и, ид̇и бад̇т̇анаамуулагад̇д̇аа ‘‘бихам̣ убадтаабаяад̇о’’д̇и вуд̇д̇ам̣. имаани ча нзгкаммасид̇аани д̣̇оманассаанийд̇и имаани звам̣ часу д̣̇ваарзсу идтаарамман̣з аабаат̇аг̇ад̇з арахад̇д̇з бихам̣ бадтабзд̇ваа д̇ад̣̇ад̇хиг̇амааяа анижжаад̣̇ивасзна вибассанам̣ убадтабзд̇ваа уссуггаабзд̇ум̣ асаггонд̇асса – ‘‘имамби багкам̣ имамби маасам̣ имамби сам̣важчарам̣ арахад̇д̇ам̣ баабун̣ид̇ум̣ наасагки’’нд̇и анусожад̇о г̇ааманд̇абаб̣бхаараваасимахаасийвад̇т̇зрасса вияа ассуд̇хаараабавад̇д̇анавасзна уббаннад̣̇оманассаани ча нзгкаммасид̇ад̣̇оманассаанийд̇и взд̣̇ид̇аб̣б̣аани. вад̇т̇у бана суман̇г̇алавилаасинияаа д̣̇ийгханигааяадтагат̇ааяа саггабан̃хаван̣н̣анааяам̣ (д̣̇ий. ни. адта. 2.361) вид̇т̇аарид̇ам̣, ижчанд̇зна д̇ад̇о г̇ахзд̇аб̣б̣ам̣.
Anuttaresu vimokkhesūti anuttaravimokkho nāma arahattaṃ, arahatte patthanaṃ paṭṭhapentassāti attho. Āyatananti arahattāyatanaṃ. Pihaṃ upaṭṭhāpayatoti patthanaṃ paṭṭhapentassa. Taṃ panetaṃ patthanaṃ paṭṭhapentassa uppajjati, iti patthanāmūlakattā ‘‘pihaṃ upaṭṭhāpayato’’ti vuttaṃ. Imāni cha nekkhammasitāni domanassānīti imāni evaṃ chasu dvāresu iṭṭhārammaṇe āpāthagate arahatte pihaṃ paṭṭhapetvā tadadhigamāya aniccādivasena vipassanaṃ upaṭṭhapetvā ussukkāpetuṃ asakkontassa – ‘‘imampi pakkhaṃ imampi māsaṃ imampi saṃvaccharaṃ arahattaṃ pāpuṇituṃ nāsakkhi’’nti anusocato gāmantapabbhāravāsimahāsīvattherassa viya assudhārāpavattanavasena uppannadomanassāni cha nekkhammasitadomanassānīti veditabbāni. Vatthu pana sumaṅgalavilāsiniyā dīghanikāyaṭṭhakathāya sakkapañhavaṇṇanāyaṃ (dī. ni. aṭṭha. 2.361) vitthāritaṃ, icchantena tato gahetabbaṃ.
308. уббаж̇ж̇ад̇и убзгкаад̇и зд̇т̇а убзгкаа наама ан̃н̃аан̣убзкаа. анод̇хиж̇инассаад̇и гилзсод̇хим̣ ж̇инид̇ваа тид̇ад̇д̇аа кийн̣аасаво од̇хиж̇ино наама, д̇асмаа акийн̣аасавассаад̇и ад̇т̇о. авибаагаж̇инассаад̇и зд̇т̇аби ааяад̇им̣ вибаагам̣ ж̇инид̇ваа тид̇ад̇д̇аа кийн̣аасавова вибаагаж̇ино наама, д̇асмаа акийн̣аасавассзваад̇и ад̇т̇о. анаад̣̇ийнавад̣̇ассаавинод̇иаад̣̇ийнавад̇о убад̣̇д̣̇авад̇о абассанд̇асса. имаа ча г̇зхасид̇аа убзгкаад̇и имаа звам̣ часу д̣̇ваарзсу идтаарамман̣з аабаат̇аг̇ад̇з г̇ул̣абин̣д̣агз нилийнамагкигаа вияа руубаад̣̇ийни анад̇ивад̇д̇амаанаа д̇ад̇т̇а лаг̇г̇аа лаг̇г̇ид̇аа худ̇ваа уббаннаа убзгкаа ча г̇зхасид̇аа убзгкаад̇и взд̣̇ид̇аб̣б̣аа.
