| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
7. сал̣ааяад̇анавибхан̇г̇асуд̇д̇аван̣н̣анаа
7. Saḷāyatanavibhaṅgasuttavaṇṇanā
304. взд̣̇ид̇аб̣б̣аанийд̇и зд̇т̇а яат̇аа вид̣̇ид̇аани ча аж̇жхад̇д̇игаани ааяад̇анаани ваддад̣̇угкасамад̇иггамааяа хонд̇и, д̇ат̇аа взд̣̇анам̣ ад̇хиббзд̇анд̇и ааха – ‘‘сахавибассанзна маг̇г̇зна ж̇аанид̇аб̣б̣ааний’’д̇и. д̇ад̇т̇а вибассанааяа аарамман̣ад̇о маг̇г̇зна асаммохад̇о ж̇аананам̣ д̣̇адтаб̣б̣ам̣. сзсабад̣̇зсуби зсзва наяо. мано сависзсам̣ убавижарад̇и аарамман̣з бавад̇д̇ад̇и зд̇зхийд̇и манобавижаараа, вид̇аггавижаараа. аарамман̣з хи абхиниробанаанумаж̇ж̇анзхи вид̇аггавижаарзхи саха жид̇д̇ам̣ бавад̇д̇ад̇и, на д̇аб̣б̣ирахид̇ам̣. д̇знааха ‘‘вид̇аггавижаараа’’д̇иаад̣̇и. сад̇д̇аа баж̇ж̇анд̇и зд̇зхи яат̇аарахам̣ ваддам̣ виваддан̃жаад̇и сад̇д̇абад̣̇аа , г̇зханиссид̇аа ваддабад̣̇аа. яог̇г̇аанам̣ д̣̇аманааажарияаа яог̇г̇аажарияаа. д̇знааха ‘‘д̣̇амзд̇аб̣б̣ад̣̇амагаана’’нд̇и. сзсанд̇и вуд̇д̇аавасзсам̣ згасад̇д̇ад̇ивид̇хавин̃н̃аан̣ам̣ сапассаруубагассзва ад̇хиббзд̇ад̇д̇аа.
304.Veditabbānīti ettha yathā viditāni cha ajjhattikāni āyatanāni vaṭṭadukkhasamatikkamāya honti, tathā vedanaṃ adhippetanti āha – ‘‘sahavipassanena maggena jānitabbānī’’ti. Tattha vipassanāya ārammaṇato maggena asammohato jānanaṃ daṭṭhabbaṃ. Sesapadesupi eseva nayo. Mano savisesaṃ upavicarati ārammaṇe pavattati etehīti manopavicārā, vitakkavicārā. Ārammaṇe hi abhiniropanānumajjanehi vitakkavicārehi saha cittaṃ pavattati, na tabbirahitaṃ. Tenāha ‘‘vitakkavicārā’’tiādi. Sattā pajjanti etehi yathārahaṃ vaṭṭaṃ vivaṭṭañcāti sattapadā, gehanissitā vaṭṭapadā. Yoggānaṃ damanaācariyā yoggācariyā. Tenāha ‘‘dametabbadamakāna’’nti. Sesanti vuttāvasesaṃ ekasattatividhaviññāṇaṃ saphassarūpakasseva adhippetattā.
305. ид̇хаад̇и имиссам̣ чавин̃н̃аан̣агааяад̣̇зсанааяам̣. манод̇хаад̇уд̇д̇аяавинимуд̇д̇амзва мановин̃н̃аан̣ад̇хаад̇ууд̇и взд̣̇ид̇аб̣б̣ам̣.
305.Idhāti imissaṃ chaviññāṇakāyadesanāyaṃ. Manodhātuttayavinimuttameva manoviññāṇadhātūti veditabbaṃ.
жагкумхи сампассод̇и жагкум̣ ниссааяа уббанно сампассо. д̇знааха – ‘‘жагкувин̃аан̣асамбаяуд̇д̇асампассассзд̇ам̣ ад̇хиважана’’нд̇и.
Cakkhumhi samphassoti cakkhuṃ nissāya uppanno samphasso. Tenāha – ‘‘cakkhuviñāṇasampayuttasamphassassetaṃ adhivacana’’nti.
яат̇аа гзвалзна вин̃н̃аан̣зна руубад̣̇ассанам̣ на ход̇и, звам̣ гзвалзна жагкубасаад̣̇знабийд̇и вуд̇д̇ам̣ ‘‘жагкувин̃н̃аан̣знаа’’д̇и. д̇зна баал̣ияам̣ жагкунаад̇и ниссаяамукзна ниссид̇агижжам̣ вуд̇д̇анд̇и д̣̇ассзд̇и. аарамман̣авасзнаад̇и аарамман̣абажжаяабхаавзна. ‘‘убавижарад̇и’’жжзва гасмаа вуд̇д̇ам̣, нану д̇ад̇т̇а вид̇аггаб̣яаабаароби ад̇т̇ийд̇и? сажжам̣ ад̇т̇и. со банзд̇т̇а д̇аг̇г̇ад̇игод̇и ааха – ‘‘вид̇агго д̇ам̣самбаяуд̇д̇о жаа’’д̇и. самбаяуд̇д̇ад̇хаммаанамби убавижаран̣ам̣ вид̇аггавижаараанам̣язвзд̇т̇а гижжанд̇и ‘‘вид̇аггавижаарасан̇каад̇аа манобавижаараа’’д̇и вуд̇д̇ам̣. соманассаяуд̇д̇о убавижааро соманассуубавижааро яат̇аа ‘‘ааж̇ан̃н̃арат̇о’’д̇и ааха ‘‘соманассзна сад̣̇д̇хи’’нд̇иаад̣̇и.
Yathā kevalena viññāṇena rūpadassanaṃ na hoti, evaṃ kevalena cakkhupasādenapīti vuttaṃ ‘‘cakkhuviññāṇenā’’ti. Tena pāḷiyaṃ cakkhunāti nissayamukhena nissitakiccaṃ vuttanti dasseti. Ārammaṇavasenāti ārammaṇapaccayabhāvena. ‘‘Upavicarati’’cceva kasmā vuttaṃ, nanu tattha vitakkabyāpāropi atthīti? Saccaṃ atthi. So panettha taggatikoti āha – ‘‘vitakko taṃsampayutto cā’’ti. Sampayuttadhammānampi upavicaraṇaṃ vitakkavicārānaṃyevettha kiccanti ‘‘vitakkavicārasaṅkhātā manopavicārā’’ti vuttaṃ. Somanassayutto upavicāro somanassūpavicāro yathā ‘‘ājaññaratho’’ti āha ‘‘somanassena saddhi’’ntiādi.
