| Library / Tipiṭaka / ติปิฎก • Tipiṭaka / กถาวตฺถุปาฬิ • Kathāvatthupāḷi |
๑๔. จุทฺทสมวโคฺค
14. Cuddasamavaggo
(๑๓๗) ๒. สฬายตนุปฺปตฺติกถา
(137) 2. Saḷāyatanuppattikathā
๖๙๑. สฬายตนํ อปุพฺพํ อจริมํ มาตุกุจฺฉิสฺมิํ สณฺฐาตีติ? อามนฺตาฯ สพฺพงฺคปจฺจงฺคี อหีนินฺทฺริโย มาตุกุจฺฉิสฺมิํ โอกฺกมตีติ? น เหวํ วตฺตเพฺพ…เป.…ฯ
691. Saḷāyatanaṃ apubbaṃ acarimaṃ mātukucchismiṃ saṇṭhātīti? Āmantā. Sabbaṅgapaccaṅgī ahīnindriyo mātukucchismiṃ okkamatīti? Na hevaṃ vattabbe…pe….
อุปปเตฺตสิเยน จิเตฺตน จกฺขายตนํ สณฺฐาตีติ? อามนฺตาฯ อุปปเตฺตสิเยน จิเตฺตน หตฺถา สณฺฐนฺติ, ปาทา สณฺฐนฺติ, สีสํ สณฺฐาติ, กโณฺณ สณฺฐาติ, นาสิกา สณฺฐาติ, มุขํ สณฺฐาติ, ทนฺตา สณฺฐนฺตีติ? น เหวํ วตฺตเพฺพ…เป.…ฯ
Upapattesiyena cittena cakkhāyatanaṃ saṇṭhātīti? Āmantā. Upapattesiyena cittena hatthā saṇṭhanti, pādā saṇṭhanti, sīsaṃ saṇṭhāti, kaṇṇo saṇṭhāti, nāsikā saṇṭhāti, mukhaṃ saṇṭhāti, dantā saṇṭhantīti? Na hevaṃ vattabbe…pe….
อุปปเตฺตสิเยน จิเตฺตน โสตายตนํ…เป.… ฆานายตนํ…เป.… ชิวฺหายตนํ สณฺฐาตีติ? อามนฺตาฯ อุปปเตฺตสิเยน จิเตฺตน หตฺถา สณฺฐนฺติ, ปาทา สณฺฐนฺติ, สีสํ สณฺฐาติ, กโณฺณ สณฺฐาติ, นาสิกา สณฺฐาติ, มุขํ สณฺฐาติ, ทนฺตา สณฺฐนฺตีติ? น เหวํ วตฺตเพฺพ…เป.…ฯ
Upapattesiyena cittena sotāyatanaṃ…pe… ghānāyatanaṃ…pe… jivhāyatanaṃ saṇṭhātīti? Āmantā. Upapattesiyena cittena hatthā saṇṭhanti, pādā saṇṭhanti, sīsaṃ saṇṭhāti, kaṇṇo saṇṭhāti, nāsikā saṇṭhāti, mukhaṃ saṇṭhāti, dantā saṇṭhantīti? Na hevaṃ vattabbe…pe….
๖๙๒. มาตุกุจฺฉิคตสฺส ปจฺฉา จกฺขายตนํ อุปฺปชฺชตีติ? อามนฺตาฯ มาตุกุจฺฉิสฺมิํ จกฺขุปฎิลาภาย กมฺมํ กโรตีติ? น เหวํ วตฺตเพฺพ…เป.… มาตุกุจฺฉิคตสฺส ปจฺฉา โสตายตนํ…เป.… ฆานายตนํ…เป.… ชิวฺหายตนํ อุปฺปชฺชตีติ? อามนฺตาฯ มาตุกุจฺฉิสฺมิํ ชิวฺหาปฎิลาภาย กมฺมํ กโรตีติ? น เหวํ วตฺตเพฺพ…เป.…ฯ
692. Mātukucchigatassa pacchā cakkhāyatanaṃ uppajjatīti? Āmantā. Mātukucchismiṃ cakkhupaṭilābhāya kammaṃ karotīti? Na hevaṃ vattabbe…pe… mātukucchigatassa pacchā sotāyatanaṃ…pe… ghānāyatanaṃ…pe… jivhāyatanaṃ uppajjatīti? Āmantā. Mātukucchismiṃ jivhāpaṭilābhāya kammaṃ karotīti? Na hevaṃ vattabbe…pe….
มาตุกุจฺฉิคตสฺส ปจฺฉา เกสา โลมา นขา ทนฺตา อฎฺฐี อุปฺปชฺชนฺตีติ? อามนฺตาฯ มาตุกุจฺฉิสฺมิํ อฎฺฐิปฎิลาภาย กมฺมํ กโรตีติ? น เหวํ วตฺตเพฺพ…เป.…ฯ
Mātukucchigatassa pacchā kesā lomā nakhā dantā aṭṭhī uppajjantīti? Āmantā. Mātukucchismiṃ aṭṭhipaṭilābhāya kammaṃ karotīti? Na hevaṃ vattabbe…pe….
น วตฺตพฺพํ – ‘‘มาตุกุจฺฉิคตสฺส ปจฺฉา เกสา โลมา นขา ทนฺตา อฎฺฐี อุปฺปชฺชนฺตี’’ติ? อามนฺตาฯ นนุ วุตฺตํ ภควตา –
Na vattabbaṃ – ‘‘mātukucchigatassa pacchā kesā lomā nakhā dantā aṭṭhī uppajjantī’’ti? Āmantā. Nanu vuttaṃ bhagavatā –
‘‘ปฐมํ กลลํ โหติ, กลลา โหติ อพฺพุทํ;
‘‘Paṭhamaṃ kalalaṃ hoti, kalalā hoti abbudaṃ;
ฆนา ปสาขา ชายนฺติ, เกสา โลมา นขาปิ จฯ
Ghanā pasākhā jāyanti, kesā lomā nakhāpi ca.
‘‘ยญฺจสฺส ภุญฺชติ มาตา, อนฺนํ ปานญฺจ โภชนํ;
‘‘Yañcassa bhuñjati mātā, annaṃ pānañca bhojanaṃ;
อเตฺถว สุตฺตโนฺตติ? อามนฺตาฯ เตน หิ มาตุกุจฺฉิคตสฺส ปจฺฉา เกสา โลมา นขา ทนฺตา อฎฺฐี อุปฺปชฺชนฺตีติฯ
Attheva suttantoti? Āmantā. Tena hi mātukucchigatassa pacchā kesā lomā nakhā dantā aṭṭhī uppajjantīti.
สฬายตนุปฺปตฺติกถา นิฎฺฐิตาฯ
Saḷāyatanuppattikathā niṭṭhitā.
Footnotes:
Related texts:
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๒. สฬายตนุปฺปตฺติกถาวณฺณนา • 2. Saḷāyatanuppattikathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-มูลฎีกา • Pañcapakaraṇa-mūlaṭīkā / ๒. สฬายตนุปฺปตฺติกถาวณฺณนา • 2. Saḷāyatanuppattikathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-อนุฎีกา • Pañcapakaraṇa-anuṭīkā / ๒. สฬายตนุปฺปตฺติกถาวณฺณนา • 2. Saḷāyatanuppattikathāvaṇṇanā