308.Uppajjati upekkhāti ettha upekkhā nāma aññāṇupekhā. Anodhijinassāti kilesodhiṃ jinitvā ṭhitattā khīṇāsavo odhijino nāma, tasmā akhīṇāsavassāti attho. Avipākajinassāti etthapi āyatiṃ vipākaṃ jinitvā ṭhitattā khīṇāsavova vipākajino nāma, tasmā akhīṇāsavassevāti attho. Anādīnavadassāvinotiādīnavato upaddavato apassantassa. Imā cha gehasitā upekkhāti imā evaṃ chasu dvāresu iṭṭhārammaṇe āpāthagate guḷapiṇḍake nilīnamakkhikā viya rūpādīni anativattamānā tattha laggā laggitā hutvā uppannā upekkhā cha gehasitā upekkhāti veditabbā.
руубам̣ саа ад̇ивад̇д̇ад̇ийд̇и руубам̣ саа анад̇иггамад̇и, д̇ад̇т̇а ниганд̇ивасзна на д̇идтад̇и. имаа ча нзгкаммасид̇аа убзгкаад̇и имаа звам̣ часу д̣̇ваарзсу идтаад̣̇иаарамман̣з аабаат̇аг̇ад̇з идтз араж̇ж̇анд̇асса, анидтз ад̣̇уссанд̇асса, асамабзгканз асаммуяханд̇асса, уббаннавибассанаа-н̃аан̣асамбаяуд̇д̇аа ча нзгкаммасид̇аа убзгкаад̇и взд̣̇ид̇аб̣б̣аа.
Rūpaṃ sā ativattatīti rūpaṃ sā anatikkamati, tattha nikantivasena na tiṭṭhati. Imā cha nekkhammasitā upekkhāti imā evaṃ chasu dvāresu iṭṭhādiārammaṇe āpāthagate iṭṭhe arajjantassa, aniṭṭhe adussantassa, asamapekkhane asammuyhantassa, uppannavipassanā-ñāṇasampayuttā cha nekkhammasitā upekkhāti veditabbā.
309. д̇ад̇ра ид̣̇ам̣ ниссааяа ид̣̇ам̣ баж̇ахат̇аад̇и д̇зсу чад̇д̇им̣сасад̇д̇абад̣̇зсу адтаараса ниссааяа адтаараса баж̇ахат̇аад̇и ад̇т̇о. д̇знзва – ‘‘д̇ад̇ра, бхигкавз, яаани ча нзгкаммасид̇ааний’’д̇иаад̣̇имааха. ниссааяа ааг̇аммаад̇и бавад̇д̇анавасзна ниссааяа жзва ааг̇амма жа. звамзд̇зсам̣ самад̇иггамо ход̇ийд̇и звам̣ нзгкаммасид̇аанам̣ бавад̇д̇анзна г̇зхасид̇аани ад̇игганд̇аани наама хонд̇и.
309.Tatra idaṃ nissāya idaṃ pajahathāti tesu chattiṃsasattapadesu aṭṭhārasa nissāya aṭṭhārasa pajahathāti attho. Teneva – ‘‘tatra, bhikkhave, yāni cha nekkhammasitānī’’tiādimāha. Nissāya āgammāti pavattanavasena nissāya ceva āgamma ca. Evametesaṃ samatikkamohotīti evaṃ nekkhammasitānaṃ pavattanena gehasitāni atikkantāni nāma honti.