306. убавижаараанам̣ убассаяадтзна г̇зхам̣ вияаад̇и г̇зхам̣, руубаад̣̇аяод̇и ааха – ‘‘г̇зхассид̇аанийд̇и гаамаг̇ун̣аниссид̇ааний’’д̇и. нижжасан̃н̃аад̣̇инигкаманад̇о нзгкаммам̣ вибассанаад̇и, ‘‘нзгкаммассид̇аанийд̇и вибассанааниссид̇ааний’’д̇и вуд̇д̇ам̣. идтаананд̇и гасиван̣иж̇ж̇аад̣̇ивасзна барияидтаананд̇и ааха ‘‘бариязсид̇аана’’нд̇и. бияабхааво бана ганд̇асад̣̇д̣̇знзва гат̇ид̇од̇и гаамид̇аб̣б̣аанам̣ мано рамзд̇ийд̇и манорамаанам̣. логзна аамасийяад̇ийд̇и логаамисам̣, д̇ан̣хаа. д̇ааяа г̇ахзд̇аб̣б̣ад̇ааяа идтабхааваабаад̣̇анзна бадисан̇кад̇ад̇ааяа жа бадисам̣яуд̇д̇аанам̣. ад̇ийд̇з гад̇ам̣ уббаж̇ж̇ад̇и аарамман̣игаанубхаванасса асамбхавад̇од̇и ад̇хиббааяо. зд̣̇исам̣ ануссаран̣ам̣ д̣̇идтаг̇г̇ахан̣аануссарзна жа ход̇ийд̇и д̣̇ассзд̇ум̣, ‘‘яат̇ааха’’нд̇иаад̣̇и вуд̇д̇ам̣.
306. Upavicārānaṃ upassayaṭṭhena gehaṃ viyāti gehaṃ, rūpādayoti āha – ‘‘gehassitānīti kāmaguṇanissitānī’’ti. Niccasaññādinikkhamanato nekkhammaṃ vipassanāti, ‘‘nekkhammassitānītivipassanānissitānī’’ti vuttaṃ. Iṭṭhānanti kasivaṇijjādivasena pariyiṭṭhānanti āha ‘‘pariyesitāna’’nti. Piyabhāvo pana kantasaddeneva kathitoti kāmitabbānaṃ mano rametīti manoramānaṃ. Lokena āmasīyatīti lokāmisaṃ, taṇhā. Tāya gahetabbatāya iṭṭhabhāvāpādanena paṭisaṅkhatatāya ca paṭisaṃyuttānaṃ. Atīte kataṃ uppajjati ārammaṇikaanubhavanassa asambhavatoti adhippāyo. Edisaṃ anussaraṇaṃ diṭṭhaggahaṇānussarena ca hotīti dassetuṃ, ‘‘yathāha’’ntiādi vuttaṃ.
анижжаагааранд̇и худ̇ваа абхааваагаарам̣. вибарин̣аамавирааг̇анирод̇ханд̇и ж̇арааяа маран̣зна жаад̇и д̣̇взд̇хаа вибарин̣аамзд̇аб̣б̣ан̃жзва, д̇ад̇о зва балогид̇ам̣ бхан̇г̇ан̃жа. адтагат̇ааяам̣ бана яасмаа уббаннам̣ руубам̣ д̇знзваагаарзна на д̇идтад̇и , ат̇а ко уббаад̣̇аавад̇т̇аасан̇каад̇ам̣ багад̇им̣ виж̇ахад̇и, виж̇ахид̇ан̃жа ж̇араавад̇т̇ааяа д̇ад̇о виг̇ажчад̇и, виг̇ажчанд̇ан̃жа бхан̇г̇уббад̇д̇ияаа нируж̇жхад̇ийд̇и имам̣ висзсам̣ д̣̇ассзд̇ум̣, ‘‘багад̇ивиж̇аханзнаа’’д̇иаад̣̇и вуд̇д̇ам̣. гааман̃жзд̇т̇а ‘‘яат̇аабхууд̇ам̣ саммаббан̃н̃ааяа бассад̇о’’д̇и вуд̇д̇ам̣, ануб̣од̇хан̃аан̣ам̣ бана ад̇хиббзд̇ам̣ вийт̇ибадибаннааяа вибассанааяа васзнаад̇и ‘‘вибассанаабан̃н̃ааяаа’’д̇и вуд̇д̇ам̣ убавижааранид̣̇д̣̇зсабхаавад̇о. д̇ат̇аа хи вагкад̇и – ‘‘часуд̣̇ваарзсу идтаарамман̣з аабаат̇аг̇ад̇з’’д̇иаад̣̇и. сан̇каараанам̣ бхзд̣̇ам̣ бассад̇од̇и саб̣б̣зсам̣ сан̇каараанам̣ кан̣з кан̣з бхиж̇ж̇анасабхаавам̣ вийт̇ибадибаннзна вибассанаан̃аан̣зна бассад̇о. д̇знааха ‘‘сан̇каараг̇ад̇амхи д̇игкз’’д̇иаад̣̇и. д̇ад̇т̇а сан̇кааг̇ад̇амхийд̇и сан̇каараг̇ад̇з висаяабхууд̇з. д̇игкзд̇и бхааванааб̣алзна инд̣̇рияаанан̃жа самад̇ааяа д̇иб̣б̣з. суурзд̇и бадибагкзхи анабхибхууд̇ад̇ааяа, д̇зсан̃жа абхибхаванасамад̇т̇ад̇ааяа висад̣̇з бадубхууд̇з бавад̇д̇анд̇з.
Aniccākāranti hutvā abhāvākāraṃ. Vipariṇāmavirāganirodhanti jarāya maraṇena cāti dvedhā vipariṇāmetabbañceva, tato eva palokitaṃ bhaṅgañca. Aṭṭhakathāyaṃ pana yasmā uppannaṃ rūpaṃ tenevākārena na tiṭṭhati , atha kho uppādāvatthāsaṅkhātaṃ pakatiṃ vijahati, vijahitañca jarāvatthāya tato vigacchati, vigacchantañca bhaṅguppattiyā nirujjhatīti imaṃ visesaṃ dassetuṃ, ‘‘pakativijahanenā’’tiādi vuttaṃ. Kāmañcettha ‘‘yathābhūtaṃ sammappaññāya passato’’ti vuttaṃ, anubodhañāṇaṃ pana adhippetaṃ vīthipaṭipannāya vipassanāya vasenāti ‘‘vipassanāpaññāyā’’ti vuttaṃ upavicāraniddesabhāvato. Tathā hi vakkhati – ‘‘chasudvāresu iṭṭhārammaṇe āpāthagate’’tiādi. Saṅkhārānaṃ bhedaṃ passatoti sabbesaṃ saṅkhārānaṃ khaṇe khaṇe bhijjanasabhāvaṃ vīthipaṭipannena vipassanāñāṇena passato. Tenāha ‘‘saṅkhāragatamhi tikkhe’’tiādi. Tattha saṅkhāgatamhīti saṅkhāragate visayabhūte. Tikkheti bhāvanābalena indriyānañca samatāya tibbe. Sūreti paṭipakkhehi anabhibhūtatāya, tesañca abhibhavanasamatthatāya visade paṭubhūte pavattante.
гилзсаанам̣ вигкамбханавасзна вуубасанд̇ад̇ааяа санд̇ажид̇д̇асса, сам̣саарз бхаяасса игканад̇о бхигкуно, уд̇д̇аримануссад̇хаммасанниссид̇ад̇д̇аа амаанусий рад̇ийд̇и вивзгарад̇и нзгкаммарад̇и. яад̇о яад̇од̇и яат̇аа яат̇аа наяавибассанаад̣̇ийсу язна язна саммасанаагаарзнаад̇и ад̇т̇о. канд̇хаанам̣ уд̣̇аяаб̣б̣аяанд̇и бан̃жубаад̣̇аанагканд̇хаанам̣ уббаад̣̇ан̃жа бхан̇г̇ан̃жа. амад̇анд̇ам̣ виж̇аанад̇анд̇и виж̇аананд̇аанам̣ вин̃н̃уунам̣ аарад̣̇д̇хавибассанаанам̣ д̇ам̣ бийд̇ибаамож̇ж̇ам̣ амад̇аад̇хиг̇амахзд̇уд̇ааяа амад̇анд̇и взд̣̇ид̇аб̣б̣ам̣.
Kilesānaṃ vikkhambhanavasena vūpasantatāya santacittassa, saṃsāre bhayassa ikkhanato bhikkhuno, uttarimanussadhammasannissitattā amānusī ratīti vivekarati nekkhammarati. Yato yatoti yathā yathā nayavipassanādīsu yena yena sammasanākārenāti attho. Khandhānaṃ udayabbayanti pañcupādānakkhandhānaṃ uppādañca bhaṅgañca. Amatantaṃ vijānatanti vijānantānaṃ viññūnaṃ āraddhavipassanānaṃ taṃ pītipāmojjaṃ amatādhigamahetutāya amatanti veditabbaṃ.
часу д̣̇ваарзсу идтаарамман̣з аабаат̇аг̇ад̇зд̇и руубаад̣̇ивасзна чаб̣б̣ид̇хз идтаарамман̣з яат̇аарахам̣ часу д̣̇ваарзсу аабаат̇аг̇ад̇з. висаяз жзд̇ам̣ бхуммаважанам̣.
Chasu dvāresu iṭṭhārammaṇe āpāthagateti rūpādivasena chabbidhe iṭṭhārammaṇe yathārahaṃ chasu dvāresu āpāthagate. Visaye cetaṃ bhummavacanaṃ.
307. бажжуббаннанд̇и санд̇ад̇ибажжуббаннам̣. ануд̇д̇аравимогко наама арахад̇д̇ам̣ ид̇ха ад̇хиббзд̇ам̣ уггадтанид̣̇д̣̇зсзна. гат̇ам̣ бана д̇ад̇т̇а бихам̣ убадтабзд̇и, на хи ад̇хиг̇ад̇ам̣ арахад̇д̇ам̣ аарамман̣ам̣ ход̇и, на жа д̇ам̣ аараб̣бха бихаа бавад̇д̇ад̇ийд̇и? го ваа звамааха – ‘‘арахад̇д̇ам̣ аарамман̣ам̣ гад̇ваа бихам̣ убадтабзд̇ий’’д̇и. ануссуд̇илад̣̇д̇хам̣ бана баригаббасид̣̇д̇хам̣ арахад̇д̇ам̣ уд̣̇д̣̇исса бад̇т̇анам̣ табзд̇и, д̇ад̇т̇а жид̇д̇ам̣ бан̣ид̣̇ахад̇и. д̇знааха бхаг̇аваа – ‘‘гуд̣̇аассу наамаахам̣ д̇ад̣̇ааяад̇анам̣ убасамбаж̇ж̇а вихариссаамий’’д̇и. ааяад̇ананд̇и арахад̇д̇амзва чал̣ан̇г̇асаманнааг̇амаад̣̇игааран̣абхаавад̇о, манааяад̇анад̇хаммааяад̇анабхаавад̇о жа д̇ат̇аа вуд̇д̇ам̣, д̇ам̣ банзд̇ам̣ д̣̇оманассам̣ бад̇т̇анам̣ бадтабзнд̇асса уббаж̇ж̇ад̇и бад̇т̇анааяа сахаавад̇д̇анад̇о. на хи лобхад̣̇осаанам̣ саха вуд̇д̇и ад̇т̇и. бад̇т̇анаамуулагад̇д̇аад̇и иминаа убадтаабаяад̇о бад̣̇асса хзд̇уад̇т̇аж̇од̇агад̇амааха. званд̇и ‘‘гуд̣̇аассунаамаа’’д̇иаад̣̇инаа вуд̇д̇аагаарзна. уссуггаабзд̇унд̇и яат̇аа маг̇г̇зна гхадзд̇и, звам̣ уссуггаабзд̇ум̣.
307.Paccuppannanti santatipaccuppannaṃ. Anuttaravimokkho nāma arahattaṃ idha adhippetaṃ ukkaṭṭhaniddesena. Kathaṃ pana tattha pihaṃ upaṭṭhapeti, na hi adhigataṃ arahattaṃ ārammaṇaṃ hoti, na ca taṃ ārabbha pihā pavattatīti? Ko vā evamāha – ‘‘arahattaṃ ārammaṇaṃ katvā pihaṃ upaṭṭhapetī’’ti. Anussutiladdhaṃ pana parikappasiddhaṃ arahattaṃ uddissa patthanaṃ ṭhapeti, tattha cittaṃ paṇidahati. Tenāha bhagavā – ‘‘kudāssu nāmāhaṃ tadāyatanaṃ upasampajja viharissāmī’’ti. Āyatananti arahattameva chaḷaṅgasamannāgamādikāraṇabhāvato, manāyatanadhammāyatanabhāvato ca tathā vuttaṃ, taṃ panetaṃ domanassaṃ patthanaṃ paṭṭhapentassa uppajjati patthanāya sahāvattanato. Na hi lobhadosānaṃ saha vutti atthi. Patthanāmūlakattāti iminā upaṭṭhāpayato padassa hetuatthajotakatamāha. Evanti ‘‘kudāssunāmā’’tiādinā vuttākārena. Ussukkāpetunti yathā maggena ghaṭeti, evaṃ ussukkāpetuṃ.