звам̣ саригкагзнзва саригкагам̣ ж̇ахаабзд̇ваа ид̣̇аани б̣алавад̇аа д̣̇уб̣б̣алам̣ ж̇ахаабзнд̇о – ‘‘д̇ад̇ра, бхигкавз, яаани ча нзгкаммасид̇аани соманассааний’’д̇иаад̣̇имааха. звам̣ нзгкаммасид̇асоманассзхи нзгкаммасид̇ад̣̇оманассаани , нзгкаммасид̇аубзгкаахи жа нзгкаммасид̇асоманассаани ж̇ахаабзнд̇зна б̣алавад̇аа д̣̇уб̣б̣алаббахаанам̣ гат̇ид̇ам̣.
Evaṃ sarikkhakeneva sarikkhakaṃ jahāpetvā idāni balavatā dubbalaṃ jahāpento – ‘‘tatra, bhikkhave, yāni cha nekkhammasitāni somanassānī’’tiādimāha. Evaṃ nekkhammasitasomanassehi nekkhammasitadomanassāni , nekkhammasitaupekkhāhi ca nekkhammasitasomanassāni jahāpentena balavatā dubbalappahānaṃ kathitaṃ.
зд̇т̇а бана тад̇ваа убзгкаагат̇аа взд̣̇ид̇аб̣б̣аа – адтасу хи самаабад̇д̇ийсу батамаад̣̇ийни жа д̇ийн̣и жхаанаани, суд̣̇д̇хасан̇каарз жа баад̣̇агз гад̇ваа вибассанам̣ аарад̣̇д̇хаанам̣ жад̇уннам̣ бхигкуунам̣ буб̣б̣абхааг̇авибассанаа соманассасахаг̇ад̇аа ваа ход̇и убзгкаасахаг̇ад̇аа ваа, вудтаанаг̇ааминий бана соманассасахаг̇ад̇аава. жад̇уд̇т̇аж̇жхаанаад̣̇ийни баад̣̇агаани гад̇ваа вибассанам̣ аарад̣̇д̇хаанам̣ бан̃жаннам̣ буб̣б̣абхааг̇авибассанаа буримасад̣̇исаава. вудтаанаг̇ааминий бана убзгкаасахаг̇ад̇аа ход̇и. ид̣̇ам̣ санд̇хааяа – ‘‘яаа ча нзгкаммасид̇аа убзгкаа, д̇аа ниссааяа д̇аа ааг̇амма, яаани ча нзгкаммасид̇аани соманассаани, д̇аани баж̇ахат̇аа’’д̇и вуд̇д̇ам̣. на гзвалан̃жа звам̣бадибаннасса бхигкуно аяам̣ вибассанааяа взд̣̇анаависзсова ход̇и, арияамаг̇г̇зби бана жхаанан̇г̇аб̣ож̇жхан̇г̇амаг̇г̇ан̇г̇аанамби висзсо ход̇и.
Ettha pana ṭhatvā upekkhākathā veditabbā – aṭṭhasu hi samāpattīsu paṭhamādīni ca tīṇi jhānāni, suddhasaṅkhāre ca pādake katvā vipassanaṃ āraddhānaṃ catunnaṃ bhikkhūnaṃ pubbabhāgavipassanā somanassasahagatā vā hoti upekkhāsahagatā vā, vuṭṭhānagāminī pana somanassasahagatāva. Catutthajjhānādīni pādakāni katvā vipassanaṃ āraddhānaṃ pañcannaṃ pubbabhāgavipassanā purimasadisāva. Vuṭṭhānagāminī pana upekkhāsahagatā hoti. Idaṃ sandhāya – ‘‘yā cha nekkhammasitā upekkhā, tā nissāya tā āgamma, yāni cha nekkhammasitāni somanassāni, tāni pajahathā’’ti vuttaṃ. Na kevalañca evaṃpaṭipannassa bhikkhuno ayaṃ vipassanāya vedanāvisesova hoti, ariyamaggepi pana jhānaṅgabojjhaṅgamaggaṅgānampi viseso hoti.
го банзд̇ам̣ висзсам̣ нияамзд̇и? гзжи д̇аава т̇зраа вибассанаабаад̣̇агаж̇жхаанам̣ нияамзд̇ийд̇и вад̣̇анд̇и, гзжи вибассанааяа аарамман̣абхууд̇аа канд̇хаа нияамзнд̇ийд̇и вад̣̇анд̇и, гзжи буг̇г̇алаж̇жхаасаяо нияамзд̇ийд̇и вад̣̇анд̇и. д̇зсамби ваад̣̇з аяамзва буб̣б̣абхааг̇з вудтаанаг̇ааминийвибассанаа нияамзд̇ийд̇и взд̣̇ид̇аб̣б̣аа. винижчаяагат̇аа банзд̇т̇а висуд̣̇д̇химаг̇г̇з сан̇каарубзгкаанид̣̇д̣̇зсз вуд̇д̇аава.
Ko panetaṃ visesaṃ niyameti? Keci tāva therā vipassanāpādakajjhānaṃ niyametīti vadanti, keci vipassanāya ārammaṇabhūtā khandhā niyamentīti vadanti, keci puggalajjhāsayo niyametīti vadanti. Tesampi vāde ayameva pubbabhāge vuṭṭhānagāminīvipassanā niyametīti veditabbā. Vinicchayakathā panettha visuddhimagge saṅkhārupekkhāniddese vuttāva.
310. наанад̇д̇аад̇и наанаа б̣ахуу анзгаббагаараа. наанад̇д̇асид̇аад̇и наанаарамман̣аниссид̇аа. згад̇д̇аад̇и згаа. згад̇д̇асид̇аад̇и згаарамман̣аниссид̇аа. гад̇амаа банааяам̣ убзгкаад̇и? хздтаа д̇аава ан̃н̃аан̣убзгкаа вуд̇д̇аа, убари чал̣ан̇г̇убзгкаа вагкад̇и, ид̇ха самат̇аубзгкаа, вибассанубзгкаад̇и д̣̇вз убзгкаа г̇ахид̇аа.
310.Nānattāti nānā bahū anekappakārā. Nānattasitāti nānārammaṇanissitā. Ekattāti ekā. Ekattasitāti ekārammaṇanissitā. Katamā panāyaṃ upekkhāti? Heṭṭhā tāva aññāṇupekkhā vuttā, upari chaḷaṅgupekkhā vakkhati, idha samathaupekkhā, vipassanupekkhāti dve upekkhā gahitā.
д̇ад̇т̇а яасмаа ан̃н̃аава руубзсу убзгкаа, ан̃н̃аава сад̣̇д̣̇аад̣̇ийсу, на хи яаа руубз убзгкаа, саа сад̣̇д̣̇аад̣̇ийсу ход̇и. руубз убзгкаа жа руубамзва аарамман̣ам̣ гарод̇и , на сад̣̇д̣̇аад̣̇аяо. руубз убзгкаабхааван̃жа ан̃н̃аа самат̇аубзгкаа бат̇авийгасин̣ам̣ аарамман̣ам̣ гад̇ваа уббаж̇ж̇ад̇и, ан̃н̃аа аабогасин̣аад̣̇ийни. д̇асмаа наанад̇д̇ам̣ наанад̇д̇асид̇ам̣ вибхаж̇анд̇о ад̇т̇и, бхигкавз, убзгкаа руубзсууд̇иаад̣̇имааха . яасмаа бана д̣̇вз ваа д̇ийн̣и ваа аагаасаанан̃жааяад̇анаани ваа вин̃н̃аан̣ан̃жааяад̇анаад̣̇ийни ваа над̇т̇и, д̇асмаа згад̇д̇ам̣ згад̇д̇асид̇ам̣ вибхаж̇анд̇о ад̇т̇и, бхигкавз, убзгкаа аагаасаанан̃жааяад̇ананиссид̇аад̇иаад̣̇имааха.