308. ан̃н̃аан̣убзгкаад̇и ан̃н̃аан̣асахид̇аа убзгкаа асамабзгканабавад̇д̇аа. д̇зна д̇зна маг̇г̇од̇хинаа д̇асса д̇асса абааяаг̇аманийяагилзсод̇хисса анавасзсад̇о ж̇ид̇ад̇д̇аа кийн̣аасаво ниббарияааяад̇о од̇хиж̇ино наама; д̇ад̣̇абхаавад̇о бут̇уж̇ж̇ано ниббарияааяад̇ова анод̇хиж̇ино наама; сзко бана сияаа барияааяад̇о од̇хиж̇инод̇и. д̇амби нивад̇д̇знд̇о, ‘‘акийн̣аасавассаад̇и ад̇т̇о’’д̇и ааха. ааяад̇им̣ вибаагам̣ ж̇инид̇ваад̇и аббавад̇д̇игаран̣авасзна саб̣б̣асо ааяад̇им̣ вибаагам̣ ж̇инид̇ваа тид̇ад̇д̇аа кийн̣аасавова ниббарияааяад̇о вибаагаж̇ино наама; д̇ад̣̇абхаавад̇о бут̇уж̇ж̇ано ниббарияааяад̇о авибаагаж̇ино наама; сзко бана сияаа барияааяад̇о вибаагаж̇инод̇и. д̇амби нивад̇д̇знд̇о ‘‘акийн̣аасавассзваад̇и ад̇т̇о’’д̇и ааха. абассанд̇асса руубанд̇и баал̣ид̇о бад̣̇ам̣ аанзд̇ваа самб̣анд̇хид̇аб̣б̣ам̣. баал̣ияам̣ буб̣б̣з ‘‘бут̇уж̇ж̇анассаа’’д̇и вад̇ваа буна ‘‘ассуд̇авад̇о бут̇уж̇ж̇анассаа’’д̇и важанам̣ анд̇хабут̇уж̇ж̇анассааяам̣ убзгкаа, на галяаан̣абут̇уж̇ж̇анассаад̇и д̣̇ассанад̇т̇ам̣. г̇зхассид̇аа убзгкаа хи яам̣ гин̃жи аарамман̣авад̇т̇ум̣ абзгкассзва, на нирабзгкассаад̇и идтз, идтамаж̇жхад̇д̇з ваа аарамман̣з сияаад̇и вуд̇д̇ам̣ ‘‘идтаарамман̣з аабаат̇аг̇ад̇з’’д̇и. ан̃н̃аан̣зна бана д̇ад̇т̇а аж̇жхубзгканаагаараббад̇д̇и ход̇и. д̇знааха ‘‘г̇ул̣абин̣д̣агз’’д̇иаад̣̇и.
308.Aññāṇupekkhāti aññāṇasahitā upekkhā asamapekkhanapavattā. Tena tena maggodhinā tassa tassa apāyagamanīyakilesodhissa anavasesato jitattā khīṇāsavo nippariyāyato odhijino nāma; tadabhāvato puthujjano nippariyāyatova anodhijino nāma; sekho pana siyā pariyāyato odhijinoti. Tampi nivattento, ‘‘akhīṇāsavassāti attho’’ti āha. Āyatiṃ vipākaṃ jinitvāti appavattikaraṇavasena sabbaso āyatiṃ vipākaṃ jinitvā ṭhitattā khīṇāsavova nippariyāyato vipākajino nāma; tadabhāvato puthujjano nippariyāyato avipākajino nāma; sekho pana siyā pariyāyato vipākajinoti. Tampi nivattento ‘‘akhīṇāsavassevāti attho’’ti āha. Apassantassa rūpanti pāḷito padaṃ ānetvā sambandhitabbaṃ. Pāḷiyaṃ pubbe ‘‘puthujjanassā’’ti vatvā puna ‘‘assutavato puthujjanassā’’ti vacanaṃ andhaputhujjanassāyaṃ upekkhā, na kalyāṇaputhujjanassāti dassanatthaṃ. Gehassitā upekkhā hi yaṃ kiñci ārammaṇavatthuṃ apekkhasseva, na nirapekkhassāti iṭṭhe, iṭṭhamajjhatte vā ārammaṇe siyāti vuttaṃ ‘‘iṭṭhārammaṇe āpāthagate’’ti. Aññāṇena pana tattha ajjhupekkhanākārappatti hoti. Tenāha ‘‘guḷapiṇḍake’’tiādi.
идтз араж̇ж̇анд̇асса анидтз ад̣̇уссанд̇ассаад̇и ид̣̇ам̣ язбхуяязна сад̇д̇аанам̣ идтз раж̇ж̇анам̣, анидтз д̣̇уссананд̇и гад̇ваа вуд̇д̇ам̣. аяонияоманасигааро хи д̇ам̣д̇ам̣аарамман̣авасзна на гад̇т̇ажиби ж̇авананияамам̣ гарод̇ийд̇и вуд̇д̇авибарийд̇зби аарамман̣з раж̇ж̇анад̣̇уссанам̣ самбхавад̇и, д̇ат̇аабисса раж̇ж̇анад̣̇уссанам̣ ад̇т̇ад̇о бадигкид̇д̇амзваад̇и д̣̇адтаб̣б̣ам̣. асамабзгканзд̇и асамам̣ аяуд̇д̇ад̣̇ассанз аяонисо саммохабуб̣б̣агам̣ аарамман̣асса г̇ахан̣з.
Iṭṭhe arajjantassa aniṭṭhe adussantassāti idaṃ yebhuyyena sattānaṃ iṭṭhe rajjanaṃ, aniṭṭhe dussananti katvā vuttaṃ. Ayoniyomanasikāro hi taṃtaṃārammaṇavasena na katthacipi javananiyamaṃ karotīti vuttaviparītepi ārammaṇe rajjanadussanaṃ sambhavati, tathāpissa rajjanadussanaṃ atthato paṭikkhittamevāti daṭṭhabbaṃ. Asamapekkhaneti asamaṃ ayuttadassane ayoniso sammohapubbakaṃ ārammaṇassa gahaṇe.
309. бавад̇д̇анавасзнаад̇и уббаад̣̇анавасзна жзва б̣ахулийгаран̣авасзна жа. ниссааяа жзва ааг̇амма жаад̇и ааг̇аманадтаанабхууд̇з ниссаяабажжаяабхууд̇з жа гад̇ваа. ад̇игганд̇аани наама хонд̇и вигкамбханзна уссаарзнд̇аа самуссаарзнд̇аа.
309.Pavattanavasenāti uppādanavasena ceva bahulīkaraṇavasena ca. Nissāya ceva āgammacāti āgamanaṭṭhānabhūte nissayapaccayabhūte ca katvā. Atikkantāni nāma honti vikkhambhanena ussārentā samussārentā.
соманассабхаавасааман̃н̃ам̣ г̇ахзд̇ваа, ‘‘саригкагзнзва саригкагам̣ ж̇ахаабзд̇ваа’’д̇и вуд̇д̇ам̣. ид̇хааби бахааяагам̣ наама бахаад̇аб̣б̣ад̇о б̣алавамзва, сам̣гилзсад̇хаммаанам̣ б̣алавабхаавад̇о саад̇исаяам̣ бана б̣алавабхаавам̣ санд̇хааяа ‘‘ид̣̇аани б̣алавад̇аа’’д̇иаад̣̇и вуд̇д̇ам̣. б̣алавабхаавад̇о вод̣̇аанад̇хаммаанам̣ ад̇хиг̇амасса ад̇хиббзд̇ад̇д̇аа хзд̇т̇а нзгкаммассид̇ад̣̇оманассаанамби бахаанам̣ ж̇од̇ид̇ам̣.
Somanassabhāvasāmaññaṃ gahetvā, ‘‘sarikkhakeneva sarikkhakaṃ jahāpetvā’’ti vuttaṃ. Idhāpi pahāyakaṃ nāma pahātabbato balavameva, saṃkilesadhammānaṃ balavabhāvato sātisayaṃ pana balavabhāvaṃ sandhāya ‘‘idāni balavatā’’tiādi vuttaṃ. Balavabhāvato vodānadhammānaṃ adhigamassa adhippetattā hettha nekkhammassitadomanassānampi pahānaṃ jotitaṃ.
убзгкааяа бахааяагабхаавзна ад̇хиббзд̇ад̇д̇аа ‘‘убзгкаагат̇аа взд̣̇ид̇аб̣б̣аа’’д̇и вуд̇д̇ам̣. жхаанасса алаабхино жа лаабхино жа багин̣н̣агасан̇каарасаммасанам̣ санд̇хааяа, ‘‘суд̣̇д̇хасан̇каарз жа баад̣̇агз гад̇ваа’’д̇и. убзгкаасахаг̇ад̇аад̇и бхааванааяа баг̇ун̣абхаавам̣ ааг̇амма гад̣̇аажи аж̇жхубзгканавасзнаби хи саммасанам̣ ход̇ийд̇и. баад̣̇агаж̇жхаанавасзна, саммасид̇ад̇хаммавасзна ваа ааг̇аманавибассанааяа б̣ахулам̣ соманассасахаг̇ад̇абхаавад̇о ‘‘вудтаанаг̇ааминий бана вибассанаа соманассасахаг̇ад̇ааваа’’д̇и нияамзд̇ваа вуд̇д̇ам̣. убзгкаасахаг̇ад̇аа ход̇ийд̇и зд̇т̇ааби зсзва наяо. жад̇уд̇т̇аж̇жхаанаад̣̇ийнийд̇и аад̣̇и-сад̣̇д̣̇зна аруубаж̇жхаанаани сан̇г̇ан̣хаад̇и. буримасад̣̇исааваад̇и буримасад̣̇исаа зва, убзгкаасахаг̇ад̇аа ваа ход̇и соманассасахаг̇ад̇аа ваад̇и ад̇т̇о. ид̣̇ам̣ санд̇хааяаад̇и яам̣ жад̇уд̇т̇аж̇жхаанаад̣̇ибаад̣̇агад̇о зва убзгкаасахаг̇ад̇ам̣ вудтаанаг̇ааминивибассанам̣ ниссааяа соманассасахаг̇ад̇ааяа вибассанааяа бахаанам̣, ид̣̇ам̣ санд̇хааяа. бахаананд̇и жзд̇т̇а самад̇иггамалагкан̣ам̣ взд̣̇ид̇аб̣б̣ам̣.
Upekkhāya pahāyakabhāvena adhippetattā ‘‘upekkhākathā veditabbā’’ti vuttaṃ. Jhānassa alābhino ca lābhino ca pakiṇṇakasaṅkhārasammasanaṃ sandhāya, ‘‘suddhasaṅkhāre ca pādake katvā’’ti. Upekkhāsahagatāti bhāvanāya paguṇabhāvaṃ āgamma kadāci ajjhupekkhanavasenapi hi sammasanaṃ hotīti. Pādakajjhānavasena, sammasitadhammavasena vā āgamanavipassanāya bahulaṃ somanassasahagatabhāvato ‘‘vuṭṭhānagāminī pana vipassanā somanassasahagatāvā’’ti niyametvā vuttaṃ. Upekkhāsahagatā hotīti etthāpi eseva nayo. Catutthajjhānādīnīti ādi-saddena arūpajjhānāni saṅgaṇhāti. Purimasadisāvāti purimasadisā eva, upekkhāsahagatā vā hoti somanassasahagatā vāti attho. Idaṃ sandhāyāti yaṃ catutthajjhānādipādakato eva upekkhāsahagataṃ vuṭṭhānagāminivipassanaṃ nissāya somanassasahagatāya vipassanāya pahānaṃ, idaṃ sandhāya. Pahānanti cettha samatikkamalakkhaṇaṃ veditabbaṃ.