Tattha yasmā aññāva rūpesu upekkhā, aññāva saddādīsu, na hi yā rūpe upekkhā, sā saddādīsu hoti. Rūpe upekkhā ca rūpameva ārammaṇaṃ karoti , na saddādayo. Rūpe upekkhābhāvañca aññā samathaupekkhā pathavīkasiṇaṃ ārammaṇaṃ katvā uppajjati, aññā āpokasiṇādīni. Tasmā nānattaṃ nānattasitaṃ vibhajanto atthi, bhikkhave, upekkhā rūpesūtiādimāha . Yasmā pana dve vā tīṇi vā ākāsānañcāyatanāni vā viññāṇañcāyatanādīni vā natthi, tasmā ekattaṃ ekattasitaṃ vibhajanto atthi, bhikkhave, upekkhā ākāsānañcāyatananissitātiādimāha.
д̇ад̇т̇а аагаасаанан̃жааяад̇анаубзгкаа самбаяуд̇д̇авасзна аагаасаанан̃жааяад̇ананиссид̇аа, аагаасаанан̃жааяад̇анаканд̇хз вибассанд̇асса вибассанубзгкаа аарамман̣авасзна аагаасаанан̃жааяад̇ананиссид̇аа. сзсаасуби зсзва наяо.
Tattha ākāsānañcāyatanaupekkhā sampayuttavasena ākāsānañcāyatananissitā, ākāsānañcāyatanakhandhe vipassantassa vipassanupekkhā ārammaṇavasena ākāsānañcāyatananissitā. Sesāsupi eseva nayo.
д̇ам̣ баж̇ахат̇аад̇и зд̇т̇а аруубааважарасамаабад̇д̇иубзгкааяа руубааважарасамаабад̇д̇иубзгкам̣ баж̇ахаабзд̇и, аруубааважаравибассанубзгкааяа руубааважаравибассанубзгкам̣.
Taṃ pajahathāti ettha arūpāvacarasamāpattiupekkhāya rūpāvacarasamāpattiupekkhaṃ pajahāpeti, arūpāvacaravipassanupekkhāya rūpāvacaravipassanupekkhaṃ.
ад̇аммаяад̇анд̇и зд̇т̇а д̇аммаяад̇аа наама д̇ан̣хаа, д̇ассаа барияаад̣̇аанад̇о вудтаанаг̇ааминийвибассанаа ад̇аммаяад̇аад̇и вужжад̇и. д̇ам̣ баж̇ахат̇аад̇и ид̇ха вудтаанаг̇ааминийвибассанааяа аруубааважарасамаабад̇д̇иубзгкан̃жа вибассанубзгкан̃жа баж̇ахаабзд̇и.
Atammayatanti ettha tammayatā nāma taṇhā, tassā pariyādānato vuṭṭhānagāminīvipassanā atammayatāti vuccati. Taṃ pajahathāti idha vuṭṭhānagāminīvipassanāya arūpāvacarasamāpattiupekkhañca vipassanupekkhañca pajahāpeti.
311. яад̣̇арияод̇и яз сад̇ибадтаанз арияо саммаасамб̣уд̣̇д̇хо сзвад̇и. д̇ад̇т̇а д̇ийсу таанзсу сад̇им̣ бадтабзнд̇о сад̇ибадтаанз сзвад̇ийд̇и взд̣̇ид̇аб̣б̣о. на суссуусанд̇ийд̇и сад̣̇д̣̇ахид̇ваа сод̇ум̣ на ижчанд̇и. на ан̃н̃аад̇и ж̇аананад̇т̇ааяа жид̇д̇ам̣ на убадтабзнд̇и. воггаммаад̇и ад̇иггамид̇ваа. сад̇т̇у саасанаад̇и сад̇т̇у оваад̣̇ам̣ г̇ахзд̇аб̣б̣ам̣ буурзд̇аб̣б̣ам̣ на ман̃н̃анд̇ийд̇и ад̇т̇о. на жа ад̇д̇аманод̇и на сагамано. зд̇т̇а жа г̇зхасид̇ад̣̇оманассавасзна аббад̇ийд̇о ход̇ийд̇и на звамад̇т̇о д̣̇адтаб̣б̣о, аббадибаннагзсу бана ад̇д̇аманад̇аагааран̣асса абхаавзнзд̇ам̣ вуд̇д̇ам̣. анавассуд̇од̇и бадигхаавассавзна анавассуд̇о. сад̇о самбаж̇аанод̇и сад̇ияаа жа н̃аан̣зна жа саманнааг̇ад̇о . убзгкагод̇и чал̣ан̇г̇убзгкааяа убзгкаго. ад̇д̇аманод̇и ид̇хааби г̇зхасид̇асоманассавасзна уббилаавид̇од̇и на звамад̇т̇о д̣̇адтаб̣б̣о, бадибаннагзсу бана анад̇д̇аманад̇аагааран̣асса абхаавзнзд̇ам̣ вуд̇д̇ам̣. анавассуд̇од̇и рааг̇аавассавзна анавассуд̇о.