зд̇ам̣ висзсам̣ вибассанааяа ааваж̇ж̇анадтаанабхууд̇ам̣. вудтаанаг̇ааминияаа аасаннз самаабаннаж̇жхаанавибассанаа баад̣̇агаж̇жхаанавибассанаа, саммасид̇ад̇хаммод̇и вибассанааяа аарамман̣абхууд̇аа канд̇хаа. буг̇г̇алаж̇жхаасаяод̇и баад̣̇агаж̇жхаанасса саммасид̇аж̇жхаанасса жа бхзд̣̇з сад̇и бадибаж̇ж̇анагасса буг̇г̇аласса, ‘‘ахо вад̇а маяхам̣ бан̃жан̇г̇игам̣ жхаанам̣ бхавзяяа жад̇уран̇г̇ига’’нд̇иаад̣̇инаа буб̣б̣з бавад̇д̇ааж̇жхаасаяо. д̇зсамби ваад̣̇зд̇и зд̇т̇а батамат̇зраваад̣̇з. аяамзва…бз… нияамзд̇и д̇ад̇о д̇ад̇о д̣̇уд̇ияаад̣̇ибаад̣̇агаж̇жхаанад̇о уббаннасса сан̇каарубзгкаан̃аан̣асса баад̣̇агаж̇жхаанаад̇игганд̇аанам̣ ан̇г̇аанам̣ асамаабаж̇ж̇ид̇угаамад̇аа вирааг̇абхааванаабхаавад̇о ид̇арасса жа ад̇аб̣бхаавад̇о. зд̇знзва хи батамат̇зраваад̣̇з абаад̣̇агабатамаж̇жхаанабаад̣̇агамаг̇г̇аа батамаж̇жхаанигаава хонд̇и, ид̇арз жа д̣̇уд̇ияаж̇жхаанигаад̣̇имаг̇г̇аа баад̣̇агаж̇жхаанавибассанаанияамзхи д̇ам̣д̇ам̣жхаанигаава. звам̣ сзсаваад̣̇зсуби вибассанаанияамо яат̇аасамбхавам̣ яож̇зд̇аб̣б̣о. д̇знааха – ‘‘д̇зсамби ваад̣̇з аяамзва буб̣б̣абхааг̇з вудтаанаг̇ааминивибассанаава нияамзд̇ий’’д̇и. вуд̇д̇аава, д̇асмаа на ид̇ха вад̇д̇аб̣б̣аад̇и ад̇хиббааяо.
Etaṃ visesaṃ vipassanāya āvajjanaṭṭhānabhūtaṃ. Vuṭṭhānagāminiyā āsanne samāpannajjhānavipassanā pādakajjhānavipassanā, sammasitadhammoti vipassanāya ārammaṇabhūtā khandhā. Puggalajjhāsayoti pādakajjhānassa sammasitajjhānassa ca bhede sati paṭipajjanakassa puggalassa, ‘‘aho vata mayhaṃ pañcaṅgikaṃ jhānaṃ bhaveyya caturaṅgika’’ntiādinā pubbe pavattaajjhāsayo. Tesampi vādeti ettha paṭhamatheravāde. Ayameva…pe… niyameti tato tato dutiyādipādakajjhānato uppannassa saṅkhārupekkhāñāṇassa pādakajjhānātikkantānaṃ aṅgānaṃ asamāpajjitukāmatā virāgabhāvanābhāvato itarassa ca atabbhāvato. Eteneva hi paṭhamatheravāde apādakapaṭhamajjhānapādakamaggā paṭhamajjhānikāva honti, itare ca dutiyajjhānikādimaggā pādakajjhānavipassanāniyamehi taṃtaṃjhānikāva. Evaṃ sesavādesupi vipassanāniyamo yathāsambhavaṃ yojetabbo. Tenāha – ‘‘tesampi vāde ayameva pubbabhāge vuṭṭhānagāminivipassanāva niyametī’’ti. Vuttāva, tasmā na idha vattabbāti adhippāyo.
310. наанад̇д̇аад̣̇и гаамааважараад̣̇игусалаад̣̇ивибхааг̇ад̇о наанаавид̇хаа. д̇знааха ‘‘анзгаббагаараа’’д̇и. наанад̇д̇асид̇аад̇и руубасад̣̇д̣̇аад̣̇инаанаарамман̣аниссаяаа. згад̇д̇аа згасабхааваа ж̇аад̇ибхуумиаад̣̇ивибхааг̇аабхаавад̇о. згаарамман̣аниссид̇аад̇и згаббагаарзнзва аарамман̣з бавад̇д̇аа. хздтаа ан̃н̃аан̣убзгкаа вуд̇д̇аа ‘‘б̣ааласса мул̣хассаа’’д̇иаад̣̇инаа (ма. ни. 3.308). убари чал̣ан̇г̇убзгкаа вагкад̇и ‘‘убзгкаго вихарад̇ий’’д̇иаад̣̇инаа (ма. ни. 3.311). д̣̇вз убзгкаа г̇ахид̇аа д̣̇виннамби згад̇д̇аа, згаж̇жхам̣ г̇ахзд̇аб̣б̣ад̇о, наанад̇д̇асид̇ааяа убзгкааяа багаасид̇абхаавад̇о жа.
310.Nānattādi kāmāvacarādikusalādivibhāgato nānāvidhā. Tenāha ‘‘anekappakārā’’ti. Nānattasitāti rūpasaddādinānārammaṇanissayā. Ekattā ekasabhāvā jātibhūmiādivibhāgābhāvato. Ekārammaṇanissitāti ekappakāreneva ārammaṇe pavattā. Heṭṭhā aññāṇupekkhā vuttā ‘‘bālassa muḷhassā’’tiādinā (ma. ni. 3.308). Upari chaḷaṅgupekkhā vakkhati ‘‘upekkhako viharatī’’tiādinā (ma. ni. 3.311). Dve upekkhā gahitā dvinnampi ekattā, ekajjhaṃ gahetabbato, nānattasitāya upekkhāya pakāsitabhāvato ca.
ан̃н̃аан̣убзгкаа ан̃н̃аа сад̣̇д̣̇аад̣̇ийсу д̇ад̇т̇а д̇ад̇т̇зва виж̇ж̇амаанад̇д̇аа. руубзсууд̇и жа иминаа на гзвалам̣ руубааяад̇анависзсаа зва г̇ахид̇аа, ат̇а ко гасин̣аруубаанибийд̇и ааха – ‘‘руубз убзгкаабхааван̃жа ан̃н̃аа’’д̇иаад̣̇и. згад̇д̇асид̇абхаавоби ид̇ха згад̇д̇ависаяасамбаяог̇авасзнзва ижчид̇о, на аарамман̣авасзна жаад̇и д̣̇ассзд̇ум̣, ‘‘яасмаа банаа’’д̇иаад̣̇и вуд̇д̇ам̣. д̇знзвааха ‘‘д̇ад̇т̇аа’’д̇иаад̣̇и. самбаяуд̇д̇авасзнаад̇и самбаяог̇авасзна. аагаасаанан̃жааяад̇анам̣ ниссаяад̇ийд̇и аагаасаанан̃жааяад̇ананиссид̇аа, аагаасаанан̃жааяад̇анаканд̇ханиссид̇аа. сзсаасубийд̇и вин̃н̃аан̣ан̃жааяад̇ананиссид̇аад̣̇ийсуби.
Aññāṇupekkhā aññā saddādīsu tattha tattheva vijjamānattā. Rūpesūti ca iminā na kevalaṃ rūpāyatanavisesā eva gahitā, atha kho kasiṇarūpānipīti āha – ‘‘rūpe upekkhābhāvañca aññā’’tiādi. Ekattasitabhāvopi idha ekattavisayasampayogavaseneva icchito, na ārammaṇavasena cāti dassetuṃ, ‘‘yasmā panā’’tiādi vuttaṃ. Tenevāha ‘‘tatthā’’tiādi. Sampayuttavasenāti sampayogavasena. Ākāsānañcāyatanaṃ nissayatīti ākāsānañcāyatananissitā, ākāsānañcāyatanakhandhanissitā. Sesāsupīti viññāṇañcāyatananissitādīsupi.
аруубааважаравибассанубзгкааяаад̇и аруубааважарад̇хаммаарамман̣ааяа вибассанубзгкааяа. руубааважаравибассанубзгканд̇и зд̇т̇ааби зсзва наяо. д̇ааяа гаамаруубааруубабхзд̣̇ааяа д̇ан̣хааяа ниб̣б̣ад̇д̇аад̇и д̇аммаяаа, д̇збхуумагад̇хаммаа, д̇зсам̣ бхааво д̇аммаяад̇аа, д̇ан̣хаа яасса г̇ун̣асса васзна ад̇т̇з сад̣̇д̣̇анивзсо, д̇ад̣̇абхид̇хаанагод̇и ааха – ‘‘д̇аммаяад̇аа наама д̇ан̣хаа’’д̇и . ад̇аммаяад̇аа д̇аммаяад̇ааяа бадибагкод̇и гад̇ваа. вибассанубзгканд̇и, ‘‘яад̣̇ад̇т̇и яам̣ бхууд̇ам̣, д̇ам̣ баж̇ахад̇и убзгкам̣ бадилабхад̇ий’’д̇и (д̣̇ий. ни. 3.71; а. ни. 7.55) звамааг̇ад̇ам̣ сан̇кааравижинанз маж̇жхад̇д̇абхууд̇ам̣ убзгкам̣.
Arūpāvacaravipassanupekkhāyāti arūpāvacaradhammārammaṇāya vipassanupekkhāya. Rūpāvacaravipassanupekkhanti etthāpi eseva nayo. Tāya kāmarūpārūpabhedāya taṇhāya nibbattāti tammayā, tebhūmakadhammā, tesaṃ bhāvo tammayatā, taṇhā yassa guṇassa vasena atthe saddaniveso, tadabhidhānakoti āha – ‘‘tammayatā nāma taṇhā’’ti . Atammayatā tammayatāya paṭipakkhoti katvā. Vipassanupekkhanti, ‘‘yadatthi yaṃ bhūtaṃ, taṃ pajahati upekkhaṃ paṭilabhatī’’ti (dī. ni. 3.71; a. ni. 7.55) evamāgataṃ saṅkhāravicinane majjhattabhūtaṃ upekkhaṃ.
311. яад̣̇арияод̇и зд̇т̇а д̣̇а-гааро бад̣̇асанд̇хигаро, убаяог̇абут̇уважанз жа яа-сад̣̇д̣̇од̇и д̣̇ассзнд̇о, ‘‘яз сад̇ибадтаанз арияо’’д̇и ааха. гаамам̣ ‘‘арияо’’д̇и бад̣̇ам̣ саб̣б̣зсамби бадивид̣̇д̇хасажжаанам̣ саад̇хааран̣ам̣, вагкамаанасса бана висзсасса б̣уд̣̇д̇хаавзн̣игад̇д̇аа, ‘‘арияо саммаасамб̣уд̣̇д̇хо’’д̇и вуд̇д̇ам̣. на хи бажжзгаб̣уд̣̇д̇хаад̣̇ийнам̣ аяамаанубхааво ад̇т̇и. д̇ийсу таанзсууд̇и на суссуусанд̇ийд̇и ваа, згажжз на суссуусанд̇и згажжз суссуусанд̇ийд̇и ваа, суссуусанд̇ийд̇и ваа, бадибаннаабадибаннаанам̣ саавагаанам̣ бадибад̇д̇исан̇каад̇зсу д̇ийсу сад̇ибадтаанзсу. сад̇им̣ бадтабзнд̇од̇и бадигхаанунаязхи анавассуд̇ад̇д̇аа д̇ад̣̇убхаяанивад̇д̇ад̇д̇аа саб̣б̣ад̣̇аа сад̇им̣ убадтабзнд̇о. б̣уд̣̇д̇хаанамзва саа нижжам̣ убадтид̇асад̇ид̇аа, на ид̇арзсам̣ аавзн̣игад̇хаммабхаавад̇о. аад̣̇арзна сод̇умижчаа ид̇ха суссуусаад̇и д̇ад̣̇абхаавам̣ д̣̇ассзнд̇о, ‘‘сад̣̇д̣̇ахид̇ваа сод̇ум̣ на ижчанд̇ий’’д̇и ааха. на ан̃н̃аад̇и ‘‘на ан̃н̃ааяаа’’д̇и вад̇д̇аб̣б̣з яагааралобзна нид̣̇д̣̇зсод̇и ааха ‘‘на ж̇аананад̇т̇ааяаа’’д̇и. сад̇т̇у оваад̣̇асса анаад̣̇ияанамзва воггамананд̇и ааха – ‘‘ад̇иггамид̇ваа…бз… ман̃н̃анд̇ий’’д̇и.
311.Yadariyoti ettha da-kāro padasandhikaro, upayogaputhuvacane ca ya-saddoti dassento, ‘‘ye satipaṭṭhāne ariyo’’ti āha. Kāmaṃ ‘‘ariyo’’ti padaṃ sabbesampi paṭividdhasaccānaṃ sādhāraṇaṃ, vakkhamānassa pana visesassa buddhāveṇikattā, ‘‘ariyo sammāsambuddho’’ti vuttaṃ. Na hi paccekabuddhādīnaṃ ayamānubhāvo atthi. Tīsu ṭhānesūti na sussūsantīti vā, ekacce na sussūsanti ekacce sussūsantīti vā, sussūsantīti vā, paṭipannāpaṭipannānaṃ sāvakānaṃ paṭipattisaṅkhātesu tīsu satipaṭṭhānesu. Satiṃ paṭṭhapentoti paṭighānunayehi anavassutattā tadubhayanivattattā sabbadā satiṃ upaṭṭhapento. Buddhānameva sā niccaṃ upaṭṭhitasatitā, na itaresaṃ āveṇikadhammabhāvato. Ādarena sotumicchā idha sussūsāti tadabhāvaṃ dassento, ‘‘saddahitvā sotuṃ na icchantī’’ti āha. Na aññāti ‘‘na aññāyā’’ti vattabbe yakāralopena niddesoti āha ‘‘na jānanatthāyā’’ti. Satthu ovādassa anādiyanameva vokkamananti āha – ‘‘atikkamitvā…pe… maññantī’’ti.