311.Yadariyoti ye satipaṭṭhāne ariyo sammāsambuddho sevati. Tattha tīsu ṭhānesu satiṃ paṭṭhapento satipaṭṭhāne sevatīti veditabbo. Na sussūsantīti saddahitvā sotuṃ na icchanti. Na aññāti jānanatthāya cittaṃ na upaṭṭhapenti. Vokkammāti atikkamitvā. Satthu sāsanāti satthu ovādaṃ gahetabbaṃ pūretabbaṃ na maññantīti attho. Na ca attamanoti na sakamano. Ettha ca gehasitadomanassavasena appatīto hotīti na evamattho daṭṭhabbo, appaṭipannakesu pana attamanatākāraṇassa abhāvenetaṃ vuttaṃ. Anavassutoti paṭighaavassavena anavassuto. Sato sampajānoti satiyā ca ñāṇena ca samannāgato . Upekkhakoti chaḷaṅgupekkhāya upekkhako. Attamanoti idhāpi gehasitasomanassavasena uppilāvitoti na evamattho daṭṭhabbo, paṭipannakesu pana anattamanatākāraṇassa abhāvenetaṃ vuttaṃ. Anavassutoti rāgāvassavena anavassuto.
312. саарид̇од̇и д̣̇амид̇о. згамзва д̣̇исам̣ д̇хаавад̇ийд̇и анивад̇д̇ид̇ваа д̇хааванд̇о згам̣язва д̣̇исам̣ д̇хаавад̇и, нивад̇д̇ид̇ваа бана абарам̣ д̇хаавид̇ум̣ саггод̇и. адта д̣̇исаа вид̇хаавад̇ийд̇и згабаллан̇гзна нисинно гааязна анивад̇д̇ид̇ваава вимогкавасзна згаббахаарзнзва адта д̣̇исаа вид̇хаавад̇и, бурад̇т̇аабхимуко ваа д̣̇агкин̣аад̣̇ийсу ан̃н̃ад̇арад̣̇исаабхимуко ваа нисийд̣̇ид̇ваа адта самаабад̇д̇ияо самаабаж̇ж̇ад̇иязваад̇и ад̇т̇о. сзсам̣ саб̣б̣ад̇т̇а уд̇д̇аанамзваад̇и.
312.Sāritoti damito. Ekameva disaṃ dhāvatīti anivattitvā dhāvanto ekaṃyeva disaṃ dhāvati, nivattitvā pana aparaṃ dhāvituṃ sakkoti. Aṭṭhadisā vidhāvatīti ekapallaṅkena nisinno kāyena anivattitvāva vimokkhavasena ekappahāreneva aṭṭha disā vidhāvati, puratthābhimukho vā dakkhiṇādīsu aññataradisābhimukho vā nisīditvā aṭṭha samāpattiyo samāpajjatiyevāti attho. Sesaṃ sabbattha uttānamevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
сал̣ааяад̇анавибхан̇г̇асуд̇д̇аван̣н̣анаа нидтид̇аа.
Saḷāyatanavibhaṅgasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 7. сал̣ааяад̇анавибхан̇г̇асуд̇д̇ам̣ • 7. Saḷāyatanavibhaṅgasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 7. сал̣ааяад̇анавибхан̇г̇асуд̇д̇аван̣н̣анаа • 7. Saḷāyatanavibhaṅgasuttavaṇṇanā