г̇зхассид̇ад̣̇оманассавасзнаад̇и ид̣̇ам̣ ид̇ха бадигкибид̇аб̣б̣амад̇д̇ад̣̇ассанабад̣̇ам̣ д̣̇адтаб̣б̣ам̣. нзгкаммассид̇ад̣̇оманассассаби сад̇т̇у басан̇г̇авасзна ‘‘на жзва ад̇д̇амано ход̇ий’’д̇и ад̇д̇аманабадигкзбзна анад̇д̇аманад̇аа вуд̇д̇аа вияа ход̇ийд̇и д̇ам̣ бадисзд̇хзнд̇о – ‘‘аббад̇ийд̇о ход̇ийд̇и на звамад̇т̇о д̣̇адтаб̣б̣о’’д̇и. д̇асса сзд̇угхаад̇о хи д̇ат̇ааг̇ад̇аанам̣. яад̣̇и звам̣ гасмаа ад̇д̇аманад̇аабадигкзбод̇и ааха – ‘‘аббадибаннагзсу бана анад̇д̇аманад̇аагааран̣асса абхаавзнзд̇ам̣ вуд̇д̇а’’нд̇и. бадигхаавассавзнаад̇и чахи д̣̇ваарзхи бадигхависсанд̣̇анзна, бадигхаббавад̇д̇ияаад̇и ад̇т̇о. уббилаавид̇од̇и на звамад̇т̇о д̣̇адтаб̣б̣о уббилаавид̇ад̇д̇асса б̣од̇химуулз зва бахийнад̇д̇аа. бадибаннагзсууд̇и ид̣̇ам̣ ад̇хигааравасзна вуд̇д̇ам̣, аббадибаннагзсуби д̇ат̇ааг̇ад̇асса анад̇д̇аманад̇аагааран̣ам̣ над̇т̇зва. зд̇ам̣ вуд̇д̇анд̇и зд̇ам̣ ‘‘ад̇д̇амано жзва ход̇ий’’д̇иаад̣̇иважанам̣ вуд̇д̇ам̣ саавагаанам̣ саммаабадибад̇д̇ияаа сад̇т̇у анаваж̇ж̇ааяа жид̇д̇аараад̇ханааяа самбхавад̇о.
Gehassitadomanassavasenāti idaṃ idha paṭikkhipitabbamattadassanapadaṃ daṭṭhabbaṃ. Nekkhammassitadomanassassapi satthu pasaṅgavasena ‘‘na ceva attamano hotī’’ti attamanapaṭikkhepena anattamanatā vuttā viya hotīti taṃ paṭisedhento – ‘‘appatīto hotīti na evamattho daṭṭhabbo’’ti. Tassa setughāto hi tathāgatānaṃ. Yadi evaṃ kasmā attamanatāpaṭikkhepoti āha – ‘‘appaṭipannakesu pana anattamanatākāraṇassa abhāvenetaṃ vutta’’nti. Paṭighaavassavenāti chahi dvārehi paṭighavissandanena, paṭighappavattiyāti attho. Uppilāvitoti na evamattho daṭṭhabbo uppilāvitattassa bodhimūle eva pahīnattā. Paṭipannakesūti idaṃ adhikāravasena vuttaṃ, appaṭipannakesupi tathāgatassa anattamanatākāraṇaṃ nattheva. Etaṃ vuttanti etaṃ ‘‘attamano ceva hotī’’tiādivacanaṃ vuttaṃ sāvakānaṃ sammāpaṭipattiyā satthu anavajjāya cittārādhanāya sambhavato.
312. д̣̇амид̇од̇и ниб̣б̣исзванабхааваабаад̣̇анзна сигкаабид̇о. ирияаабат̇абаривад̇д̇анавасзна абаривад̇д̇ид̇ваа згад̣̇исааяа зва сад̇д̇ад̣̇исаавид̇хааванасса ид̇хаад̇хиббзд̇ад̇д̇аа саарид̇аанам̣ хад̇т̇ид̣̇аммаад̣̇ийнам̣ згад̣̇исаад̇хааванамби анивад̇д̇анавасзнзва яуд̇д̇анд̇и ааха – ‘‘анивад̇д̇ид̇ваа д̇хааванд̇о згам̣язва д̣̇исам̣ д̇хаавад̇ий’’д̇и. гааязна анивад̇д̇ид̇вааваад̇и гааязна абаривад̇д̇ид̇ваа зва. вимогкавасзна адта д̣̇исаа вид̇хаавад̇и, на бурад̇т̇имаад̣̇ид̣̇исаавасзна. згаббахаарзнзваад̇и зганийхаарзнзва, згасмим̣язва ваа д̣̇ивасз згабхааг̇зна. ‘‘бахааро’’д̇и хи д̣̇ивасасса д̇ад̇ияо бхааг̇о вужжад̇и. вид̇хааванан̃жзд̇т̇а жхаанасамаабаж̇ж̇анавасзна агалан̇гамаббад̇исаад̇ам̣ ж̇аванажид̇д̇абавад̇д̇анд̇и ааха ‘‘самаабаж̇ж̇ад̇иязваа’’д̇и. сзсам̣ сувин̃н̃зяяамзва.
312.Damitoti nibbisevanabhāvāpādanena sikkhāpito. Iriyāpathaparivattanavasena aparivattitvā ekadisāya eva sattadisāvidhāvanassa idhādhippetattā sāritānaṃ hatthidammādīnaṃ ekadisādhāvanampi anivattanavaseneva yuttanti āha – ‘‘anivattitvā dhāvanto ekaṃyeva disaṃ dhāvatī’’ti. Kāyena anivattitvāvāti kāyena aparivattitvā eva. Vimokkhavasena aṭṭha disā vidhāvati, na puratthimādidisāvasena. Ekappahārenevāti ekanīhāreneva, ekasmiṃyeva vā divase ekabhāgena. ‘‘Pahāro’’ti hi divasassa tatiyo bhāgo vuccati. Vidhāvanañcettha jhānasamāpajjanavasena akalaṅkamappatisātaṃ javanacittapavattanti āha ‘‘samāpajjatiyevā’’ti. Sesaṃ suviññeyyameva.
сал̣ааяад̇анавибхан̇г̇асуд̇д̇аван̣н̣анааяа лийнад̇т̇аббагаасанаа самад̇д̇аа.
Saḷāyatanavibhaṅgasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 7. сал̣ааяад̇анавибхан̇г̇асуд̇д̇ам̣ • 7. Saḷāyatanavibhaṅgasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 7. сал̣ааяад̇анавибхан̇г̇асуд̇д̇аван̣н̣анаа • 7. Saḷāyatanavibhaṅgasuttavaṇṇanā
